السلام عليكم
ياريت يا إخواني الاقي التحليل الصحيح لهذه المشكلة
أنا شاب أبلغ من العمر 33 سنة على قدر كبير جداً من الوسامة وميسور جداً لأبعد الحدود وحاصل على شهادة عليا المهم بعد ما أحببت بنت لمدة 3 سنين وحصل بعدها خطوبة فشل الموضوع بسبب طمع والدها ومطالبه الغير طبيعية
المهم أنا عندي محل وفي واحدة ست هي وبناتها صاحبتهم دلتهم عليا علشان يشتروا من عندي حاجات وأصبحوا زبائن المهم أنا أعجبت جداً بهذه الأم و البنات لكن كنت على طول أفكر في البنت اللي كنت خاطبها
المهم واحدة فيهم اتخطبت وعزموني على الخطوبة وبعدها جت فرصة غريبة إن الست دي وبنتها تركب معايا العربية ووصلتهم مشوار وطبعاً كان معانا والدهم وبعدها مشوار تاني كان معانا ابنها وبالصدفة فتحنا موضوع الزواج فقالت الست إنهم بيشتروا راجل ومش مهم عندهم أي حاجة تانية وأهم حاجة يكون في شقة علشان البنت ما تتبهدل وأنا رديت قلت الحمد لله عندي شقة وفي مكان كويس
عدت الأيام قابلت جار ليا مراته على علاقة ممتازة بالست دي وحكيتله على الموضوع قالي طيب أخلى المدام تجس نبض الناس المهم قابلته بعدها بفترو صغيرة قالي الموضوع مش ها ينفع علشان فرق السن مع العلم انا عندي 33 سنة وهي 23 سنة
قلتله إزاي ده الفرق 10 سنين بس يعني معقول قالي انت ممكن تتنصل بيهم وتفهمهم على الموضوع المهم قررت اتصل بالست وكانت الصدمة ان البنت في ناس اتكلموا عليها والست قالتلي ليه الفترة دي كلها ما اتكلمتش ولا لمحت حتى باي كلام ولو حتى لابني وقالتلي انت بجد زعلتني قلتلها بصراحة كنت محرج جدا لأن طبعي كده المهم قلتلها الف مبروك وربنا يتمملها على خير والكلام ده
ياريت الحل يا إخواني لأني بجد اتعلقت بالبنت دي ومش عارف اعمل ايه في المشكلة .
اخي الفاضل خجلك الشديد وعدم جراءاتك في اتخاذ القرار هوسبب في الحالة اللي انت فيها اضعت البنتين الاولى والثانية من حياتك كان المفروض انك تعمل في ابوالفتاة الاولى صداقة وتلبي له كل مطالبه دام انك تحب البنت وترى انها الزوجةالمناسبة لك من كل النواحي وخصوصا ان احوالك المادية متيسرة ومافيش عندك مشكلة من الناحية المادية لكنك خيبت امال البنت الاولى واضعتها من يديك بسبب حرصك الزائد وخجلك وترددك الغير مقبول على الاطلاق وتكررمعك نفس الحكاية مع البنت الثانية وخصوصا انهم استارحوالك وامها كانت تتمناك زوج لابنتها ولكنك تباطت ولم تقدم على خطوة لاجل الارتباط بالبنت اوحتى التبميح لامها اواخوها برغبتك الجادة في الارتباط بالبنت وطارت منك هي الاخرى وجاها النصيب واتخطبيت لشخص اخر ارى انك ترجع للبنت الاولى حبك القديم اذاكانت لسه موجودة وماتخطبت وتعمل المستحيل عشان تتزوجها وترضي والدها اللي تقول انه طماع فلوس وكل شي يهون عشان سعادتك مع الانسانة التي تحبها وتحبك والحياة تتطلب الواحد يضحي دائما ويتخلى عن اشياء عشان تكتمل سعادته في الحياة والله يوفقك ويسعدك ويكرمك بكل الخير
