مشاكل الازواج

اريد الرجوع الى زوجي وابي يطلب الطلاق

انا عندى مشكلة انا صاحبة الرسالة اللى عنوانها زوجى يهيننى ويمنعنى من زيارة اهلى الحقيقة انا مشكورة لكل اللى ردوا عليا بس جوز بيرسل لى الان عاوزنى ارجع علشان بنتى ووالدى رافض رجوعى نهائى وهو ارسل ناس كتير يرجعونى له وبابا رافض خالص وهنا فى بيت والدى انا مش سعيدة بالغرغم من قسوة جوزى لكن حياتى عنده اعون من عند والدى بابا رافض رجوعى وبيقول للناس اللى عاوزين يرجعونى له لو الموضوع مانتهاش سلمى يعنى طلاق انا هشتكى بعد الانتخابات مايخلص بالرغم من ان والدى زيه زى جوزى بالضبط كان بيعامل امى كدا وكما تدين تدان جه له زوج بنت بيعمل كل اللى عمله ف شبابه وبيقولى لو حد سالك وقال لكى ترجعى تقولى لاء يااما هسمك وهموتك هنا وهرمى بنتك له انا مش عارفة اعمل ايه العيله عند جوزى بيعلموه الادب دلوقتى علشان يحرم يعاملنى وحش تانى وسيبينه يترقص علشان يعرف ان الله حق لكن والدى بيقول هطلق منه هل الطلاق بايد والدى وعيلت جوزى رافضة الطلاق وبيقولوا لى المفروض والدك يقدر ان فيه بنت هتتشرد ف الاخر واننا رافضين الطلاق احنا هنسيب والدك لما يهدى ونرجع تانى وانا مش عاوزة احرج والدى واقول ادام الرجالة انى عاوزة ارجع واخاف الرجع جوزى يعاملنى وحش برضه بالرغم من انه كريم مع بنته اوى ويلبسها اشيك الهدوم بس فى حقى انا المادية بخييييل اووى بس انا بشتاق له اوى والظاهر انى لما بعت عنه انى بحبه قووووى رغم قسوته لى اعمل ايه اغيثونى والنبى

مشاكل وحلول ذات صلة

اضيف بتاريخ: Saturday, December 10th, 2011 في 09:53

كلمات مشاكل وحلول: , , , ,

24 رد to “اريد الرجوع الى زوجي وابي يطلب الطلاق”

  1. ابوالبتول
    23/10/2017 at 23:08

    الاخت الفاضلة -نور القران – قرات قصتك بالكامل وتالمت كثيرا لما حصلك من هذا الزوج الحيوان السافل الحقير اللي لاعنده ذرة من الرجولة ولا المرؤة ولا الكرامة كل تصرفاته معك تؤكد انه شخص مافي قلبه رحمة ولايعرف ربنا ولاخير في العيشة معاه ابدا ليه عاوزه ترجعي له بعدكل اللي عمله فيك صدقينى انك غلطانة جدا لورجعت له مهماكانت الظروف ابوك معه الحق في انك تتطلق منه وتصوني كرامتك وكرامة اهلك اسمعي كلام اباك واياك ان تخالفيه او تخرج عن شوره وطاعته الاب لايتعوض يابنتي لكن الزوج يتعوض وهتلاقي غيره ابقي في بيت ابوك معززة ومكرمة حتى تتطلق من هذا الحيوان السافل وتخلص منه للابد وربنا بيكرمك بالزوج الصالح اللي يستاهلك ويقدرك ويصون مشاعرك ويسعدك طوال العمر ومسالة البنت لن يقدران ياخذها منك تبقى الحضانة لك وهو ملزم بالنفقة والمصاريف لابنتك الصغيرة حتى تكبر وربنا يصلح لك الحال ويوفقك ويبارك لك في بنتك ويسترعليكم جميعا

