اسرار البنات

خايفة اضيع بين الشباب بسبب رومانسيتي الزاءد

السلام عليكم اخواني واخواتي لعل الجميع بخير انا مشكلتي اني رومانسية اوي وبحس بفراغ كبير اوي  مع العلم اني مخلصة دراسة وفاضية وقاعدة في البيت لقيت عندي وقت فراغ كتيرومش عارفة اعمل ايه وسعات ببقي محتاجة لعطف وحنان وكلمة حب من اي شاب المهم دخلت عالنت واشتركت في مواقع وضفت عندي شباب وكلمتهم وبقيت اتشدلهم واحدة واحدة وبنقول كلام حب وكدا يعني بس  بعد كدا بحس بندم وارجع اانب نفسي والغي كل حساباتي وكان ع الميل كمان الكلام دا يعني بس علي خفيف كلام وبس يعني مفيش صور ولا موبايل ولا حاجة المهم ارجع افتكر ربنا وابطل بس اول ماانهي الموضوع دا بحس  اني مخنوقة اوي وهموت وعايزة ارجع تاني لنفس الوضع ببقي عايزة حد احبه ويحبني يقولي كلام جميل وكدا يعني واسفة اوي ع  الاطالة ومشكلتي كمان اني عايزة اعيش دا بطريق شرعي بس خايفة من الجواز موت وخايفة مااديش واجبي كامل واغضب ربنا والانسان اللي معايا ارجوكم عايزة الحل

مشاكل وحلول ذات صلة

اضيف بتاريخ: Sunday, December 26th, 2010 في 07:36

كلمات مشاكل وحلول: , , , , , , , ,

18 رد to “خايفة اضيع بين الشباب بسبب رومانسيتي الزاءد”

  1. الفهدالاسود
    02/04/2016 at 14:44

    اختي الحل لعلاج مشكلتك هوالزواج دون تاخير منك تجدي فيه الراحة والطمانينة والسعادة والاستقرار طوال حياتك واشغلي اوقاتك بطاعة الله عزوجل من العبادات والفرائض كالصلاة والصيام والصدقة وقراءةالقران وكثرة الاستغفار والدعاء لله عزوجل بان يرزقك بالزوج الصالح في حياتك

  2. ابوبتول
    22/08/2014 at 03:22

    الوحدةوالفراغ مدمران للحياةوعاملان كبيران للوقوع في الخطاياوالمعاصي اشغلي اوقاتك بطاعةالله عزوجل والتقرب منه بالصلاةوالصيام وقراءةالقران وكتب الحديث والتفاسير ولاتستخدمي النت الافي امور مباحة كتعلم الخياطةوالطبخ ومايخص البنت المسلمةفي حياتها واقطع العلاقةمع الشباب اوالتحدث معهم كي تحفظي شرقك وتصوني عرضك وكرامتك وماتجنى عل نفسك واهلك بافعالك الغير اخلاقية وان كنت محتاجةللحب والعطف والحنان فصارحي اهلك برغبتك في الزواج كي يزوجوك من ابن الحلال اللي يتقدم لك ولاتفكري في اللجوللمحرمات والمعاصي ربنايكرمك بالزوج الصالح اللي يستاهلك وتلاقي منه الحب والحنان والعطف والسعادةوراحةالبال في حياتك

  3. ابواميرة
    05/01/2013 at 12:00

    النت له فوايدعديدةوكمان له اضرارخطيرةوعديدة والانسان مناهوالمخيرفي البحث عن الشي المفيد والاستفادةمنه في مجالات حياته كذلك قدتجد الشي الضاروالمسي وتحاول تجنبه والابتعادعنه وانت للاسف اساتي الاستخدام العملي للنت وفتحت على الاشياءالضارةوالمحرمة من مكالمات شباب والتحدث معهم وجريت وراهم دون وعي ولاادراك واخرتها جلب الفضيحةلك ولاهلك فاحذري من النت فهوسلاح ذوحدين امايفيدك وامايدمرك ربي يهديك

