انا مخطوبه وبحب خطيبي اوي وهو كمان بيحبني اوي بس المشكلة بقي اني كلامي قليل ومش بتكلم غير لما هو يتكلم معايا في حاجه مش بعرف افتح مواضيع معاه ولما بيكون مضايق مش بعرف اخرجه لانه دائما هو اللي بيتكلم وبيفتح مواضيع وانا اللي برد عليه مش عارفه اعمل ايه هو مضايق من الموضوع ده اوي وبيقولي هو انا لو ما تكلمتش انتي ماتتكلميش وتفضلي ساكته شوفيلك حل في الموضوع ده انا مش عارفه اعمل ايه مع اني قولتله اني ده طبيعتي واني مش بحب الكلام الكتير قولولي اعمل ايه ولما يكون مدايق اخرجه من اللي هو فيه ازاي جزاكم الله خيرا وشكرا.
طالما انكم مخطوبين لبعض وربنا يتمم لكم بالخير ويؤفقكم تكلمي معه في امور مهمة كالدين والاشياء اللي يحبها في الحياة وعن امالكم واحلامكم ومستقبل حياتكم الجايه دون تجاوز الخطوط الحمراء واياك والتكلم معه في امور محرمة كالجنس والاشياء المثيرة للشهوات او تخليه يشوفك في وضع مش كويس احذري من كلهذا عشان ربنا يؤفقكم ويبارك لكم ويسهل اموركم وبرضو افتح معه مواضيع ثقافية او اجتماعية تخص حياتكم واسالي عنه وعن اهله واخواته وربنا يسعدكم ان شاء الله
عن رسول الله صلي الله عليه وسلم أنه قال : تنكح المرأة لأربعة لمالها ولجمالها ولحسبها ونسبها ولدينها فاظفر بذات الدين تربت يداك – هذا هو افضل شيء الدين اتكلمي في الدين – اسأليه لو بيصلي ولا لا – اسأليه لو بيصوم ولا لا – اسأليه ناوي يعمل عمرة أو حج – اسأليه لو بيتصدق او بيزكي عن أمواله ولا لا – اسأليه صلي الفجر في الجامع ولا لا – اسأليه بيصلي كل وقت في وقته ولا لا – لو هو مسلم وملتزم هيتجاوب معاكي ويحب المواضيع دي ولو هو مش ملتزم هيزهق من كلامك – والجواب هيبان من عنوانه – ربنا يوفقك وكل عام وانتم بخير
اقرأ كتير وشوفى فديوهات على النت اى الكلام اللى تتكلمى فيه مع الخطيب خذى راى ماما او اى حد واثقه فيه اساليه تتكلمى فى اى وتعملى اى
دي كانت مشكلتي مع خطيبتي
بس بالهدوء كله بيعدي
خذي عليه اكتر (طبعا في حدود الاحترام)
وحاولي تتكلمي معاه عادي مش لازم تفكري في مواضيع قبل الكلام زي ما بتتكلمي مع زمايلك البنات
الكلام هتلاقيه بيجي لوحده
وقوليله يصبر شوية وانت شيلي فكرة انك مش بتعرفي تتكلمي دي من بالك
وخلي بالك
من ان تحسي انك مقصرة في الكلام فتتنازلي عن حاجات تانية
بمعنى
تسيبية يمسك ايديكي او انه يلمسك او يحصل اي تجاوزات سواء كلام او فعل
اتكلمي في كل حاجة وبدون تفكير في المواضيع ولكن في حدود الصح والاخلاق والتربية
وربي يتملك على خير