مشاكل الخيانة الزوجية

متزوجة ويطارني شاب عرفته من النت

جات عليه فترة من سنتين كنت بتكلم على النت وانا متزوجة ومعاية بنت ومن سنة ونص اتعرفت على واحد من النت واتكلمنا وكان عايش فى دبى ورجع وللاسف كان من نفس محافظتى المهم طول السنة ونص واحنا بنتكلم على النت والموبايل بس كلام عادى وكنت بفتح الكام وانا بهدوم البيت وبعدين طلب مني اننا نتقابل وانى اعمل علاقة معاه وانا كنت بخاف من ربنا ومن الفضيحة وعلى جوزى واهللى وبنتى واقول لنفسى انا بكدة بخسر الدنيا والاخرة وعمرى ما وافقت انى اقابلة ومن حدود 3شهور ماعدتش بيكلمنى لا على النت ولا على الموبيل مع انى كنت بتصل بية وهوا مش بيرد لحد ما فى يوم لاقيت جوزى ان فية حد بيتصل بيه على موبيلة وبيشتغلة وفى يوم موبيلى رن وانا نايمة وبعديها موبيل جوزى فروحت اشوف مين ليكون حاجة مهمه لاقيت رقمة على موبيل جوزى وكان هوا اللى بيتصل فعرفت انه وصل لموبيل جوزى واسمة مع انى عمرى ما عرفته لية وبعد كدا اتصل بية وقاللى انة جانب بيتى مع انى مش معرفه هوا فين ولحد دلوقتى انا مش عارفا هوا ناوى على اية او هيطلب اية وانا عارفا انى عمرى ما هاعمل معاه علاقة حتى لو هددنى بالفضيحة بس حد يدلنى اعمل اية لو طالبها منى وهددنى اخرج اذاى من المواقف اللى انا دخلت روحى فية ربنا يسمحنى والله انا خايفا من ربنا وبدعية يهدينى ويتوب علية ويسترها معايا وعلى فكرة انا كنت غيرت رقم موبيللى ولاقيتة بيتصل علية طيب عرف الحاجات دية اذاى ومنين

مشاكل وحلول ذات صلة

اضيف بتاريخ: Monday, September 19th, 2011 في 19:14

كلمات مشاكل وحلول: , , , ,

30 رد to “متزوجة ويطارني شاب عرفته من النت”

  1. سوسو
    14/11/2013 at 14:41

    اتقى الله ف زوجك ونفسك وغيرى رقم التليفون ولو اتصل بيكى افتحى عليه ومترديش كل ما يتصل افتحى وسبيه هيزهق ويبعد منك ولو اتصل برقم غريب لا تسبيه ولكن قوليله اتقى الله الله فى اختك او زوجتك لاننى مثلهم وشكرا

  2. ابواميرة
    30/10/2013 at 02:59

    الافضل لك ان تغيري رقمك وايميلك في النت واوعيك تضعفي امام طلباته الرخيصة لكي تحفظ نفسك وبيتك وزوجك وماتخربي على نفسك وربي يسترعليك ويهديك

  3. قناوي
    02/02/2013 at 16:18

    دي اخرة الخيانة ، استحملي بقى اللي يحصلك ، انتي ازاي انسانة محترمة وتتكلمي مع شب غريب ويشوفك بلبس البيت والله اعلم ايه اللي حصل بينك وبينه وشاف منك ايه ، انتي لو كنتي انسانة محترمة بجد ومعملتيش معاه حاجة وحشة مش هتخافي منه لكن انتي اللي انسانة سيئة بدليل انك بتقولي انه بطل يتصل بيكي وكنتي بتتصلي بيه وهو مش بيرد عليكي ، استغفري الله وصارحي جوزك باللي حصل بالظبط بينك وبين الشخص دا ولو كان نتيجتها الطلاق اطلقي لانك متستاهليش تكوني زوجة أمينة