  4. بنوتة روشة مجنونة
    07/08/2012 at 06:52

    على فكرة انا كمان نفس الموضوع عندى 18 سنة و بحترم جدا كلام الناس دول و معترفة انه صح مية المية بس بقعد اعيط و استغفر ربناعلى اللى بعمله على العلم عمرى ما اتكلمت مع ولد ابدا بس مرة حبيت من طرف واحد و ساعتها حصلتلى مشكلة نفسية و دخلت المستشفى بسبب هذا الشخص بس دلوقتى قلت انا هدخل الجامعة لازم اكون شخصية قوية . ايمان بالله يزيد . مبقاش صعبة و لا سهلة صح كدة ولا اعمل حاجة تانى و انا عارفة ان الموضوع كله مجرد محاولة و ارادة قوية

  5. اخت نصوحة
    26/08/2011 at 00:44

    انا تقريبا زيك بالضبط ويمكن اكثر دة انا كمان لما بكون قاعدة لوحدى بقعد اعيط واقول نفسى فى حد يحبنى ويسمعنى كلام حلو بالرغم من ان فى ناس بيتقدموا لخطبتى كثير بس انا مش بوافق لانى حاسة ان مفيش حد فيه رومانسى للدرجة اللى انا بتمناها

  6. ميمي
    17/07/2011 at 03:31

    انا زيك كده وحيده ورومانسيه اوي بس بقيت اشغل وقتي ب ان اروح النادي اقري اي كتاب شدني اقعد ع نت كده يعني عشان اتجنب اقع فريسه ف ايد حد يستغل رومانسيتي واتجرح جامد

  7. ايمان شريف
    06/06/2011 at 08:52

    عزيزتى افتكرى ان احنا مسلمات قبل كل شىء ولعلمك مشكلة عدم وجود الحب والحاجه ليه تقريبآ انتى بتتقاسميها معايا ولكن اقلك متصدقيش يعنى ان اى شاب بيكلمك كلام حب صادق فيه حبى الله حبى الرسول عليه الصلاة والسلام حبى نفسكا اقنعى نفسك ان مشكلتك دى فى اللى اكبر منها عمرك ما شوفتى اطفال متشردين فى الشارع بيتعرضوا لقسوة الناس والزمن ومبيلقيش اللى يحبه وعالعموم ممكن تبعتيلى ايميلك عالفيس او اىمكان واكون صديقة كوية اوى ليكى واستغفرى ربنا واعلمى ان العين تزنو والاذن تزنو

  8. محمود السعدنى
    01/05/2011 at 23:35

    ياجماعة فين اردتنالازم نبقي اقوي من كدة ونحاول نتغلب علي الصعاب ونكون قد المسؤلية اتجاه انفسناوديما نفتكر اهلينا الي ربونا وماتوا من الجوع والذل والبهدلة والاهانة عشان احنا نعيش يبقا اقل حاجة نقدمها لهم ايةوفي الاخر بردة عشنا الموضوع مش مستاهل عيدي حسباتك يااختي ياحببتي

  9. ana we bs
    12/03/2011 at 13:58

    ياماما الى عايز يتغير بيتغير والى انتى فية دا اسمها مراهقة والى عايز يتغير صدقينى بيتغير وربنا غفور رحيم انوى وانا كنت زيك بظبط رومانسيا جدا بس نويت اتغير فبايت لحظة والتانية بصد الرومانسية وصدقينى انتى مش هتعيشى فوق الارض اكتر مهتعيشى تحت الارض اعملى ياريت للعيشة تحت الارض الرومانسية والحب اصدى الزنا مش هينفعوكى تحت الارض اودام ربنا يعنى متستعجليش

