مشاكل البنات النفسية

عايشة تحت التهديد

السلام عليكم ورحمة الله و بركاته .. أنا اللي كنت كاتبة مشكلتي هنا ع الموقع بإسم .. مشكلتي مع واحد أحبني و تعلق بي بشدة و مشكلة تانية بإسم وقعت على عقد زواج عرفي معاه هو كان خطيبي عنده إصرار رهيب يتجوزني بأي شكل و تحت أي ظرف أهلي و معارفي كلهم رافضينه بشتى الطرق حاولت أعرفه و أفهمه مش عايز يا أتجوزه يا إما هيعملي مشاكل مع أهلي و فضايح يا إما هينتحر وأنا الوقتي ف عريس أهلي عايزني أقعد معاه وأنا بحاول أهرب م المقابلة دي بأي حجة لحد ما غلبت و الموضوع ده مسببلي مشاكل ف حياتي و نفسيتي ساءت و بقت زي الزفت مش عارفه أعمل إيه تعبت تعبت أوي أوي ممكن تفيدوني بحل و ممكن كمان دعواتكم ليا وشكراًً لأي حد هيقرأ مشكلتي و أقل حاجة يدعي لي حتى لو مش هيقدر يفدني بحل .

مشاكل وحلول ذات صلة

اضيف بتاريخ: Friday, November 1st, 2019 في 04:05

كلمات مشاكل وحلول: , , , , ,

3 رد to “عايشة تحت التهديد”

  1. محمد / محاسب
    02/11/2019 at 07:20

    اهلك رافضينه – يا اما تتجوزيه أو يعملك مشاكل مع اهللك – ليه بتكلميه وليه بتعبريه – انتي اخبري اهلك انه بيهددك انه هيعمل لك مشاكل مع اهلك – ومترديش عليه ويخبط دماغه في الحيط – ملكيش دعوه بيه وانسيه وبصي لمستقبلك – لو اتعرض ليكي بلغي عنه البوليس بمعرفة اهلك – ده رد لمشكلتك – تاني حاجة ندعو لنا ولكي بالتوفيق والهداية اللهم أمين يا رب العالمين – ثالث حاجة تقربي الي الله سبحانه وتعالي بالصوم والصلاه وقراءة القرأن الكيريم – واصحي قبل الفجر بساعة ادعي ربنا بما تريدي – ان الله سبحانه وتعالي يتنزل الي السماء الدنيا في الثلث الأخير من الليل بما يليق بجلاله وسلطانه ويقول : هل من تائب فاتوب عليه ؟؟ – هل من مستغفر فاغفر له ؟؟ هل من صاحب حاجة فاعطيه ؟؟ – ربنا يهدينا ويهديكي ويغفر لنا ولكي ويوفقنا ويوفقك – اللهم أمين يا رب العالمين .

  2. وائل
    01/11/2019 at 12:52

    سيبية ينتحر ده صايع . شو في مصلحتك . وهوه ولا هينتحر ولا حاجة ……

  3. TueGk
    01/11/2019 at 08:49

    ما فيه شيء في القانون ولا الاحكام ولا في عادات الناس هكذا ، هذا تحول الى مجرم ، رأيك انتي فوق القانون والشرع لا يصدر اي عقد زواج الا بموافقتك وسؤالك ،لو يتقدم لك الف عريس رأيك باختيار واحد منهم يجعل 999 لا قيمة لرأيهم او اختيارهم ، خلاص اخبرتيه برأيك اذا كنتي غير رأغبة فيه لا علاقة لك به ينتحر او ينفجر في ستين داهية واذا ظايقك او تكلم معك بعدها حذريه بانك سوف تبلغي عنه وتقدمي فيه شكوى ،

اترك رداً أو حلاً لهذه المشكلة