مشاكل عائلية

التعامل مع الأب الظالم بعد وفاه الام

انا بنت مصرية عندي 16سنه والدتي اتوفت سنه2017 كان عندي 14 سنه ودلوقتي عايشه مع بابا واختي ليا اخت واحده فقط اكبر مني بسنتين عندها 18 سنه ..انا بجد تعبانه اوووي وحرفيا انا بموت وبعيط وانا بكتب دلوقتي وبتمني أن الرد يكون سريع لان فعلا تعبانه جدا ومتحاجه حد يرد عليااا..
بعد وفاه والدتي⁦ حياتي اتحولت لجحيم بمعني الكلمه انا واختي طبعا مستقبلنا⁦ مستقبلنا الدراسي بيضيع مننا قدام عنيننا بسبب ظلم ابويا وغروره وتكبره أنه يساعدنا ف شغل⁦ البيت مش بيعملنا دوره ابدا كآب عاق جدا لينا ومع العلم أن ابويا لن يتزوج بعد وفاه امي وكل شويه ف كل وقت يذلنا ويقولنا هروح اجيب واحده ست وجميلة كتير جدا مشابهه ليها.

انا قلبي واجعني اوي ع اختي علشان هي كانت السنه دي ف 3 ثانوي والمفروض تدخل كليه قمه مجابتش مجموع حلو ورسبت ف ماده.

عيله بابا كلها شمتانا فيها وفرحانا فيناا واخو بابا عمو يعني فرحان فيها علشان هتدخل كليه مش قمه وولاده داخلين هندسه واختي نفسيتها تعبانه اوي وعندها اكتئاب وانا بحاول اعمل نفسي قدامها اني قويه بس مش قادره حاسه روحي بتتسحب مني بالبطئ مع العلم أن الي حاصل لاختي السنه دي ف دراستها بسبب بابا وشغل البيت الي كله علينا مش بيساعدنا ف حاجه خالص.

والله العظيم أن انا واختي بننزل دروس من الساعه 1 الظهر نرجع 7 مساء ويكون هو فى البيت مش بيعمل حاجه غير أنه قاعد ع الموبايل ع الفيس بتاعه مع العلم أن ابويا طالع ع المعاش وأقسم بالله العلي العظيم أنه مابيساعدنا ف شغل البيت نهائيا وظالم جداا ومتكبر ومفتري ومكنش زوج صالح لوالدتي واتوفت بسببه مكنش بيحبها خالص.

انا بجد مش عارفه تصرفي المفروض يبقى عامل ازاي مع بابا الظالم وأهله الي شمتانين فينا و ف اختي بعد الي حصلها ف 3 ثانوي.

انا بموت بالبطء
ارجو الرد سريعا ف حاله زي والدي الظالم لا يؤدي دوره كأب لأبنائه ف حاله غياب الوالده وفاتها وأهله الظلمه كمان مع العلم أن احنا عايشين ف بيت عيله المفروض الحل ازاي معاهم مع العلم باني يدعي كتيررر جدا لله أن تفرج من عنده وحاطه امل ع كده ….
ارجو الرد سريعاا

مشاكل وحلول ذات صلة

اضيف بتاريخ: Sunday, June 6th, 2021 في 21:39

كلمات مشاكل وحلول: , , , , ,

اترك رداً أو حلاً لهذه المشكلة