انا شاب في التعليم الجامعي في كلية محترمة والمستوي الاجتماعي الحمد لله كويس ليا عمي اخو ولدي عندة بنت جملية انا في البيت قلوليلي هنخطبهالك في الاول رفضت قلت ايه زواج الصالونات ده وبعدين من قريب حصلت زيارة علي العيد فشفتها وسلمت عليها حبتها وتمنين من الله سبحانة وتعالي الارتباط بها وان تكون زوجة صالحة لي بس المشكلة اني هيا يعني متربية في منطقة راقية بالقاهرة وانا يعني متربي في منطقة ريفية عشان مصالحنا وكدة بس الحمد لله المستوي الاجتماعي احسن شوية والمستوي الفكري والثقافي مستوي واحد بس المشكلة انا خايف لما اجي ارتبط بيها رسمي ممكن هيا يكون عندها نوع من الرفض او اهلها يغصبوا عليها مع العلم بان الاهل كلهم عارفين بس الموضوع متاخل لحين الانتهاء من الدراسة انا مش عارف اعمل ايه مش عارف حتي احاول اقرب منها مفيش وسلية اتصال خلاص وانا خايف لومرتبطش بيها هتحصل مشاكل كبيرة اوووي في البيت ومشاكل نفسية ليا انا ممكن اعمل حاجات مش عارف انا بعملها لية
افيدوني جزاكم الله خير ما صنعتم
بص يابن الناس الجواز بالتراضي و كل شئ قسمه ونصيب فانتا المفروض تطلب منهم انهم يصارحوك بحقيقة شعورها ناحيتك لو وافقت يبقي خير وبركه ولو ماتمش ,كل شئ نصيب وزي مانتا قولت جواز صالونات وزي مالامثال بتقول جواز القرايب مصايب واعمل حساب انها كانت عايشه في القاهره يعني حي راقي ولها مطالب كتير وانت فاهمني فعليك انك تفكر بعقلك قبل قلبك دا جواز مش لعبه.وبعدين دي هي مره اللي شفتها فيها يعني طياري لسه علي البر !!!!أمّال بقي اللي عشرة عمر!!!!
يا جميل اتجرأ وكلمها حتى لو هتروحلها الجامعه وتعمل نفسك قابلتها صدفه ارحمونا والنبى يا شباب وما تضيعوش حياتكم بأيديكم خصوصا ان ممكن انت تستنى لبعد التخرج تلاقيها ارتبطت بحد غيرك وكمان ممكن تكون هيا مرتبطه حاليا المهم لازم تخترع قصه وتشوفها وتقعد معاها ياخى روحلها الاماكن اللى هيا فيها واعزمها على حاجه واقعدو لوحدكم حتى تقربو من بعض وتعرف تفكيرها واللى فيه الخير ربنا يقدمه ولو من نصيبك مش هياخدها غيرك بس لازم الاول تعرف اذا هيا مرتبطه بحد تانى ولا لا ونفس الوقت لو مفيش حد فى حياتها تقرب منها وتبتدو حياه جميله وربنا يسعدكم وخليك جرىء عشان تقدر تاخد اللى انت عايزه الولد اللى بيتكسف بياخد على دماغه وبيودينا فى داهيه وبيبوظ سمعت الرجاله سورى يعنى اذا كان كلامى مش حلو بس عشان احفزك تتحرك شويه ولو عايز دروس فى المواضيع دى انا موجود وانشاء الله خير ما تقلقش وقرب منها على الاقل تعرف حياتك ومستقبلك وتحدده مش تمشى فى طريق مسدود وما تسمعش كلام حد غيرى
انت لازم تتخذ قرار سريع جدا وحاول تتقرب منها لان اكيد انت هتكون مضايق لو اتقدمت رسمي لواترفضت منها هي دي بنت عمك مش واحده غريبه فا اكيد هتكون مشكله ولو كلمتها وصارحتها بحبك لو هي عيزاك تقدر تتقدم رسمي ولو سوري يعني هي مرتبطه بحد تاني يبقي انس الموضوع وعلي فكرة هي لو بتبحك مش هتشوف فيك اي حاجه عايزه تتغير
كمل تعليمك اولا وهو الاهم من اى شيئ وكله سهل بعد كده
ازاى بنت عمك انت اول مرة تشوفها ولا اية ؟ بس ربنا يكرمك ان شاء الله وتتقدملها
عليك بأن تواجها
مفيش مانع انك تخطبها دلوقتى وتتجوزو بعد ما تخلصو دراسة على الاقل تبقى حاجزها وتبقى مطمن انها معاك
فانت لازم قبل ما تخطبها طبعا تعرف رايها ليكون فى حد فى دماغها فانت قولها انك معجب بيها وعايز تتقدملها بس عايز تعرف رايها ايه لو وافقت تاخد خطوة ايجابيه
لو رفضت حاول تعرف السبب علشان لو عيب فيك تحاول تغيره لو واحد تانى غيرك يبقى خلاص عرفت