الحب على النت

حبيت شاب على الشات مش عارفة هل اصدق كلامه

السلام عليكم انا بنت فى 2 ثانوي اتعرفت على شاب فى 4 جامعة من الشات من نفس محافظتى وقريب منى كمان.
وحبيته وهو كمان حبنى واعترفلى بحبه وانا كمان.
هو محترم ومؤدب والله وانا متأكده من كده وعمره ماكلمنى فى شئ لا قدر الله مش كويس.
لكن هو الحقيقه مسجل لى اصدقاء بنات ع الفيس بوك وانا لما عرفت واجهته بكده.
قالى ان فى بنات فيهم مش بيكلمهم خالص ولا حتى يعرف اسمائهم وفى بنات فيهم كمان مخطوبه وبنات اكبر منه وبنات مسجلها عنده بحكم العمل لانه بيشتغل فى الاجازه وحلفلى مية يمين ع كده.
لكن انا اتضايقت وقعدت فتره مابكلمهوش فضل يتصل عليا كتير ويرسلى رسايل ع الموبايل ورسايل ع الفيس بوك و الايميل قعد فتره طويله اوى ع الحال ده.
وبعد كده كلمته وقالى انه مسح كل البنات اللى عنده علشان مايزعلنيش ويثبت ليا انه بيحبنى انا وعايزنى انا ووعدنى انه هيخلص الجامعة و الجيش و يخطبنى وبعد لما انا اخلص الجامعة وهو يكون كون نفسه فى الفتره دى يبقى نتزوج.
انتوا ايه رأيكم هل اصدقه ولا لا واتصرف ازاى واعمل ايه ارجوكم انصحونى وشكرا ليكم جميعا.

مشاكل وحلول ذات صلة

اضيف بتاريخ: Saturday, January 8th, 2011 في 22:29

كلمات مشاكل وحلول: , , , , , , , , , , , , , , ,

27 رد to “حبيت شاب على الشات مش عارفة هل اصدق كلامه”

  1. البرنس
    10/09/2019 at 21:11

    انت لسه في 2 ثانوي يعني في سن المراهقة ودي مرحلة خطيرة تمر بها البنت ويحصل فيها طيش وتهور وعبث غير محمود العواقب كما حصل معك عندماتعرفت على الشاب من خلال الشات واي علاقة تكون من خلال النت مصيرها الفشل في النهاية لانها قائمة على الكذب والخداع والتضليل ولاانصحك بالاستمرار في دي العلاقة لابد من انهاءها فورا لاجل تصوني خلاقك وسمعتك وسمعةاهلك وتهتم بدراستك ومستقبلك والعمرقدامك طويل هتلاقي نصيبك مع ابن الحلال اللي يستاهلك ويقدرك ويصونك ويسعدك طوال عمرك

  2. حلال المشاكل
    22/11/2014 at 10:25

    انامن راى الاخت عيوشة اللي ردت عليك جربي واعملي اللي قالت لك عليه وحتعرفي ان كان الشاب صادق في مشاعره معك وجاد في الارتباط بك ام لا وربنايكتب لك اللي فيه الخيروالصلاح

  3. صلاح
    01/10/2014 at 23:13

    الافضل انك تجلسى مع اخت فاضله وتتشاورى معها

  4. عيوشه
    30/08/2014 at 13:11

    اختتتي بقولك خطه وانتي بكيفك اذا بتسويها انا جربتها مع واحد كنت احبه بس طلع كذااب اسمعي .. اذا عندك صديقه او خاله تعرف اسراراك من رايي انك تعطيها رقم تلفونه وخليها تنتحل شخصية امك وتقوله انت تبي تخطب بنتي ؟ يعني بختصار تختبره وتشوف اذا بيوافق او راح يتهرب اتمنى اكون افدتك خيتوو ..♡

  5. ابواميرة
    10/01/2014 at 00:49

    يابنتي الفاضلة لاتصدقي الشباب العابثين اللي يتكلمومع البنات عبرالنت اوالموبايل كلهم كاذبون ومخادعون يتقربون من البنت حتى يوقعوهافي المعاصي والمحرمات ويسلبونهااعزماتملك وهوالشرف وفي الاخريرموهارمي الكلاب ولايسالون فيها وانت بنت ناس محترمين وطالبةفي الثانوية بكره تروح للجامعة وتحقق امالك وطموحاتك في النجاح والتفوق اهتمي بدراستك وسيبك من الحاجات دي اللي تسي لسمعتك وكرامةاهلك وتشوه اخلاقك وتربيةاهلك لك وتجلب لك ولاهلك العاروالفضائح اقطع علاقتك بالولد السافل المنحط هذا وانسيه للابد وربي يسترعليك ويوفقك لكل الخير والسعادة

  6. ابواميرة
    06/12/2012 at 20:14

    اسمعي جيداالحب شي عظيم في الحياةوهو لوعاوزك بجد وصادق معك يتقدم لاهلك ويقرا الفاتحة مش خطوبة حتى يكمل جامعته ويكون نفسه ومسالة يكلم بنات على النت وهوقالك انو تاب وقطع علاقته معهم يمكن انو صادق والله اعلم

  7. اخ يا دنيا
    01/03/2012 at 19:34

    الحب في في من النت وفي شباب روعة احترام وادب وتربية يعني هي بس متخبيش عامها ولا اختها ومتعملش اللي بيزعل ربنا وبس وتسيبها عالرب هو ادرى بمصلحتها

  8. جنة
    04/12/2011 at 20:58

    اولا ياجماعة والله كل كلمة بكتبها صدق وصح جدا انا طبعا بشكر كل انسان رد على البنت دى بان مفيش حب على النت على سبيل النصيحة بس انا بنت ومخطوبة لانسان من النت وفى منتهى الاحترام والادب والله وكمان اهلى كلهم فخورين بيه لانه شاب محترم وكمان شغال شغلانة كويسة جدااااااااااااااا اهم شئ فى علاقة النت الصدق والثقة دا اهم شئ وكمان طبعا الاخلاص والوفاء ووالله العظيم الموضوع بيكمل انا حبيت اكتب اللى حصل معايا عشان بس ادايقت من اللى بيحلفوا ان مفيش حب ولا جواز على النت فى بس لازم يكون فى حجات تانيه اهم بكتير من كلام الحب بس

  9. ميدو حب
    23/08/2011 at 22:35

    بصى لو كنتى قبلتيه وعرفتيه كويس وعرفتى كل حاجه عنه هوا واهلو وحاسه بصدقو خلاص يبقا ده بجد بيحبك وجربى مش هتخصرى حاجه المهم انك تحافظى ع نفسك ربما ممكن لاقدر الله يسيبك فنتى تحافظى ع نفسك واوعى تخليه يلمس شعره منك عشان لوحصل حاجه ماتندميش

  10. nour
    19/07/2011 at 02:12

    متصدقيش كلامه عشان هو كداب وهو مش هايبوص لوحدة اصغر منه بكتير وصدقينى هو بيكدب عليكى ابعدى عنه عشان انتى ممكن تندمى بعد كدة

  11. nino
    23/05/2011 at 19:21

    بصى هقولك نصيحه من اخت اكبر منك وحاولى تفكرى فى الكلام كويس اوووى انتى مبدئيا لسه صغيرةمش معنى كدا انك متحبيش لكن معندكيش خبرة كافيه بالشباب يعنى انا مقدرشى اقولك دا كداب ولا صادق لانك انتى اللى اتعاملتى معاه فى حب على النت مش كدب وفى ناس بيكونوا صادقين وفى ناس بيكونوا كدابين ودول مفيش اكتر منهم عوزه اقولك يعنى متوقفيش حياتك على حد معين شوفى حياتك بردوا واعرفى ناس بس فى حدود ولو فى نصيب هتكونوا لبعض بس بردوا متندفعيش ليه اوى خلى كل حاجه فى الحدود علشان تعرفى هوا فعلا بيحبك بجد ولا فىفى باله حاجه تانيه

  12. MOHAMED
    11/05/2011 at 22:08

    اولا-الحب هو احساس خفى قوى يهز المشاعر ويحرك القلب من مكانها…الحب ليس كلام ولكن الحب افعال…الحب ليس كلمة تقال..الحب كلمة تقرأ من
    العين ومن افعال وتصرفات …
    ثانيا- ” الحب هو اجمل وردة عندما تتفتح في الانسان, وهو شوق يتراقص في الجسم وقشعريرة في البدن وحرارة في القلب,
    والحب لا يبلى ولا ينتهي, مهما تعرض للأذى والمصاعب أو الأحزان,
    والحب الحقيقي لا ينتهي نهاية سعيده,لأنه أصلا دون نهاية,خاصة ذلك الحب الذي يتكون من سبعة اسرار….
    ثالثا- اقدر اقول لكى لا تتسرعى بقلبيك بل تفكرى بعقليك انا عن نفسى بقول ان الزوجة
    طبيبة زوجها فهل من الممكن لا تكون طبيبة نفسها
    والله الموفق

