مشاكل الازواج

متزوج ولكن امارس الجنس مع البنات على النت والتليفون

اولا اود ان اصارحكم بانى كنت كاتب كتابى على بنت وكنا بنحب بعض جدا ولكن حصلت مشاكل واتطلقنا وكنت فى فترة الخطوبة بحبها حب عنيف ومارست معاها الجنس واحنا مكتوب كتابنا بس من غير افتح غشاء البكارة كنت فى الفترة مبشوفش اى واحدة غيرها
كانت كل الستات فى نظرى مجرد اشكال مختلفة لا تحرك فى اى شهوة على الاطلاق ولكن بعد ذلك خطبت وتزوجت وعندى طفلة وزوجتى حامل المهم زوجتى انسانة طيبة وبتحبنى لكن انا بحب الجنس جدا وبتكلم مع ستات و بنات بالتليفون و بمارس الجنس معاهم على النت وعلى التليفون انا عاوز اتوب اوى لان مراتى طيبة اوى بس المشكلة مش بحبها زى ماكنت بحب الاولى انا توبت الى الله والحمد لله بس دلونى اعمل ايه عشان مرجعش للغلط تانى على فكرة كنت بصلى على طول فى المسجد بقالى اكتر من سنتين بصلى كل صلواتى تقريبا فى البيت

مشاكل وحلول ذات صلة

اضيف بتاريخ: Tuesday, January 18th, 2011 في 00:46

كلمات مشاكل وحلول: , , , , , , , , ,

26 رد to “متزوج ولكن امارس الجنس مع البنات على النت والتليفون”

  1. البرنس
    23/08/2019 at 22:45

    خسارة فيك دي الزوجة الطيبة المتدينة لانك عاوز الحرام وتدور عليه وعمرك ماهتتوب او يتصلح حالك ارى انك تظلم تلك الزوجة معاك وربنا سوف يحاسب على ماتفعله بها طلقها وعش حياتك في المحرمات والفجور والفواحش حتى تنزل عليك صاعقة او يفضحك الله على روس الخلائق ياخاين ياحقير

  2. ابوالبتول
    11/07/2016 at 17:30

    حدثت قصة مشابهة تمام لقصتك دي فكان هذالشاب بلادين ولاخلق ولاتربية فاسق يشرب الخمرة ويعاكس ويتحرش بالبنات في كل مكان يذهب اليه حتى ارادواهله ان يزوجوه لعل الله يهديه ويصلح حاله فخطبوا لها فتاة مسكينة يتمية لانو كل اقاربه رفضوه لفسقه وفساداخلاقه واكرمه الله بالزواج من هالفتاة المسكينة التي كانت طيبىة القلب ومتدينة وعلى خلق رفيع ولكنه لم يشكر الله على هذي النعمة رجع لماضيه الاسود مع البنات الفاجرات الساقطات من زنا وشرب الخمر والسفرللخارج حتى ابتلاه الله بمرض الايدز واهله تبروا منه جميعهم وتخلوا عنه الاهذي الفتاة زوجته المخلصة وقفت معه ولكنها منعته من الجماع معها حتى لاينقل لها هالوباء الخطير ومكثت صابرة عايشة معه 3سنوات حتى توفي بسبب هالمرض اللعين وتبدلت احوال هذي الفتاة من بوس وفقر الى غنى وثراء لانها تزوجت من رجلا غني من اصحاب الملايين وكانوا الناس ينفرون من الزواج منها ظنامنهم انها مصابة بهذالمرض من زوجها السابق لكن التحاليل والاشعة اكدت انها سليمة تماما وتزوجت من هذالثري وانجبت منه الاولاد والبنات وحتى يومنا هذاتعيش معه في منتهي السعادة والهناء والاستقرار في حياتها

  3. ابوالبتول
    11/07/2016 at 17:17

    اولا انت مش عايز تتوب خوفا من الله عزوجل ومن عقابه يوم القيامة بس عشان ترضي مراتك الطيبة لابارك الله فيك ولااكثرمن امثالك من الشباب الفاسقين المنحطيين ايش تظلم بنت الناس معك دام انك واحد سافل وحقير وبتاع نسوان وبلادين ولاخلق ولاتربية من اصله اعلم كماتفعله في بنات الناس سوف يفعلونه بزوجتك واخواتك وكماتدين تدان والجزاءمن جنس العمل اذا لم تتوب الى الله وتخافه وتتقيه وتقلع عن المحرمات والفواحش والمعاصي نهاية وللابد فانك والعياذبالله عقابتك وخيمة ولاتلومنا الانفسك ولاحول ولاقوةالابالله العلي العظيم