  2. الفهدالاسود
    24/05/2016 at 13:37

    شوفي يااختي ماحدش يمنعك من الرجوع لزوجك ابو بنتك حتى لوكان ابوك وممكن تقنعي والدك برغبتك في الرجوع لزوجك علشان خاطر البنت الطفلة البرئية اللي مالها ذنب في كل اللي بيحصل ده وتكسبي رضاابوكي وتخلي احد من الناس الكبار العقلاء من اقاربكم عم اوعمة اوخال يتكلم معه علشان يرضى انك ترجعي لبيتك وزوجك وصدقينى ابوكي صعبان عليه يشوفك تنذلي وتنضربي من هالزوج ويعاملك بهذة القسوة اومايصرف عليه كماقلت انه بخيل معك فمن الافضل ان يسترظ والدك على زوجك بان يكتب لك مبلغ من المال باسمك في البنك او يكتب الشقة باسمك وهذا ضمان لك بان زوجك لن يسي معاملته لك او يحرمك من حقك في النفقة والمصاريف لانه كاتب على نفسه ذلك الشرط وسوف يعمل لتصرفاته معك الف حساب وده من وجهة نظري هوالمفروض يتعمل مع هالزوج لكي يعرف قدرالحياة الزوجية ويحترمها ويصونها والله يصلح احوالكم ويسعدكم ويولف بينكم على الخير نشاءالله

  3. ابواميرة
    05/12/2012 at 22:31

    يابنتي انا اب لخمسةبنات زوجت 2 وفاضل 3 ربناحيكرمهم وانت زي بنتي ومش عاوزك تكسري كلمة ابوك مهماكانت الظروف ابوك يدور مصلحتك انتي وبنتك ومش عايزك تتبهدلي وتتهاني من راجل داه ارضي ابوك وماتخرجي عن طوعه ابد الزوج ممكن يتعوض لكن الاب مش حيتعوض وفقك الله واصلح حالك

  4. محمود
    15/04/2012 at 23:34

    يابنتى مش فاكرة امك وابوكى اقبل متزوجى بيقولوا يارب يسترك يابنتى وتتجوزى حتى لو تنفع عنينة بسي تجوزى دلوتى بعد الجواز وربنا كرمك ببنت وبيت وباقيتى صاحبة بيت تخربى بيتك لالالالالالالالا هل ابوكى مضربش امك قبل كدة فكرى بعقلك كلة امور بسيطة مش تخلية تكبر وسمحى جوزك عشان هو يسمحك انتى حرمة من حقوقة الشرعية وحرمة نفسك لية دة كلة لا الاهلى بتنسى هل ابوكى مش حصل مشكلة مع امك وهل كان حما بيعمل معا كدة ولا عشان القوانين فى صف المراؤ يضيع حخق الراجل ونهينى ونخرب بيوتة اتقى الله واقولى لبوكى يتقى الله وادعيلى عشان انا بردة فى نفس المشكلى مع مراتى

  5. المهاجر
    04/03/2012 at 04:46

    السلام عليكم يا اختى انا محامى
    ان الحقيقة ان زوجك يستطيع ارجاعك له غظب عنك وعن ابوكى فى بيت الطاعة قولى لوالدك ارجع بكرامتنا احسن ما ارجع غظب عنا هذا اولا
    ثانيا والدك مش هيعشلك زوجك وبيتك اولى
    ثالثا ضل راجل ولا ضل حيطه على ما بيقولوا النساء
    رابعا استحملى زوجك
    ممكن والدك عاوزك فى البيت علشان تخدميه ليس لمصلحة لك واعرف ان الله قال لو امرت الزوجة تسجد لغيرى لاامرتها ان تسجد الى الله توكلى على وارجعى بيتك بكرامتك بدل غظب عن ابوكى وساعتها لن يسمح له زوجك بدخوله البيت لزيارتك
    والله الموفق

  6. ساره
    17/01/2012 at 04:04

    جبيبتي جوزك صعب انه يتغير لانه اللي في طبع صعب يبعد عنه ,علشان تغيري جوزك محتاجه وقت كبير وصبر اكتر وهيتغير ان شاء الله لكن محتاح صبر منك لانه اللي اتزرع في جوزك من 20 سنه مش هتقدري تغيريه في شهر ,المهم شوفي انتي عاوزه ايه عاوزه جوزك بكل عيوبه وبيتك ولا عاوزه تطلقي ,لو جوزك قالك هتغير ما تصدقيش هيتغير فتره ويرجع لطبعه انتي دلوقتي اختاري عاوزه ايه جوزك ولا الطلاق,لو اخترتي جوزك انتي باسلوبك اقنعي والدك واوعي ترجعي غصب عنه وتكسري كلمته انتي لما جوزك هانك رحتي لوالدك علشان هوا يتصرف فخليكي حكيمه يا حبيبتي,اوعى تفتكري انك بتعاني لوحدك لا والدك برده تعبان اكتر منك يكون جزاه كده ترجعي غصب عنه وربنا يوفقك