  13. الدلوعه
    26/03/2011 at 08:25

    لو على الزمن فهو فعلا اسود ومهبب ويستاهل ضرب البلغه بس مش لازم نبئى فريسه للزمن ده ونكون اقوى منه ومن اللى جابوه ههههههههههههههه

  14. الدلوعه
    26/03/2011 at 08:22

    الاخت بنت مصريه انا هسالك سؤال بس تجاوبينى بصراحه انتى بتؤلى ماتعرفيش شاب من ورا اهلك يعنى لما احب شخص حب شريف ركزى على حب شريف وده مش هياجى الحب ده غير لو انتى واثقه من نفسك اولا المهم
    المهم انا نسيت ااولك السؤال ااول لبابا بابا انا بحب فلان وشويه كده هدخل اوضتى عشان هو هيكلمنى ارجوك ماتعمليش دوشه وتخبط عليا وتندهنى اعمل كده يعنى عندكم نصايح تعلى الضخط وانا لسا صغيره عليه

  15. الدلوعه
    26/03/2011 at 08:18

    بصى انا هئولك على حاجه اوليله اسمع عزيزى لو انت فعلا غرضك شريف على الاقل ادقدم واعمل قرايه فاتحه مش هئولك خطوبه ولا شبكه لكن لو حاسس انه لسا بدرى يبقى خلاص ماتحبش وتتعب نفسك انا مش بعلق نفسى فى حبال دايبه وده كلامى الاخير وانا مش بتكلم انجليش

  16. حفصة
    16/03/2011 at 23:53

    مرحبا للجميع ماذا تقولون لايوجد حب على النت وان لاتكون علاقات على النت اذن اين تريدن ان تكون العلاقات انا بفضل البنت تتعرف على الشب وتعرفو لشخصيتو لطبعو احسن من انو تلتقي فيه مباشرة وتقعد معو ويلمسها او تضيع وقتها علفاضي مو مثل عم يحكي معها من النت من جهة هي عم تعرفو وهو كمان هيك ماراح يلح على المظهر او شكلها ازا حلو ولا لا راح يشوف النواة راح يشوف القلب شوفيه كيف بتفكر ياجماعة سواء على النت او مباشرة يمكن تلاقي حب حقيقي ويمكن لا تبدأ بصداقة وتتحول الا حب لانك تجده اقرب ناس اليك حتى لو لم تراه فهو يفهمك ويحس بك وتقضي معو اوقات طويلة وانتي تتحدثين اليه ليس متل ان تجلس ساعة واحد او ساعتين مع شب في مقهى او باي مكان انا افضل ان تتعرف البنت على الشب من النت وان تم هناك حب يلتقو ويحاولو اتمام مابدئوه بالزواج وتحقيق الاحلام ليس الحب ان تكون مع من تحب الحب ان تكون في قلب من تحب

  17. أبوعمر
    14/03/2011 at 12:36

    اختي .. خديها نصيحة من شاب النت خد منه رقات … مافيش حب عن طريق الشات … حلوة دي ده أنا انفع شاعر والله !!
    المهم يعني انتي لسه صغيرة وياما هتشوفي وياما هتقابلي ولكن صدقيني خللي قلبك يفضل بكر علشان لما تقابلي نصيبك تحبيه من كل قلبك وبعدين لو الشخص ده فعلا بيحبك اقطعي علاقتك بيه على اساس اول مايكون جاهز ويقدر يتقدم يكون له الأولويه ولكن ليس قبل ذلك .

