مكنتش متوقعة ان ده يحصلي في يوم من الايام بعد ما ارتبطنا انا وزوجي واتزوجنا عن حب وكمان انجبنا 3 بنات زي القمر وكانت حياتنا سعيدة جدا
ولأن زوجي بيعمل في مجال السياحة فكان بيغيب عنا كتير لانه كان بيشتغل في شرم الشيخ ومينفعش نقيم معاه عشان مدارس البنات واحيانا كنا بنروح ليه او هو بييجي يقضي معانا كام يوم لكن كانت حياتنا سعيدة ووكنت احيانا بحس اني اسعد ست في العالم
لحد ما جه اليوم وحسيت انه زوجي بيخونني وعنده علاقات مع بنات تانية واجهته بس زعل جدا وانكر وقال اني بظلمه وامتنع عن زيارتنا لمدة شهر تقريبا ومنزلش في الاجازة .. فسافرت بنفسي عشان اصالحه ولما وصلت الشقة اللي هو مقيم فيها لقيت ملابس حريمي مش بتاعتي سألته قالا انه كان سايب الشقة لواحد صاحبه من القاهرة بيصيف مع مراته لمدة اسبوع وان ده لبس مرات صاحبه انا صدقته وقفلت على الموضوع
لكن بعد فترة في اتصال جالي وبلغني ان جوزي متجوز من واحدة تانية غيري جن جنوني وقتها وقررت اروح وافاجئه في شرم الشيخ مكان شغله وهناك لقيت بنت شبه بنات الكليبات عنده في الشقة ولما واجهته .. اعترف لي بأنه عمل عقد زواج عرفي بينهم واترجاني اني اسامحه.. سبته ورجعت لبيتي في القاهرة وحكيت لاهلي واهله عن اللي شفته .. اخواته ج مع الزباين هناك عادي يعني فتاة ليل وعن طريق الكازينو ده اتعرفت على جوزي .
يعني مش كفاية قبلت واحدة تانية تشاركني في جوزي كمان طلعت ضرتي فتاة ليل والاقسى من كده ان جوزي رافض اي كلام عن انه يطلقها بشكل نهائي وبيطالبني اني اقبل بالوضع الحالي زي ما هو .. انا فكرت في الطلاق لكن امي بتمنعني وبتقول اه لازم اصبر لانه اخرتها هيرجعلي
صحيح انا بحبه جدا لكن خلاص مبقتش قادرة استحمل الوضع ده ومفيش قدامي غير الطلاق ومش قادرة اتقبل الوضع ده اكتر من كده
هل انا غلطانة ولا لا
لاابدا انت مش غلطانة ومن حقكي تدافع عن حياتك الزوجية وتحميها من اي خطر قد يفسدها جوزك تزوج بالبنت دي -فتاةليل- زواج عرفي وهذا يعتبر زواج غير شرعي وغير صحيح ثانيا- معروف ان بنات ليل دول ساقطات وعاهرات تنام مع كل الناس ومش بعيد ان عندها امراض كالايدز وممكن ينتقل ليك من خلال جوزك ثالثا- انت جوزته الاولى وام بناته ولك عليه حقوق وواجبات اطلبي منه اما ان يطلق البنت الفاجرة دي او يطلقك وينسى ان له بنات وربنا لن ينساكم ولن يضيعكم ابدا وارى ان الطلاق لك افضل من العيشة مع شخص كهذا لايعرف الحلال من الحرام ولايقدر معنى للحياة الزوجية
اختي الفاضلة كان الله بعونك في هذي المحنة وكل قلوبنا معك لكن مش عاوزك تتسرع في طلب الطلاق فكري في بناتك ايش حيكون وضعهم ومصيرهم اذاتطلقتم اي نعم زوجك مذنب وخاين وغير اخلاقي بالمرة ولايقدرالحياةالزوجية وانت مش مقصرةمعه بشي لابد من تدخل الاهل في الموضوع لاجل اصلاح ماخربه ذلك الزوج بتصرفاته الغير مقبولة ولااخلاقية يقطع علاقته بالبنت دي فورا وبلاتردد وياخدك انت والبنات معه وتعيشوا معه في شرم الشيخ حيث عمله ماينفعش يبقى هناك لوحده وانتم بعيدون عنه ولوتطلب الامر يترك عمله هناك ويجي يعيش معكم والارزاق بيدالله عزوجل طزفيهاسياحة اللي هتخرب بيتي وتحرمنى من مراتي وبناتي واذاتعذرت كلهذي الحلول مع زوجك ورفضها فلاخيار امامك عندها الاطلب الطلاق منه والزامه بالنفقة لبناتك حسب الشرع وربنا يصلح احوالكم ويسترعليك انت وبناتك لكم رب كريم لن يضيعكم ابدا
اولا يا ولاد الحلال ده متجوز عرفى ,يعنى جواز محرم اساسا !!
