مشاكل البنات النفسية

معاملة أبي وعائلتي سبب كرهي لهم واكتئابي

نكره حياتي ونبي ننتحر

انا بنت في بداية 20 كنت بنت طموحة بس المشاكل العائلية اثرت فيا بشكل كبير وسببولي اكتئاب.

كبرت في فجوة كبيرة بيني وبين اهلي وتولد عندي نوع من الكره تجاهم، وحاولت انتحر مرتين بس ولله الحمد فشلت، وان شاء الله ربي يسامحني.

وهذا كله بسبب التعامل الخاطئ معي في فترة المراهقة كان يضغطو علي بشكل كبير لدرجة يهددو فيا بي دراستي.

وحصلت كم مرة ويحبسني ابوي في الغرفه بالاسبوعين او شهر و يفوتوني دروسي، واحيانا تكون اسباب تافهة جدا او اصلا غير مفهومة.

وكبرت وعندي عقدة من فكره انهم يصرفو عليا لانهم يجرحو بالكلام سوي امي سوي ابوي يميزو بيني و بين اخوتي الاولاد، يعني احيانا نكون مستحقه فلوس، مع العلم اني الى حد الان ماعنديش مصروف خاص بيا.

وناهيك عن ضرب شنيع المعلم بجسمي الى الان كل مانشوف اثاره يزداد كرهي ليهم مهما كنت مش لدرجه الوحشية هذي.

وعندي مواقف في طفولتي مشوهة تماما في مرة كان يبي يربطني بحبل و يرميني في صحراء و قالها ليا بفمه،و قال انه صلي لي ربي و تبرا مني نهائي.

المهم نبي ننسي ذكريات هذي كلهم ونبدا صفحة جديدة بس مش قادرة، قبل يومين قالي انه حيوقفني من الدراسة ومعاش يبيني نقرا، قصدي فوق الإذلال هذا انا خاشه كليه مش راغبتها دخلني فيها هوا غصب عني انا رضيت و سكتنا مزال يذل فيا

مشاكل وحلول ذات صلة

اضيف بتاريخ: Tuesday, June 15th, 2021 في 19:31

كلمات مشاكل وحلول: , , , , ,

اترك رداً أو حلاً لهذه المشكلة