مشاكل الازواج

سنين زواج بلا راحة ومش قادر ارميها او اطلقها

متزوج من ٩ سنوات عن حب واقتناع
الا ان المشاكل بدأت حتى قبل الزواج أثناء فتره الخطوبه
أهلى أصروا على تركها من قبل الزواج الا انى تمسكت بها نظرا لأن المشكله إللى اهلى كانوا يريدوا فركشه الخطوبه عليها لم تكن تخصها هى بل كانت تخص أخوها
وقررت انى اكمل معاها
وفعلا تزوجت فى بيت العائله بس شقه منفصله تماما
من اول يوم زواج انفصال تام منعا للمشاكل
وكانت الدنيا ماشيه
مع مرور الوقت بدأت المشاكل من الجانبين اهلى وهى
بس هى كانت بتعمل إللى عليها ومكنتش بتعمل مشاكل كانت دائما رد فعل بأفعال مستفزه من اهلى
طبعا حاولت احل كتييييييير جدا بس للاسف بلا جدوى
وبدأت انقل لاهلى أنكم عندكم مشكله وخصوصا انها ملهاش حد بعد ربنا لأن أبوها متوفى وأخوها مش سكتى خالص وعنده مشاكل لا تعد ولا تحصى
منها مثلا انه قام ببيع بيتهم إللى كان قاعد فيه هو وامه
إللى هى حماتى
أصبحت حماتى بلا بيت وكانت مريضه سكر ومحتاجه رعايه انا اخذت قرار انها تقعد مع بنتها إللى هو فى بيتى مع العلم ان الشقه كانت صغيره
وتفاقمت المشاكل بزياده
بعد حوالى سنه من قعدتها معايا كانت المشاكل كل يوم تزيد تدريجيا مع العلم ان كل المشاكل كلام فاااااضى
مش المشاكل إللى تهد بيوت لولا كده مكنتش استحملت
بس للاسف مكنتش عارف اعيش
فقررت انى ااجر شقه
وفعلا أجرت وقعدت ٣ سنين ايجار ربنا رزقتى بتوأم اصبح عندى ٣ بنات زى العسل وامهم مهتمه بهم على أكمل وجه وكانت حماتى بتساعد بنتها فى تربيه الاولاد وخصوصا انهم كلهم كانوا صغيرين
وكنت فى شغلى ليل ونهار علشان اقدر على المصروف
وربنا ييسر لى الامر فى شغلى وبدأت امسك فلوس كويسه وكانت الدنيا ماشيه الحمد لله مع وجود المشاكل البسيطه طبعا بس فى. حاجه مهمه جدا ان انا طوال الفتره دى عمرى ما استريخت فى بيتى بالعكس انا كنت بحاول اشغل نفسي اطول فتره من اليوم علشان اروح انااام
ومكنتش بنطق والدنيا ماشيه لحد ما والدتها توفاها الله بعد ما كانت قعدت معايا فتره منصبه حوالى ٤ سنين ونصف كنت انا المتكفل والمصروف كاملا حتى قبل وفاتها كانت فى مستشفيات وعنايه ومكنتش عندى مشكله وطبعا زى ما قلنا أخوها ده ايدك منه والقير
كنت محتسب كل ده عند المولى عز وجل
بعد وفاتها فكرنا سويا فى الرجوع للبيت وخصوصا ان الدنيا كانت مشيت شويه ما بين زوجتى واهلى بعد ماطلعنا من البيت لدرجه ان هى إللى طلبت
وبفضل الله وضبت البيت وتوسعت الشقه وزادت فرش وأثاث جديد وعملت شقه شبه جديده تماما واسعه بفضل المولى عز وجل
وقبل ما نرجع ربنا رزقتى بالمولوده الرابعه
وكنت مبسوط وعمرى ما فكرت فى الولد والكلام ده
انا كان كل حلمى إن الدنيا تمشي علشان ما اخسرش ولا اهلى ولا زوجتى واولادى
ورجعنا وشهرين ثلاته بالكتير وبدأت المشاكل من جديد والكلام القاضى بدأ تانى فضلت برضه احااااول ارضى اهلى من ناحيه وزوجتى من ناحيه اخرى
الا ان الدنيا المره دى كانت أصعب وانا كنت بدأت تزهق
فقررت انى ابعدهم عن بعض تماما محدش ليه دعوه والتانى بنهائى بس الاولاد بره الموضوع جدهم وحدتهم برضه ومشيت الدنيا شويه وبرضه رجعنا تانى
فقررت فصلهم نهائيا وقررت أنى اسافر اشتغل بره محافظتى من كتر الهم إللى كان عندى وفعلا سافرت وكنت برجع كل اسبوع يوم وفعلا كانت الدنيا ماشيه الا شويه مهاترات بس ماشيه الدنيا
لحد ما حصلتلى مشكله فى شغلى وسبت الشغل من حوالى ٣ شهور ودخلت فى مشكله مرضيه وظروف صعبه جدا ماليا وصحيا
بس أثناء عملى كنت اشتريت شقه خارج بيت العيله
وكانت نيتى بالاتفاق مع زوجتى إننا نخلص بس إللى عليها ونبدأ فى تشطيبها وفرشها وبعدها نبعد
الا ان الرياح انت بما لا تشتهي السفن معى تماما وتركت العمل ومرضت وتعثرت ماليا والمشاكل كتيره جدا
وكل يوم والتانى زوجتى تقولى انها لازم تمشى من البيت علشان نعرف نعيش وانا للأسف الفتره دى صعبه فقلت لها طيب نصبر شويه بس الدنيا اظبط يومين ثلاثه ونفس القصه
لحد ما وصلت بيها انها تقولى طيب انا همشي مع الاولاد وانت حر وهدور على شقه ايجار واقعد فيها انا والبنات
وكل يومين ثلاثه ونفس الكلام
لحد ما جيت فى يوم خرجت عن شعورى فعلا واتنرفزت جدا وضربتها بشكل مبرح بس بعد ما كانت زودتها قوى لدرجه انها شتمت اهلى وامى طلعت على صوتها قامت كرشاها محستش بنفسى ضربتها بشكل غبى
وراحت لاخوها بعدها بيومين رضتها ورجغتها
بس للاسف كل يوم نفس الكلام ونفس الوضع
٩ سنين زواج بلا راحه بااااال اطلاقا
عايش فى نار
ومش قادر ارميها ولا أطلقها علشان خاطر الاولاد
وكل يوم اسف

