انا لما كنت فى ثانوى عام مكنتش اعرف ان انا فى مرحلة فى حياتى مهمه جدا
للاسف ماجبتش مجموع
وبابا مشكورا قالى انا هدخلك معهد خاص بمصروفات 4000جنية فى السنة
وانا حاليا فى سنة رابعة وخلاص هاخد البكالرويوس
بس انا مش سعيد فى حياتى لانى فى الاول وفى الاخر متخرج من معهد
واحنا فى مجتمعنا كلمة معهد يعنى تعليم وخلاص اى كلام يعنى
مش عارف اعمل ايه ؟
سمعت عن حاجة اسمها التعليم المفتوح بس ده للاسف مصاريفه كتير وكمان فى الاخر الناس هتقول ده متخرج من تعليم مفتوح
كنت ممكن ادخل كلية من الكليات مثل تجارة او اداب او حقوق بنظام اسمه انتساب عادى
بس للاسف وزير التعليم العالى رفع مصاريفه من 400 جنية الى 5000 جنية
حرررررررام
وعلى حظى انا
على فكره يا جماعة انا عارف ان معظم الحاصلين على شهادات جامعية دلوقتى مش بيعمله بيها حاجة
بس معظمهم بيقوله انا هاخد الشهادة الجامعية دى عشان المظهر الاجتماعى
انا بطرح المشكلة وانا عارف انها ملهاش حل غير انى اسلم امرى لله وخلاص
شكرا ليكم
اولا مفيش فرق بين المعهد والجامعه المفتوحه كله ف النهايه قاعد وحرام المصريف ع الفاضي وعيب الراجل جيبه
انا ممكن افيد لانى فى جامعه مفتوحه
انت حاليا ممكن تدخل اى كليه انت عايزها وهيه مش غاليه زى مانت فاهم كده الترم ب 860 يعنى ارخص من المعهد اللى انت فيه وفى الاخر احب اقولك كله محصل بعضه لان البلد دى بتاعت وصاااااااااااااايط
تحياتى اليك
انا طبعا اسف جدا لان ردى سوف يكون شديد انت من يطلق عليه من وجد الدلع و لم يتدلع لا فرق بين معهد و جامعه الكل فى العمل سوء افضلهم صاحب الخبره و الكفاءة و انتى مهتم جدا بالناس فى منهم الى ماخذش شهاده خلص و محترم بين الناس و منهم من معاه الدكتوراه و سورى تحياتى سلام
ياعزيزى ليس كل مايتمناه الانسان يدركه ، وفى نفس الوقت مالايدرك كله لايترك كله ، ومن هذا المنطلق لاتأخذ مؤهلك الدراسى وهو محترم أيضا كحجر عثره فى سبيل تحقيق آمالك ، تسلح بالعلم والايمان ، واكسب نفسك خبارات ومهارات أكتر ولا تدع الفراغ والبكاء على اللبن المسكوب يأخذ من جهدك وفكرك ، ابدأ ولو صغير ومشوار الألف ميل يبدأ بخطوه ودع عنك الافكار الهدامه فالحياه لاتحتاج للدعه والراحه بقدر ماتحتاج الى روح العمل والكفاح والمغامره المحسوبه . مع تمنياتى لك بالنجاح ( أخوك / أيمن البنداري)