مشاكل الحب الفاشل

حبيت شخص كدب عليا وخبي انه متجوز وعنده 3اطفال

انا عندي 30سنه واتجوزت وانا طفله عندي 14سنه وخلفت بنت وانفصلت واتجوزت تاني وخلفت ولد وقعدت 10سنين متجوزه وجوزي بهدلني وخلاني ابقي مدمنه وانفصلت عنه وظهر في حياتي شخص كنت اعرفه معرفه صطحيه معرفش حاجه عنه واقتحم حياتي في وقت كنت ضعيفه فيه ونفسيا مش مستقره وسيطر عليا كليا بانه شخص كويس ومحترم وعارف ربنا وكلم امي واخواتي ان احنا نتجوز وبقي ييجي البيت وكان بيغيرعليا جدا وبيحبني لدرجه انه منعني اكلم كل الناس وشبه حبسني في البيت وعزلني عن العالم وحصل بينا علاقه 3مرات وبعدين صمم اني اعيش في بلد اهلي لحد ماالعده تخلص وفي الفترة دي كنا شبه ليل ونهار بنتكلم فون وكان بيوعدني وعود كتير كلها لما نتجوز وبعدين بدا يظهر انه عنده مشكلة في قلبه وبيعمل دعامات وبدا يقل في كلامه بحجه انه مريض وبينام لحد اننا بدانا منتكلمش غير كل عشر ايام وشهر وبدا ميردش حتي علي الرسايل بالاسبوع وعدت السنه كده انا ابني معايا وخلص امتحانات وسافرنا اسكندريه عشان بنقضي الصيف هناك والشهص ده مقيم فيها وبدات ابعتلوا رسايل اني هناك وميردش وبدات ادور واسال وطلع كل البيانات اللي قالها مش موجوده ولما فقدت الامل اني اوصل لاي شي فجأة لقيته قاعد في قهوة روحت ووجهته وسبته ومشيت ولحقني وقالي نتكلم ركبت معاه العربيه واعترفلي انه عليه طار وهربان ومكنش عارف يواجهني ازاي وقالي انه بيحبني وسبته ومشيت وقطعنا فطره وبعدها كلمني وكان وحشني قالي انه عايز يشوفني وجالي وحصل بينا علاقه ووعدني وعود كتير وسابني ومشي ومبقاش يرد تاني وبعدها قررت اني ابعد واتناسا بس مقدرتش بعد فتره عملت ايميل جديد ولقيته باعتلي بيطمن علي اخباري واخدت الموضوع ببرود وفضل كل شهر يبعت يقولي عمله ايه وخلاص لحد في يوم لقيت اميل بتاع واحد شبهه وحاطط فيديو ليه وهوه بيجري بالعربيه وبيقول اخوه وانه اسمه( ص)مش( ا)زي ما قالي وصور تانيه ل3اطفال وبيقول انهم اولاد اخوه (ص)صدمت وقولت اكلمه بس اتهرب وهوه كان مصورني واحنا مع بعض وليا صور كتير عنده فكرت اني اقوله انه وحيات ولاده يمسح كل شي يخصني عشان انا هتجوز وابعد ومش هعمله مشكله بس هوه اتهرب وقالي انه بيحبني وكان غصب عنه انه مقدرش يبعد عني في الاول ومعرفتش اوصل لحل عملتله بلوك وفكرت اني اعرف تفاصيل عنه وعن عيلته عشان لو هددني يبقي اعرف علي الاقل هوه مين وعايش فين كلمت اخوه من ايميل فيك وبدات اتعرف عليه بشخصيه مزوره واخوه ذكي زيه بس ملوش في علاقات الستات وصغير في السن 30زيي والتاني 37وحكالي انهم 6اخوات وهوه كان بيقول انه وحيد وبعتلي موقعه وبدا يحكي لدرجه انه بقي بيبعتلي صور اخواته ومرات( ص) اللي ضحك عليه وامه اللي (ص) قال عليها ميته هيا وابوه من وهوه في اعدادي طلع كل حاجه كذب وطلع انه متجوز مراته عن حب بس عينه زايغه وعرفت كل حاجه واخوه بدا يحبني جدا وبدا يصعب عليه قولتله انا مش هكمل وانا وحشه وليا علاقات كتير وانت راجل متجوزتش وانا مش هنفعلك اتمسك بيا اكتر وقالي ان الله غفور رحيم وانسي وانا هعوضك بس هوه ميعرفش عني اي حاجه صح غير صوتي والصور مش بتاعتي وكل حاجه كدبت فيها بس انا اتعلقت بيه وبصدقه وبانه برغم اني طلعت نفسي زي الزفت عشان يسيبني الا انه عايز يجيب اهله وييجي يتقدملي وبيحبني جدا لدرجه انه بيقولي لو عايزاني اجي اشتري شقه في القاهره وابعد عن إسكندريه معنديش مشكله انا دلوقت لا بقيت قادرة اقوله اني كدبت عليه مع انه متوقع وحاسس وقالي كذا مرة حاسس انك مخبيه حاجه كبيرة وانا مش فارق معايا ايه هيا بس المهم متسيبنيش المشكله اني لا قادرة ابعد ولا قادرة اصارحه ولو انا طمعت في اني اتحب كده من حد صادق ويكون ليا اسرة زي ما بتمنا واستقر ومش قادرة اوجهه ومش عارفه رد فعل واحد مجرم زي اخوه اوهوه لو عرفوا حاجه زي كده هيعمل ايه خصوصا انهم مش من النوعيه اللي ممكن تتساهل في حاجه زي كده بس هوه بيحبني جدا وخايف اني ابعد عنه لدرجه انه عايز ييجي يتجوزني حتي لوكنت مع مليون راجل قبلي انا عايزك وبحبك وهنبدا من اول وجديد وانا بقيت تايهه وخايفه ان اخوه يسمع صوتي لانهم ساعات بيكونوا سوا اخوه لوسمع صوتي هيعرفني وهتبقي مصيبه انا مبقتش عارفه اعمل ايه وبرغم كل ده انا مش قادرة ابعد مع العلم انهم شبه بعض في الشكل وكان سبب في اني احب اتكلم معاه في الاول انه شبهه وكنت بطول في المده بتاع الكلام عشان احس اني مع( ص )بس انا دلوقت حبيت اخوه ومبقتش بحس باي شي تجاه (ص) نهائي بس يتري لو قولتله علي الحقيقه وصارحته هيتقبلني زي دلوقت ولا لا انا محتاجه حل ارجوكم