  7. الصابره
    05/01/2012 at 13:09

    اسمعي يابنتي انا من الي قرئته عن قصتك هذا الرجال مالة امان اوعي تعصي ابوكي هو ادرا بمصلحتك ما هذا الحيوان الذي يضلاب طفل في الاربعين هاذ لايسما انسان صدقيني انتي لا بتحبيه ولا ضراب السخن مجرد نزوه للجنس صدقيني وهذا من حقك لكن احترمي نقسك وابوكي وصلي لعل الله يجعل لكي مخرج صدقيني اذا رجعتي راح تندمي وانتي حره

  8. Black skill
    05/01/2012 at 13:01

    بقولك

    إيه نصيحه إسمعيها مني خدي قرارك مش كل شويه تسألي حد تتصرفي إذاي إنت مش عندك دماغ تفكري بيها
    وأفهمي إن مفيش حاجه إسمها حلول وسط يا كده يا كده
    فكري و خدي قرارك إنت مش صغيره

  9. نرمين
    03/01/2012 at 14:17

    أرجعى لجوزك
    و ربنا هيقف جنبك حتى لو والدك غضب شوية هيهدى
    لكن لازم تستحملى و ما تخرجيش تانى مهما حصل
    علشان بنتك تتربى بينكم و إنتى أساساً بتحبيه فليه العذاب ؟؟؟

  10. جومانه
    26/12/2011 at 18:14

    نور القران الله يكون فى عونك ربنا معاكى

  11. جومانه
    26/12/2011 at 18:12

    صلى وادعى ربك يمكن يكون ربنا الا بيعمل كد علشان جوزك مش فى خير مش تزعلى انتى اسمعى كلام ابوك دايما اعملى نفسك حزينه طوله الوقت بس اوعى ترجعى غصب عن ابوكى لان الرجاله مش لهم امان ممكن يضرتك فى اى وقت

  12. زول خبرة
    25/12/2011 at 21:19

    بعد هذه التطورات الاخيرة ارى ان تحتكمى لماامر به الله وهو:—
    1- أن تطيعى والدك فعسى ان يكون فى ذلك خير لاتعلمينه فرضاء الله من رضاء الوالدين

  13. صاحبة المشكلة
    24/12/2011 at 15:41

    السلام عليكم انا من اسبوع سبت البيت لبابا لان جه واحد صاحبة وقال له ان بنتك عاوزة ترجع فبابا سالنى امام الرجل دا وقلت اه فحلف انى مش راجعة لجوزى واخد موبايلى منى وقال والله لزلك يابنت الكلب فتانى يوم اخدت بنتى ورحت لعمتى ولما قاموا من النوم مش لقونى ف البيت قالوا انى روحت لجوزى فاتصل عمى عليهم وقال انى بخير علشان ميقلقوش عليا ولما روحنى عمى قعدوا واقنعوا بابا برجوعى ودا يكون اخر فرصة لجوزى لو حصل تانى يكون طلاق المهم بابا قال ماشى ومن يومين جت عمتى قومت بابا عليا لانها رافضة رجوعى فبابا قال والله ماانتى راجعة يابنت الكلب وانا مش عارفة اعمل ايه مع بابا

  14. جومانه
    15/12/2011 at 09:12

    السلام عليكم انتى فهمى ابوكى براحه تفهمى معاه بس اوعى ترجعى غصب عن ابوكى علشان لو حصل اى حاجه بعد كد ابوكى ها يقول مش انا قولتك انا ماليش دعوه لزم اتفهمى معاه قولى الى ابوكى ده اخر مره علشان لو روحتى غصبن عنه جوزك مش ها يقدر ها يلزلك

  15. زول خبرة
    15/12/2011 at 08:56

    اضافة لنصحيتى السابقة ولكل البنات الرجل الذى يحب صادقا البنت ويريد الزواج منها له صفات:-
    1- لاييسعى للخلوة بها ولايطلب منها الخروج دون علم اهلها
    2-لايفكر اطلاقا فى لمس جسدها او حتى النظر اليها بشهوانية
    3-لايتطرق اطلاقا معها عن الحديث فى الجنس لامن قريب او بعيد
    4-يسعى للتعرف على افراد الاسرة والتقرب منهم ويعطى التفاصيل الدقيقة عن اسرته وحياته .
    اللهم يارب العباد اسعد البنات باولاد الحلال وابعد عنهم اولاد الحرام الملاعين لانك تدرى انهن ضعيفات ولاحيلة لهن امام الفاسدين والغشاشين والثعالب.