ثانيا لو هى فتاة ليل بمعنى بتنام مع رجالة ,يبقى حيكون عندها امراض تتنقلك لان كل ذنبك ان جوزك اتجوزها
ثالثا جوزك ده راجل معندوش نخوة عشان ياخد واحدة زى دى ,وكان لازم تختارى راجل ذو خلق و دين من الاساس .
وبعدين هو حيروح شرم شيخ وسط المفاسد,ويرجعلك طاهر,ده جو موبوء والواحد شاف بنفسه ,وكان اولى من انه يتجوز يبعد نفسه عن الجو ده لو خايف على دينه
قرار طلاقك ده يرجعلك و كل واحدة وليها طاقة
اخيرا مش عارفة ليه دايما لما الراجل يخون مراته وهى يبقالها رد فعل تبقى هى اللى غلطانة و دمرت البيت ,مع ان الراجل مش بيقبل على نفسه ان مراته تغلط ربع غلطة,وبيقوم الدنيا و ميهموش البيت يولع ,ومحدش بيلوم عليه !!!
انا مش هقولك تفضلى معاة عشان ولادك ولا هقولك اسمعى كلام مماتك كل الى هقولو ليكى قربى من ربنا وصلى وادعيلة جامد وصدقينى لو انتى فعلا مظلومة ربنا اكيد هيخدلك حقك وباى طريقة
حبيبتى انا مررت بنفس التجربة ولكن الاختلاف انه طلقها لما انا عرفت ولكن الشعور بالندم على عدم الانفصال يقتلنى لانه اختار من الاول بائعة الهوى وكان لازم ينكوى بنارها علشان يعرف قيمة زوجته لان هذه النوعيةمن السيدات بتجرى وراء المال فقط وليست الحياة العائلية فلما حيخلص ماله حتسيبه اكيد وحيرجـــــــــــع لك نـــــــــــــــــادم
بصى , البت دى خبرة و مريحاه .. انتى فاهمانى؟ , يعنى حاولى تريحيه ده ابو عيالك .. وهو هيترمى تحت رجليكى ..
