الحب الاول

حاسة اني بخون خطيبي وظلمت الانسان اللي حبيته

هطول عليكم معلش سامحوني بس محتاجة رايكم
انا بنت عندي 22 سنة كنت بحب شخص من خمس سنين وهو مكنش من بلدي كان من محافظة تانية وبعد سنتين من كﻻمي معاه جه اتقدملي بس بابا رفضه عشان مكنش معاه شغل كويس في مصر وكمان كان معترض علي الغربة بس انا وهو كان عندنا امل انه هيوافق في يوم من اﻻيام وبعدين جاتله فرصة شغل في السعودية سافر وقعد سنتين وانا كنت علي عهدي ليه اني مرتبطش بحد غيره وهو كان معاهدني اني هيعمل المستحيل عشاني وبعدين رجع من السعودية وكلم بابا تاني وبابا رفض شغله قاله ﻻزم يكون عندك شغل في مصر ف انا قعدت اقوله وازن عليه عشان يدور علي شغل بس هو كان مطمنش لاني معاه فمكنش عاطي الموضوع اهمية وفجاة لقيته حط فلوسه كلها في عربية اشتراها عشان يشعلها وبعد شهر من شرا العربية عمل حدثة بيها الحمدلله هو طلع سليم منها بس كل تحويشة عمره ضاعت وكمان استلف فلوس عشان يصلح العربية وبعد الحدثة بكام يوم جالي عريس كان جاهز من كله مفيهوش عيب اهلي ضغطوا عليا عشان اوافق وانا حسبتها بعقلي لقيتهم عندهم حق هفضل مستنياه لغاية امتي ووافقت ومن اول لحظة في الخطوبة وانا مش حاسة باي حاجة حاسة اني ضايعة في الدنيا لما بقعد لوحدي بحس ان روحي بتروح مني عشان ظلمت العريس اللي اتخطبتله ﻻني مش عارفة احبه بس هو انسان الف واحدة تتمناه مفيهوش عيوب واديني اهه كملت شهر من الخطوبة ولغاية دلوقت مش مرتاحة ﻻن اﻻنسان اللي كنت بحبه كلمني وطلب مني اني اسامحه وحلف انه عرف قيمتي وانه هيعمل المستحيل عشاني وطلب مني فرصة تانية وانا من وقتها اتلغبطت اكتر مش عارفة اعمل ايه اديله فرصة تانية وﻻ ارتبط بخطيبي حتي لو من غير حب
مبقتش عارفة اعمل ايه حاسة اني تايهة والدنيا ضاقت بيا

مشاكل وحلول ذات صلة

اضيف بتاريخ: Sunday, January 7th, 2018 في 22:27

كلمات مشاكل وحلول: , , , , , , , ,

ردود to “حاسة اني بخون خطيبي وظلمت الانسان اللي حبيته”

  1. ابوالبتول
    09/01/2018 at 21:10

    الف مبروك على خطوبتك ياقمر وربنا يتمم لك بالخير ويسعدك مع خطيبك عايزك تنسى الواد اللي كنت تحبيه ولاترديش على اتصالاته نهايا دي خيانة لخطيبك اتقي الله في نفسكي وفي خطيبكي اللي شاريك بالغالي وانت واهلك موافقين عليه احذري من الكلام معه او حتى تعبريه خالص كل شي قسمة ونصيب وانت الان مخطوبة لشاب ابن حلال وجاهز ويحبك ويتمنى رضاك ربي يصلحك ويهديك ويسترعليك ويؤفقك مع خطيبك وعقبال مانفرح بكم عن قريب ان شاء الله وتلاقي الخير والسعادة طوال حياتك

اترك رداً أو حلاً لهذه المشكلة