شوف يااخي الفاضل كل شي في الاخرقسمةونصيب لازم نرضى باللي قدره ربنا لنافي هالحياة دام انك خاطب البنت الاولى 3سنوات وتحبها وهي تحبك بس ابوها مادي وطماع وانت مقتدر ماديا فمالمانع انك تشتري سعادتك بملاين الدنيا مع البنت اللي تحبها واما البنت الثانية ماتعرفها الامن فترةقصيرة وهي تقدم لها عريس واهلها موافقين عليه فمالك فيهاحظ ونصيب اتركها وارجع لحبك الاولاني ومالحب الا للحبيب الاولى ربي يوفقك ونفرح بك عماقريب نشاءالله وتلاقي كل الخيروالسعادة مع الانسانة اللي تستاهلك
شوف يااخي اذاكنت تحب البنت الاولانية فتمسك بهاوتحمل طمع ابوهادام البنت كويسةوبتحبك اما البنت الثانية هي واهلها فاعتقدانهم ناس متعاليين ومايفكرويش الافي الامورالمادية وحتتعب معاهم كثير والافضل انك ماتفكرفيهم وربي يسعدك ويوفقك
اختيارك فاشل من البداية وماكان مبني علغط فهوغلط واحمدالله عل ذلك وربنا بيكرمك في بنت الحلال اللي تقدرك وتستاهلك
كل اللى اقدر اقوله ليك خليها ع الله لو هى نصيبك هتاخدها هتاخدها وبعدين مهم كمان ان النت تكون عايزاك انت ليه مفكرتش ان هى ممكن تكون من عايزاك سيبها ع الله وهونها تهون
بص يا مان البنت لو كانت بتحبك كانت لمل عرفت انك عاوزها كانت وفقت عليك انت ورفضت التانى واكيد هى كانت معجبة بيك مش اكتر الحل الوحيد ليك انك تبيع اللى باعك وتقطع صلتك بيهم وتحاول تنسى البنت دية واكيد هتىقى بنت الحلال اللى تحبك بجد وتبيع الدنيا كلها علشانك
انا من رأيي انك تكون في علاقتك بيهم عادي ولو ليك نصيب فيها هتخدها اما الاولانية فأبوها انسان مادي ومش بيدور علي حد كويس لبنته لأ ده بيدور علي اللي يدفع اكتر وانت هتتعب اوي مع الناس دول واحب افكره ان رسولنا الكريم قال اذا جاءكم من ترضون دينه و خلقه فزوجوه مقلش فلوسه ومعلش هو الزمن ده كده كلوا بيدور عي اللي يدفع اكتر عشان يشيل وربنا يرحم شبابنا ويهدي اهالينا
انت مش فى ايدك حاجة وبعدين مش صاحبك قالك انهم رافضين الموضوع ازاى هى زعلت بئة انك ملمحتش من زمان المهم انت خليك عادى معاهم وسيبها للة بس متعلقش نفسك بيها عشان متتعبش لو ليك نصيب فيها هتخدها لو مفيش نصيب خلاص بكرة تلاقى بنت ناس محترمة وربنا يوفقك
شوف أخي إنت عملت الي عليك وكلمت أهل البنت
وباين النصيب ما في وإن شاء الله ربنا يكتبلك إلي تهنيك وتريح بالك لو كانت هي أو مو هي
المهم إدعي إنه ربنا يقدملك الي فيه الخير دايما
أما بخصوص خطيبتك الأولى فباين من الأول إن كل الي همها هي وأهلها مالك مو إنت بشخصك فإنساها لإنه الزواج عشرة وحياة أكثر من مجرد صفقة
لو هما عايزينك هيكلموك عن طريق اخوها ان مثلا موضوع خطبتها ما كملش هيلمحو اما لو اتخطبت فما ينفعش تخطبها طبعا وممكن تكون كاره حاجه وفيها خير ليك ربنا وحده علام الغيوب والجواز قسمه ونصيب وربنا يرزقك ببنت الحلال
مفيش غير حل واحد
انك تخلى علاقتك بيهم كويسه بشكل عادى ومن غير ما تلمح باى حاجه او تدخل فى حاجه الا اذا طلبوا مساعدتك فى حاجه
وطول ما انت معاهم وعلاقتك بيهم كويسه مع مرور الايام لو ليك نصيب فيها هتاخدها وهتلاقيهم هما اللى بيلمحولك انك تيجى تتقدملها ولو ما حصلش نصيب ما تزعلش لان كل حاجه قسمه ونصيب وخيرها فى غيرها
وربنا يجعلها من نصيبك ويجمع بينكم فى خير وربنا يوفقك لما يحبه ويرضاه
(سيد العاطفى)
مصر___بنى سويف
انا اقول ترجع لحبيبتك الاولى الي ابوها طماع وننفد طلباته وخد البنت بس اذا انت مقتدر على طلباته ولا يأثرون عليك اهلك مادمت تحب .