  4. ريهام
    13/08/2012 at 05:52

    نصيحة مني قوي قلبك ومتخفيش ومتبنيش ضعيفة قدامة وغيري رقمك وابعدي عنة صدقني دة حيوان لانة اضعف من انة يروح يصارح جوزك بحاجة المهم انك تستغفري ربك وتبعدي عنة وتعيشي لجوزك ولبيتك وبس

  5. امير الاحزان
    03/06/2012 at 19:27

    لو انتى صادقة فيما تقولينه غيرى رقم جوالك وهو واللة اقسم لكى انهة اضعف من انه يدق على جوز ويخبره بشى وياريت نفكر شوية قبل ما نقع فى الاخطاء وبعدين نطلع مبررات اصلى انا فتحت الكام وكنت لبسة لبس البيت يا شيخة حرام عليكى اتقى اللة فى نفسك وجوزك واولادك

  6. ماريان
    11/05/2012 at 16:50

    طالما من نفس محافظتك حاولى الاول تجمعى معلومات عنه ولو عرفتى انو متجوز قابليه فى مكان تكونى انتى مختراه وحطى كاميرا ونامى معاه وسجليله بس من غير ميبان وشك ويبقى وشو هو بس اللى باين وفهميه انو لو مسابكيش فى حالك هتفضحيه عند اهلو ومراتو

  7. أبكتني ذنوبي وأخشى عقابك
    08/04/2012 at 10:03

    السلام عليكم ورحمه الله وبركاته
    كان الله في عونك وجعلك من عباده الصالحين عارفه انا هقلك على حلول مجربه وربنا بيها هيخرجك من المأذق ده بأذن الله (تصدقي على قد ما تقدري -واظبي على قيام الليل _أقرئي قرأن وكمان لو حاولتي تحفظي وانا بحفظ ع النت لو تحبي تشاركي معانا طول الوقت استغفري الله اجعلى لسانك لا يخلو من ذكر الله دوري في حياتك لو بتعملي شيء مش واخده بالك منه انه حرام او مكروه يعني لو مش منتقبه فكري في النقاب لو زوجك معاه رصيد بالبنك انصحيه بانه فوائده حرام لو انتي او زوجك يصافح النساء انصحيه انه حرام في امور كتير لو ركزنا فيها هنلقيها سبب في شقائنا في الدنيا والابتعاد عنها هيحل اي مشكله مهما كانت وبالله عليكم اخواتي في الله بلاش تجريح فيها اللي حصل حصل وادعوا لها بالهدايا وانه مكتوب واراد ربنا كده بس دلوقتي خلي شكوتك لله الواحد القهار والله ياختي في الله كلنا ذنوب ويمكن عملنا ذنوب كتير لدرجه اننا نسيناها من كترها والله (كل بني ادم خطاء وخير الخطائون التوابون ) ربنا يجعلك ممن يروا جنه الدنيا قبل ان يروا جنه الاخره اعيني زوجك ع الصلاه وعمل الخير لانه ما من فعل يفعله زوجك الا وعائد عليكي من خير او شر اجعلي زوجك وبنتك سبب في دخولك الجنه وانا هدعيلك ربنا يفرج كربك ويزيل عنك همك ياااااااااااارب

  8. إبراهيم
    04/03/2012 at 07:53

    رقم 1 : غيري رقم تليفونك
    رقم 2 : اقطعي علاقتك به تماماً
    رقم 3 : اقطعي كافة علاقاتك بالانترنت والمحادثات وما شابه
    رقم 4 : أدعي ربنا انه يستر عليك ولا تستجيبي مطلقاً لأي طلبات له ، لأنك مهما كان دلوقتي على البر ، إذا الشيطان ضحك عليك واستجابتي له مصيبتك هتكون اكبر ومش هيكون لها مخرج لأنك هتفضلي طول عمرك تحت تهدية وغالباً هنتهي بفضيحة كبيرة جداً .

