مشاكل الزواج

اهل حبيبتي عايزين شقة في القاهرة

السلام عليكم انا شاب اتقدمت لبنت واهلها مش وافقوا بحجة اني مسافر بسرعة وبعد ماسافرت كلمتها بقالنا دلوقتي 6 شهور بنتكلم نت وتلفون وحبينا بعض لدرجة لاتتصور وكلمت اهلها عشان نخطبها قالو لازم تجبلها شقة في القاهرة مع اني عندي شقة فوق بيت اهلي بس في الريف وعايزني اتوظف مع عمها في شركة بترول ونعيش في القاهرة والا مفيش جواز بس البنت متمسكة بيا وانا متمسك بيها وبتقول نسكن معاك في اي مكان بس المشكله ان اهلها مصممين علي اشتري الشقة وانا لسه 25 سنة يا دوب ببتدي حياتي وشغال محاسب في الخارج ياريت تساعدوني في حل لان بصراحة تعبت وشكرا علي كل الردود مقدما

مشاكل وحلول ذات صلة

اضيف بتاريخ: Sunday, June 3rd, 2012 في 20:23

كلمات مشاكل وحلول: , , , , , ,

5 رد to “اهل حبيبتي عايزين شقة في القاهرة”

  1. ابواميرة
    23/10/2013 at 17:25

    ممكن تلاقي شقق بالاقساط في الزمالك اوالمعادي اوالهرم اومصرالجديدة وربك يسهلها عشان تخطب البنت الي تحبهاوتستحق منك كل التضيحة وخلك في عملك في الخارج دام انك مرتاح فيه وشايف انه مناسب لك حتى تشتري الشقةوتجهزهاوفكرفي العرض اللي قالوالك عليه الشغل مع عمهافي شركةالبترول اذافيه زيادةفي الراتب وشغلانةمحترمةخير وبركة هواحد يكره الاستقرارفي بلده وسط اهله وناسه ربي يوفقك وينولك مرادك ويفتح عليك يااخي

  2. ابواميرة
    01/12/2012 at 19:53

    شوف ياابني اغلب ناس الزمن داه مايفكروش الافي الفلوس والشكليات والبرستيج وانت سيد العارفين حاول تقنع اهل البنت واشرك احدمن قاريبهم الموثرين واللي له كلمة يتدخل في الموضوع وذامايجيب نتيجة وانت متمسك بالبنت ومش قادرتستغنى عنهاالله يعينك استاجرشقة اقساط في القاهرة وانشالله حتلاقي طلبك واماشغل مع عمها في شركة البترول اذاوظيفة محترمة وراتبهاكويس فانعم بذلك والا خليك في عملك في الخارج

  3. غريب الدار
    23/08/2012 at 18:07

    والله يااخي هذه مشكلة كل الشباب ان اهالي البنات يبالغوا في طلباتهم ولا ننكر ان من حق كل اب يطمئن علي بنته
    اخي اتمم عامك الاول بالخارج وابحث عن شقة بمقدم بسيط وبقسط بسيط واعتقد باذن الله الكريم ان تلاقي في وسط حالة الركود العقاري بمصر واتمم خطبتك بهذه الفتاة.
    واستمر بالعمل بالخارج وسدد اقساط الشقة وتمم زواجك بخير لكن لا ادري ما القصد ان تعمل مع عمها بالبترول …ان كان علي ما فهمت ان يوفر لك هو فرصة عمل بالبترول فوالله خير ماعمل امن مستقبلك من عملك بالخارج وارجع مصر واشتغل مع عمها بالبترول والله ييسرلك امورك
    اخيرا ان استصعب عليك امر الشقة و العمل فاتركها لله والله يعوضك بخير منها .

  4. بوب
    24/07/2012 at 15:29

    انا نظريتي ان هي لو بتحبك هتقف جمبك قدام العالم كله

  5. بنوتة
    03/06/2012 at 22:03

    انا رأيي ان اهلها طلباتهم كتير وصعبة حتى الشغل مشترطين فيه ليه ؟
    اتمسك بيها واشتغل وحاول تجيب شقة بسرعة في القاهرة وهما عندهم حق في تاجيل الخطوبة لانك مسافر والافضل انك لما ترجع من السفر وتستقر تخطبها وواضح من كلامك ان شغلك مش ثابت
    ولو انت عايز تستقر برة مصر يبقى احسن انك تتجوزها وتسافر انت وهي وتجيب شقة في البلد اللي انت فيها وكدة هيبقى الشغل والشقة في مكان واحد لكن لو مش هتقدر تخليها تسافر معاك يبقى هات شقة في القاهرة وبالنسبة انك تشتغل في البترول حاول تقنعهم بانهم يتنازلو عن الشرط ده

اترك رداً أو حلاً لهذه المشكلة