انا عايزة رايكوا فى المشكلة دى هى لواحدة صاحبتى جدا واختى بالظبط بس انا عايزة اشوف رايكوا لانى انا عارفة راى بس مش عارفة انا جاية علية اوى ولا اية
انا ليا صحبتى دى وكدة ليها ابن خالتها يعنى لسة تعرفة من حوالى سنتيين اول مرة يشوفوا بعض المهم كانت احيانا بتشوفوا فى الجامعة ويجى يقعد معانا وكدة لانة ابن خالتها عادى ويتكلم معاها وكدة علشان يبقوا اصحاب ويعودها علية الاول قبل ما يتقدم ليها المهم فعلا هو اتقدم واترفض مرة واتقبل مرة بصراحة مفيش راى معين لغاية دلوقتى
المشكلة فى انة ولد يعتبر عمل كل حاجة فى حياتة كل حاجة حرام عملها سورى يعنى نام مع ستات متجوزة وكدة وكان يعمل حاجات مع بنات مش مظبوطة يعنى بوس واحضان وغيره بس بيخليهم بنات علشان مش يحس بالذنب دة غير انه بيشرب حشيش واحيانا كيميا بس علطول بيشرب حشيش وكده
المهم احنا عرفنا كدة منه نفسه وبصراحة مش حاجة كانت غريبة لما عرفت لانى كنت بحسة انة مش مظبوط هو معانا فى الجامعة معاها هى خصوصا بيبصلها بصات كدة مش عارفة اقول اية كلها شهوة وجنس وحاجات من دى وبصراحة هى لما قالتلى اية رايك قولتلها دة انسان زى الزفت ومش مظبوط هى انسانة كويسة جدا واهلها طيبين جدا وهى كمان المهم كان دايما يكلمها فى الفون وكدة كتير وانا ياما قولتلها مش تكلمية علشان هياثر عليكى وهيمسحلك مخك بس هى كانت تقولى بس دة عادى وابن خالتى لما اتقدم ليها قعد يقولها انا بحبك انا عايزك ليا انا وبس قالتلة انت مش هتتغير قالها لا انا نفسى اتغير بس عايز حد اتغير علشان عايز حد يساعدنى انا بطلت حكاية الستات وكدة لكن الحشيش دى عادى يعنى حاجة عادية وبعديين مش ينفع اشوف الحشيش ومش اشرب وهى قالتلة انا مستحيل ارتبط بواحد حشاش قالها انتى معقدة كل حاجة انا مش بيعجبنى تصرفاتك ومش بيعجبة تصرفاتها وشايفها انها غلط رغم انها عادى يعنى مش بيحب هزارها انها انسانة اجتماعية يقولها مفيش محترمة تبقى كدة وكل حاجة يقولها انتى دماغك بايظة وعايزها تبقى زى ماهو عايز وبس وعلطول بيشك فى كل حاجة فى كل حركة مش تكلمى كدة مش تهزرى كدة انتى الزاى تسلمى على فلان والكلام ده
هى صاحبة اختة اووووى وكدة اللى هى بنت خالتها ومرة كانت عندهم وكدة حاول يبوسها بس هى منعتة وبهدلتة وبعد كدة قعد يتاسف ويقولها انا اسف انا غلطان انا ببقى ضعيف قدامك وقدام شهوتى وساعدينى انى اتغير انا هخلص كلية هو فى اخر سنة دلوقتى وعايز اسافر واشتغل انا عايز حد اتغير علشانة انتى مش عندك استعداد لاى حاجة انا عمرى ما حبيت غيرك مشسالتى نفسك لية انتى بالذات اللى عايز اتجوزك انا قدامى بنات كتير انا فى بنات كتير جدا ممكن اطلب منهم اى حاجة ويعملوهالى لكن وبدون ما اطلب كمان يستنوى منى تليفون اشمعنا انتى بالذات اللى عايز دون دول كلهم عارفة علشان انتى محترمة وكويسة يكفى لما اسيبك فى البيت هبقى متاكد انك هتحافظى عليا وعلى سمعتى وعلى اسمى
وبعد ما قعد يقول انة هيتغير وخلاص جة فى مرة اخد خط موبايلها من وراها وهى افتكرت ان الخط ضاع كنت بتصل بيها بالصدفة بليل لقيت واحد رد المهم هو كان شاكك فيا انى ولد وانا استغرب وقولتلها بعد كدة هى اتاكدت انة هو طبعا رغم انى صاحبتها بس بصراحة لقيت ان الحركة وحشة اوى انة ياخد خطها من وراها وكمان بيرد على الارقام اللى بتتصل على الخط علشان يتاكد ان كان هما بنات ولا ولاد وكلهم طلعوا بنات المهم زعقتله بهدلته وبعد كدة قعد يتاسف ويقولها انا خايف عليكى مش بشك فيكى والله بس بجد انا مش عايز اى حاجة وحشة تمسك
