انا مجال شغلى مع الاطفال ذوى الاحتياجات الخاصة عندى ٢٧ سنة لو جالى عريس عنده ٤٢ سنة من مجالى ده هو اب سنجل لولد عنده توحد
وهو شكله محترم ومستواه المادى كويس
انا حاسة أن فى اعجاب ما بينا.
بس أنا خايفة أنه يكون كل هدفه أنه يتجوز واحدة تعرف تتعامل مع ابنه وتربيه،
وخايفة انى اوافق وبعد كدة اندم بسبب فرق السن، أو أنه يطلع مش كويس، أو لأى سبب تانى.
واكيد ابنه مسؤولية كبيرة اوى ومعاملة خاصة جدا، تعديل سلوكيات طول الوقت، وتعليم مستمر لو سبت الطفل بس شوية من غير ما اركز معاه هيبقى خطر جدا.
وانا كنت بشوف أهالى الاطفال دى بيعانو قد ايه مع عيالهم، وكنت بتعاطف معاهم جدا وكمان الولد كبير فى أولى إعدادى.
وعارفة كمية الضغط النفسى فى تربية الأطفال من ذوى الاحتياجات الخاصة، الموضوع اكيد صعب جدا.
انا عارفة أنه انا او اى حد ممكن تتحط فى الوضع ده (أنه ربنا يرزقه بطفل احتياجات خاصة) بس هيبقى فى فرق لما يكون ربنا رزقنى بطفل ابنى وانا هعرف اربيه تربية صح واعرف أشكل سلوكه وانى اختار أن انا اكون مسؤولة عن طفل عارفة انى هتعب جدا فى تربيته.
وفى نفس الوقت خايفة يكون ربنا اللى باعتلى الشخص دة وخايفة لو رفضته أهلى يفرضو عليا عريس ميعجبنيش والموضوع دة اتكرر معايا كتير.
وماما عايزة تجوزنى بأى شكل واى حد مش فارق معاها انا اوافق أو لا.
انا عارفة أن القرار قرارى، بس محتاجة اعرف اراء الناس فى كل النقط اللى اتكلمت فيها، لانه بالنسبالى هيبقى اهم واصعب قرار فى حياتى ومش سهل انى اقول موافقة أو لا.
جميل إنك تعملي بمهنة انسانية لكن الطفل كما ذكرتي مسؤولية لكن سينالك أجر كبير من الله
و تأكدي أن هذا الرجل ان اختارك لأجل ابنه فهو انسان جيد جدا لا يتخلى عن اولاده فبالتالي سيكون مهتما بأطفالك أيضا نفس الاهتمام و لن يرميهم ..
اتكلي على الله و صلي استخارة فإن استيقظتي مشروحة النفس وافقي ..