  4. التائب
    04/10/2014 at 01:36

    من عف نفسه عن شي في الحرام ناله في الحلال

  5. ابوبتول
    24/07/2014 at 02:32

    الاعتراف بالذنب فضيلة توب لله واستغفره واقلع عن المعاصي والذنوب نهايا واعلم ان كل اللي تعمله خيانة لله ولزوجتك اتقي الله في نفسك وفي زوجتك وابعدعن الحرام نهايا وارجع صلي في المسجد كل الفرايض لان الصلاةتنهى عن الفحشاءوالمنكر وربنايهديك ويصلح حالك ويتوب عليك ويبعدك عن المحرمات والمعاصي

  6. SOSO
    24/06/2014 at 18:01

    ربنا يهديك ويهدينا يابني عجز اللسان عن الرد هو في حد بيضربكم علي ايديكم لما بتتقدموا لواحدة وتتجوزوها ؟

  7. ابواميرة
    26/11/2012 at 18:56

    الاخ الزوج اتقي الله في نفسك واهلك واعلم ان الله يراك ولاتخفى عليه خافيه توب الى الله واستغفره من الذنوب والمعاصي وخاف الله في زوجتك وابنتك وقم على رعايتهم والاحسان اليهم واترك طريق الشيطان اللي ماشي فيه هداك الله

  8. نعيمة
    31/07/2012 at 14:25

    السلام عليكم اخي الكريم انت انسان اتكب زنب في حق انسانة احبته واهلها استئمنوك عليها
    وانت اصبحت مزنب وخاين واذا قدرة تكفر عن زنبك وترجع الامانة زي ما كانت يمكن ربنا يصلح حالك اذهب الى شيخ موثوق وسئله النصيحة وسيبك من كلام الناس فابعض الكليمات نور وبعض الكلمات قبور

  9. صاحب المشكلة
    22/05/2012 at 20:17

    اشكر جميع الاخوة الذين اعطوا لى رد لمشكلتى وانا الحمد لله الان احاول ان انفذ ما بها من نصائح وارجو الله لى ولكم التثبيت على الخير واتمنى ردود منكم على المشكلة وعلى تعليقى ليذيدنى تثبيتا وايمانا

  10. ابو عمر
    09/04/2012 at 12:57

    اخى العزيز الموضوع مش سهل ولا صعب لانك اتعودة على كدا بس حاول انك تبتعد عن هذه العاده السيى وحت فى دماغك عندما تكلم احد حط امامك زوجتك وابنتك واتقى الله فيهم اذا كنت تحب انك تراهم فى نفس الموقف كمل كما انت فيه واذا لا يرضيك فابعد عن هذا الموضوع وربنا يقويك ويستره عليك وعلينا جميعا

  11. محب المحامى
    06/03/2012 at 16:21

    اخى الكريم
    مشكلتك علاجها بسيط
    وهو علاج نفسى
    مش محتاج الى طبيب نفسى
    وانت تقدر تعملو
    ايه هوه ؟
    اولا : اطلب من ربنا يملاك بالحب ناحية مراتك لانك ” بدون حب من ربنا لمراتك مش هتقدر تحبها ”
    ثانياً : شوف ايه اللى نفسك مراتك تعملو ليك ” جنسياً ” واطلبوا منها بصراحة وبمحبة وهدوء ، شوف ايه اللى بيشدك فى البنات اللى بتمارس معه ” الشر ” واطلبو منها عشان تملا الفراغ والنقص اللى فيها 0
    يعنى شوف ايه الامور ” الجنسية ” اللى بتشدك الى ” طريق الشر والخطية ” واطلبو من مراتك حلالك ، صارحها بلطف انها تكلمك كلمات جنسية وتلبس لك ” ملابس سكس ” وتدلع عليك ، وتعمل كل مايثير ” شهيتك وشهوتك ” ناحيتها 0
    الصراحة ثم الصراحة ثم الصراحة فى الامور الجنسية بينكم هتعالجكك فعلن 0
    الرب يهدى نفسك الى الحق والخير والطهارة 0
    سلامى لكما 0

