اتجوزت جواز تقليدى وفى فترة الخطوبة اكتشفت أنه بيخونى وحكيت مع اهلى ورفضو فسخ الخطبة وكملت واتجوزت وخانى كتيييير فى مكالمات هاتفية وهكذا وفضلت معاه احارب لحد ماأتظبط وبعد إنجاب بنتين وعشرة سبع سنين متهنيين اكتشفت دخولة على مواقع الجواز ذى مودة واتعرف على بنات كتير وكل بنت معاها بحكاية شكل وكل ست بيعرفها كان بيشوه فى صورنى معاها وبفترى ووقع فى بنت من بنات الليل وجابها البيت فى غيابى يعنى خيانة رسمى وحصلت مشاكل دامت 3شهور وكنت مصرة على الانفصال وبتدخل الأهل عاهدنى وحلف على مصحف أنه مش هيعمل اى غلط تانى وغلط بعدها مرة واتنين بس مجرد مكالمات وتضييع وقت مع البنات وكل شوية وعود وحلفان ويخلف بعدها بيومين وانا قرفت منه بجد وتعبت مع العلم انى اقسم بخالق الخلق بعمل معاه اللى اى راجل بيتمنى زوجتة تعملة بحبة وبحترمة ومكبراه على كل الناس ومقدماه فى كل امورى ولا عمرى هنته ولا كسرت بخاطرة ومدلعاه وعمرى ماوقفت قدامة فى اي شئ ومش بعند معاه يعنى شمال شمال يمين يمين ووقفة جانبة فى كل مشاكلة وكان مدمن وانا بعون من ربنا خليته يبطل ولا اى شخص علم بأنة مدمن ووقفت معاه ولا اتخليت عنه واتفصل من شغلة ولا سبته وفضلت وراة لحد مارجع شغلة يعنى أنا والحمد لله مش سايباه ويتعامل معاه كاصديقة واخت وحبيبة وام واب وكل شئ يعنى ما استحقش منه كده ومحتارة اكمل ولا انفصل بس عائشة معاه والشك قاتلنى وبالذات انا زوجة غيرتى قاتلة وعلى فكرة فى حجات كتير انا وقفت معاه فيها كتير بس مش هاطول اكتر من كده قولوا لى حل سريع لانى بفكر فى الانفصال النهائى وانا معنديش مصدر دخل ووالدى متوفى والأخوة كل واحد ببيتة ومشاكلة اعمل ايه ياناس يامحترمة
مشاكل الخيانة الزوجية
اكتشفت خيانة زوجي والشك يقتلني
اضيف بتاريخ: Friday, May 17th, 2019 في 13:26
كلمات مشاكل وحلول: الخطبة, الخطوبة, بنات, بنت, فترة الخطوبة
يااختي دا مايستاهلش انك تبكي عليه ابن حرام وفاسق وبلادين ولاخلاق ديل الكلب عمرو مايتعدل ابدا اشتري سعادتك وكرامتك وتطلقي من هذا الخاين الحقير الواطي و عليك برفع دعوى عليه في المحكمة لاجل النفقة لبناتك ده حقهم الشرعي اياك ان تفرطي فيه وغضبا عنه وعن اهله يدفع لبناتك النفقة وانت عيش حياتك حتى يكرمك الله بالزوج الصالح اللي يستاهلكي ويقدرمشاعركي ويعوضكي خير منه في هذة الحياة
بصراحة ربنا انت ست محترمة جدا وزوجة مثالية ولاتستاهل كلهذا اللي بيحصل لك تاثرت جدا لماحدث لك من هذا الزوج الخاين اللي مايقدرش الحياة الزوجية ولايحترمها وعايزك تسمعي كلامي وتخليه حلق في ودناك اوعي تتاثري بكلام الاخ احمد اللي بيقولك خليك معاه وسامحيه ومن ده الكلام اللي ماله لازمة ولايجدي مع شخص كهذا شخص لايخاف الله عزوجل ولايعرف الحلال من الحرام ولايحترم معنى الحياة الزوجية وليس بكفو لها على الاطلاق لايستاهل انك تبقي على ذمته او تعيش معه الكرامة فوق كل شي يابنت الناس وانت تستاهل حياة كريمة مع ابن الحلال اللي يستاهلك ويقدرك ويصونك تطلق منه فورا واياك والتساهل معه حتى تضمنى حقوقك وكرامتك وتلزميه بالنفقة للاولاد وربنا بيرزقك بالزوج الصالح في حياتك والطلاق ليس نهاية المطاف فهو رحمة ونعمة لمن هي في حالتك وتمنى لك كل الخير والسعادة والتوفيق في هذي الحياة
كان نفسي اديكي حل سريع
بس للأسف مش هيبطل بكثرة مواجهاتك
وعلى كلامك انك وقفتي جنبه كتير هو اكيد عارف ده ومش لازم يقول لان لو قالك ده هيحس من جواه انه صغير
ولما بتزعلي بيراضيكي ده دليل انه باقي عليكي وانك اللي في القلب
لكن اللي بيعمله ده مناوشات فارغة ملهاش اي لازمة وهيجي عليه الوقت وهيقرف والله
ادعي له بالهداية متدعيش عليه خالص
صلي انتي بالبيت
خليه مره يصلي
على الاقل ضميرة يأنبه لو عمل حاجة غلط من دي
حاولي تشوفي ايه الفراغ اللي في حياته وكمليه زي ما كملتيه في امور كتير
انتي مكسب ليه وزوجة بجد
زيك قليل في الوقت ده
متسيبيش جوزك في اكتر وقت محتاجك فيه
صدقيني هيجي الوقت وهيزهق
بكلمك عن تجربة
لكن الفرق انه في ظهر جوزك ومكبراه ومدياله تقديرة
ربي يسعدكم