مشاكل الخيانة الزوجية

اكتشفت خيانة زوجي مع زوجة أخي، كيف اتصرف؟

جوزي كان بيكلم بنات علي الموبايل وقفشته صدفه وسيبتله البيت ورجع وندم وقولت اسامح.

بالصدفه الاقي الموبايل القديم بتاعه والماسنجر شغال عليه بيكلم نفس البنت تاني، ومش بس الصدمة الاكبر اني لقيت في صور الموبايل اللى بتنزل من الواتس اب .. صورة مرات اخويا بدون ملابس.

مش عارفه اتصرف ازاي؟ لو قولت لاخويا ممكن يقتلها او يقتله، او يعمل حاجه لو واجهته هيضربني وياخد الموبايل.

مش عارفه اتصرف مع العلم ان اخويا اصلا مش طايق مراته وعايز يطلقها ويخلص منها.. بس هي عايزه تمص دمه في الفلوس عشان تطلق.. لو واجهناها وهددناها ممكن تقول ان انا خدت الصورة دي مثلا من موبايل جوزي وبتبلي عليها، وهتقلب الترابية عليه، وتقول لأخويا، واخويا هيمسك في جوزي يعني بيتين هيتخربوا اعمل إيه؟

مشاكل وحلول ذات صلة

اضيف بتاريخ: Wednesday, June 9th, 2021 في 23:20

كلمات مشاكل وحلول: , , , , , , ,

2 رد to “اكتشفت خيانة زوجي مع زوجة أخي، كيف اتصرف؟”

  1. Huda
    30/06/2021 at 04:39

    الفراغ ممكن يعمل مشاكل كبيرة جدااا في حياة البشر واللي عنده استعداد للانحراف هينحرف بسهولة مع وجود الفراغ في حياته

    طبعا ربنا امر بالستر وانت لو فضحتي زوجك عند اي حد ممكن ربنا يصلح حاله في يوم من الأيام ومينساش لك هذا الفعل ابدا وواضح انه بيحبك بدليل انه ندم لما سيبتي البيت ورجعك

    واجهيه أنك عرفتي من موبايله القديم انه رجع تاني يكلم ستات ومتقوليش له مين هي الست اللي بيكلمها وهو طبعا هيشك انك عرفتي هي مين وممكن تعملي له فضيحة الطريقة دي هتخليه ربما يخاف من الفضيحة وميتكلمش تاني معاها

    ثانيا حاولي تشغلي وقت فراغه لازميه في كل حركاته وسكناته املي وقت فراغه بالزيارات العائلية بالفسح بالولاد لو عندكم اولاد وحكاويهم

    فكريه دايما بالله وعقاب الله وإن اللي بيعمله ده بيغضب ربنا وهينزع التوفيق وراحة البال والستر من حياته

    لو عندكم اولاد خوفيه إن اللي بيعمله ده ممكن يترد في اولاده عشان كما تدين تدان

    اتمنالكم صلاح الحال وربنا يهدي زوجك

  2. ام محمود
    23/06/2021 at 19:24

    مشكلة ان جوزك بيخونك مع مرات اخوكى طيب شوفى فيها ايه يفرق عن نفسك وخلى جوزك عينه مليانه منك ويشبع منك حب واوضاع جددى حياتك وبدل ما تدورى على حل لمرات اخوكى شوفى حل لجوزك ابو عين زايغة اعملى زى الافلام اياها ###### اوضاع جديدة ولانجرى ساخن جدا

اترك رداً أو حلاً لهذه المشكلة