  12. ماريا
    04/03/2012 at 04:03

    المشكلة يا ناس لو كان قادر يعمل الللي بتقولو عليه مكانش التجا ليكم انا انسانة بقسى على نفسي كثير يعني الجهاز كنت كسرتو والفون كنت غيرت النمرة ومنعت نفسي عن الحاجات دي وانسى خطيبتك عندك مراتك وعندك بنتك امورة شوف الحياة في عين بنتك كلها براءة خذ شوية من براءتهاوخليه يمسح قلبك والصلاة صلي مش بس الركعات وبس لا بقلبك ابكي واطلب من ربك انو يديك قوة تخليك تعمل اللي انتا تعجز عنو والرب معاك

  13. شوشو هيما
    29/01/2012 at 23:34

    يااخى لا تغضب ربك قرب من الله اقرا فى كتاب الله قرب من مراتك اكتر واكتر وعندك بنت جميلة خليك انت تكون قدوة لى بنتك قدوة حسنة تكبر تقول مفيش غير بابا بطيبتة وحنيتة واخلاقة كفايا انها تقول انوا بيحب امى انت القلب الطيب عليهم متفعلشى حاجة غلط

  14. بيستو
    08/07/2011 at 16:43

    يا عمى عندك زوجتك حلالك اعمل معاها الى انت عايزة او علمها تعمل لك الى انت عايزة
    وتذكر الحكمة التى تقول كما تدين تدان انت عندك بنت ومش هاعيد عليك كلام الاخوة انك تتقى الله لانهم قاموا بالواجب وزياده

  15. ندمانة جدااااااااا
    10/05/2011 at 00:29

    اخى العزيز تغلب على الشيطان وحاول ان تسيطر عليه وارجع الى الله عزوجل لان الشهوة مثيرة وغريزة وضعها الله فى الانسان لكن الحياة يا أخى ليست جنسا فقط بل مشاغل ومتاعب وعبادة وغير ذلك يجب ان تتقى الله فى نفسك وانت تقول ان زوجتك طيبة ما هو ذنبهافى حبك فى الكلام عن الجنس وممارسته!يوجد لديك الحلال وتنظر الى الحرام!هل زوجتك لا تعطيك حقوقك الزوجية الكافية! ان كانت الاجابة نعم فمن حقك ان تطلب منها ذلك وان لم تفعل احل الله لك بالزواج عليها******

  16. لميس
    18/03/2011 at 17:04

    ومش لازم اللى نمارس الجنس مع اللى بتحبه تبئى وقحه او جريئه هى بتعمل كده ارضاء لحبيبها فممكن تضحى بنفسا عشانه لانها بتحبه وبعدين كان عبر التيليفون

  17. لميس
    18/03/2011 at 17:00

    بالنسبه للراجل اللى بيمارس الجنس مع واحده تانيه فهو لان مراته مش بتديله حقوقه كراجل وفى القران الكريم قال مثنى وثلاث ورباع

  18. سمسم
    08/02/2011 at 23:54

    عارف انته عايز ايه جنس فيه جراءة ومعظم الستات المتجوزين مش بتبص ان الراجل عايز ايه الجنس مش حاجة سهلة الست بتبقى عايزة حاجات والرجالة كمان المهم ان انته بتلاقى فى التليفون والنت الجراءة وان خطيبتك الاولى كنت بتحب تعمل معاها عشان اللى بيحبه بعض بيده بعض كل حاجة وبيبقى فيه جراءة الحل ان انته تقول لمراتك ان انته بتحب الحاجة وهى مادام بتحبك حا تدور على سعادتك ولما يجيلك الشيطان استغفر ربنا وصلى ركعتين وافتكر مراتك