  9. المناعى
    29/02/2012 at 03:09

    اى ست متزوجه تتقى الله فى زوجها وبيتها توجهى الى ربك بلصلاه والاستغفار وقيام الليل وادعى ربك اذا كنتى خايفه من ربك وعذاب الاخره

  10. ساره
    17/01/2012 at 19:48

    ما فيش حد معصوم عن الغلط بس غلطه عن غلطه تفرق انتي غلطانه اوي بس الحمد لله انك ما وقعتيش في الزنا والشخص ده هيحاول يوصلك ,انا برده بقول زي الاخوه اللي نصحوكي من قبل احتمال يكون حد بيعرفك او يعرف حد من اصحابك والمصيبه لو كان من طرف جوزك وجوزك بيختبرك,وانتي زودتي صعوبه مشكلتك اولا رقم التلفون مش اي حد تديلو نمرتك تانيا ازاي تفتحي كاميرا وتخليه يمسك دليل عليكي,تعرفي انا بعيده عن اهلي ومش بفتح كاميرا لاهلي خوف من اي هكر انتي ازاي تسمحي لحد غريب يشوفك,في رائي كلمي مامتك يمكن تلاقي عندها حل مناسب وقربي من جوزك وحاولي تعرفي بطريقتك لو خلا حد يعمل كده,والراجل ده طالما وصل لحد بيتك المره الجايه هيدخل البيت باي حجه وباي طريقه في رائي كلمي جوزك وصارحيه قوليله اللي حصل مع انه حاسه انه جوزك ورا كل الحكايه دي ,ولو الراجل ده رجع كلمك تاني قوليله انا بحب جوزي وبيتي ومش خايفه من حاجه حتى لو اطلقت شرفي عندي بالدنيا كلها والغي الموبايل والنت من بيتك خالص والتفتي لبيتك وسعاده جوزك

  11. محب الحنين
    20/12/2011 at 22:17

    ان شاء الله زوجك يكون عاقل ويتفهم الغلط الي وقعتي فية يعني كلامك مع هذا الشخص ويوقفة عند حدةوانتي لازم ديرين بالج على عائلتج

  12. elnsr
    02/11/2011 at 19:02

    الاخت العزيزة انسي هذا الشيطان واطلبي من زوجك بكل لطف تغيير الخط وشيلية من علي الفس بوك ومن علي الاميل وامسحي من علي اي حاجة عندك ولاتشرحي للزوج اي شئ وديما تخلي علي الموقع بعض المشاركات الدينية عسي ان يتكلام في هذه الامور وقللي من دخول اصدقاء الزوج الي المنزل …عسي ان يتعرف علي الزوج ويدخل من الباب لا من النت وهنا المشكلة . ومن هنا قولي لزوجك ان البيت له حرمة علي الاصدقاء .وحاولي منع اي احد دخول الشقة ..والله ولي التوفيق

  13. عمرو
    25/10/2011 at 02:04

    خولصت اكلام الشاب دة يعرفك من ابل ما يكلمك علا النت امال هايعرف رقم جوزيك ازى وهيعرف رقميك الجديد ازى ساحر ولا اية دة يااختى اكيد يعرفك كويس ووصيلك علا النت ميش بعيد يكون جارك ولا اريبك

  14. زمااااان
    17/10/2011 at 21:58

    واللهي تستاهلي انتي لا خايفة من ربنا ولا حاجة انتي خايفة من الفضيحة وتستهليها وربنا يخلص زوجك منك
    وانا متاكد انك هترجعي تتعرفي على غير الشخص الي بهددك وتخوني جوزك معاه
    انتي بتئولي خفتي ربنا يعني حلال يشوفك بتياب النوم
    واصلا انك تكلمي حد غير جوزك على النت او الموبايل دي خيانة ولا انتي فكرة ان النت بس هوا الي خيانة
    ربنا ينتقم منك ومن امثالك من الخونة
    (زمااااان)

