بسم الله الرحمن الرحيم
اانا بنت عندي 22سنة الحمدلله اخلاقي كويسة بشهادة الجميع ومتدينة الحمدلله وباذن الله داخلة في مشروع خطوبة في الاجازة ان شاء الله لبني ادم اخلاق جدا ومتدين وملتحي المشكلة انة اول حب لية وبصراحة من كتر المشاكل الي قراتها هنا في موقع مشاكل وحلول مع متابعتي له جاتلي عقدة نفسية هو الراجل عايز البنت اللي يتجوزها دي اية مرة اسمع مبقتولش كلام حب اصلها باردة ومبتحبنيش ومرة اسمع متجاوبة معايا انا بشك فيهادة غير مشاكل بعد الجواز طبعا اللي تعقد اكتر
دة غير خوفي اني اواجة مشاكل زيها لاني بصراحة قليلة الثقة في نفسي شوية ومعنديش خبرة في الحياة
بصراحة انا مش عارفة يعني البنت تعمل اية عشان ترضي خطيبها وبعد كدة ان شاء الله زوجها انا عارفة ان المفروض رضي ربنا في الاول والاخر بس بردة متحيرة
ياريت يا اخواتي تفيدوني الراجل يحب اية في زوجتة اكيد في صفات مشتركة للرجال صح ولا اية
طالما شخص متدين فهنيئا لك به…
فلن يطلب منك إلا خيرا،،، والرجل العاقل المتدين المحب لخطيبته لن يطلب منها ما يضرها….
فأنا إن كنتُ شخص متدين،،، فلن أقبل أن أخلو بخطيبتي أو أكلمها بما يمس مشاعرها حتى وإن أرادت هي ذلك،،، فكما لا أريده لأختي فلا أريده لخطيبتي،،، وما أدراني إن فعلت ذلك ألا يفتضح أمرنا،،، وقد أتركها لسبب إرادي أو غير إرادي كالموت أو المرض…
فإن كان خطيبك لا يغار عليك من نفسه قبل الجميع فإنه لا يحبك….
والغيرة لا تتمثل في عدم الثقة أو الخلافات،،، وإنما تتمثل في رفضه لملابس معينة أو رفضه لطريقة تعامل معينة منك للغير أو رفضه خروجكما معا بغير محرم لك… فما أجمل الخطوبة في هذا النطاق الرائع الذي يتمم الله على من اقتفى أثر هذه الطريقة….
ولا تفقدي الثقة في نفسك….
ومبارك عليكِ مقدمًا….
مبروك وربنا يسعدكم مالكيش دعوه بمشاكل حد عيشى حياتك بمراحلها متسبقيش الاحداث اتمسكى بالاخلاق والرومانسيه البريئه وخليكى جدعه مع خطيبك ومتكونيش سهله المنال ولما تتجوزى ان شاء الله راعى ربنا فيه وعامليه بما يرضى الله ومتخجليش من علاقتك بيه بلاش تحسسيه بفراغ عاطفى او انه محتاج حاجه من حد غيرك خليكى امه واخته وصديقته ومراته وحبيبته ويكون الاساس فى المعامله الاحترام المتبادل والتقدير والحب لان معظم المشاكل بسبب البرود الجنسى بعد الجواز او الاحساس بالفراغ العاطفى بس يا ستى واللى تخافى منه متلاقيش احسن منه
ملكيش دعوه بمشاكل حد اقرئيها عشان تستفيدى منها مش تكون عقبه فى حياتك او هاجس بالنسبه لك خليكى ديما حريصه فى كلامك حاولى تخليه يحترمك ويخاف على مشاعرك ويحبك ده عمره ما هيكون الا بحياءك ساحكى لكى قصه رجل يتحدث فيحكى ما دار قصة فيها المعني الحقيقي وما يحبه الرجل في المرأة
حياؤها و خجلها و الذين يعكسان انوثتها
الحنان والعطف والعطاء و التضحيه و الايثار و الحب و القوه تعكس امومتها
حسن التصرف و الانوثه والامومه و الصبر و الاخلاص و الثقافه ان امكن تعكس انها زوجه صالحه
تخاف الله مؤمنة مطيعة لربها و زوجه تعكس امرأه مثاليه هذا ما يجب ان نبحث عنه
واضافة الى ذلك جمال الروح ، ليس بعده جمال
و جمال الروح يعتمد على الاحساس و هو ارقى جمال لننا لا نحتاج حواس الجسد لكي نلمسه بل حواس الروح يرعاها الله و يبارك فيها لانها لا تعرف الا الفضيلة
خرجت لي نفسي الأمارة بالسوء ، وقالت : ابن محمد متى تزداد المرأة جمالاً في عينيك ؟
قلت : ولماذا هذا السؤال ؟!