  19. ♣♥♣ فارس ♣♥♣
    18/01/2011 at 23:17

    الحكايه مش حكايه ان مراتك طيبه ومش حكايه انو انت بتصلى دى حكايه انك بتعيش مراهقه متاخره حاسس انت فلانتينيو وكل متزيد عدد المعجبات الى بالتليفون والشات بتبقى فى قمه سعادتك ده ملوش صله لا بالصلاه ولا بمراتك الطيبه لاكن اقولك انت لو بتكلم بنات ع التليفون انت مش مستفيد بل المستفيد الاول والاخير هيه شركات الاتصال وانت مشكور بتنفع الشركه وبعد متنفع الشركه فيه حاجه من اتنين اما الشركه بتقول عفورا لقد نفذ رصيدك او البنت الى تكلمها تقولك خلاص كده نفذ وقتكم معى وتصبح على خير وكل يوم على هادا الحال وايضا النت انا مش هقولك ادخل مواقع اسلاميه وثقف نفسك لا هقولك الى اخترع الجهاز ده مش ازكى منك ليه متحاولش تدخل على برامج وتفهمها كويس جدا هتستفيد اوى من دخولك عليها وهتستفيد مايدا مثلا اشغل وقتك ببعض البرامج مثل الاوفيس واعرف اذاى تكتب وتعمل اكسس وتدخل على الباوربوينت وتعمل حركات واشكال لو قدرت تتعلم الاوفس هتجيب اموال كتير لو حبيت تشتغل بيه باى مكان عندك برامج الجرافيك زي الفوتوشوب بتعرف الصمم بياخد كام فى الشهر الف ونص لمجرد بس انو اتقن التصميم من خلال برنامج الفتوشوب فيه عندك تانى برنامج المايا او ماكس تعرف الى بيشتغل على البرامج دى بياخد كام فى الشهر من 8 الالاف ل 12 الف يعنى عندك حلين علشان تعرف ازاى تقلع عن العاده دى اولها انك تقول لنفسك خلاص انا مش هنفع شركات الاتصال والى اصرفو على شركه الاتصال اجيب بيه هديه لمراتى الطيبه ولو على النت والكومبيوتر تقدر تتحدى نفسك وتقول انا اقدر ادخل على برامج واتعلم ازاى اديرها صح الصح وقتها هتجيب فلوس ملهاش عدد وكمان وانت قاعد فى بيتك وبنفس الوقت الى بتقضيه على النت ولو فعلا اتقنت اى من البرامج الى قلتلك عليها ادخل هنا وقول على البرنامج الى اتقنتو وانا هكون جنبك وشكرا

  20. mmm
    18/01/2011 at 20:12

    تذكر قول الله تعالى {يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ }النور24
    ان رسول الله صلى الله عليه وسلم قال صلاة الجماعة افضل من صلاة الفذ بسبع وعشرون درجة

    بالله عليك هذا ثواب يتركه عاقل
    وتذكر ان انت عندك طفلة ممكن ربنا يبعت اللى يعمل معاها اللى بتعمله مع الناس خاف ربنا وخاف على بنتك وادعى بعد صلاة واطلب من ربنا الهداية

  21. توتا
    18/01/2011 at 18:52

    اولا لازم ترجع لربنا تانى وتصلى فى المسجد وبدل ما تعمل كدة مع بنات فى التليفون ما عندك مراتك حلالك اعمل معاها اللى انت عاوزة حاول تدلعها وعلمها ازاى ترضيك وقولها اية اللى بتحبة وخليها تعملة مش عيب دى مراتك احسن ما تزنى وبعدين حرام عليك انت عندكم بنت وفى نونو جاى فى ىالطريق حافظ عليهم كما تدين تدان خاف على بنتك وعلى مراتك وربنا يهديك ليهم ويبعد عنك الشيطان

  22. مصراوي المصري
    18/01/2011 at 09:29

    اخي الكريم المسألة قوة ارادة .. يعني لو عندك ارادة قوية انك تبعد عن الامور دي اكيد هتقدر تبعد، طبعا قوة الارادة دي اكيد هتيجي من قوة ايمانك ، اول شيء تعمله انك ترجع للمسجد وتصلي الفروض في المسجد بقدر المستطاع ، انت مش ست عشان تصلي الفروض كلها في البيت ، ثانيا اشغل نفسك بزوجتك وبنتك وابعد عن الشيطان وال يزينه لك في نساء حرام عليك انك بس تنظر لهم فما بالك انك تمارس الجنس معاهم!!!! اتق الله وانظر للحلال لزوجتك وربنا يهدي الجميع وانا اولهم يارب

  23. nolife
    18/01/2011 at 08:29

    برغم اني مش بتحيذ للرجالة ومش بحب افعالهم بس انا المرة دي معاك علشان الواحدة ال ف ايدها ماتخليش جوزها يبص يمين ولا شمال ماعلينا المهم انتا اول حاول حاول تتقي الله ف مراتك وعيالك تاني حاجة حاول تقرب من مراتك حلالك انتا بتقول انك بتصلي ازاى بتصلي وانتا بتزني وغير كدا لو عايز حاجة من واحدة ست خلي مراتك تعملهالك يعني وانتا جاي من الشغل جبلها قميص جبلها ازازة برفيوم تحركك جبلها بدلة رقص اى حاجة تهزك وتخليك شايفها متغيرة واقعد معاها قولها انا بحب التغيير مراتك شكلها خام ومش عارفة حاجة حاول معاها واحدة واحدة ومش تظلمها معاك مدام هيا طيبة وغلبانة حاول تشكلها زي منتا عايز وابعد عن اى حاجة حرام عشان ربنا يكرمك ف بيتك ومراتك وعيالك معلش طولت عليك