  16. زول خبرة
    15/12/2011 at 07:30

    الملاحظ ان اغلب مشكلات البنات سببها:-
    1-عدم المعرفة الحقيقية لمفهوم الحب فاصبح الوهم واللعب والاستهبال والغش والخداع عندهم حبا
    2- الاستعجال وعدم الدراسة العميقة الكافية للحبيب المزعوم هى اهم اسباب البلاوى
    3- يجب على الوالدين او اهل البنت ان يتحروا جيدا بانفسهم عن الشخص واسرته ولايقتنعوا برأى البنت بمفردها لانها قليلة تجربة.
    4-الوالدين يكونون اكبر تعاسة وشقاء عندما لاتتوفق البنت فى حياتها الزوجية

  17. etqan54
    14/12/2011 at 13:17

    طالما انت ترغبى فى العودة الى زوجك ووالدك رافض فوالدك يعتبر مخالف شرعاً ويسمى بلغة القرآن عاضل اى ان يمنع الولى ابنته من ان ترجع لزوجها

  18. الطياؤ الرايق
    13/12/2011 at 07:42

    صباح الخير ما احنا قولنا قبل كده اقعدى معاه وقوليلو ادى لزوجى فرصه اخيره وشوفى حد قريب منه بيعرف ياثر عليه علشان يوافق وطول ما انتى ماشيه فى طريق الاصلاح لبيتك اكيد ربنا هيكرمهك ووالدك يهدى ويوافق وانتى مش بتعصى والدك ولا بتحرجيه قدام اى احد ده بيتك وبتحافظى عليه والدى على عينى وراسى بس بيتى اهم وبنتى اهم / المحامى

  19. صاحبة المشكلة
    12/12/2011 at 15:45

    انا نور القران دى حكايتى كلها اقرا الرسالة بتاعتى والقصة كلها بس بابا رافض نهائى وبيقول لازم تتطلقى منه هل بايد ابويا الطلاق انا عاوزة اربى بنتى اما عن زوجى فتعلم الادب لما عرف انه هيخسر بيته وبنته ومراته احرج ابويا امام الرجالى اللى تيجى ولا اعمل ايه بس مش عارفة

  20. etqan54
    11/12/2011 at 11:04

    من كلامك ومن المفاضلة بين زوجك ووالدك اظن الافضل ان تعودى لبيتك ولزوجك واظن انه سوف يعملك افضل من الاول واتركى والدك حتى يهدأ وكلميه فى انك عاوزة تربى ابنتك مع ابيها وكررى امامه ان اكيد زوجك تعلم الادب من خلال موقف ابيك منه واشكرى له تصرفه وان اصر على موقفه وسطى اى شخص من اقاربك لكى يقنعه برغبتك فى العودة لبيت زوجك وتربية ابنتك معه وان شاء الله سوف يلين قلبه والله الموفق والمستعان

  21. الطيار الرايق
    11/12/2011 at 08:05

    ارجعى لبنت وزوجكك مهما كان الثمن ومش معنى كده انك تعصى والدك او تهينيه قدام الرجاله شوفى حد يكون ليه تاثير على والدك ويكون قريب منه يكلمه ويهديه ويقوله دى اخر مره لو عمل كده تانى هنطلقها منه على ما يوافق برجوعك وخلى اهل جوزك يكلموة فى كده ادى الولد فرصه اخيره زوجته ترجعله وعلشان بنتها متتشردش فى الشوارع واذا حصل منهتانى انه زعلها احنا اهله الا هنطلقها منه لانها زى بنتنا وربنا يهديلك الحال ويهدى زوجكك الهمجى /المحامى