وبعدين حاول معاها علشان توافق عليع كعريس وكدة وبيقنعها ان كل الحاجات اللى عملها دى كانت فترة طيش شباب وانة نام مع ستات لكن كان بيستحرم ينام مع بنات وكلام من دة هى بردوا قالتلة مش ينفع فابعد عنها حوالى كدة 3 شهور المهم انة من ساعة مابعد وهو اتغير والكلام دة من بوق امة بتقول يعنى بقى بيصلى شوية اة وشوية لا علطول حابس نفسة فى اوضتة مش عايز يتكلم فى موضوع الارتباط والجواز وبيطلبوا من صحبتى انها تكلمة علشان تعرف مالة لانة حالتة دمار ؟؟
هو صعبان عليها ومسحلها مخها خااااالص باستيكة وتقولى هيتغير مستحيل يكون بيضحك عليا انا بقولها ولية نجازف بنتيجة مش مضمونة دة غير ان اهلة شايفنها عروسة لقطة وكدة علشان هى غنية جدااااا واهلها مش برفضوا ليها طلب دة غير انة علطول بيقولها انا مش بيعجبنى اسلوب جدتك معاكى كل حاجة بتلبيها ليكى مفيش طلب بيترفض مدلعينك اية الكلام الفاضى دة
هو قاعد راسملها حياة بمبى هو للعلم كمان لسانة طويل جدا وعصبى بتقولة انا مش عندى استعداد تيجى فى مرة تمد ايدك عليا بيقولها والله طول ما انتى كويسة معايا هبقى كويس معاكى
دة غير انه محسسها انه انسان طبيعى هى اللى انسانة مش طبيعية دايما يقولها انتى مخك تعبان وهو اصلا مش بيحب يسمع غير كلام نفسة ودماغة وبس مش بيحب يسمع لاى حد حتى لو كانت نصيحة
انا بصراحة مش عايزاها ترمى روحها وبعد كدة ترجع تندم
لكن هو مالى دماغها انتوا اية رايكوا ؟؟؟؟؟؟؟؟؟؟؟؟؟؟؟؟؟
وعي تخلي صاحبتك ترمي نفسها الرمية السوده دي وتتزوج من الواد ده السافل الساقط الواطي حتى لوكان اخر الرجالة في الدنيا ماترضاش به اكيد الحيوان ده مالي دماغها بكلامه المعسول المزيف والمخادع ومش مخليها تعرف حقيقته القذرة استمري في النصح لها بعدم القبول به زوج لها وحذريها من عواقب تلك الزواجة على نفسها وسمعتها وكرامتها وكرامة اهلها وياليت تخلي احد من اقاربها العقلاء ممن تحترمهم وتسمع كلامهم يتكلم معها في الموضوع هذا ويخليها تصرف النظر عن الارتباط بالواد ده نهاية وللابد وربنا يهديها ويسترعليها ويبعدها عنه وعن شره وفجوره ويكرمها بابن الحلال اللي يستاهلها ويقدرها ويسعدها في الحياة
اتفق مع الاخوات الامل -ونهلة في كل ماقالاتا للاخت صاحبةالمشكلة نعم الراي ولاغبارعليه والله يوفقها ويكتب لهاكل الخيروالسعادةمع الشخص اللي يستاهلهاويقدريسعدهافي الحياة
كلام الاخت الامل رائع ومنطقي اتفق معهافي كل ماقالت اعمل به تلاقي كل الخيروالرضاوالسعادةفي حياتك
رغم ان رسالتك طويلةلكن الجواب عليهافي كلمتين لالالاوالف لا للزواج من هالسافل الواطي المدمن الفاجرالغيراخلاقي اتركيه للابد واقطع علاقةبه نهاية
