مشاكل الشباب قبل الزواج

ازاي اتقدم للبنت دي

السلام عليكم
مشكلتي اني خطبت بنت لمدة سنة ونصف وقدر الله اننا منكملش مع بعض وسبنا بعض بهدوء الحمد لله
بعد فترة شوفت بنت محترمة في شكلها ولبسها وكلامها هي من منطقتي بس معرفش هي ساكنه فين
اتقابلنا في العربية وكانت رايحه تعمل مقابلة شغل في مكان قريب جدا من مكان شغلي
وسألتني عن المكان وقولتها اعرفه وهي قاعدة في العربية باين انها اول مرة تزور المكان ده
المهم وصفت ليها المكان قبل ما ننزل من العربية ولما نزلت وقفت استنت ووصفت ليها المكان تاني وبعدين قولتلها تعالي انا مكان شغلي قريب وبالفعل
وديتها لغاية العنوان اللي عايزاه
واحنا ماشيين اكيد اتكلمنا ـ وانا شغلي علمني ازاي اقدر افتح مواضيع واقدر ادير حوارات
فلما اتكلمنا عرفت انها هتعمل مقابلة في شغل
انا مأخذتش رقم تليفونها ساعتها
ولما فكرت ارتبط مرة تاني جت البنت دي في بالي
بس اوصل ليها ازاي
اللي عملته
سألت عليها في مكان العمل بواب العمارة قالي الشركة دي شغالة 24 ساعة
يعني مقدرتش اعرف مواعيد محددة للموظفين
اللي فكرت فيه
اني اذهب للشركة نفسها
بس اعمل ايه فيها او اتحجج بايه

قولولي رأيكم

مشاكل وحلول ذات صلة

اضيف بتاريخ: Monday, July 8th, 2019 في 00:27

كلمات مشاكل وحلول: , , ,

2 رد to “ازاي اتقدم للبنت دي”

  1. Peace
    18/08/2019 at 07:23

    شوف انتا اكيد عارف اليوم والساعة اللي وصلتها فيها للشركه..تروح الشركة وتدور على المسؤول عن المقابلات وتعرفه علطول إنك شفت بنت داخله تقدم على شغل وأنك عايز تعرف عنوانها وتحاول تكلمه بينك وبينه وانشاء الله هيطلع جدع وتوصلها واكيد هي مقدمه سي في عليه صورتها ربنا يوفقك واوعي تياس وطالما نيتك خير هتلاقيها.. وربنا يوفقك يارب.

  2. ابوالبتول
    13/07/2019 at 20:48

    ايه ياعم وحدة ركبت معك العربية ووصلتها المكان اللي هي عاوزته ولاتعرفها كويس ولافي ساكنه ولابنت مين وعايز تخطبها كدا على طول الظاهر انك مش في وعيك ولاتدري ماذا تقول صدقني حصل معي نفس الموقف دا ركبت معي بنت جميلة اوي ومحترمة جدا وتعلقت فيها وبعد ماوصلتها المكان اللي هي قالت عليه ماعرفش اوصل لها وسالت عنها في المكان اللي نزلتها فيه ولاحدش يعرفها وبعد فترة سالت عليها بواب العمارة اللي راحت لها فقال لي يااستاد البناية دي فيها شقق مفروشة وفي ستات وبنات بيجيوا عليها ويقضوا الليلة مع شباب ورجاله من مختلف الاعمار يعنى وكر للدعارة فاحتمال البنت صاحبتك من اياهم

اترك رداً أو حلاً لهذه المشكلة