  24. التائبة
    18/01/2011 at 03:22

    اقول لحضرتك تعمل ايه وقت مايجيلك الشيطان وتفتح شات مع بنت او تجيلك الرغبه فى انك تتكلم ع الفون مع بنت ساقطة وحقيرة تذكر ان الله يراك ويراقبك ومايلفظ من قول الا لديه رقيب عتيد قوم واستعيذ من الشيطان الرجيم واتوضاوصلى ركعتين واذكرالله قول سبحان الله وبحمده سبحان الله العظيم ووقت ماتسمع الاذان اسرع الى المسجد وصلى فرض ربك هناك وادعي بقلب خاشع وابكى واندم على مافعلته وتب توبة نصوح وسيغفرالله لك ويشرح صدرك وانت راجع البيت هات لمراتك هديه حتى لورخيصه هتفرح قلبها وقبل ايدهاواحضنها بشوق وقبل جبينها لان دى هى حبيبتك الحقيقيه وام بنتك اخلصلهاوحبهاوعاملها على قد طيبتهاوحبهاليك واستخدم النت والفون فى كل ماهونافع ومفيد واترك شهواتك بذكرلااله الا الله وربنايغفرلك ويهديك

  25. همسه
    18/01/2011 at 01:08

    السلام عليكم )دايما الانسان لما بيعيش تجربه وتكون حلوة بيفضل يفتكرها خطيبتك الاولى كان الحب بينكم من غير مشاكل حياه كان حب دمه خفيف يعنى تحصل على اللى انت عاوزة وانت حاسس بالاثاره مفيش بئه ولا عيال ولا عيشه انت عايش فى الحلم عاوز تعيش مغامره مفتقد الاحساس بالاثاره مع انك لو حاولت تحسس مراتك بجمالها وتوجهها للى انت بترغب فيه حتسعدك وبالحلال الست لما جوزها يحسسها انه بيحبها وراغبها هى كمان بتتحرك جواها مشاعر جميله بتوصلك ارجع لربنا وحاول ترتب حياتك معاك ست طيبه ومعاك اطفال النظره فى عينهم بالدنيا كلامك فى الجنس على التليفون ولا على النت مش بيقدم ولا بياخر انت بتحس بحاله وقتيه وتكسب عليها ذنوب كتيره طب ما تحاول تكلم مراتك فى الجنس وتكتشف مفاتنها والله حتكون سعيد ومرتاح الضمير مراتك هى الاصل والباقيين كلهم مجرد وهم ارجع لربنا وادعى انه يجعل من مراتك وعيالك قره اعين وربنا مقلب القلوب قادر يهديك بس لاطف مراتك واتكلم معاها كتير وحن عليها يعنى اديها فرصه انها تدخل قلبك واتقى الله وارجعله وربنا يسعدك مع مراتك ويجعلها ملء قلبك وحياتك ويبعد عنك شياطين النت والموبيلات ويصلح حالك

  26. هوان الحب
    18/01/2011 at 01:00

    اتق الله ولا تستبدل الحلال بالحرام وقتك اللى تضيعه على التليفون والنت زوجتك احق به غير ان عندك بنت خاف عليها يتعمل معاها ما تفعله مع زوجتك من خيانه أو ان حد يكلمها على التليفون كده زى ما بتعمل وخلى بالك _داين تدان _ وخطيبتك الاولى علاقة وانتهت ممكن تكون اتجوزت يعنى لا ينفع حتى التفكير فيها ممكن الفراغ اللى انت فيه بسبب ان زوجتك حامل وتعبانه والله نفسى الرجال يجربوا الآم الحمل والولادة وهما يحسوا بتعبنا ويقدروه يا اخى انت نفسك بتقول ان زوجتك طيبة وبتحبك عايز ايه تانى كفاية نظرة من عيون بنتك بالدنيا وما فيها

اترك رداً أو حلاً لهذه المشكلة