اختي اناقرات كامل قصةصاحبتك مع هذالشاب اللي للاسف اعتبره حيوان حقيروسافل ومنحط وكل الصفات الكريهة تنطبق عليه ولافي بنت عاقلةومحترمةبعدكل اللي عرفته عنه تريد التفكير ولولحظة للارتباط به الااذاكانت مجنونةاورخيصة سوري للفظ دا لكن بماانهابنت محترمةوبنت ناس كويسين ايه اللي يخليها تتمسك بالكلب دا حتى لوكان ابن خالتها طز فيه مليون مرة مش كفاية انو بتاع نسوان وحشاش وسكير وكداب لايستاهل ان احديعبره من الاساس اويعطيه وش اطلبي مناتقطع كل علاقتهابه فورا والاحسن ماتتكلم معه خالص لاجل تحفظ نفسهاوشرفهاوكرامتها من الواطي الحقيردا ولوتحبيهاجداوتخافي عليها خليك معهااوعي تسيبها للكلب يستفرد بهااويلعب بمشاعرهاويضحك عليها انصيحهابحكم الصداقةوالاخوة اللي بينك وبينهالانهاالان بحاجة لمن يقف معهاويشيل الغمةالسوداءعن عيونهاويخلصهامن الوقوع فريسة للحيوان الفاسق ده وربي يبارك فيك ويحميكم من كل شر ويوفقكم لطريق الصلاح والرشاد
يابنتي العزيزة اختصرلك الموضوع واجيبهالك من الاخر الواد ذامش نافع يكون زوج لك ولايشرفك ترتبطي به خالص اقطع كل علاقة به وربنا يبعت لك ابن الحلال اللي يسترك ويقدرك وفقك الله
اوعي ابدا تخليها تقع في واحد بيحشش ولو مرة في الشهر
اسمعي نصيحتي انا ولد وعارف دماغه شافها بتتقل فبقى عايز يتملكها مش اكتر
كل ده كلام فاضي
سلام عليكم
اختي والله انا ماكملت قرات مشكلتك اياكي ثم اياكي
تفكري في انسان مثل كدا
لانه لايستحي واذا لم تستحي فاصنع ماشئت
يكفي حاول يبوسك بالعافيه يكفي انه بيقول الحشيش عادي يكفي انا سرق تليفونك وشك في فيكي بعد كل دا هتفكري فيه هو حابس نفسه في البيت دي تمثليه فين عقلك لما قال انا نمت مع ستات متزوجه الله يهديه نصيحة اخ لكي اوعي تورطي نفسك وتورطي اهلك ولاتنسي حديث رسوال الله صلي الله عليه وسلم اذاجأكم من ترضون دينه وخلقه فزوجوه وهو ولا دين ولاخلق معلشي اسلوب جاف لكن لاني غيور علي ديني وانتي كاخت الي وفقق الله وهيجي لكي نصيبك اللي يرضيكي
الله يعينها يارب انصحها من كل قلبي تسيبه وربنا يعوضها الي احسن منه لانه ولو ترك الحرام الي بيعمله واستمر على الحشيش برضو هيجره لحاجات اكبر وهيستمر فيها وبشوف ان مفيش اكبر من الزنا والعياذ بالله فالراجل شكله عااتي متعود وماعندوش مشكلة وصدقيني الي مش بيخاف ربنا في بنات الناس مش هيخافه فيكي انتي واوعي يضحك عليها بحكاية انا عايز حد يغيرني ومش عارف ايه دي صدقيني لو اتجوزته هتندم لان الرجل يتغير بصعوبة مش هتقدر تستحملة و انصحها تتخيل نفسها بعد الجواز هيكون حالها ازاي هتتبهدل ومحاكم وطلاق لانها مش هتطيقه ده بيخونها ولسى ماتجوزها هيعمل ايه لو اتجوزها وتكون المشكلة اكبر لو خلفوا لان اولادهم هيعيشوا في ضياع بسبب الاب الي زي ده
انا مختلفه مع جميع الاراءلانها ممكن تكون سبب انه يتغير ويكون انسان كويس دى فى كفار بعض شركهم امنوا بالله ممكن فعلا يكون عايز حد يشجه على تغير حياته انا اعرف شباب كتير كانو كده والحمد لله اتغيروا فعلا واصبحوا متدينين كمان وبعدين لازم الكويس يصلح الفساد ويكون صبور كمان لانه اكيد مش سهل انه يتغير فى يوم وليله لاننا مسلمين يعنى الشخص اللى سلوكه مش كويس اكيد مش مولود كده يعنى ان شاء الله ممكن يتغير ربنا يهدى المسلمين جميعا
وبعدين لو صاحيتك اتجوزته وخلفت منه بنت … هتقولها ايه ؟؟؟ هتقولها ابوكى كان زانى ؟؟؟ وبينام مع بنات ؟؟
وممكن اللى عمله فى بنات الناس يتعمل فى بنته او فى صاحبتك لانه كما تدين تدان
موضوع ان انه كان بينام مع ستات دة مصيبة كبيرة … ممكن يكون عنده الايدز ولا الزهرى ولا فيرس سى .. اكيد هتلاقى عنده اى مرض من الامراض الجنسية دى .. وطبعا بعد لما يتجوز صاحبتك هينقلها المرض