مشاكل وحلول ذات صلة

اضيف بتاريخ: Wednesday, February 19th, 2020 في 04:46

كلمات مشاكل وحلول: , , , , ,

3 رد to “حبيت شخص كدب عليا وخبي انه متجوز وعنده 3اطفال”

  1. وائل
    22/02/2020 at 19:21

    حل
    انتي بركان غباء

    وحصلت علاقة 3 مرات وقبل العدة ورجع عمل علاقة تانية ايه الهبل دة انتي محتاجة تتربي من جديد

    وعلي فكرة انتي زي كيس اللب بيتسلو بيكي لانك لب رخيص مش بيخاف ربنا ولا عندة زرة ايمان انا مش بشتم ولكن انتي تستاهلي الاعدام

  2. البرنس
    22/02/2020 at 14:31

    الطريق اللي انت ماشيه فيه غلط في غلط يابنت الناس حرام عليك ربنا عزوجل شرع الحلال وحرم الحرام وانت عندك أولاد من زوجك الأول والثاني فكر فيهم قبل كل شيء ولاتجري وراء اشباع رغباتك المحرمة وماحصلك مع هذا الواطي الخاين الحقير هو تساهل منك في شرفك وسمعتك وسمعة اهلك ظنا منك انه ممكن يتجوزك فانت مخطئة جدا مش دي الطريقة ولا دي الوسيلة لو كنت بجد تعرفي ربنا عزوجل ماعملت كدا ولحافظت على شرفك وسمعتك وسمعة اهلك لكنك فرطت في كلهذا واستحالة ربنا يؤفقك طالما انك ماشيه في الحرام توب الي ربك واستغفريه وابتعدي عن الحرام والعلاقات المحرمة واهتم بصلاتك وصومك وقراءة القران وبتربية اولادك التربية الحسنة والاعتناء بهم جيدا وسوف تلاقي ربنا راضي عنك وبيرزقك من حيث لاتحتسبي بيؤفقك ويسترعليك في هذه الحياة

  3. البرنس
    22/02/2020 at 14:22

    ايه القرف والكلام الزبالة اللي تقوليه دا في ست محترمة تعمل كدا ترخص نفسها لواحد سافل وواطي وابن كلب مافيش خوف من ربنا عزوجل وانت تزني مع الكلب الخاين ده ولافكرتي في سمعة اهلك وشرفهم حرام عليك اتقي الله في نفسك وفي اولادك واهلك ولاتجعل الشيطان يفسد عليك دينك ودنياك واخرتك توبي لربك واستغفريه واندم على مافات واقطعي علاقتك بهذا السافل الحقير نهايا وغيري رقمك والغيه من حياتك كلها وابتدي حياتك من جديد واصبري حتى يكرمك الله بابن الحلال اللي يستاهلك ويقدرك ويصونك ويسعدك طوال حياتك

اترك رداً أو حلاً لهذه المشكلة