  18. LoLo
    12/03/2011 at 23:46

    بسم الله الرحمن الرحيم
    مش كل الشباب اللي في النت بيكونوا بيكدبوا او بيتسلو
    في شباب كويسين وبيحبوا بجد
    ولو انت شايفة انو انسان كويس متبعديش عنه مهما كان رأي الناس
    وانا بحب انسان اتعرفت عليه من النت من سنتين
    ومفيش حاجة اسمها انت صغيرة بالعكس احلي حب في السن الصغير
    لانه ميعرفش ظروف ومشاكل ولكن بيحب بقلبه وروحه بس
    وانا في اولي ثانوي وانا متأكدة ان ده افضل حب

  19. زملكاوى
    10/01/2011 at 20:18

    فى حب مع النت بجد وناس بتجوز فعلاً
    انما دا بيبقى قليل
    فخليكى فى المضمون وسيبك منه وان شاء الله ربنا هيكرمك
    انا اتجرحت بسبب النت دا
    ولو اطول اكلم الناس كلها واحزرها والله عمل كدا
    لأن الواحد بيتخدع وبيتهان
    ممكن تكلمى حد فتره طويله وفى الاخر تكتشفى
    انه بعتلك صور غير صوره وصفاته كانت واجهه ومفبركه
    خليكى مع صحباتك البنات وحبيهم بجد وبكدا مش هيبقى فى فراغ تفكرى فأى حد
    وهتلاقى فى يوم حد بيتقدملك اما جواز تقليدى وتحبيه فى فتره الخطوبه
    او حد يحبك وييجى يعترف ليكى بحبه
    او انتم ال2 تحبوا بعض وتجوزوا

    فكك من النت اسمعى الكلام

  20. فتحي 67
    10/01/2011 at 01:27

    دوامة المعرفة على النت كبيرة وخطيرة على مستقبلك ونفسيتك المفروض انت في دور تكوين الشخصية من اجل المستقبل وليس النت من اجل الحب والكلام المعسول الشيطاني لذلك ابتعدي عن هذا الادمان وتوكلي على الله وهو الموفق

  21. محمد شهريار
    09/01/2011 at 12:27

    بصى يا ست الكل
    انا شاب ولقولك مفيش شاب بيحب ع النت
    والله بيتسلوا وبيهموا البنت بالحب
    حرام عليكى نفسك واهلك ومستقبلك
    غيرى اميلك وغيرى رقم تليفونك واقطعى علاقتك بيه نهائيا
    وحافظى على نفسك لسه العمر قدامك
    وربنا يهديكى

  22. سندريلا
    09/01/2011 at 02:53

    ; انتى لسه صغيره وانصحك متعلقيش نفسك بحد والانسان الوحيد اللى يستاهل حبك هو زوجك فى المستقبل ان شاءالله وركزى دلوقتى فى مستقبلك اهم عشان بعدين ترتبطى بالشخص المناسب ساعتها هتحترمى نفسك اكتر وهتصونى كرامتك وتكونى فخوره ادام نفسك ان زوجك هو اول حد فى حياتك وهتجبرى اى حد انه يحترمك ارجوكى متسمحيش لنفسك تدخلى فى علاقه مع اى شاب لا ع النت ولا برا النت راعى ربنا فى زوج المستقبل صدقينى والله العظيم هتكونى سعيده اتمنالك التوفيق من كل قلبى وان شاء الله ربنا يحققلك كل احلامك

  23. بنت مصرية
    09/01/2011 at 01:45

    السلام عليكم اسمعيها نصيحة من اخت كبيرة عملت الى انا بقولك عليه اوعى تعرفى شاب من ورا اهلك واوعى تصحبى شاب عالنت انهرده بيحبك بس بكرة حيشك فيكى انك وحدة عرفتى شاب عالنت وكان ممكن تكونى عرفة غيرة وكمان صدقينى اهلك اكيد مش حيفرحو لو عرفو انك على علاقة بشاب ركزى فى دراستك انتى لسه صغيرة وبكرة حتكبرى حبة تعرفى ان ده لعب عيال واوعى تقولى انى معقدة لا انا اعدت 3 سنين جامعة ما كنتش بكلم ولاد خاالص وسنه 4 اتجوزت وده حاجة حلوة ان اول انسان تعرفيه يكون علاقة رسمى ويكون هو زوجك انشاء الله وربنا معاكى

