هل كل الشباب المغتربين سلوكهم كده

انا فتاه عندي 26 سنة اعرف شاب من حوالي 3 سنين من الفيس بوك بيشتغل في السعوديه وكان حاطط صورته الشخصية بلبس الاحرام وعرفت انه حاجج بيت ربنا مرتين وعامر اكتر من 5 مرات اعجبت بدينه وهو كان طالب انه يتعرف عليا لانه اعجب باسلوبي وطريقتي في الفيس بغرض انه يرتبط بيا في الاول رفضت ان الارتباط يجي عن طريق الفيس حاول يقنعني ان الفيس مجرد وسيلة زي اي وسيلة اتلكمنا فترة لحد مااتعرفنا علي بعض وشوية لقيت مشاعره ليا بتطور ووصل انه قالي انه حبني وكان عايزني احبه قولتله انا مش هسلم مشاعري لحد بسهولة المهم انه فضل يقولي بحبك ووحشتيني وانا اصده وهو كان بيقولي انا هقول لان ده احساسي فقررت بيني وبين نفسي اني مش هفتح كل يوم عشان مكلمهوش وبعد فترة قرب مني قوي واتشد ليا رغم صدي له مع مرور الايام حبيته وبدأت اقوله بحبك وكنت له الام والاخت والصديقه قبل مااكون له الحبيبة لما حس بكل ده لقيت ان مشاعره ليا بتزيد لحد ما صرحلي بان احساسه وصل لحد الجنون ووصلت للحساس بالشهوة كل ما يكلمني وهو بيحاول يمسك نفسه بس مش قادر زعلت منه وخد موقف وبعدت ومسحته كمان بس كل مرة امسحه يرجه يكتبلي من اكونتات مختلفه انه بيحبني وميقدرش يستغني عني اسامحه وارجع اكلمه يرجع تاني يقولي مش قادر نفسي اعيش الاحساس معاكي لحد ما حذفته وعدت سنة وفي رمضان نزل مصر كتبلي كتير انه نزل مصر وعايز يجي يتقدملي وقتها انا مكنتش بفتح شوفت رسالته بعد شهر من ارسالها وكان من اكونت جديد باسم غير اسمه ولما قبلت الرساله رديت عليه عرفت انه رجع السعودية وكلمني وعايزني اسامه وارجعله وكان عامل زي الطفل اللي عامل غلطه وخايف اسيبه واتخلي عنه واعترفلي انه عمل علاقه جنسية مع بنتين عن طريق النت العلاقه كانت صوت وصورة طبعا اتصدمت فيه وفي شخصيته اللي ضيعها وطلب مني اسامحه واقف جانبه واني اقبل يتجوزني رفضت وقولتله ثقتي فيك مش هترجع سبته فترة ومكنتش ببطل تفكير فيه صعبان عليا ودي مش مشكلته هو بس دي مشكله شباب كتير مغتربه ومش عارفه اعمل ايه اسيبه ولا اقف جانبه ..

مشاكل وحلول ذات صلة

• بحب خطيبي لكن الماضي شاغلني
• كيف اعيش حياه سعيده مع خطيبتي
• خايف اطلقها اظلم نفسي وابني اللي جاي
• حب صادق وتدخل الاهل ومعاناه نفسيه
• هل أسافر للعمل في السعودية ام ابقى في بلدي
• لسه متعودناش على بعض وعايزنا نكتب الكتاب
• خطيبتي مش مقدرة ظروفي وانا في الغربة