قالت : إن صدقتك تصدقني ؟
قلت : أفعل إن شاء الله .
قالت : معلمنا الأكبر يعكف على دراسة وإحصاء أكثر الأسباب التي تجعل المرأة تزداد جمالاً في عين الرجل .
قلت : ولماذا هذه الدراسة ؟!
قالت : هو يريد عمل موسوعة منهجية يتم توزيعها على شياطين الإنس والجن ، فمعلمنا الأكبر يريد أن ينقل أسلوب عملنا إلى أساليب عملية مدروسة .
والآن أخبرني متى تزداد المرأة جمالاً في عينيك ؟
قلت : وهل لديكم طرق وأشكال تجعل المرأة أكثر جمالاً في عين الرجل ؟
قالت : نعم . يوجد الكثير من الطرق والأشكال ، حيث أن كل رجل يميل إلى طريقة أو شكل .
قلت : وما رأيك أن تذكري لي هذه الطرق والأشكال وأنا أختار منها ؟
قالت : لا بأس …. هل تعجبك المرأة البيضاء أم السمراء ؟
قلت : لا هذه ولا تلك !
قالت : المرأة ذات الشعر الطويل أم القصير ؟
قلت : لا هذه ولا تلك !
قالت : تعجبك المرأة النحيلة أم البدينة ؟
قلت : لا هذه ولا تلك !
قالت : هذه أشهر الأشكال . فلننتقل إلى الطرق …
هل تعجبك المرأة السافرة عن شعرها ونحرها ؟
قلت : لا .. لا تعجبني .
قالت : تعجبك المرأة التي تلبس البنطال أم القصير ؟
قلت : لا هذه ولا تلك !
قالت : تعجبك المرأة التي تبدي كتفيها وفخذيها ؟
قلت : لالا .. لا تعجبني !
قالت : تعجبك المرأة المتكسرة بمشيتها الضاربة برجلها الخاضعة بصوتها ؟
قلت : لا .. لا تعجبني .
قالت : ابن محمد !! لم يعجبك شيء مما ذكرت !! لم يعد لدي شيء أذكره !
قلت : معقول !! تأملي !! تذكري !!
…….. صمت …….
ابتسمت ابتسامة صفراء و قالت : يا شقي !!!
قلت : !!!! ماذا !!!!!!
قالت : أتعجبك المرأة بملابس البحر !!؟
قلت : ( يخ ) لا . لا تعجبني .
…….. صمت …….
ابتسمت ابتسامة خبيثة وقالت : يا لئيم !!
قلت : !!!! ماذا !!!!!!
قالت : أتعجبك المرأة عندما تغلق الأبواب وتقول هيت لك !!!؟
قلت : قبحك الله يا نفس سوء … ما أفسدك وأفسد خلقك !!!
قالت : والله ما بقي عندي شكل ولا طريقة إلا ذكرتها لك ! قل بالله عليك …
متى تزداد المرأة جمالاً في عينيك ؟؟؟
قلت : حسناً أخبرك الآن …
تزداد المرأة جمالاً في عيني عندما تزداد وجنتيها احمرارا .
قالت : ماذا !!! احمرارا لم أفهم !؟
قلت : تزداد المرأة جمالاً في عيني عندما يزداد رأسها انخفاضا .
قالت : انخفاضاً !! ما بك يا بن محمد تكلم بوضوح أرجوك !
قلت : تزداد المرأة جمالاً في عيني كلما ازدادت حياءً .
قالت : حياءً !! أتعبث بي يا بن محمد !!!
