انا بنت عندى 21سنة وهى مش مشكلة بالظبط0هو تمنى
انا اعرف شاب اعرفة من بعيد يعنى هو يبقى اخو مرات اخو مرات اخويا0هى لفة طويلة معلش بس اللى شدنى لية انة محترم جدا ووالدتة ووالدة ناس اخلاق جدا 0ممكن نعيد عليهم فى الاعياد وكدة
المهم هو كان خطب بنت و الخطوبة مستمرتش بينهم
انا ساعات ممكن اشوفو0 هو كمان فى الشارع اللى قدامى بالظبط0انا لم عرفت انة خطب دعيت ربنا يوفقة لانة ابن حلال0انا كل تمسكى بية انة انسان كويس ومامتة وباباة كمان ناس محترمة جدا0 وبصراحة اليومين دول محدش يثق فى حد-يعنى احنا نعرفهم تقريبا من 8 سنين عمرنا ماسمعنا عنهم حاجة وحشة0انا دعيت ربنا كتير انا يدينى الانسان دة بس كل مااسمع سيرتة او كدة بالصدفة من مرات اخويا هبقى هتجنن0بحس انى لو قلت السر دة لحد هرتاح وهشيل من على قلبى عبق كبير على الاقل حد يفكر معايا0عاوزة اعرف رايكم خصوصا هو اسمة **** وانا بعشق الاسم ده جدا0عاوزة اعرف اعمل اية وممكن ربنا يرزقنى بية بعد اعجاب من طرف واحد انا عندى امل كبير جدا0
اولا طالما الموضوع فيه ستات اوعى تحكلهم حاجة خالص علشان بيحبو الت والعجن ok تمام .ثانيا :حاولى تستمتعى بالحالة الى انتى فيها يعنى انتى شغوفة وعندك مشاعر حلوة تجاه شخص وديه طاقة انتى بتخرجيها وديه حاجة حلوة واوعى تهربى من مشاعرك علشان بعدين هى متهربش منك . نيجى بق للجزء المهم الى هو الجزء الواقعى بصى يا بنت الحلال بنفس قدر رغبتك بالارتباط بهذا الشخص اذا الله اراد خليها هى نفس قدرتك على التخلى عن اعجابك بيه اذا ربنا اراد بردو.يعنى من الاخر خليكى مبسوطة فى كل الحالات طالما مشاعرك حلوة واوعى تتكسفى منها بس حاولى من وقت لتانى تهدى نفسك و مشاعرك يعنى خلى كل حاجة under control . وربنا يحافظ عليكى ويحميكى
الاعجاب شي والحب شي اخر ماتوهمي نفسك انوبيحبك اوانت تحبيه ده مجرداعجاب من طرفك انتي لكن ماحدش عارف الشاب بيفكرفي ايه قلبه مع مين انصحك ماتتهوري وتكلميه لاحسن ترخصي نفسك وكرامتك وكرامةاهلك لوعاوزه تتاكدي اسالي مرات اخو مرات اخوكي من حقيقةمشاعرالشاب وهل هومرتبط باحد اوبيفكرفي احد وكل شي قسمةونصيب ذالك نصيب فيه تاخديه مافيش نصيب كلا ينام على جنب اللي يريحه وربي يسعدك
لا انصحك لا تعلميه انتي ادعي ربك ان يرزقك هو
انا رأيي تفاتحي مرات أخو مرات أخو أخوكي ولا ماعرفش ايه اللي انتي قوليتي عليه ده …. يعني من الآخر أنا رأيي تفاتحي واحدة تكون على صله بيه وتقدر إنها بطريق غير مباشر تحطكوا مع بعض في أي موقف ولو حتى في قاعدة عائلية بحيث إنك تقدري تتكلمي معاه بشياكة وفي نفس الوقت مايكونش ملحوط إنها مقصودة ولو ليكي نصيب تأكدي إنه هيجيلك لغاية باب بيتك ولكن على الإنسان برضوا إنه يسعى علشان على الأقل يكون أدام نفسه حاسس إنه ماسابش فرصه إلا وحاول فيها … وماتبقيش تنسي تعزمينا على فرحكوا .
انا راى انك خليكى فى السليم وهوه لو فى حجه هيقولك ومش هيسيبك محتاره
حاولى تلفتى انتباهوا بس بشكل شيك كدا
ولو من نصيبك هيبقى ليكى بس مش تتدلقى عليه عشان مش هيحبك وقتها
ولو مش حصل نصيب اعرفى ان دا خييييييييير
لأن ربنا بيقدم اللى فيه الخير
ممكن يكون كويس اوى وزى العسل واخلاق بس معاكى مش هيبقى كدا
وارد
الموضوع كله قسمه ونصيب وان شاء الله ربنا يقدم اللى فيه الخير
خلى اعجابك ده جواكى اوممكن تتكلمى مع مرات اخوكى وتلمحى ليها بس من بعيد لو بتثقى فيها او حاولى تصاحبيه شويه اكتر وبعدين احكيلها
بصى الاول شوفى تصرفاته معاكى وكلامه معاكى لان لو معجب بيكى او فى احساس من ناحيته ليكى بيبان فى اسلوبه كلامه وبعديها حددى لكن متعيشيش نفسك فى وهم وفجاءه تعرفى انه هيخطب تانى وممكن يكون نصيبك والله واعلم بس لازم نحكم عقلنا عشان لو حد اتقدملك دلوقتى وكويس جدا هترفضى عشان احتمال بالى فى دماغك فحالولى تتاكدى بطريقتك وحددى وادعى ربنا عشان متجرحيش نفسك بنفسك وربنا يجعلك الخير من نصيبك ويبعد عنك كل شر وربنا يوفقك حبيبتى
لوليكى نصيب فيه حيكون ليك وربنا يقدملك ما فيه الخير ويكون من نصيبك