  24. هدهدة
    09/01/2011 at 01:36

    لو وثقة فية خلاص بس متعمليش حاجة غلط ومتتكلميش معه كثير

  25. حبيبة الرحمن
    09/01/2011 at 00:11

    الحل انك لسه صغيوره ولسه كتكوته السن ده سن مارهقه ماينفعشي حب لاني البنت لما تبكر تفكرها بيتغير خالص انتي ركزي في مذكرتك وشهاتك واطحني نفسك في المذكره وبعد الجامعه ابقي فككري في حب وماحبيت وهو ابعدي عنه علاقة الشات مابدوم وماتعرفي ايه وضع اهله ولا ايه ناسه وشوفي المصايب اللي بتحصل للبنات علي الموقع من الشباب والبنات ودخلهم الشات في بنت اتعرفة علي شان وفي الاخر نصب عليها واخد دهب امها ماتضمني حد الا صوابع ايدك الزمن الاسود ده وخلي بالك من نفسك

  26. iam 3asal
    09/01/2011 at 00:04

    الاول انتي في ثانيه ثانوي بمعني ان لسه قدامك وقت على ماتخلصي الجامعه اقلها 4 سنين مثلا انتي شايفه انك في الاربع سنين دول مش هتلاقي اي واحد مش هقولك تعجبك شخصيته عالاقل مش هيعجبك شكله انما اللي بتكلميه ده انتي متعرفيش هو اساسا في رابعه جامعه ولا لا ولا تعرفي لما تقابليه هترتاحيله ولا لا ومتعرفيش هيا الشخصيه اللي بتكلمك دي نفسها اللي ورا الشاشه ولا لا بعدين انتي باي حق تاخدي رقم موبايله ويبعتلك رسايل عليه يعني حطي اختك مكانك وشوفي هتعملي فيها ايه لو قالتلك اديت رقمي لواحد كلمته عالشات ومعرفش عنه حاجه
    ثاني حاجه الصراحه متزعليش مني حاسه بشويه تفاهة في الموضوع انتي نفسك لو فكرتي هتحسي زيي بقى انتي سايبه علاقتكم تمشي وعماله تبني معاه احلام مش عارفه هو قدها ولا لا ولا عارفه هتتحقق اساسا ولالا ورايحه تزعلي منه عشان ضاف كام بنت عالفايس طب عالاقل ازعلي من نفسك انك خنتي ثقه اهلك وثقه ربك كمان بعدين حكايه انه مبيكلمكيش في حاجه غلط دي معروفه الولاد دول عندهم صبر ملوش حدود وكمان يا حبيبتي الحب ده بيتبني على حاجات كتير مش لمجرد انكم اتكلمتوا خلاص حبيتوا بعض انتي لا تعرفي شخصيته ولا هواياته ولا مستواه اقل حاجه شكله هيعجبك ويخش دماغك ولا لا ولا طبعه والظاهر كده زي مابتقولي انه واحد محترم طب يعني فرضا لو كان واحد بلطجي وبتاع خناقات لما ييجي يكلمك هيشتمك يعني واخر حاجه هقولهالك وانتي حره تصدقي ولا لا انا زمان اول ماخويا علمني عالكمبيوتر كنت بشوف اعلانات لشاتات في مواقع فجربت مره اخش وياما كلمت ولاد وانا عارفه ان انا كنت غبيه اكيد المهم بعد ماتعودت على حكايه الشاتات دي وخصوصا ان انا كنت فاجازه وكنت بسهر فمره دخلت باسم ولد وجنسيتي سعودي وبشتغل في شركه اتصالات وكنت بكلم بنات وحاجه عاديه ياترى البنت اللي كنت بكلمها كانت عارفه اني بنت زيها .. واخر حاجه بجد لازم تعرفي ان اي رساله او اي مكالمه بينك وبينه ممكن تتقلب ضدك في الاخر وممكن كمان يشك فيكي بعد كده لانه مادام عرفك عن طريق الشات يبقى كلمتي سبعتلاف واحد قبله وافتكري ان ربنا مش بيبارك في حاجه مبنيه عالمعصيه وان ربنا ممكن يشل ايدك فمره وانتي بتبعتيله رساله .. او حتى ياخد روحك وانتي بتكلميه عالنت افتكري كلامي ده المره الجايه لما تيجي تكلميه وشوفي نعمه ربنا عليكي قد ايه انه لسه سايبلك فرصه تتوبي

  27. Just Peace
    08/01/2011 at 23:07

    السلام عليكم
    ان شاء الله الواحد يعمل حمله جديده اسمها
    لا لعلاقاااااااااات الشات
    ربنا يهديكى ويهدينا

اترك رداً أو حلاً لهذه المشكلة