قلت : لا والله .. إنني وكثير من الرجال لا تعجبنا طرقك وأشكالك التي ذكرت .
فهذه الطرق أشبه ما تكون بالأصباغ التي تضعها المرأة على وجهها والتي تزول مع أول وضوء للصلاة !!
إن الحياء في المرأة هو الذي يشدني ويشد الكثيرين من الرجال الأسوياء .
ولتعلمي أن انجذاب الرجل للمرأة تحكمه علاقة طردية بحيائها . فكلما زاد حياء المرأة زاد انجذاب الرجل وإعجابه بها ….
الف مبروك على الخطوبة وربنا يتمم بخير اهم حاجة تكونى على طبيعتك ايه اللى بتحبيه و ايه لا عشان الجواز حياة كاملة لازم تفهموا بعض من الاول من غير تصنع بس دائما كونى بشوشة رقيقةمعاة وكونى حنينة عليه وطبعك هادئ لان معظم الرجال مش بيحبو المرأة العصبيةوافهمى طبعه وشوفى من المواقف هو بيحب ايه ويكره ايه لان كل رجل يختلف عن التانى فى المواصفات اللى بيحبها واكيد انت فيك كتير من المواصفات اللى بيحبها والا ما كانش اتقدم لك وطبعا حبيه هايحبك مش بيقولو من القلب للقلب رسول واكيد طبعا الالتزام بتعاليم دينا لان المرأة كلما تمسكت بدينها احترمها الرجل وكبرت فى عينه كتير واديك بتشوفى البنات اللى بتبعد عن ربنا اخرتها ايه
اول شئ لازم يكون عندك ثقة فى نفسك
وعندك ثقة فى الانسان اللى هاترتبطى بية
وتراعى ربنا فى تعاملاتك معاة
يعنى ماتعمليش حاجة تغضب ربنا علشان ترضية
وانت بتقولى انك متدينة
وهو متدين
يبقى تخلى الدين نصب اعينكم
واكيد هو هايتمسك بيكى لما يعرف انك متمسكة بدينك
تصديقا لقول الرسول صلى الله علية وسلم
فاظفر بذات الدين تربت يداك
انتى محيره نفسك ليه يا ستى بتقولى خطيبك على خلق وملتحى يعنى راجل محترم انتى اتقى الله فى نفسك وحافظى على الاخلاق الى انتى فيها دى ربنا يزيدك واكيد جزاء ربنا ليكى راجل محترم وهيصونك ويتقى الله فيكى ورنا يتمملك خير ويرزقك بالذريه الصالحه وربنا يصلح الحال
ياعيني ياروحي انتي خليكي متل ماأنتي حسسيه باهتمامك فيه وماتعملي شي يعجو في فتره الخطوبه وكمان بعد الزواج الله يتمملك ع خير وصدقي بالله يا أختي مافي شب ومافي بنت بيصرا شي غير من ايدا والوحده لام تعرف باسلوبها وباحتراما الو تجذبو الها وخلي ثقتك بحالك قويه طول ماأنتي تصرفاتك منيحه وماعم تعملي شي غلط لاتخافي الله معك بتمناك كل خير
اختى الكريمة
انتى اتعاملى عادى خالص واستنى منه هو عايز ايه واسلوبه ازاى لانه لو ملتزم زى ما بتقولى اتعاملى معاه عادى بس حسسيه انك بتحبيه ومهتمه بيه بالافعال لانه مش حيتكلم معاكى فى الحب والكلام ده لانه ملتزم ولو قالك كلام حب وعبرلك عن مشاعره عادى مفيش مشاكل دى حاجة طبيعية اتجاوبى معاه فى الحدود واتعاملى معاه فى حدود انك متعمليش حاجة تغضب ربنا يعنى بنسمع كتير فى الموقع ان فيه شخصيات محترمة واخلاق ومتدينة ونبص نلاقى بيطلبوا حاجات زى الزفت بصى من الاخر خير الامور الوسط متفتحيش على البحرى فى مشاعرك و لا تقفليها بالضبة والمفتاح وترمى المفتاح فى البحر هههههههههههههههه
