بسم الله الرحمن الرحيم
احب اعرض مشكلتى ومحتاج رايكم كل الحكاية انى قابلتبنت من بلدى ووقفت اتكلمت معاها بس كنا على الطريق وماحدش شايفنا مجرد كلام ابتدائى معرفه كدا اسم وكام سنة وكدا
المهم قالتلى انا كنت بشوفك كتير فى البلد دى حاجة مش عارف معناها ازا كانت واخدة بالها منى ولا ده عادى
غير كدا كل لما تشوفنى بتضحك ولما تكون ماشيه مع حد وتشوفنى بتعرفهم تقريبا لانهم بيبصو عليه
غير كدا كنت سمعت اسمها غلط وكنت بناديلها بيه فمشيت مع اصحابها وقالت اسمها الحقيقى والصح وهيا معدية من قدامى هيا واصحابها
بعدين انا بعتت امى للبيت عندهم عشان اخطبها ومامتها قالت احنا مش رافضين وانتم ناس محترمين وكدا بس نستنا لحد الامتحانات عشان نشوف النتيجة وعشان البنت ماتتلبخشى فى العريس وتسيب الامتحانات والمذاكرة ولسه شهرين على الامتحانات فحبيت اعرف البنت ان امى راحت عندهم تخطبها فناديت عليها فالبنت بتبص على مين بينادى اتخضت كدا مش عارف ليه بس كنت بنادى واحنا ماشيين فى الشارع المهم قوللتلها انا من لبختى ولخبطتى قولتلها انا عرفت مامتك بدل ما اقولها انا اتقدمتلك بس عشان كنا فى الشارع هيا مشيت على طول ومااتكلمتشى الامتحانات دلوقتى لسه قدامها شهرين والبنت كويسة ومحترمة جدا بشهادة كل الناس اللى سالتهم عليها فعاوز اعرف البنت دى بتحبنى ولا فيه من نحيتها حاجة ليه ولا كل اللى حصل ده عادى انا مش عارف اى حاجة
مشاكل الشباب مع البنات
بنت كويسة ومحترمة بس مش متأكد بتحبني ولا لا
اضيف بتاريخ: Sunday, April 14th, 2019 في 10:46
كلمات مشاكل وحلول: اصحاب, الامتحانات, الحب, المذاكرة, امتحانات, بنت, شاب, عريس
بص هي طالما البنت محترمة و مؤدبة عمرها م هتحسسك هي بتحبك و لا لأ قبل الخطوبة و كدة يعني انت لو مكنتش هتتقدم لها عمرها م كانت هتحسسك بحاجه بس انت حظك حلو انك كبير و جاهز و اتقدمتلها ف انت اما تخلص امتحانات حددوا يوم و اقعد معاها و لو لقيت في استجابه تعرف انها ممكن تكون بتحبك اصل مفيش واحدة هتستجيب مع واحد و هتتخطيبله و هي مش مرتحاله او حاباه بس علفكرا الحب الي بيجي لوحدة ف فترة الخطوبة او الجواز بيكون احلي من قصه الحب الي قبل الخطوبة ف طالما هي محترمة خلاص و انت اصبر شهرين و ربنا معتكوا و يوفقك و ربنا يجعلها من نصيبك لو بتحبها فعلا و هتصونها