  15. fathysafa
    10/10/2011 at 12:59

    السلام عليكم
    استغفرى ربنا وحاولى أن تنسى الموضوع نهائى ياريت تلغى تليفونك بقصد أن فيه حد بيطاردك على التليفون وعرفى زوجك وأهلك لو قالوا ليه لغيتى التليفون عرفيهم أنا لغيته علشان حد بيطاردنى دائما على التليفون ومن أرقام مختلفه وأنسى اللى فات ولكن لازم تتعلمى منه أنك أخطأتى خطأ كبير جدا ودى نتيجة الخطأ الحيرة اللى انتى فيها ومن الممكن أن يتطور الأمر وتفشل علاقتك بزوجك ويهدم بيت وليعوز بالله اتقى الله وعودى الى ربك بتوبه نصوحه والباب اللى بيجيلك من الريح سده واستريح التليفون يتلغى والكمبيوتر كمان يتلغى لحد ما ينسى ويبعد عنك تحياتى

  16. ليزر
    07/10/2011 at 21:59

    قولي لزوجك

  17. ♥♣♥ rami ♥♣♥
    06/10/2011 at 23:00

    اولا انتى بتقولى من سنه ونص وانتى عامله علاقه وبعد كده زعلتى لانو رجع ومعنى كلامك انو لو ظل بالسفر عشر سنوات هتواصلى المسيره وبعدها قلتى كان بيشوفنى بهدوم البيت يعنى بمعنى اصح بقميص النوم ولما طلبت يقابلك قلتى حرام لانك بتخافى من ربنا وهو ربنا مكانش شايفك وانتى بقميص النوم معاه بعد كده انتى بمعنى اصح كنتى خايفه من الفضيحه مش خايفه من ربنا خلى علاقه ربنا دى على جنب منحطهاش شماعه لانو انا واثق انو لو الكابوس ده زال عنك هترجعى تدخلى النت تانى بس هتكونى حريصه بعض الشي
    ثانيا عايزه الحل اوك هديهولك اولا تلغى الموبايل ده من حياتك نهائيا هتقولى ماما بتتصل تطمن عليا اختى بتتصل ممنوع خلاص وقتها مش هيدور على رقمك علشان يتصل عليكى ثانيا بادرى بالاعتراف لزوجك بان فيه واحد يطارك وبيعرف كل مكان عندنا فى البيت وكان فيه حد يخبرو عن عن حياتنا بالكامل حتى المكان الى بنجلس فيه عارفو وقتها هيزول الشك من زوجك حتى لو هو قالو على اى حاجه وقتها زوجك هيعرف انو بيعك بينك وبينو ثالثا هو مستحيل يعترف لزوجك والا كان اعترفلو من زمان انتى بالنسبالو مجرد فريسه الا اذا كان بيبعتلك فلوس وهو مسافر وانتى مش قادر تقولى كده وقتها هيكون الموضوع اختلف اما لو مكانش بيبعت فلوس فنفذى الى بقولك عليه بعد كده متحلوليش تخرجى كتير لانو اكيد بيراقبك وفى النهايه مش هقدملك نصيحه لانك فى الوقت الحالى ممكن تقدملى للعالم كلو نصايح من الوضع الى انتى فيه بس ياريت يكون درس وتستفيدى منو وشكرا

  18. ♥♣♥ rami ♥♣♥
    06/10/2011 at 22:47

    اولا انتى بتقولى من سه ونص وانتى عامله علاقه وبعد كده زعلتى لانو رجع ومعنى كلامك انو لو ظل بالسفر عشر سنوات هتواصلى المسيره وبعدها قلتى كان بيشوفنى بهدوم البيت يعنى بمعنى اصح بقميص النوم ولما طلبت يقابلك قلتى حرام لانك بتخافى من ربنا وهو ربنا مكانش شايفك وانتى بقميص النوم معاه بعد كده انتى بمعنى اصح كنتى خايفه من الفضيحه مش خايفه من ربنا خلى علاقه ربنا دى على جنب منحطهاش شماعه لانو انا واثق انو لو الكابوس ده زال عنك هترجعى تدخلى النت تانى بس هتكونى حريصه بعض

