مشاكل الازواج

ندمت على زواجي بسبب اهل جوزي

اسفة لو طولت بس عشان عوزة راى صائب مش منقوص بسبب نقص الاحداث اولا انا كنت فى الجامعة رفضة التعرف على اى شاب بس زى اى حد اما حسيت ان فى مجموعة محترمة اصبحت منهم وهما محترمين جدا خلصنا الجامعة واتفاجئت بواحد منهم بيكلمنى انه عاوز يرتبط بيه انا ماكنتش بحبه خاااااالص ولا اعجاب حتى المهم احتراما لكلامه قلتله انا اللى عاوز يرتبط بيه يجى لبابايا وهوة اللى يرد عليه بالرفض او القبول مش انا وكان كلامى فى شئ من التطفيش لانى متأكدة انه مش هيجى لكن المفاجأة كانت انه جه من كتر ماهوة عاوزنى بجد وبمنتهى الاحترام وبابا قالى شكله محترم وطلب منه انه اول ما يستقر فى عمل كويس ييجى هوة ووالده ومن هنا بدأت المشاكل ابوه مارضيش ييجى رغم انه كان موافق لكن هوة شخص غريب جدا فى كل تصرفاته المهم اعدنا سنة ابوه مش راضى ييجى لحد ما رضى فى يوم وجه وما اتكلمش فى اى شئ كأنه جى يزور ناس عادية عشان ما اطولش اهله الباقيين يعنى مامته واخواته كويسين لكن المشكلة فى باباه المهم انا حسيت انه شخص ممتاز ومش ممكن هاخده بذنب باباه دة اللى يقوله صوت العقل لكن المشكله الاكبر ان الشقة فى نفس العمارة اللى فيها باباه فانا رفضت الجواز هناك وكنت مش راضية اتنك عليه عشان حرام فبابا عرض اننا نقعد معاه هوة ووالدتى فى نفس الشقة فوافق لمجرد انه بجد متعلق بيه جدا وفعلا اتجوزنا وابوه ما حضرش الفرح اصلا و بعد كدة عرفنا انى حامل بدأ باباه يهدأ ويعزمنا ويبدي لى اد ايه هوة ندمان انه ما حضرش فرحنا واعدنا فترة كويسين جدا لكن طلع راجل طبعه صعب جدا كل حاجة يزعل حاجات عادية جدا بيزعل ويقرر اننا ما نروحش هناك تانى وما حضرش ولادتى ولا شاف البيبى الا بعد 4 شهور من ولادته وباردو زعل بعدها وانا بقى اتعلمت فما بقتش اصلا اجى على كرامتى واروح او اعبره تانى خلال الفترة دى كان فى مشاكل كتير زوجية كشفت لى انى انا و زوجى مش متفاهمين خالص لكن هوة بصراحة بيحبنى ومش عاوز يعترف بالواقع فى خلال الفترة كانت امه بتكلمنى باستمرار لكن اللى بجد يجرح اوى انها على طول بتشتكى منه مافيش مرة تكلمنى الا اما تحاول تند عليه بكلامها وياريت تحسوا بيه اصعب حاجة ان حد يهز صورة جوزك ادامك بتأثر خاصة وانى شخصية عملية جدا جدا وناجحة جدا واعدت فى البيت بسبب تحكمه انى ما انزلش شغل ودة فى حد ذاته جايبلى جنان المهم انى نسيت اقول ان اخوه حجه مرة هنا البيت وحاول ينهى الموضوع ودة طبعا كان بوصية من ابوه وبصراحة جوزى قاللى انا مش موافق على كلامه وهوة لحد دلوقتى اخوه ما بيكلمنيش مع انى معملتلوش اى شئ المشكلة الحالية بقى ان الظاهر اخوة مقوم عليه الدنيا لان مامته بتحب اخوه دة جدا جدا وجوزى واقف فى صفى لكن ابنى تعب تقوم مامته تيجى لحد بيتنا وتقوله نزلى الولد عشان هتجنن واشوفه انا من ساعة ما حصل الموقف دة وانا هموت كرامتى بجد وحرقة دمى لا توصف بيقللوا منى وكأنهم قاصدين وانا ما عملتلهمش اى شئ بالعكس انا حاولت اكون واحدة منهم معلش اذاا كنت طولت عليكم بس دى اول مرة فى حياتى احكى واوصف شئ بالكتابة دة الللى مخلينى متلخبطة اتمنى انكم تجوبونى لانى ندمت جدا على زواجى بس الله يخليكم محدش يكتب اى رد وهوة مش فاهم شئ ولو صغير اسالوا وانا هجاوب وبناءا عليه منتظره الرد

