انا الحمدالله بنت جميلة و هادية و عندي صحاب بس مش كتير قوي لكن قريبين مني قوي و سبب ان صحابي مش كتير اني بتكسف شوية و مش برتاح مع اي حد و باخد وقت اني اتعود علي الناس . كان دايما و انا صعيرة في ناس بتنصحني و خاصة اهلي اني اكون اجتماعية اكتر لاكن مش كتير فمكنش الموضوع بيفرق معابا بس بعد ما اشتغلت بقيت بسمع من كزا حد ولاد و بنات انهم حاسين اني كان مقفول عليا و اني بريءه و ساز جة و مديري قالي انه حاسس ان انا متعاملتش مع ناس قبل كده و اني في الكلية مكنتش بتعامل مع اي حد .بصراحة الكلام دة جرحني اوي و نفسي اعرف ليه كزا حد حاسس اني متعاملتش مع ناس قبل كدة مع اني بتعامل و عندي صحاب , اه مش اجنماعية اوي لاكن بحاول اكون مش منطوية علي نفسي , ايه اللي بيخلوهم يقولوا اني متعاملتش مع ناس قبل كدة و انا علي فكرة معاملتي كويسة مع الناس و طيبة بس نفسي اعرف ليه كزا حد شايفني كدة و ازاي اغير وجهة نظرهم ؟؟؟؟
خليكي زي ما إنتي ولا تسمعي لأي حد..الكلام اللي بيتقالك ده يتقال امتي لو انتي ما لكيش اصحاب لو مش بتتكلمي مع حد خالص وواخده جنب من كل الناس وبتخافي من الناس كلها..كبري دماغك واوعي تسمعي كلام الناس وخليكي واثقه من نفسك وعارفه إن اللي زيك قليل جدا اليومين دول ربنا يكملك بعقلك وباخلاقك.وربنا يوفقك للصالح دائما.
لان مديرك وبعض الناس عاوزينك سلعه سهله تهزري وتضحكي وميكنش فيه حدود في المعامله يعني من الاخر عاوزينك بنت ساهله في كل شيء وهما مش عاوزين البنت اللي عندها حياء… اللي عاوز اقوله انك انتي صح واثبتي علي اللي انتي فيه وربنا يهديهم