  19. الطائر الحزين
    04/10/2011 at 11:34

    عزيزتى لا تخافى منه كان عندى نفس المشكلة وطلب منى نفس الطلبه منك وكان بيهددنى دائما
    كنت خايفة منه بس لجئت لصديقة وقالتلى غيرى التليفون ومتحاوليش تكلميه وبعدين زهق وعرف رقمى وكان بيتصل كتير ومكنتش برد عليه ودلوقتى بطل يتصل ويهددنى

  20. الأحلام الضائعة
    01/10/2011 at 09:56

    حضرتك معرفتنيش عرفتية ازاي ع النت بس الموضوع بمنتهي البساطة ومش عارف لية في لحظة حسيت ان دة ممكن يكون مزقوق عليكي من حد من معارفك او اقاربك او يمكن من زوجك نفسة والله أعلم دة مجرد أستنتاج لا اكثر ولا اقل وتقبلي تحياتي وربنا ما يفضح حد ابداً

  21. مكاوي
    25/09/2011 at 23:09

    الله يهديك تخضي بالقول و تتغنجي و تقعي فريسة للذئب وانت متزوجة ، هذا النجس لازم يتردع اللي اشوفه انك تستعيني بالشرطة او بأحد من العتاولة من اقاربك و خلهم يؤدبوه و غيري رقم جوالك و فهمي زوجك ان الكلب يطاردك وطالما ليس لديه اي صورة لك او اي شيء لن يستطيع التهديد بس ينبح اما لو لديه شيء استعيني بأبوك وبسرية تامة يوضع حد له و لا تيأسي عليك بالدعاء والتوبة النصوح و الاستغفار الله يصلح حالك و يغفر لك و يجمعك بزوجك و عائلتك ويستر علينا امين

  22. مواطنة مصرية
    24/09/2011 at 23:46

    الرحمة يارب هو انتم يا ستات ماتفقوش الا لما تطربق وتتعك فوق راسكم كنتي فين حضرتك لما كنتي بتخوني جوزك اصلا بحديثك مع البيه هي دي مش خيانة بردوا يا هانم وذنبه ايه زوجك المخدوع انه اداكي اسمه ووثق فيكي الله يسامحك المضحك في الموضوع انك بتقولي انا لا يمكن اعمل معاه شئ دانتي بتقولي انه مكنش بيكلم 3 شهور وحاولتي انتي الاتصال بيه الله يهديكي
    ماهو لو مكنش وصلك كان زمنكم بتتكلموا لحد دلوقتي والموضوع عادي
    اسمعي الله يهديكي حاولي تغيري تلفونك باقصى سرعة وياريت كمان تحاولي تغيري رقم جوزك باي حجج لانه مش هيسيبك وهيهددك علشان طبعا انتب عارفة انه عاوزك وفاهمة نيته لكن اياكي تخافي منه وممكن تقولي لجوزك ده واحد كذاب وخلاص انكري كل حاجة طبعا وهدديه بالشرطة وقوليله انك ممكن في ناس يبلغوا عنك الشرطة بالامارات من خلال تلفونك وتعمليله مشاكل هناك وهيخسر شغله ونفسه هناك هيخاف لانهم هناك الشخص بيتجاب من رقمه وهناك صارمينلكن طبعا ماتهددهوش الا لما تلاقيه في وشك مش تتعرضيله انتي يمكن يزهق ويغور في داهية واعرفي انه انذار من الله والمرة الجاية هتكون مصيبة فوق راسك اوعي تضعفي اوعي تصغفي اوغي تضعفي وربنا هيقف جانبك لكن لو ضعفضتي هيكون اللي جاي اسوأ بكتير مما كنتي تتصوري وادعي ربنا يسترك ويلهيه عنك وربنا معاكي ياستي
    الله يسترك ويبعده عنك اللهم امين

  23. على
    22/09/2011 at 18:51

    حل مناسب انك تقفلى البريد خالص لان ده حد يعرفك يا مدام واكيد استدرجك لهذا الوضع بدليل معرفته لرقم التلفون الخاص بيك وبزوجك