  22. نور القران
    10/12/2011 at 16:44

    انا مش عارفة اعمل ايه فى المشكلة دى اعصابى تلقت خالص حياتى وبنتى اعمل ايه

  23. نور القران
    10/12/2011 at 16:42

    انا متزوجة منذ عامين ونصف ولدى طفلة عمرها عام ونصف جوزى ضربنى من اول اسبوع جواز علشان السبوع ووالدتى قالت لى تاخدى فلوس ولا نجيب فاكهة فطلبت فلوس فزوجى اعترض على المبلغ وطلب مبلغ كبير المهم ضربنى وهزقنى كنت بدرس لسة فى الجامعة ليسانس حقوق جامعة عين شمس اخر سنة المهم ظهرت نتيجة الترم الاول وكنت شايلة مادة فضربنى وهزقنى وطردنى من البيت باللبس اللى عليا فروحت ووقلت لوالدى المهم بعت ناس يرجعونى له بعد جلسات روحت له رجع يضرب تانى وشتم باهلى شتايم انا مش بستحملها نهائى اضريت ارد عليه يقولى حاجة اقول اهو انت ثم منعنى من اهلى اعتقادا منه انهم يحلاضونى عليه انى ارد عليه ثم حملت بالطفلة اللى معايا دلوقتى ولما سالت الدكتور بنت ولا ولد قال لى عروسة غضب زوجى جداا انها بنت وليست ولد بالرغم من انه اول يوم زواج قال لى متزعليش لو الحمل اتاخر شوية علما بانه مريض سكر وزمايلة ليس بهم اى مرض اللى بقاله 5سنوات واللى 10سنوات ولم ينجبوا فقال انا مريض سكر اكيد الحمل هيتاخر فقلت له انا لم يهمنى حمل المهم انت وبس فلما عرف انها بنت غضب جداااا ولما اتت للحياة ووضعت يضرب فيها وهى عمرها 40 يوم ويقول علشان اربيها فقلت دى طفلة تربية ايه اللى هتربيها لها دلوقتى حرام عليك البنت متحبش دلوقتى تقعد معاه لوحدها نهائى من كتر قسوته عليها عاوزانى علطووول المهم حصل انى سبت البيت له لتانى مرة بس انا المرة دى انا اللى سبتها لسوء معاملته لى ضرب وشتايم وسب دين وانه مبيصليش ومش بيصوم رمضان الا ايام قليلة منه وان صام بيصوم الايام دى عن الاكل فقط لكن سب وضرب واهانات وعدم صلاة فسبت البيت ورحت بيت والدى عقدت فترة 3شهور ولما بعت حد يرجعنى له والدى رفض وبعد جلسات كتيرة اوى اوى رجعت له علشان البنت تتربى فى حضن والديها على امل التغير لكن الامر زاد سوء لم يتغير للاحسن بل للاوحش قلت استحمل علشان بنتى يقول لبنتى اشتميها وقولى لها ياحمارة ياجموسة ويا ***** ولانها طفلة فبتردد الالفاظ دى وهى لم تعرف شى فلما اجى اصلى بنتى تقف بجوارى تقلدنى ومن فترة وانا بصلى كانت تبكى عاوزة تلبس حجاب زى علشان تعرف تصلى وذهبت لوالدها بنفس اللفظ وقالت بابا قوم صلى قوم صلى ولم يستجب لها طبعا ووالدى حاسس انى مش سعيدة معاه وانى بى شى وانا خايفة اقول له لانى لو قلت له هيكون طلاق منه لانه وقه له 2 يمين طلاق ولو زهبت لوادى هيكون رقم 3 ومن اسبوع كنت بنظف الشقة واستلفت بور انظف الاجهزة عندى ولما اتى من العمل قلت له انى استلفت من فلان البور شتمنى وطردنى بالرغم من انه كان مريض جداااا جداااااا وكنت بجواره فى مرضه وسهرانه جنبه لكن لم يحفظها لى طردنى وقال هات لى حد اتفاهم معاه علشان استلفت من احد الجيران البور وشتمنى وانا لو زهبت لوالدى المرة دى لم ارجع له نهائى فزهبت لاحد اصدقاء والدى وجاء معى وحل الموضوع بس هو حلف يمين طلاق انى لم ازهب لاهلى الا بمزاجه ووالدى حاليا مريض ولما قلت له رفض انى اروح له واشوفه وقال فى العيد الاضحى لم تزهبى لهم ايضا ويقول للبنت انا هخليكى تنسى الاشكال ال**** دلو على اهلى بالرغم من انه محروم من اهله ولم يسالوا عنه نهائى ويتم الاب ابوه طلق امه ورماه ولم يسال عنه طوال حياته وكل مايحب يلوى دراعى يحلف يمين طلاق كانه لبانه فى فمه ولما يساله حد قصدك طلاق ولا تهديد فكبريائه تمنعه من الحقيقه يقول لاء طلاق علشان يلوى دراعى اكتر انا دلوقتى محرومة من اهلى بقالى شهر ولم اعرف عنهم شى بالرغم من انى متزوجة قريب منهم مازا افعل اريد حلا ارجوكم افيدونى ابى لو علم باللى بى هيبهدلنى لانه حاسس وسالنى كم مرة وقلت انى سعيدة وهو اتغير وبقى كويس وهو العكس ولو روحت لهم هيكون الطلاق وهيبهدلونى لانى لم اصارح اهلى باللى بى مازا افعل اغيثونى