مشاكل وحلول ذات صلة

اضيف بتاريخ: Friday, May 6th, 2011 في 15:41

كلمات مشاكل وحلول: , , , , ,

15 رد to “ندمت على زواجي بسبب اهل جوزي”

  1. البرنس
    24/08/2019 at 02:21

    انا من راي – فارس احلام – المحلله – واتفق معهم في كل ماقالوا لكي هو عين الصواب والراي الصحيح وماعندي زيادة على كل ذكروه اتمنى انك تحرصي على اسعاد واستقرار حياتكم الزوجية

  2. ابواميرة
    22/11/2012 at 23:31

    الاخت العزيزة قرات قصتك وتالمت كثيرا لمعاناتك وحاب تستمعي لنصايحي وتعملي بهالاجل سعادتك في حياتك الزوجية1اصبري وتحملي لاجل زوجك اللي تحبيه 2حاولي التوددلاهل زوجك وبالذات ابوزوجك بكثرة الزيارات والسوال عن صحته واحواله 3شراءهدية ثمينة له عندزيارتكم اوفي مناسبةعايلية 4الاكثارمن المديح لهم والثناء عليهم ولو من باب المجاملة 5ذالم ينفع كلهذامعاهم اطلبي من زوجك الانتقال الى مدينة اخرى بعيد عنهم للعيش بدون مشاكل ولكي مني التحية

  3. اعرف اكثر
    19/08/2011 at 16:42

    الصبر مفتاح الفرج

  4. adel
    25/05/2011 at 03:06

    اختى المصونة ابشرى فان بعد العسر يسر واصبرى وتحملى كل العقبات من اجل هذا الرجل ولسوف تجنين ثمار صبرك و تحمللك باذن الله وقابلى السيئة بالحسنة وعاملى الله فى اهل زوجك واعتبريهم اهللك وانسى موضوع الكرامة هذا واكسبيهم وسوف تجدين ما تبحثين عنه فى زوجك واعلمى ان رضاه عنك جزاءه الجنه ان شاء الله ويرضى عنك الله ويرزقك راحة اللنفس وصفاء القلب ونقاء الروح اذهبى اليهم وصفى الاجواء وتكلموا معا واعزميهم فى بيتك بكل الحب الذى تحبينه لزوجك ولا تبعدى فالبعد جفاء رسالة من مجربة

  5. صاحبة المشكلة
    14/05/2011 at 14:55

    انا بشكر اى حد رد جزاكم الله كل خير بس المشكلة ليها ابعاد كتييييييييير يعنى والله ربنا يشهد انى فعلا عوزاه يروح وساعات بضعف لانى ام وعرفة احساس والدته واقول معلش اروح بس اما عملت كدة قبل كدة ابوه استخبى مننا وبقى عشان يتحرك فى الشقة يدخلونى الاوضة عشان مش عاوز يقابلنى يعنى اهانة كرامتى مش هتكون بس فى جزئية انى اروح او لا واما اروح كمان المقابلة هتكون ازاى انا اتربيت على التسامح لابعد حد صدمة عمرى بجد فى جوازى هوة عدم التسامح الرهيب وبعدين هوة جوزى اه كويس وكل حاجة وفى صفى كمان بس مش عاوز يتكلم معايا فى اى مواضيع وعلى طول بيضيع وقته بالكمبيوتر او التلفزيون او النوم لمجرد انه مضايق انا مش مضيقة منه لكن انا مصدومة فى حياتى لانى بطبيعتى بحب الحركة والخروج والمرح مهما كانت عندى من مشاكل لكن بجد حسة انى كأنى لازم ابقى فى الصورة دى ما بقاش ينفع انى اكون غير كئيبة لانى حتى اما بحاول افك الجو ببقى كأنى انانية وفرحانة وناسية اللى هوة فيه بجد الحل عند ربنا امانة ادعولى انا بعشق ربنا وعرفة انه هيحللى مشكلتى بس فعلا ولد الانسان فى كبد ربنا يعوضنى فى الاخرة وفى ابنى الشوية اللى انا عيشاهم فى الدنيا ربنا يفك كرب كل الناس وشكرا ليكم مرة تانية

  6. nana
    11/05/2011 at 00:00

    السلام عليكم انا على فكرة اول مرة ادخل الموقع دة وبالصدفة اهتميت بمشكلتك لانى عندى نفس المشكلة ويمكن اكبر وبصراحة اخترت انى ابعد خالص عن اهلة وقطعت اى صلة بينى وبينهم وبصراحة الحل دة مريحنى جدا جدا ومن يومها وانا سعيدة ومبسوطة الحمد لله مع زوجى واللى مساعدنى اكتر انة هو كمان قطع علاقتة بيهم بس حتى لو مكنش قطع علاقتة بيهم انا بعدى عنهم وبعد ولادى عنهم احسن حل بالنسبة ليا واهم حاجة لو انتى سعيدة مع الانسان اللى انت عايشة معاة ابعدو كل المشاكل او الناس اللى بتجيب مشاكل عنكم ولو انت مش سعيدة معاة ومفيش لا حب ولا تفاهم وحتى لو فى اولاد يبقى فكرى تانى فى موضع زواجك كويس اوى وحاولى لو اختى قرار الانفصال تكون العلاقة بينكم كويسة ومحترمة علشان فى اولاد بينكم اسفة للتدخل بس بلاش كلام الناس والخوف من الناس وشماتتهم ووووو يدمر حياتنا احنا عايشين مرة واحدة فى الدنيا اتمنى اكون فدتك باى شىء من كلامى

  7. ملك
    08/05/2011 at 11:37

    سلام عليكم انا هرد عليكي بكلمة واحدة ان اللي بيحب حد بيستحمل عشانة الصعب والمستحيل فانت عايزة اية تاني ماانتي بتقولي انه واقف في صفك يبقي خلاص لما هو معادي اهله عشانك الكلام دة لو اهلة زي ما بتحكي وكمان هوة جاي عليكي لكن كل حياة زوجية ليها مشاكلها واحمدي ربنا انه بيحبك وقف في صفك لان اللي يتبتر على نعمة ربنا بيحصل العكس وفكري في ابنك وحياتك وربنا يهديلك العاصي

  8. Mno
    08/05/2011 at 01:20

    حسبي الله ونعم الوكيل
    اختي انتي ربنا يصبرك ويبعدعنك الناس دي
    حاولي انكتطلبي من زوجك انكو تنقلو الشغل بتاعه في اي محافظه او بلد تانيه
    ابعدي عنهم ومتتكلميش معاهم

  9. bnota
    07/05/2011 at 20:55

    ana msh 3rfa fhmt wla l2 bs elly a2dr a2olholk en ay 7d byday2 lma y7s en ebnhom w7da khdtoh mnhon khswsa enko 23den 3nd bbako f2ked homa mdy2en mn kda wtany 7aga tlma gozk kwys m3aky wby7bk mttndmesh 3la elgwaz ay bet feh mshakel 7wly tzorehom fe 7dod wt2rby mnhom enty wgozk 3shan my7sosh en ahlk khdoh mnhom

  10. فارس احلام الضياع
    07/05/2011 at 14:10

    اختى الفاضله انا من وجهه نظرى انتى يكفيكى من كل الدوشه دى كلها زوجك وانتى قلتى كلمه انا حطيت تحتها الف خط وهى ان جوزك واقف فى صفك معنى ذلك انه بيحبك لدرجه انه ساب اللى يزعل يزعل من اهله علشان خاطرك انتى بقا المفروض مش تاخديه بزنب اهله هو شخص يختلف عنهم جزئى وكلى الشئ التانى انتى الحمد لله ربنا اكرمك بطفل او اكتر يعنى خلاص كونتوا اسره والحمد لله ربنا يخليكوا لبعض الشئ الاخير انتى او الاهل عندك طلبوا انكم تجوزوا وتقعدوا معاهم والراجل نفذ طلبكم ارجع ليكى انتى بقا انتى لازم يا اختى تحاولى تتمسكى بزوجك لانه بيحبك انتى فاهمه معنى كلمه بيحبك يعنى ايه يعنى خاصم الكل علشانك عايزه ايه تانى واياكى وانك تتبطرى على هذا الرجل اوعى ربنا مش بيسيب ابدا واوعى تاخديه بذنب امه ولا ابوه ولا اخوه واوعى تخلى نفسك تشيل منه لان اهله ناس مختلفين معاكى ومش عايز اقول كلمه وحشين انتى متزوجه هذا الرجل وليس امه ولا ابوه ولا اخوه حافظى عليه والمفروض عليكى يا اختى الفاضله انك تعطيه تعوضيه عطف وحب وحنان الام وخليكى صديقه له واياكى ان تعصيه على اهله فى يوم من الايام لن ينساها ابدا حتى وان كان مختلف معهم او مختلفين معه فلاهل اهل مهما ان كان اجعليه دائما هو الذى يدافع عنكى فى غيابك تكلمى معه بلطف ان يذهب هو ويزور اهله ولا يقاطعهم بسببك ذكريه بصله الرحم واقسم لكى يا اختى ان فعلتى ذلك ليأتى اليوم الذى يحبك هو فيه حب لايقف فى طريقه شئ مهما ان كان وسوف يأتى اليوم ايضا الذى ترين فيه اهله يأتون لكى ويحبونكى افضل من زوجات ابنائهم الاخرين وذلك من اجل تصفيه قلبك من ناحيتهم وعدم شحن الكرها فى قلب زوجك من ناحيتهم وتذكرى ان لكى اولاد وتخيلى نفسك فى مكان امه وابنك الذى حملتيه فى بطنك يتزوج ويسكن فى بيت اهل زوجته ويقاطعك لاى سبب من الاسباب عيشى هذا الاحساس ولو للحظات مع نفسك وان شاء الله ان كنتى انسانه تحاسبى نفسك بنفسك سوف تجدين نفسك لبستى ملابسك وجهزتى اولادك واخذتى زوجك وزهبتى لزياره اهله حتى وان كانوا نار من ناحيتك فأن فعلتى ذلك فستجدى رحمه رب العالمين عمت على اسرتك الصغيره وسبحان مقلب القلوب سوف يجعل الله لكى قلوب اهله المليئه بالكره والحقد عليكى صارت بكرم الله عليكى حب وارتياح لكى انا اعلم ان كلامى هذا امام الشيطان الملعون صعب تنفيذه لان الشيطان الان يقول لكى لا انتى لم تغلطى فى حد فيهم هم الذين يكرهونكى لا ولا ولا ويفضل يعدد لكى من المساوئ حتى تتراجعى ولكنى اطلب منكى من واجب الاخوه والمحبه فى الله ان تنذى ما قلتله لكى بارك الله فيكى يا اختى الكريمه وبارك الله لكى فى زوجك واولادك وجعلكى ام صالحه يرضى الله ورسوله عنها ويدخلنى واياكى وامه محمد الجنه اجمعين بغير حساب والسلام عليكم ورحمه الله وبركاته

  11. المحلله
    07/05/2011 at 01:48

    طيب انتى شايفه جوزك ايه سيبك خالص من اهله انابسالك على جوزك وتعاملك معاه اهله مش باقيين طول العمر يعنى اجتنبى ابوه طالماعلى كلامك موقفه مش ثابت معاكى وامه لماتكلمك عليه يبقى العيب فيها مش هى اللى بتربى ولاايه يعنى كبرى دماغك وليكى اللى قدامك مش انتى قاعده عند اهلك عاوز ياخد الولد عشان يشوفوه مفهاش اى حاجه ياخده لاهله يشوفه وانتى بلاش تروحى طالماده موقفهم قوليله خلينى بعيد عشان المشاكل ولاتيجى على كرامتك ولاحاجه طالماالقطيعه هما اللى بيبداوها بالنسبه لموضوع الشغل هو اشترط عليكى من الاول ماتشتغليش لو كان ده شرطه حاولى معاه قوليله زهقانه واشغل وقتى حاولى مره واتنين لكن طالمابيحبك بلاش تاخديه بذنب اهله زى ماقولتلى وبعدين انتى قولتى هى بتحب اخوه جدا يعنى لازم تكون منحازه لاخوه اكتر منه بلاش بقى تهز ثقتك وتقلل من شكل جوزك قدامك انتى ليكى اللى انتى عايشه معاه وتصرفاته

  12. حنين
    07/05/2011 at 01:19

    الله يكون فى عونك انا حسه بيكى أوى لأنى مجربه يعنى ايه حد يقلل من كرامتك وان حد يهز صورة جوزك قدامك ربنا يصلحلك الحال

  13. سمر يوسف
    07/05/2011 at 00:02

    على فكره انتى جوزك طيب جدا ومحترم واضح من كلامك الراجل مش مقصر معاكى وبعدين بقف فى صفك دايما امال لو زى رجاله كتي بيجوا على الست حتى لو بالغلط عشان خاطر اهله المفروض تستحملى شويه ومش تحسسى زوجك دايما انك زعلانه ومش تحطى حاجه فى بالك وحاولى تستحملى اهل جوزك شويه عشانه وحاولى تحبيه لو كنتى فعلا بتحبيه كنتى استحملتى عشانه غلاسة اهله حاولى انك تحافظى على بيتك وزجك عشان فعلا من كلامك باين على جوزكى راجل طيب ومحترم ومش تخلى كلام اى حد على جوزكى يفقدك الثقه فى او يشكك فى لاانه هو اللى باقى ليكى وحاولى على قد ماتقدرى تتجنبى المشاكل مع اهله و حبيه وحافظى عليه

  14. صلوا على نبينا محمد(مسلمه
    06/05/2011 at 21:30

    السلام عليكم ورحمه الله يا اختى انا ححكيلك على قصه واحده نعرفها البنت دى حبها جارها اللى ساكن قصادها وقال لاهله انه عاوز يرتبط بيها ولكن والدته وابوه رفضوا البنت دى نهائيا لدرجه ان ابوه قالوا لو اتجوزت البنت دى هطلق امك ولكن الشاب ده كان بيعشق البنت دى وذهب لها واتقدم لها وكانت والدته رافضاها وبتكرهها جدا جدا وحصلت مشاكل وخلافات لدرجه ان الناس سمعت بها ولكن البنت دى كانت ذكيه جدا ولما اتجوزت عاملت حماتها وحماها بمنتهى الاخلاق والادب والذوق والمسايسه والبكش والبلف لدرجه ان حماتها بقت تقول للناس انا كنت مش عوزاها لكن دلوقتى بقت احسن واحده فى زوجات ابنائى اللى هى مختراهم لولادها بنفسها حبوا البنت دى جدا بدرجه رهيبه اكثر من كل سلايفها بصى يا اختى ياما اهالى كانوا رافضين زواج ابنائهم من بنات ولكن بعد الزواج والاكثر لما يشوفوا احفادهم بينتهى كل شىء خصوصا لو انتى كويسه معاهم انا عارفه انك هتقولى كرامتى بس جربى اللى بقولك عليه صدقينى مشكلتك حتحال وبعدين انتى بديتى حياتك معاهم بغلطه انك رفضتى تسكنى فى شقه فى عمارة اهله دى غلطه كبيرة ومتزعليش منى هما عندهم حق يعنى اذاى يبقوا جايبين لابنهم شقه وترفضى وتعيشى فى شقه ابوكى وامك دى حاجه غريبه والاغرب ان زوجك وافق واهله شعروا ان نيتك مش حلوه من ناحيتهم برفضك ده وبعدين حد يسيب شقه زوجك جايبها وتعيشى فى بيت اهلك ؟

  15. عمر
    06/05/2011 at 21:11

    يا سيدتى أنا عندى نفس المشكله وأهلى بيحاولى بكل الطرق يوقعوا بينا ولكن سيبقى الحب هو المنتصر دائما وننس مشكلتك وبيغلطوا فى امام زوجتى لدرجه انهم قالوا عن الماضى حت تشك فى وتكرهنى وعندى اخى نفس الطريقه علشان يأخذ منى فلوس وأخد أكتر مما يستحق بغير رضاى بالعافيه؟؟؟؟؟ وأنا فى الخارج وزجتى عند أهلها وأهلى كتبوا له كل شيئ بيع وشراء…هل فيه ظلم أكتر من كده؟؟؟؟ ولكن أنا وزجتى سمن على عسل ولم نختلف وربنا عوض علينا وأهلى بيتمنوا أننا ننسى ونصفح عن اللى فات لان إنتقام ربنا كان سريع وطلع أخويا بعد كل هذا عنده عقم بعد الزواج؟؟؟؟أنا مش شمتان ولكنه وأهلى نسوا ربنا فى يوم من الأيام
    اصبرى وتأكدى ان الله لا يضيع أجر من أحسن عملا؟؟ وأن أهل زوجتك لن يعيشوا لكى طول العمر وبعد كده كل واحد هيروح لحال سبيله ولاتخسرى زوجك وحياتك حتى عشان أبنك هيضع فى النص وأن كان فيه اختلاف فى وجهات النظر بينك وبين زوجك فده شيئ طبيعى ولكن أهله هم السبب ولا تنسى أن أبغض الأمور عند الله الطلاق ولا تنسى لقب مطلقه لأنه صعب جدا…لا تزعلى…ولا تعلمى القدر مخبى لكى ايه….وربنا معاكى وربنا يوفقك….أتمنى لكى حياه سعيده وحياه أسعد..تحياتى

اترك رداً أو حلاً لهذه المشكلة