ممكن اتكلم معاكم وتقولولي اعمل ايه 😥
انا بابا وماما منفصلين من وانا ٣ شهور، وكبرت واتربيت مع امي لمدة ١٧ سنه وبعدين رمتني لابويا، جالي صدمه ساعتها ازاي عمل فيا كده، وابويا كان متجوز ومخلف.
المهم قعدت فتره مع جدتي وكان معاها مرات عمي وبناتها ومكنتش اعرف اي حاجه خالص، كان مقفول عليا مع امي كل حاجه، وكانت بتنزل توديني وتجبني، ومكنش ليا صحاب حتى الجامعة كانت بتوصلني ليها وتجبني منها.
المهم كان ليا بنت عمي في الوقت اللي كنت فيه معاهم هناك كانت بتخرج وتعرف ناس كتير وهما كانوا غصبين عليا اني اطلع معاها ولو رفضت كان بيبقا المعامله زفت والبيت كله يقوم عليا، المهم انا كنت مكسوره اوي ومذلوله وكل حاجه في عنيا كانت سوده ومعرفش انا وصلت لحال زي ده ازاي واترميت من اكتر حد بالنسبالي الامان خلاصة الكلام علشان في حاجات كتير توجع عرفتني علي واحد واوهمتني انه عاوز يتجوزني وبيحبني وكان جارهم.
وبعدين حصلت مشاكل مع بنت عمي ورحت لابويا تاني وساعتها مراته كانت مش طيقاني برضه وبتعملني وحش وتوقع بيني وبينه وتقولي اوعي تفتكري هيحبك اكتر مني.
المهم كنت نازله يوم رايحه الجامعة كلمني وقالي تعالي عندنا نقعد شويه، انا للاسف رحت مره وتاني مره اتنين في المنطقه شافوني من صحاب بابا، ونسيت اقولكم بابا مدمن وصحابه دول كان اللي بيعقد معاهم مدمن، والمهم ساعتها قال ميعرفنيش وقالي قوللهم متعرفنيش وقولت كده وقال كده وسبني ونسيني، وانا نسيته.
وفضلت قاعده فتره تاني مع جدتي وشفت ايام سوده برضه من معاملتهم، ونزلت اشتغلت وقبلت حد كويس طلب يتجوزني واتجوزت من غير عفش ولا حاجه علشان ابويا مجهزنيش ولا كنت في باله.
وبقالي ١٢ سنه متجوزه حاليا انا كل ما افتكر زمان واللي حصل نفسيتي بتتعب اوي وبلوم نفسي عملت كده ازاي؟ وخايفه اوي يكون صورني او ينكشف حاجه قدام جوزي.
انا كنت بنت وحصلت بس تجاوزات معرفش حصل كده ازاي ولا انا عملت كده ازاي انا كنت بخاف جدا من اي حاجه وحشه ومحترمه ومتقفل عليا انا نفسيتي تعبانه اوي كل ماافتكر ومش عارفه اقول لجوزي بس اقول ايه وخايفه حد يقول قدامه او يحصل حاجه.
انا بموت والله كل يوم ومش عارفه الغلطه دي عملتها ازاي هموووت بسبب الغلطه دي بس والله ساعتها كنت محتاجه حد يحبني ويطبط عليا وغصب عني اقول لجوزي عن الغلطه دي ولا افضل ساكته
أنا أسفة جدا إنك بتمري بأوقات صعبة كده. واضح انك شايلة هم وألم كبير من اللي انتي مريتي بيه. أنا هاقولك إنه مهم جدا إنك تدوري على دعم نفسي من حد متخصص يقدر يساعدك تتعاملي مع اللي انتي بتشعري بيه دلوقتي. العلاج النفسي ممكن يكون سلاح قوي جدا يساعدك تتجاوزي الألم والاضطراب اللي بتحسي بيه دلوقتي.
بخصوص الحكاية إنك تقولي لجوزك عن اللي حصل، ده قرار شخصي وإنتي لازم تاخديه لوحدك. يمكن يكون من الجيد تناقشي الأمر ده مع متخصص في الصحة النفسية، هما يقدروا يقولولك إزاي تتكلمي عن المواضيع الصعبة دي وإزاي تتعاملي مع الألم اللي بتحسي بيه.
عموما، اتذكري إنك مش لوحدك. فيه ناس ومؤسسات كتير ممكن توفرلك الدعم والمساعدة. متتردديش في البحث عن المساعدة لما تحتاجيها، واتذكري إن الأمور ممكن تتحسن. الرعاية النفسية دي أولوية.
اوعي تقولي حاجه واختفي خالص من اي حاجه تخلي الشخص السيء ده اللي قبلتيه يعرف عنك حاجه واتقربي من ربنا اكتر واطلبي منه الستر دنيا واخره واتقربي من جوزك اكتر واعملي معاه كل حاجه حلوي وخليكي طبيعيه وبعدين انتي الموضوع بتاعك عدي عليه 12 سنه يعني ان شاء الله الشخص السيء هيكون نسي