والامراض دى بتنتقل عن طريق الدم … وممكن تنتقل ليكى انتى كمان من خلاص تعاملك معاها فى الاكل او الشرب او كدة
ياريت تقوليها على الكلام دة لانها واضح ان صاحبتك مش فاهمة اى حاجة وهتوقع نفسها فى مصيبة وهتوقعك انتى كمان معاها
اللى بيتغير حقيقى لازم يتغير عشان ربنا و عشان هو عايز كدة ,مش عشان خاطر حد ,هو دلوقت حيموت عليها عشان مش ملكه ,و ممكن اه يتغير عشان يوصلها,لكن بعد ما يمتلكها و يشبع منها ,حيحن تانى لايامه القديمة و حيمل حياته معاها اللى كلها التزام و تقييد بالنسبة له,ده غير ان سنه صغير يعنى انسان مش مسئول ,ليه تورط نفسها فى كل ده ,ان شاء الله تلاقى ملييييييييون واحد احسن منه ,وحياتها بلا رجل افضل بكتيييييييييير من عيشتها مع راجل يهينها و يخونها ,وكلامك انها انسانة ملتزمة يعنى ضحت كتير عشان تحافظ على نفسها ليه تضيع كل ده فى الاخر و توهب نفسها لانسان محاولش عمره يحافظ على نفسه و يتقى الله ,وايه الكلام الفارغ بتاع بينام مع ستات و مستحرم البنات !!ماهو كله زفت والبنت اللى حتنام معاه حيكون بارادتها يعنى هو مش حيسلبها شىء غصب عنها ,بس تقدرى تقولى انه يخاف البنت تحمل و يشيل التهمة انما المتجوزة لو حملت معروف حتلزق العيل لمين !!
ارجووووووكى اقنعى صاحبتك تبعد عن الشخص ده تماماااااا ,ولو كان عايز يتغير حيتغير من غيرها ,ولو حاولتى تقرى مشكلات اخرى هنا حتلاقى رجالة بتحكى عن انها التزمت فى بداية الزواج ثم تراجعت عن التزامها بعد فترة لانها خلاص خدت على الجواز و ملته ,لو عايزة تعينه يبقى تبعد عنه عارفة ليه؟عشان يحس ان استهتاره افقده ناس كويسة كانو ممكن يحلو حياته ,ده غير ان التغيير مش بييجى بسرعة ,يعنى حتى لو حاول المسألة دى مش حتحقق بين يوم و ليلة ده عايز سنين عشان يقدر يغير عاداته السيئة وصحبته السيئة ويثبت على كدة,هل هى حتستحمل واحد بيحاول مرة و يقع 20 مرة ,والواحد ده المفروض انه زوج و اب لاولادها؟يبقى ظلم ,ليها و لعيالها!
مشكلتى انى كسول شوية وان كتيرمن المشاكل ببقى عايز اكتب تعليق بس بكسل المهم انا زعلان اوى على البنت دى لان الولد مش كويس ومفيش حد بيبقى عاصى لربنا ويبقى سعيد فازاى هيقدر يسعد غيره البنت دى بكرة هتندم اشد الندم ده شخصية زبالة حتى لو هو نام مع ستات بجد لو هو بيحبها زى ما بيقول المفروض ما يقولش ده ليها لو خايف عليها وعلى مشاعره ثم صدقينى اقسم بالله مفيش حد بيعمل كدة ويبقى كويس من جواهزى ما بتقول بقى يصلى والكلام ده هيرجع اوسخ من الاول انا اسف فى اللفظ انا شاب وعارف وليا اصحاب كتير من الفصيلة دى فصيلة وسخة وانا بعدت عنهم كلهم ربنا ينجيها منه يا رب يا رب
بصى … انا شايف انها تنسى الولد دة تماما لانه هيجبلها مشاكل بعد الجواز .. وبعدين الرسول اوصى ان نختار العريس صاحب الدين مش العريس الزانى اللى بينام مع بنات واللى بيشرب الحشيش
صدقينى لو اتجوزته هتحصل مشاكل بالهبل وهتقول يا ريت اللى جرا ما كان
صاحبتك متعلقة بيه لنه مهتم بيها مش اكتر … لكن لو لاقت واحد تانى احسن منه ومهتم بيها زيه اكيد هترفض ابن خالتها .. الموضوع ان صاحبتك عايزة تحس انها مرغروب فيها ومش لاقيه حد يديها الاحساس دة غير ابن خالتها
بجد الانسان دة مش كويس وحرام انها تورط نفسها معاه … وموضوع انه يتغير او كدة دى حاجة فى علم الغيب وفى علم ربنا ليه تجازف بحاجة هى ماتعرفش عنها حاجة