  10. لؤلؤة الإسلام
    03/02/2011 at 08:11

    الحل حبيبتى انك تعرفى المعنى الحقيقى للتوكل على الله
    خايفة ليه مش تقدرى تأدى واجبك؟؟
    انتى هتعملى اللى عليكى وتخلصى النية لله وهو هيكرمك
    صدقينى والله وعن تجربة
    مش هتخسرى ابدا
    وانتى تقدرى تسيبى الموضوع ده
    حتى لو فصلتى النت عنك فترة
    او اشتركى فى منتدى اسلامى للبنات بس
    هتحسى برضه بالحب
    بس بشكل يحفظ عاطفتك لحد ما ربنا يشاء وواحد بس يمتلك قلبك
    انا كنت اعرف بنت لها نفس المشكلة
    والمشكلة الأكبر انها مش عارفة تحب حد منهم والسبب؟؟؟
    انها دعت ربنا فى يوم مش يفتح قلبها لحد غير زوجها
    ربنا يكرمك لكل خير ويحفظك ويثبتك

  11. الجاد
    26/01/2011 at 17:24

    نصيحة اوعى تتجوزى غير بجد الى تختارية على شان لو اخدتى اى حد بجد هيتظلم معاكى حبية الاول وبعد كدة تتجوزية لكن جواز عادى حرام هيتظلم معاكى

  12. لازم يكون عندك خطوط حمراء لا تتخطيها
    30/12/2010 at 16:00

    انت مكبر الموضوع جدا فعلا كما قالو الاخوه الحل هو ان تتزوجى وبعدين انت لم توضحى فى كلامك هل انت مقيمه مع اسرتك لان كلامك عن الوحه مش كويس اى وحده وانت فى وسط اهلك وبين اصدقائك ارجو ان تقربى من اصدقائك وارجو ان تتخيرى الصديقه المحترمه التى تعتبرك اختها وان تكون اخلاقها عاليه ومحترمه مش اى اصدقاء وارجو منك ان تضعى خطوط حمراء فى حياتك لا تتخطى هذه الخطوط ومنها الحديث فى التليفون او عبر الشات مع اولاد لا تعرفينهم مش عيب برضه انت اكبر من كده لان من كلامك انك محترمه جدا ومتربيه عليك ان تسمو فوق باخلاقك لانك ستكونين فى يوم من الايام ام صالحه ان شاء الله واذا تذكرت شىء فى حياتك تشوبها شائبه لا قدر الله فلن تعبشى سعيده لذا حافظى على كرامتك لان الحديث مع الشباب بهذه الطريقه يضيع احترامك لنفسك ولن يجدى نفعا على الاطلاق لانك لو توقعت ان يتقدم لك منهم من يتزوجك فلن يحدث ذلك لان الشاب فى هذه الحاله لا يحترمك لانك بالنسبه له اصبحت صيد سهل لا قدر الله وهيقول فى نفسه ما دامت كلمتنى بهذا الشكل فستتكلم مع غيرى مفهوم ارجو ان تستفيدى من كلام من كتبو لك فهم مخلصين فى حديثهم معك ونشكرك جميعا على عرض موضوعك هذا ونشكر المسؤلين عن الموقع المحترم باتاحة الفرصه لنا ولابناءنا بعرض مشاكلهم بكل احترام وحب ارجو ان تحزرى لنفسك ولا ترجعى لذلك مرة اخرى الى ان ياتى ابن الحلال لشقتكم الكريمه واشغلى فراغك فى ما تحبى اذا كانت لديك هوايه او قراءه واشتركى فى انشطه ثقافيه تفيدك وتفيد المجتمع وهى كثيره فكرى فى ذلك واشغلى بالك بها واقتربى من اسرتك واقربائك وصلة الرحم واصدقائك خلاص وعد ماش اوع تخزلينا ——–مع السلامه حفظك الله من كل سوء فنان تشكيلى خالد عبد الراضى