مشاكل وحلول ذات صلة

اضيف بتاريخ: Sunday, October 20th, 2019 في 03:57

كلمات مشاكل وحلول: , , ,

ردود to “سنين زواج بلا راحة ومش قادر ارميها او اطلقها”

  1. ابوالبتول
    20/10/2019 at 16:24

    شوفي يااخي مافي بيت مايخلو من المشاكل لازم تعرف الشئ دا وانت مالك الامراتك وبناتك 4 ربنا يخليك لهم ولايحرمهم منك ابدا ولاتنسى ان مراتك يتيمة الابوين ومالها الا الله ثم انت واخوها زي ماقلت عنه مش سال فيها ولامهتم لامرها حرام تروح فين المسكينة هي وبناتها لو طلقتها استهدي بالله عزوجل ومن حق مراتك يكون لها بيت مستقل عن اهلك وعن المشاكل معاهم الست ماترتاح الا في بيتها يابن الناس ومايمنع انكم تاجروا لكم شقة وتعيشوا فيها بعيدا عن تدخلات الاهل والمشاكل صدقني مراتك تحبك وانت ابو بناتها وعمرها ماتقدر تستغني عنك ابدا عايز تخسر بناتك ياراجل وعاوزهم يتبهدولوا في حياتهم لما يشوفوكم مطلقتين وكل منكم في جهة اخرى اوعا تخلي الشيطان يلعب براسك ويخرب عليك حياتك الزوجية وتطلق مراتك ام بناتك لالالا يااخي اتقي الله في نفسك وفيها وفي بناتك وتصالح معها وراضيها واعتذر لها عما حصل منك من ضرب لها في حالة غضب واطلب منها تعتذر من اهلك وتبوس راس امك وتستمح منها وانتهى الاشكال وربنا يصلح حالكم ويخليكم لبعض ولايحرمكم من بعضكم ابدا ويبارك لكم في الاولاد ويؤفقكم ويسعدكم في هذة الحياة

اترك رداً أو حلاً لهذه المشكلة