تقبلى تحياتى اخوكى فى الله
خليكي انتي زي مانتي متخافيش انتي عارفه اللي ليكي واللي عليكي خلاص متفكريش بطريقه سلبيه ,,,انتي انسانه محترمة وبتحبي خطيبك وبعد كده جوزك في المستقبل متعقديش الدنيا على نفسك والمشاكل اللي في الموقع ده صدقيني كلها اساسها البعد عن ربنا وتداخل العلاقات وعدم اتباع اللي ربنا بيقول عليه بعد كده والله كل حاجه بتتحل مدام انتي وجوزك متفقين على الاساسيات وربنا يتمملك على خير ويررزق بالذريه الصالحة
اوعى تخلى المشاكل اللى بتشوفيها هنا تأثر عليكى
لأ
انا بدخل هنا عشان استفيد من مشاكل الغير واحاول اقول رأيي للناس
وكمان باخد بالى من حاجات كتيره
لكن طالما الواحد مش بيعمل حاجه غلط يبقى اكيد ربنا هيرزقه بحد زيه بالظبط
عامةً حاولى مش تغيرى نفسك عشان حد
لازم كل واحد وشخصيته
اينعم تتتغيرى للأحسن بس عشان ربنا مش عشان حد
مش بتصلى مثلاً يبقى تصلى بس مش عشان خطيبك لأ عشان ربنا
هتقولى كلام حب ليه يبقى دا عشان ربنا مش عشانه وهكذا
ولازم انتى تعرفى شخصيته ومش تسمعى كلام اى حد يقلك حاجه
لأن كل واحد منا وليه مواصافات وحاجات معينه بيحبها
لازم تعرفى شخصيته ولازم تجربى معاه عشان لما تتجوزى ان شاء الله تبقى عرفاه كويس وعارفه بيحب ايه وبيكره ايه والكلام دا كله
فى مننا اللى بيحب الكلام الحلو الكتير اووى وناس تانيه تحب البنت تهتم بيه كتير
وفى ناس تحب مش تسمع كلام كتير حلو بس اهم حاجه تسمع كلامه اللى بيقوله وبشرط يكون صح وعنده حق فيه
وناس وناس وكل واحد وطبيعته
فهمانى
ولازم يكون فى حب بينكم عشان تعرفى تتعاملى معاه
بصي لصوابع ايديك لو لقيتها زى بعضها يبقي الناس كلها زى بعضها طبعا لا اكيد هتحصل مشاكل مع جوزك ومع خطيبك لان الدنيا مش بتخلى من المشاكل وموضوع خطيبك بيقول متجاوبه معاياي بشك فيها والتانى بيقول باردة خليكيى انتى فى النص يعنى مش اى حاجة يقولها تسمعيها وتكلمى معاه فيها ولول قالك حاجة كويسه اتكلمى معاه عادى يعنى متبقسش جامدة اوى وفى النفس الوقت مش سايباها خالص وانتى بتقولى متدين وانتى متدينه يعنى ان شاء الله هيتقي الله فيكى والاهم من دة كله انك تصلي صلاة استخارة كتير فى موضوع الخطوبه لو الدنيا مشت معاكى فى الخطوبه يبقي اتوكلى على الله وربنا يرزقك بوزج والاود صالحين لو الدنيا بتتعبل يبقي افسخى الخطوبه وربنا يرزقك بالحسن منه وربنا معاكى ويوفقك
اولا اباركلك على الخطوبه مليوووووووون مبروك وربنا يتمملك على خير يارب
ثانيا انتى اللى بايدك كل حاجه مالكيش دعوه بمشاكل حد انتى اللى بايدك تخلى خطيبك خاتم فى صباعك بحبك ليه وخوفك عليه بحنيتك ورقتك باسلوبك وطريقة كلامك ونقاشك معاه بالتفاهم انتى اللى تقدرتحتويه وتقربيه منك وصديقنيى لو اتوفرت فيكي كل الحاجات الجميله دى هيشيلك جوه قلبه وعنيه وخاصة انك بتقولى انه متدين يعنى هيراعى ربنا فيكي
ماتبصيش لحد بصى لنفسك انتى وانشاء الله ربنا يكرمك ويسعدكم ويرزقكم ذريه صالحه باذن الله