  13. النبيل شارل
    28/12/2010 at 11:02

    يا بنت الكرام انتي لستي لوحدكي انتي وسط عائله يحبوكي ويحترموكي من المؤكد ان لكي صديقات يحببكن ويحببن الكلام معكي كل شخص فينا يحتاج لان يسمع الكلام الحلو والرومنسي فهو يسعد الروح لكن تأكدي ان كل هاذا الكلام هو كذب وانتظري من من سيتقدم لكي كلام رومنسي وسيكون من قلبه وعندها ستعرفين انكي كنتي في وهم وان الرومنسيه مشاعر وليس كلمات

  14. فارس
    26/12/2010 at 19:32

    اختي الكريمة اسمعيني كويس لقد حسيت من كلامك انك بنت محترمة وعندك خوف من الله تعالى ونفس لوامة تلوم صاحبها عند فعل الذنب وتلك النفس يحبها الله تعالى .
    وانا انصحك بان لكل شاردة صائد وانت اذا تركتي نفسك على النت تتجولي فقد تجدي الكثير من الشباب الضائع الذي يبحث عن المتعة الحرام بالكلام عن الحب ثم يبدأ يتحول من الكلام الى الفعل الى غير ذلك مما يحرمه رب العالمين بين البنت والشاب واعلمي تماما ان النت سلاح خطير يجب ان نستعمله بكل حذر ولا نجعله يقودنا الى غضب الله وفعل الموبقات وارضاء الشيطان والنزوات المحرمة فارجعي عن المحادثات والشات الذي دمر الشباب والفتيات وليكن النت عامل مساعد على العلم والمعرفة وليس معول هدم واكتساب الذنوب ودخول النار ادعو الله لك بزوج صالح وعيشة سعيدة اللهم آمين

  15. صاحبة المشكلة
    26/12/2010 at 11:07

    متشكرة اوي ياجماعة لردكم علي مشكلتي

  16. صاحبة المشكلة
    26/12/2010 at 10:52

    انا متشكرة اوي ليكم اوي ياجماعة علي ردودكم علي مشكلتي
    بس بجد مش عارفة اعمل ايه انا تعبت خلاص وكنت هموت امبارح من كتر شعوري بالوحدة
    واحتياجي العاطفي لشخص يحبني

  17. elking shahd
    26/12/2010 at 09:32

    وفقك الله لكل خير فرزقك موجود ومحفوظ باذن الله
    وليس عليك استعجاله فكل شي بقدر
    اتجهي الي الله واساليه الهدايه والصبر والخير
    والله المستعان
    وشغلي دماغك شويه يا ذكية

  18. حل
    26/12/2010 at 08:20

    حلك الجواز
    الخوف من التقصير سيدفعك لبذل اقصي ما تستطيعين لاسعاد من تحبين
    بعدين الرجال طلباتهم مش كتير الا اذا كنت كسولة
    ربنا لا يكلف نفس الا وسعها، اللي بيغضب ربنا انك تدي الحق لغير اهله وقبل اوانه
    استغفري الله كتير علشان ربنا يفتح عليك بزوج
    واليك هذا الدعاء نقلته من اجابة اخت علي هذا الموقع :
    دعاء تيسير الزواج “اللهم اني اسألك بأني اشهد انك انت الذي لا اله الا انت الاحد الصمد الذي لم يلد ولم يولد ولم يكن له كفواً احد.
    اقضي حاجتي..آنس وحدتي..فرج كربتي..اجعل لي رفيقاً صالحاً كي نسبحك كثيرا ونذكرك كثيرا فأنت بي بصيرا.يامجيب المضطر اذا دعاك..احلل عقدتي..آمن روعتي..يا الهي من لي الجأ أليه اذا لم الجأ الى الركن الشديد
    الذي اذا دعى أجاب. هب لي من لدنك زوجاً صالحاً.. اجعل بيننا المودة والرحمة والسكن..فأنت على كل شيْ قدير..يامن قلت للشيْ كن فيكون.. ربنا آتنا في الدنيا حسنه وفي الأخرة حسنه ..وقنا عذاب النار.. وصلى اللهم على سيدنا محمد وعلى آله وصحبه وسلم”

اترك رداً أو حلاً لهذه المشكلة