الحب وفارق السن

لقيت الانسان المناسب و لكنه اكبر 11 سنه

انا عمرى 19 سنه و ابن عمى اتقدملى وانا حاسه انه الشخص المناسب ليا لكن هو اكبر منى 11 سنه و كمان عايز جواز فى الدراسه و انا لسه فاضلى سنتين علشان اخلص المهم بابا و ماما رفضوا بسبب فرق السن مع ان جدو و كل الغيله موافقه علشان عارفين قد ايه هو انسان كويس و هيحافظ عليا لكن ماما قالتلى ان هو مش عايز يستنى لحد ما اخلص دراسه و مصمم على الجواز فى الدراسه فانا رفضت و تاموضوع ده سببه صدمه كبيره قوى لدرجه انه خطب بعد كده 3 مرات وكل مره كان بيفسخ الخطوبه بعدها باقل من 3 شهور و يتقدملى تانى بس انا ماكنتش باعرف و حاليا خطب و كان كتب كتابه تلاسبوع اللى فات و كلمنى يوم كتب الكتاب و قالى انه عمره ما هينسانى وانى هافضل طول عمرى جواه و طلب منى انى افكر تانى وان انا لو قلتله انا موافقه على الجواز مستعد يفسخ الخطوبه ان حتى لو كان يوم الفرح قالى انا مش عايزك تضيعى منى ومش متخيل نفسى مع واحده غيرك و اترجانى افكر تانى و بالرغم من انى اوقات كتيره باندم انى رفضته غير انى ماقدرش اكلمه و اقوله انا موافقه حتى لما هو بيكلمنى ببقى مش عارفه ارد عليه و مش عارفه اقوله ايه فى ناس كتير بتقولى انى عمرى ما هلاقى زيه و هو كمان عمره ما هيلاقى زيي و بيقلولى اننا لو ارتبطنا بحد غير بعض هنخسر نفسنا و هنفضل طول عمرنا نندم وانا مش عارفه اعمل ايه

مشاكل وحلول ذات صلة

اضيف بتاريخ: Monday, April 16th, 2018 في 05:19

كلمات مشاكل وحلول: , , , , , ,

2 رد to “لقيت الانسان المناسب و لكنه اكبر 11 سنه”

  1. البرنس
    05/07/2019 at 23:30

    الاخت العزيزة فارق السن بينكم 11سنة مش بسيط لو قلنا 3 -5 سنة معقول لكن 11 سنة كثير وكمان انه خطب 3 مرات وفشل في خطوبته الثلاث فده موشر غير طبيعي فاحتمال يكن الشاب شخص غير مرغوب فيه وعنده مشاكل فلاانصحك بالتفكير من الزواج به خالص اهتم بدراستك وانت لسه في عزشبابك ماشاء الله وهتلاقي نصيبك مع ابن الحلال اللي يستاهلك ويسعدك

  2. ابوالبتول
    23/04/2018 at 21:26

    شوفي يابنتي فارق السن بينكما 11 سنة يعني انت في 19سنة وهو في سن 30سنة والمشكلة انو اهلك غير موافقين على زواجه منك الان وانت في مرحلة الدراسة لكن لاتتسرع في القبول به حتى تعرفي اسباب فشل خطوبته الثلاث مرات قبلك فقد يكون الشاب مش كويس وليس جدير بالارتباط فعندها سوف تندم كثيرا ان قبلت الزواج منه استمع لكلام اهلك ابوك وامك فهم اكثر الناس حرصا على سعادتك ويعرفوا مصلحتك اكثر من اي احد ثاني ومن وجهة نظري انك تخلصي دراستك اللي فاضل عليها سنتان ولاتشغل بالك باي شي قبل انهاء دراستك وبعدها لكل حادث حديث واللي فيه الخير ربنا يقدمه لك ياست البنات والف من يتمناكي ياقمر الدنيا لسه فيها عيال حلال كثار وهتلاقي نصيبك مع ابن الحلال اللي يستاهلك ويقدرك ويصون مشاعرك ويسعدك العمر كله ان شاء الله

اترك رداً أو حلاً لهذه المشكلة