  24. قلوب في الغربة
    22/09/2011 at 08:31

    أختي في الله
    الراجل دا ممكن يكون أخو حد من صحباتك أو ممكن يكون قريبك
    أو صاحب زوجك اسألي في القريبين منك عن شخص كان في الإمارات
    إذا كنتي متأكدة إنه كان في الإمارات
    وغيري رقم تليفونك وما تعطيه غير لزوجك واخواتك وشوفي هيوصله ولا لا
    ولو حاسة ان جوزك متفاهم وهيسامحك حاولي تصارحيه دا هيسهل عليكي كتير
    أسأل الله أن يسترك

  25. ابو احمد
    21/09/2011 at 22:49

    المشكله الان ليست فى تهديده الاهم من هو الشخص القادر على الوصول الى رقمك الجديد او رقم زوجك اكيد هو اواحد قريب منك جدا فانتى حا ولى تلغى المو بيل خالص من حياتك ولو انتى نيتك سليمه اكيد ربنا هيكون معاكى

  26. ريري دمعه الزمان
    20/09/2011 at 16:18

    يااختي انتي الغلطانه اوووي ازاي تسمحي لنفسكي يشوفك عن طريق الكام والله انه اختي متجوزه واحد مش طايقاه ومستمره معاه عشان الولاد وعندها نت بس مفكرتش بأي ثانيه انها تخونو لان بتعرف ده حرام بالرغم من ان علاقتها مع جوزها مش كويسه خالص ربنا يهديكي ادعي ربك ليل ونهار وتوبي اليه هو التواب الرحيم اختك من العراق

  27. ضائعة :
    20/09/2011 at 09:28

    هوني على نفسك حبيبتي واتركي الامر على الله ولا تفكري في الموضوع اصلا ولكن عليكى بالتوبة النصوحة والندم وكثرة الاستغفار قال رسول الله صلىى الله عليه وسلم : من لزم الاستغفار جعل الله له من كل ضيق مخرجا ومن كل كرب فرجا ورزقه من حيث لا يحتسب ، فالله اعلم من وراء هذا زوجك او احد من اقاربك المهم قولي يارب وصلي واقرائي القران هو احن عليكى من اى حد ولو حصل اى شيء احكى الصراحة واعترفي انكى اخطاتي ولكن ندمتى وتراجعتي قبل فوات الاوان ولا ترد على هذا الانسان وسوف يفهم انكى لستى خائفة حماكى الله ورعاكى

  28. الطيار الرايق
    20/09/2011 at 08:22

    صباح الخير مشكلتك بسيطه جدا الغى اميلك نهائى واهتمى ببيتك اكتر من الاول والتزمى وميهمكيش منه ولا من تهديده ولا تردى عليه من اصله هوه كده كده بيرن على تليفون زوجكك لو اتكلم هوه الا هيتفضح قدام الناس لانه برن على رقم زوجكك فهتبقى معاكسه منه وهوه الا هيطلع فى نظر الناس غلطان واهتمى ببيتك وحياتك وصلى صلى والتزمى وبطلو تبعدو على الدين / المحامى

  29. اااااااالله اكبر
    19/09/2011 at 23:32

    صح والله الدنيا دى غروره اكبد لو علاقتك قويسه عمرك ما هتعملى كد المهم تصلى اقراء سوره يس عن كلمه مبين قولى اللهم ان اسالك بمبين وما وضعت منها السر والاسرار والنور والانوار ان تقضى حاجتى وهيه قولى اللهم استر عليه ان شاء الله بقف جنبك اتعيلى

  30. فيلسوف
    19/09/2011 at 20:23

    بصى لو حد يعرف الباس ورد بتاعك غيرك احتمال يكون ادالة بيانات عنك وعن جوزك وممكن يكون جوزك مسلط عليكى حد يمكن بيختبرك او عيزك تغلطى عشان يطلقك من غير حقوقك والله اعلم لانك لو علاقتك حلوة بجوزك والله ما هتدخلى النت ولا هتكلمى حد اصلا لمده سنة واضح ان العلاقة بينكوا مش تمام اوى

اترك رداً أو حلاً لهذه المشكلة