مشاكل البنات قبل الزواج

اعجبت بمدرس وبعدها بفتره خطب

سلام عليكم…
انا دلوقتى طالبه عندى 18 سنه واعجبت بمدرس عنده 26 سنه وكانت دى بالتسبالى اول مره اعجب لان انا مبحبش المحن والكلام ده مش بتاعى…

هو شخص كويس ولفت نظرى من اول مره شفتو قولت ده بتاعى حسيت فعلا ان الشخص ده ليااا او مكتوب بإسمى والحقيقه مش فاهمه ليه..

المهم بعد فتره مره فمره بسأل وميزنى ان انا اسألتى غبيه وبترفعلوا الضغط وهو بيفضل طول الحصه مركز معايا وباصصلى وانا لما عيني بتيجي فعينوا بتحرج جدا وبحط وشى فاتجاه تانى بحيث انى عامله عبيطه وعلى طول لما اسأل على حاجه او اتكلم الاقيه ابتسم ابتسامه اعجاب شديد وبرضو بعمل عبيطه عشان ميفهمش انى فاهمه.

الاسبوع اللى فات صحيت على مدجات كتير بفتح لقيت صورته وهو بيخطب طبعا اتصدمت صدمه جامده وبعدين قعدت لا مش هو لالا ومستحيل وازاى وكل ده وفالاخر طلع فعلا خطب..

انا اتقهرت بمعنى الكلمه وبعدين معرفتش اركز فدراستى وكنت على طول مستغربه واروح دروس اسرح اذاكر اسرح لحد ما جه وقت كنت خلاص جبت اخرى وقررت انى اتفاهم مع نفسي وعقلى وان انا لازم مزعلش واركز فمستقبلى.

وبعد فتره رجعت تانى للمود بس حسه بذنب لان انا على طول كنت بقول لربنا اللهم انى احببت عبدك فلان فأرنى فيه عجائب قدرتك…وفعلا لما شفته بعد الخطوبه لقيته لسه مهتم ومتغيرش عن الاول بحاجه انا كنت فاكره انو مش هيعبرنى ويتجاهل لقيتو مركز وقتها حسيت انى مضايقه لانو مبيبصش لاى طالبه ولا بص قبل لكده لحد من طلابه غيره وحسه بالذنب لان دعوتى لسه مازالت ولما شفت خطيبتو لقيتها من نوع الغلبان الطيب فتمنيتلها ان ربنا يسعدها ويسعده بالرغم ان الموضوع عالق فراسي وتخطي الاعجاب وانا مش عارفه اعمل ايه بصراحه….

الغريب جدا ان قبل خطوبته حلمت بيه وكانت نفس البنت معانا فالحلم والله بنفس التفاصيل ولفه الطرحه حلمت انو كان قاعد زعلان فأوضه لونها ازرق والبنت دى كانت معاه وانا بره وفجأه طلعت من الاوضه مشيت بس كانت زعلانه وانا بعدت وانا ببعد قرب واقعد يدور عليا…

انا حرفيا دماغى مش فاهمه حاجه ومش عارفه ابطل تفكير فيه غصب عنى اعمل ايه!!!

مشاكل وحلول ذات صلة

اضيف بتاريخ: Saturday, April 17th, 2021 في 05:05

كلمات مشاكل وحلول: , , ,

اترك رداً أو حلاً لهذه المشكلة