اول حاجه انت وصفتيها ببنات الليل وانت مشفتيش عليه حاجه غير لبسها واعتقد كانت قاعده فى بيتها معتقدشى ان انتى خرجت معاهاعشان تشوفيها هى لبسه ايه كمان مش عارف ليه حاسس ان انت رفضت بشكل ما ان انت تروحى تعيشى معاه فى شرم ومستحملتيش ان يفضل فى الشغل الوقت ده كله ويسيبك تكلمى نفسك لوحدك واكيد عشان كده هو اتجوز وحتى لو مش كده الشرع اعطالوه 4 المهم انه يعدل مبينكم
نصيحتى ليك اوعى تسيبى بناتك انا اتولدت واهلى كانوا منفصلييييييييين وعشت بعيده عنهم وخالتى النفسيه اتدمرت لدرجه انى اخذت عهد على نفسى انى ان شاء الله لما اتزوووج حأعيش مذلوله لزوجى حتى لو كان ولد مارااااااااااح ادمر اولادى زى ما اهلى دمرونى وما فكروا بيا ابدااااااااااااااااااا فى حياتى ارجوكى حاولى تكونى معاهم
أحسن رد عجبني بتاع رزق باريس رد موزون وصريح
ارجعبلو وسامحيه مش عشانو علشان بناتك دول بنات يحتاجلهم رعاية وتوجه من ام واب الام لوحدها مش كفاية عشان تربيهم واذا رجعتو لبعض متفكريهوش باللي عملو ابتدو صفحة جديدة وربنا يوفقك
اختى العزيزه الغاليه مرت بنضف التجربه اللى مرتى بيها ولكن للاسف الشديد انتى عندك غالطه باينه جدا هو ان زوجك بيشتغل فى مجال السياحه وعينه بتشوف كتير وانتى بعيد وايه كمان واثقه ونايمه فى العسل الزوج السايب لازم يخون ده اللى تحت الميكروسكوب لازم يخون ما بالك بقى انت غلطانه انك سبتيه يسافر شرم من الاساس وطبعا اكيد علشان فرق الراتب كان اشتغل فى القاهره جانبك انتى واولادك على فكره لما يكون جانبك ومرتبط باولاده والدخل بيبقى مش اوى افضل من انه يبعد عندك وياخد على العبد عن ولاده وعنك انتى غلطتى غلطتين البعد والثقه الان اصبرى وحديلك نصيحه هامه لازم تعمليها اذ كان هو مصدر الصرف الوحيد او الامن عليكم واذ فعلا مفيش مكان يبقى صلى كتير وداومى على صلاه الفجر لازم وادعى كتير انه يرجع وصدقنى اذ عملتى كده باخلاص فاكيد حيرجع لكى وخلى بالك بعد كده بس لا تفتكرى ان الحياه حتمر كده بدون مساكل لان حاجر الثقه بينكم اتكسر حتى لو رجع حتبقى عايشه لعى شفا حفره من نار بس اكيد مع الوقت والزمن حتنسى حاجه حاجه وده احسن حل بالنسبه لكى وادعى عليه ان شغله من هناك يتقطع صدقينى هى لما تلاقى مفيش فلوس ومفيش شرم وحتنزل القاهره هى اللى حتسيبه توكلى على الله وادعى فى كل صلاه وداومى وابقى ارسلى لى النتيجه واتمنى من الله ان يهديه ويرجعه لبيته وليكى ولعياله
أنا شايف إن كلامك كلو عن نفسك صح فكري في أولادك شوية والبعبدين هي دارتك بنت ليل ولاا مش بنت ليل دا هيفرق معاكي في إة فكري صح وشوفي انتي مقصرا في اه بالظبط ؟؟؟؟؟؟؟؟؟؟ وحولي تدهولو واه إلي عندها مش عندك سيبك من الكلام إلي انتي بتقوليه إلي بدراي به خيبتك هي بنت ليل الكلام إلي مش هيفيد بحاجة وهايعمي عنيكي عن حاجات كتير انتي شوفي بالظبط أساس المشكلاا فين علشان احنا منعرفش هو اتجوز له ؟؟؟؟؟؟؟؟؟؟ ماتقولش احناكنا أسعد اتنين لو أسعد اتنين مستحيل يتجوز انتي قولي علي الحقيقة علشان أعرف أسعدك شوفي اه المشكلة اه إلي زوجك محتاجو اه إلي نقصك اه إلي مبيعجوبش فيكي وحولي تغيريه وخليكي جنبو وهوا هرجعلك إن شاء الله واتمنالك حياه سعيدا
ذنبه على جنبه اهم شي انتي تخافي ربنا اما هو ربنا يهديه وسيبيه في حاله.