    1انا ذهبت لاهلى بعد ماطردنى زوجى من البيت اول يوم العيد قال لى تعالى نخرج للعيلة عنده المهم روحت معاه وفى الطريق قابلت والدى وزوجى كان سابقنى بخطوات المهم لما وقفت اسلم عليه زوجى زعق لى وحلف يمين طلاق انى مش هروح ازورهم تانى يوم العيد بعدماكان وافق انى اروح من غير البنت المهم روحنا عند اخته ومشينا ولما وصلنا لبيت عمه قال لى روحى انتى قلت له طالما طلعنا مع بعض نروح مع بعض المه قال لى لاء روحى انتى وكان الوقت 10ونصق بالليل طيب اروح لوحدى ازاى وفية ناس بتتخطف فة البلد المهم روحت وحلفت فى نفسى انى معنتش هخرج معاه جينا تانى يوم العيد قال لى تعالى نروح لبنت اخته فرفضت فحلف يمين انى مش هقعد ف البيت وانى هكون طالق لو مطلعتش معاه فروحت لاهلى وقلت لهم ووالدى حلف انى مش راجعة له تانى وهيكون طلاق وفية ناس جايين يصالحنى من عيلته بس بابا رفض وقال لى لو حد سالك قولى له انك مش عاوزة ترجعى له واما هرمى بنتك له يربيهاولو البنت عيطت او اتشاقت بابا يزعق لها ويشتمها انا خايفة مش عارفة اعمل ايه بابا طلب لبسى كله وجالى اللبس وبابا حالف انى مش راجعة تانى له وانا هنا عايشة ف تعاسة عند بابا ماما صاعبة معايا اعمل ايه انا تعبت اوى وخايفة بنتى تكبر تكهرنى اعمل اية واقول ايه لما تكبر

  24. طريق النجاة
    10/12/2011 at 12:32

    الزوج البخيل كارثة والزوج العصبي الذي اعتاد اهانة وضرب زوجته كارثة اكبر وهذه الصفات للاسف مجتمعة في زوجك والذي يقف حاجباً امام رغبتك العودة الى زوجك ورغبة والدك في طلاقك منه هو شعورك بما يشبه الحب لزوجك لانني لا ارى من خلال تجربتك مع زوجك ان هناك حب بمعنى هذه الكلمة فالحب كما يعرفه البشر هو الرحمة بين الزوجين وللوقوف أمام هذه المشكلتين وهي ( البخل ) من جه والعودة الى زوجك من جهة اخرى فانا ارى ان تجلسي مع والدك وان تجدي معه حلا مناسباً يرضيه ويرضيك ويجبر زوجك على احترامك وعدم البخل عليك وعلى حياتكم الخاصة وانصح في مثل هذا الامر بان يعرض والدك على زوجك شرطاً لقبول عودتك اليه الا وهو ان يكتب لك مبلغاً كبيراً من المال باسمك في البنك او شراء شقة باسمك او كتابة شيك بمبلغ كبير باسمك يحتفظ به والدك لقدر الله في حالة عودة زوجك الى افعاله المشينة معك فوقتها سوف يعمل لتصرفاته الف مليون حساب لان البخيل لا يؤلمه الا الذي يحاول ان يعض رغيفه فقلبه اهون عليه في من يحاول عضه والله المستعان .

اترك رداً أو حلاً لهذه المشكلة