مشاكل حب المراهقة

حبيب صاحبتي بيحبني وعايزني اسيب حبيبي، اعمل ايه؟

انا بنت عندي ١٦ سنه بحب واحد في نفس سني وبقالنا مع بعض سنتين هو بيحبني اوي وانا بحبه برضو بس الفتره دي بنا مشاكل وبقينا نتخانق على حاجات بسيطة، بدأت اشك ف حبو وبقينا نبعد عن بعض ويعتبر مبنتكلمش.

ف انا قربت من اللي صاحبتي بتحبه هو احنا بنتكلم عادي لما كان مرتبط بصاحبتي ولما سابها عشان مشاكل عيلتهم (للمعلومه هو قريبها) ف انا بدات اكلمه كاخوات وبحكيله المشاكل اللي بيني وبين حبيبي وهو زي م تقولو كدا كان برضو محتاج حد معاه يحكيله عن مشاكله.

المهم ف قربنا من بعض جامد وبدا يلحملي ويقولي سيبي حبيبك انتو بينكو مشاكل كتير وليه تاعبه نفسك معاه ويقولي انت واحده نادره وهو مش مقدر اللي معاه وكلام من دا كلو.

وبدا يسألني انتي لو سبتيه هتحبي تاني، ف بصراحه بدات اشك انو بيحبني ف نزلت لينك صراحه لقيت مكتوب عليه للاسف حبيتك؟

اتأكدت انو هو بس عملت اني ماختش بالي من الرسالة عشان مش مش عايزه اواجهه، صاحبتي شكت فيا ان بقا في بنا حاجه وكلمتني انا انكرت الموضوع خالص، وهي قالتلي لو حصل ده بينكو انتو هتتهانو كتير من الي عارفين اني كنت بحبه، ولو حبيتيه متعرفنيش تاني، مش عشان بمنعك منه بس مش هقدر اكلمه وانا عارفه ان اللي بحبه معاكي.

انا دلوقتي تعبت من التفكير ومش لاقيه حد احكيله مشكلتي ف عايزه منكو نصيحه اعمل ايه مع حبيب صاحبتي واواجهه ازاي لو هو صارحني واعمل ايه مع اللي بحبه وعلاقتنا ع اخرها

مشاكل وحلول ذات صلة

اضيف بتاريخ: Tuesday, June 15th, 2021 في 03:30

كلمات مشاكل وحلول: , , , , , , ,

اترك رداً أو حلاً لهذه المشكلة