السلام عليكم
انا بنت عمري 14 سنة مصرية بس عايشة في الخليج انا وحيدة على اخين بس بحس دايما بالوحدة و بحس ان اهلي مبيحبونيش كل حاجة بعملها بينتقدوها مامتي دايما بتنتقدني و بتعمل كل حاجة بدايقني و قليل اوي قوي لما بهزر معاها.
الشعور ده ابتدى لما ماما خلفت اخويا الصغير ماما اهتمامها قل بيا حتى بابا نفس الشيء انا بعيدة عنهم اوي و لانهم بيشتغلوا فبقى كل حاجة شغلهم و انا اتنسيت هما مش مقدرين ان انا لازم اتعامل كعاملة خاصة جدا لاني بنتهم الوحيدة و عمي عارف كده انا لما بشوف مراة عمي بتبوس بناتها و تحضنهم بس بجرح كبير جوايا بقول لنفسي و انا اقل منهم في ايه عشان محسش بحنان مامتي.
وخالتي بردة بوشين وش تبقى حلو معايا بيه و الوش التاني تجرحني بيه، اما انا خالي كان نفسي هو يكون بابا لانه حنين اوي عليا و كل ولاده بيحبوني.
وماما بقت بتشك فيا جدا لدرجة وصلت بيها انها تتهمني بان انا عملت حاجة في نفسي لمجرد انها لقت فوطة الحمام مليانة دم و الدم ده كان من اخويا لانه كان و هو نايم جاله نزيف من مناخيره.
بجد مبقتش عارفة اعمل ايه و لانكم كلكم اخواتي و اخواني في الله فانا بشكيلكم لو بجد عندكم حل ساعدوني بالله عليكم مع العلم ان برغم ده كله انا ببرها و مبزعلهاش بقدر الامكان و كمان اي حاجة مش موجودة في البيت او ضايعة منهم اول واحدة يتوجهلها الكلام هي انا معلش طولت عليكم استحملوني انا ماليش غيركم بعد ربنا سبحانه و تعالى
و السلام عليكم و رحمة الله و بركاته
