الحب على النت

كيف أخليه يرجعلي من غير ما اقل من قيمتي

السلام عليكم.. انا بنت عمري 20 سنة امي مجنونة ومن أول ما وعيت على الدنيا مابعرف منها غير الضرب وابوي ما بيدخل نهائياً مع انو ضربها مبرح وكزا مرة دخلت المستشفى من وراها .. وكل ما اكبر بتزيد قسوتها علي وبالاخر نفسيتي تعبت كتير وكنت اشعر بحاجة كبييييرة للحب والحنان ومستواي الدراسي ادهور لدرجة اني عدت الثانوية العامة 3 مرات مع اني كنت من الأوائل وانا صغيرة وبسبب فشلي بالمدرسة ونفسيتي التعبانة كل صاحباتي بعدو عني وحتى قرايبي فصرت وحيدة ودايماً كنت بدور على حد أرتاحلو وأفضفضلو الي بداخلي .. لحديت ما مرة اجتلي فرصة انو كان عندي النت متوفر واهلي مسافرين وكنت لحالي بالبيت وطول خلال هاي هالفترة وانا بدور على شاب كبير ومحترم يكون إلي زي أب أو أخ .. فصرت أدور من الشات وبعدين سجلت بموقع زواج وكلمت كتيير شباب منهم المتزوجين وغير المتزوجين ومن ضمنهم واحد اعجبت بشخصيتو وأسلوبو كتير وهو اكبر مني ب 8 سنين وكان يعاملني زي كإني أختو الصغيرة وانا نفس الشي كنت اعتبرو اخوي الكبير وكان دايماً ينصحني ويخاف علي وبعد فترة تعلقت فيه كتيييير وحبيتو مع اني كل معرفتي فيه بس من النت بس ماقدرت اعترفلو بحبي لإني كنت منحرجة .. بس هو كان يعرف اني بحبو من طريقة كلامي معو وقعدت سنة كاملة وانا اكلمو وكان يصير بينا مشاكل وشوي شوي صار يبعد عني وأكلمو ومايرد علي لحد ما اجا وقت وطلب مني أني ما اكلمو وصار يقلي انا خطبت لو سمحتي لاتكلميني ومع انو مو خاطب وانا عرفت بطريقتي انو مش خاطب وبعدين صرت احكيلو اني بحبك وكنت أول مرة بقولو اياها كنت مستعدة اعمل أي شي من أجل انو ما يتركني وانا هلأ قاعدة بتعذب لإني بعشقو وبموت فيه ونفسي أضل احكي معو حتى لو ماراح نتزوج المهم اني اضل احكي معو انا تعرفت على شباب كتييييير وهو الوحيد بينهم الي ارتحتلو وماحلاقي حد زيو وهلأ انا مو عارفة كيف أرجعو يحكي معي ومش حابة اترجاه لإنو عصب علي لما اصريت اني اضل اكلمو وانا هلأ محتاجيتو ومابعرف شو السبب الي خلاه يتركني مع اني من سنة كاملة وانا بعرفو وبحكي معو وولامرة شفنا بعض ع الحقيقة وانا هلأ محتاجيتو هو ليش تركني شو أعمل نفسي أنساه و موعارفة وبنفس الوقت بدي اياه كل يوم بصحى وبنام وانا بفتح ع صوره من النت اطلع عليه … بدي أعمل المستحيل عشان أخليه يرجعلي بس من غير ما اقل من قيمتي أو اهدر من كرامتي ارجوكم ساعدوني بنصائحكم

مشاكل وحلول ذات صلة

اضيف بتاريخ: Tuesday, March 13th, 2018 في 05:07

كلمات مشاكل وحلول: , , , , , , , ,

ردود to “كيف أخليه يرجعلي من غير ما اقل من قيمتي”

  1. الفتى الضائع
    13/03/2018 at 10:21

    عزيزتي
    اولا تأثرت لقصتك مع والدتك لكن بعض الاباء ربما لجهلهم لا يعرفون التعامل مع ابنائهم وان العنف الجسدي كما اللفظي له انعكاسات مدمرة على الاولاد قد تصل لعقد نفسية
    على العموم الله يسمامحهم
    بداية اختي الكريمة اتمنى الابتعاد عن هذا الشخص فهذه العلاقة من البداية غير صحيحة فانتي حاولتي الهروب من مشكلة لكن ستقعين في مشاكل
    فاحسساك بالعاطفة جعلتك تبحثين عنها في المكان الخطأ باعتبار ان علاقات الوسائط الاجتماعية غير حقيقية
    فارجوا منك اختي استبدال كل ماشعرتي به من نقص عاطفي و البحث عن شخص يفهمك بشيئ اهم وهي حياتك
    و كاول خطوة حاولي التعرف على بنات من سنك و ايضا اهتمي بدراستك و العيش لها على الاقل في هذه المرحلة و لا تستعجلي هذه الامور اما تجربتك هذه اجعلها درسا لك وتجربة من اجل تنوير حياتك و لا تستعجلي ابدا الحب وتركيه بعد الزواج وصدقني سيكون شعور جميل وصادق
    اما ذلك الانسان ممكن يتسلى بك
    لهذا لا تدعي له المجال للتلاعب بك و كرامتك بالابتعاد عنه وليس كيف يرجع الك
    و بالمناسبة ماتمرين به ليس حب و سأقول لك ماهو الحب الحقيقي هو عندما تلتقي افكار الطرفين في المنتصف يعني التفاهم و اولهما الثقة و المسؤولية وهذه الامور لا تحدث في النت و هذا الشاب عندما اظهرتي له وجهك فهو يقول في نفسه غير متربية
    انسيه اختي وحذاري من ارسال له صورتك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة