انا بنت عندى 21 سنه والحمد لله انا مخطوبه بقالى سنه وكنا بنحب بعض من 7 سنين ومعملناش خطوبه عشان اهلى كانوا رفضينه بس مش لشخصه لانه محترم جدا وبيحبنى وبيخاف عليا قوى بس رفضوه عشان اهله قالوا انهم وحشين وطمعين وحاجات كتير المهم انا صممت وبعد حرب كبيره اتخطبتله بس بعديها تاكدت ان اهله كل الكلام ال اتقال عليهم صح بل هما اكتر من الكلام ال اتقال عليهم بس الولد محترم جدا بجد بيحبينى قوى وغيرهم خالص لانوا اتربا بعيد عنهم نسبيا بس المشكله الوحيده عنده هى الشقه لان باباه هو ال هيجباهالوا وهتتكتب باسم ابوه فانا خايفه لبعد الجواز ابوه يهددنا بالشقه ويمسكهلنا ذله لا ابوه مفترى وعمل حاجه شبه كده مع مامت الولد هددها يأما تبيع ميراثها وتدهولوه يأما يطلقها وتروح تقعد فيه والمهم عشان مطولش احنا امكانيتنا كويسه والحمد لله اجيب انا الشقه باسمى ضمان ليا احسن ما فى يوم ابوه يكرشنا ولا يكرر معايا ال عمله مع مراته ولا ايه انا كتير بفكر اسيبه بسبب الموضوع ده بس مبيهنش عليا العشره وكمان هو ملوش ذنب انا لسه مطرحتش الموضوع على خطيبى وخايفه يرفض عذرا للاطاله
