انا بنت عندي 16 سنة من 3سنين كنت باخد دروس و فيه ولد معنا اخلاق و مؤدب ومحترم وشاطر جدًا.
وانا لا عمري فكرت في الحب ولا الحاجات دي، انا من اول اما شوفته اول مرة حسيت في حاجة غلط فيه حاجة مختلفة بحس بالراحة اما ابص في وشه.
شهرين بقيت احب اسمع صوته واشوفه، بحب فيه كل حاجة و هو من النوع اللي ما بيكلمش بنات وليه علاقة بيهم، وانا من النوع الهادي الصامت المؤدب.
انا كنت بابص عليه ساعات وهو كمان ومرة ضحك، كنت بحس واحنا باصين لبعض كاننا فاهمين كاننا بنتكلم مع اني عمري ما كلمته.
خلصت الامتحانات ما بقتش اشوفه لمدة سنتين، شفته مرة ولا اثنين، وبقيت مكتئبة واعيط كل يوم واموت اشوفه لمدة 5دقائق.
وحاولت انساه بكل الطرق ما قدرتش بحبه اوي وهو مسيطر على كل تفكيري ومش عارفة اعمل ايه