والله هيرجع والله ليرجع
فكري في بيتك
وبناتك دول بنات مش ولاد
والا انتي بتحبي البهدلة
ربنا معاكي يارب ويهدي سركم
ويخرج الشيطان من بينكم
لو قادره تسامحيه وتقبلى بالأمر الواقع يبقى ربنا معاكى ويهديهولك
صلى استخاره واكثرى من الأستغفار
بصى يا حبيبتى أكتر حاجة مش ممكن تنساها الواحدة هى الخيانة وبالذات لو
الخيانة أثمرت عن علاقة زواج يعنى مش ممكن هتنسى أن جوزك خانك المهم فيه
بعض النقاط لابد أن تضعيها فى حسبانك
اولا: الشقة اللى انتى عايشة فيها بتاعتة؟ أو عندك شقة بديلة ؟
لو بتاعتة ومعندكيش بديل يبقى أنسى موضوع الطلاق لان مفيش مكان فى الدنيا
ممكن يتحملك أنتى وبناتك الا بيتك بيتك وبس حتى لو حد استحملك أهلك مش
هيستحملوكى انتى وبناتك طول العمر.
ثانيا:لو عندك شقة تخصك بديلة طيب عندك مصدر رزق يخصك؟؟خلى بالك لو حد سعدك
النهاردة بكرة ممكن ماتلقيش حد وانتى عارفة ظروف الحياةأما لو مصدر رزقك
ثابت يبقى فيه كلام تانى
ملخص النقطة الاولى والثانية هى مصلحة اطفالك انتى مش لوحدك وبعدين دولب بنات
يعنى لازم تخديهم فى حضنك انتى اتجوزمتى واتربيتى فى بيت أبوكى وحبيتى وأخترتى
أعملى حساب حياتهم حتى لو فيه تضحية
بالنسبة ليكى انتى حاولى تتجنبى أسألتك لهذا الزوج الخائن لانه مش ممكن يقولك
هو عمل كدا ليه ماتضيعيش وقتك فى الحزن والغم حتى لو كنتى بتحبية حاولى تجمدى
قلبك وممكن لو خيرتية بينك وبينها تبقى كدا قضيتى على نفسك لو مقدرش يطلقها
دى مجرد نزوة فى حياتة لو فتاة ليل يعنى مفيش حمل مفيش مسؤليةوممكن هى اللى
تسيبة فى يوم من الايام لما تلاقية متمسك ببيتة وبناتة وبيكى
لو كنتى لوحدك كان فيه حلول كتير لكن افتكرى ايدك اللى ممكن توجعك وهى بناتك
بلاشتقضى عليهم بسبب جوزك اللى قضا على حبك ممكن يجى راجل ويروح راجل وممكن
تيجى ست وتروح ست لكن بناتك لا أوعى تضحى بيهم حتى لوجوزك مستهتر وخائن
انسى انه حبيبك وافتكرى انه جوزك المفروض عليكى فى ظروفه دى ويفعل الله مايشاء
أصبرى وأحتسبى وصدقينى ربنا مش ممكن يضيع صبرك أيدا . لو عندك شقة ومصدر رزق
أطلقى منه فورا وارمية ورا ضهرك واشغلى حياتك بالشغل وحياة البنات
ولو عندك فرصة تانية جربى حظك مع شخص بيحبك ويقبل ظروفك ولازم يكون ابن ناس
ولازم يستحمل بناتك بس دى مجازفةاما لو انتى عايزه تعيشى لوحدك من غير رجالة
عادى جدا فيه ستات كتير أزواجهم بيموتوا ومش بيتجوزا تانى انتا حرة فى حياتك
والله المستعان
الموضوع مش موضوعك لواحدك خلى ولادك البنات التلاتة قصادك وانتى بتفكرى مش كرامتك ولا حبك فى حاجة اكبر منك ومنة هى بناتك لازم يتربو فى جو طبيعى انتى المهم البنات ما يعرفوش حاجة ولا تدخليهم ولا تشهديهم علية لانة ابوهم لازم صورتة تفضل سليمة وكاملة فى نظرهم مش عشانة بردة لا عشانهم هما انتى اعتبرىة برة حياتك العاطفية والجنسية عفوا المهم انك تشعرية بخطاة حتى ينصلح حالة وتاكدى ان عشرتة ليكى ولاولادك اقوى من اى حاجة فى الدنيا وان شاء اللة هايرجعلك
