مشاكل الشباب النفسية

انسان محطم ويرغب في أن يعيش حياته

انا رجل عمري ٣٤ عام لم اتزوج بعد اعمل بوظيفه من حولي ٦ سنوات بالمختصر حياتي تعباني خالص فقد طعم للحياه من كل النواحي من نحية الجواز او الصداقه او الزماله او الأقارب كل شيء ليس له طعم عشان كده ابتعد متعرفوش قد ايه بكون سعيد حين الشغل يخلص وارجع للبيت يااا كأني مشتاق اليه برغم اني قعد وحيد في البيت اخواتي تزوجو وانا في البيت وحيد حولت انا اذهب الى دكاتره نفسيه وفعلا استجمعت شجعاتي وروحت ووصفلي على علاج وقال لي اني عندي اكتئاب بسيط وخد العلاج ولكن لم أرى اي اختلاف كبير وسيبت العلاج وقررت اني لا اذهب الى دكاتره نفسين مره ثاني لاني على ما أرى أن اللي يروح لدكاتره نفسيه والدكتور يوصفلهم علاج بالادويه اعتقد انه مبيتعلجش المووضوع بيزيد اكثر
حاليا انا وصلت لدرجه اني مش عارف اعبر بصوره واضحه عن نفسي للاخرين او اطلب شيء عايز اصلحه عندي مشاكل كتير بالعمل وكله اني مظلوم فيه ومش عارف اخد حقي وبزعل لما حد اقوله انت اللي بتعمله غلط وزعلي بيكون اني ارى في وشه زعل من نحيتي اخف اقوله حاجه تانيه عشان ميزعلش واتاثر بسببه فأطر ان لا أقول له شيء وغير ذلك جوازي انا معنديش اي مشاكل خالص بالجواز ونفسي اتجوز اتجنن بجد نفسي اشوف لي ابني زاي بقيت زمياَلي ولكني خايف بجد من اخد الخطوه الأولى ده حتى خايف ادخل في علاقات صداقه مع بنت وعمري ماتكلمت مع بنت الا نادرا على العموم كل اللي قلته ده جزء من اللي بمر بيه كل يوم اي نعم المشكله مش واضحه اووي
بس ارجو على الساده ان يقرؤوا رسالتي ويقولولي ماذا أفعل بحياتي حتى اعرف اعشه صح

مشاكل وحلول ذات صلة

اضيف بتاريخ: Monday, July 8th, 2019 في 00:38

كلمات مشاكل وحلول: , , ,

2 رد to “انسان محطم ويرغب في أن يعيش حياته”

  1. البرنس
    25/08/2019 at 23:44

    ارى ان تاخذلك اجازة من شغلك وتذهب لاداء العمرة وزيارة بيت الله الحرام وهناك هتلاقي السكينة والطمانينة والراحة النفسية ادعي ربك وانت امام الكعبة الشريفة ان يفرج همومك ومتاعبك وان يرزقك بابنة الحلال الصالحة اللي تكمل حياتك معها واشرب من ماءزمزم المبارك بنية الشفاء واغتسل منه وصدقني سوف يذهب الله عزوجل عنك كل ماتعاني منه وتشعر بالرضا والسعادة والراحة وصفاء القلب ودا عن تجربة حقيقية حصلت معاي مثل اللي حصل معاك واكثر والحمدلله ارتحت وشفت العافية والراحة والطمانينة لما رحت للعمرة والطواف بالبيت الحرام ربنا يكتبها لك وتروح وتلاقي الخير والسعادة والاستقرار طوال حياتك

  2. ابوالبتول
    09/07/2019 at 09:31

    شوف يااخي انت كويس ومافيش عندك اي مشكلة تماما كل اللي تشعر به مجرد اوهام فقط ومش واثق من نفسك ولا في الاخرين من حولك عاوزك تستهدي بالله عزوجل وتحسن الظن في الاخرين وتعرف ازاي تتعامل معهم سوا كانوا زمايلك في العمل او الاهل في البيت وتحافظ على صلاتك في وقتها في الجامع وتقراالقران بانتظام تجد فيه الراحة والسكينة الابذكر الله تطمن القلوب واطلب من اهلك يبحثوا لك عن بنت الحلال عشان تتزوجها فالزواج هو الاستقرار وفيه الخير والبركة والسعادة لك طوال عمرك وربنا يؤفقك ويكرمك بابنة الحلال الصالحة اللي تسعدك في حياتك

اترك رداً أو حلاً لهذه المشكلة