بصي ممكن تسمعي كلام مامتك وفعلا ممكن تكون نزوة بس علي اساس انة يكون طلقها وندم علي غلطتو وساعتها اقولك سمحية عشان اولادك لكن انتي قوليلو يختار بين زوجتة المحترمة اللي صيناه وام اولادو او بنت الشوارع دي وسعتها هو يتحمل نتيجة اختيارة لكن لو سكتي وقبلتي الوضع هتتعبي وهتدمري نفسيا طول مانتي حاسة ان جوزك مش كلة ليكي وبتشاركك فية واحدة زي دي
أختي الكرية:
بداية” اتمنى أن تسمعي كلام أمك ، وزوجك كونه أنكر أول مرة وكذب عليك وقال بأن صاحبه استعمل الشقة فهذا يؤكد بأن زوجك يعرف الخطأ ولايريد أن يجرح شعورك ويقول لك أنه يخونك فكيف أن يقول لك أنه تزوج بائعة هوى.أرى أن تستمري معه ولكن أطلبي منه عدم الإنجاب منها ،وهي كونها بائعة هوى ،فمن المؤكد بأن يأتي غيره بعد مدة ويدفع أكثر ، وانتبهي لفلذات كبدك الأمورات الثلاثة واصبري .
والله ولي التوفيق
ممكن تكون نزوة من زوجك….وممكن نتيجة ظروف ضاغطة…والحل لاتتركى بيتك مطلقا لها…وحاربى من اجل اولادك…وممكن زوجك….اشغليه نوعا بالاولاد…واسعديه بنجاحاتهم….لاتكلفيه اكتر من طاقته…ووضحى انه بالقليل سترضين وتعيشين سعيدة معه ليكون بجوارك وجوار اولاده……عندما ياتيك كونى فى ابهى صورة وكذلك البيت والاولاد….اظهرى قليل جدا من حزنك على ما فعله..ولاتفقدى الابتسامة….والله الموفق
انا شايف ان الراجل دة خاين بكل المعانى ولو مش هايسيب البنت التانية دى يبقى حرام علية قعادك معاه لانة ميستهالكيش بس دة بشرط انك تكونى مريحاه بالفعل مش كلام وبس
السلام عليكم ورمضان كريم
اتمنى انك تسمعي كلام امك وادا كان زوجك ابن اصول راح يرجع لك ويندم على كل الي صار
انا راى انه فى يوم من الايام بناتك حتسيبك بحكم الجواز واحنا منعرفش الوضع ده حيستمر لامتى فكرى يمكن يكون فى حاجه خلت جوزك يعمل كده يعنى مثلا مش مريحاه
ومع احترامى للجميع انا شايفه ان الراجل نوعين نوع بيكون بيغلط ويرجع بسبب زوجته ونوع اصلا مش كويس بيحب الحرام طبعه كده
حاولى تصلى وتدعى انه ربنا يحافظلك على بيت وحاولى تكونى متمسكه بيه لابعد الحدود يمكن تلاقيه يغير ويحس انك باقيه عليه
انا راي انك تطلاقي وتنسي نهائي وتعيشي للاودك وبس وخلاص وتنسي انك عرفتى وخلاص بس انا مقدرشي افيدك بس الخيانة صعبة جدااااااااااااااااااااااا
لاء انتى غلطانه جدا اسمعى كلام ممتك وماتسبهاش تخدو منك التانيه دى واطلبى من ربنا انه يريحك ويخلص المشكله دى علىى خير وحاولى تصبرى عشان اولادك صدقينى هتندمى لو اطلقتى وحاولى تقربيه منك اكتر ودى مجرد نزوه عندو واول مايلاايكى متمسكه بيه مش هيتخلى عنك وهيسبها ويرجعلك وربنا يهدلى الامور ان شاء الله
لا طبعا انتى مش غلطانه فى طلبك دون بس فكرى فى ولادك والموضوع فى ايدك انتى , انا راى تصلى استخاره وتبعدى عنه فتره