انا عمرى 23 عام ومخطوبة منذ عامين وخطيبى يعمل بالامارات طول عمرى كان نفسى أرتبط بمهندس بس مفيش نصيب المشكلة ان خطيبى حاصل على معهد4 سنوات وانا بقول للناس انه معاه كلية حتى اقرب ا لناس اليه انا عارفة انى غلطانة بس معرفش ان عملت كده ازاى هو فيه صفات كتير كويسة جدا بس الموضوع ده تعبنى جدا ومش هبقى مبسوطة وانا عايشه مع واحد بتكسف من شهادته كل اما واحدة من اصحابى تتخطب لواحد شهادته كويسة ببقى مضايقة جدا بفكر كتير اسيبه بس انا متعلقة بيه وكمان ضيعت سنتين من عمرى معاه وكمان خايفة اسيبه وماارتبطش بانسان كويس وبعدين اندم انى سبته ومش قادرة اتخيل نفسى وكل اصحابى عرفوا انى كنت بكدب عليهم رجوكم ساعدونى بجد هتجنن مش عرفة اعمل يه
ع فكره اناعايزه اقولك ع حاجه الشهاده دى مش كل حاجه المهم انكوا انتوا الاتنين تكونوا فاهمين بعض وبتحبوا بعض ومتسمعيش كلام الناس لان سواء كان معاه شهاده او ممعهوش الناس كدا بتتكلم وكدا بتتكلم وانت لو بتحبيه بجد مشهتقدرى تسبيه ولا تقدرى تعيشى من غيره وانا نصيحه منى متسمعيش كلام الناس ولو ع صحابك شوفلهم اى حجه قوليها
وربنا يوفقك يارب
ر لعلم حضرتيك العريس بيجي حسب اخلاقي وشغلة وظروفه الماديه والاجتماعية مش حسب مكتب التنسيق علشان متعملش مقارنة مع عرسان اصحابيك
رسول عليه الصلاة والسلام قال (اذا اتاكم من ترضون دينه وخلقه فزوجوه)وهو مش جاهل هو معاه مؤهل عالي وبيشتغل بي كمان الحمد لله وحسب علمي ان اي معهد معتمد بيكون معتمد وبيدراس مواد لجامعه معينه هو متساوى تقريبا مع اي خريج ولو الموضع ده مضايقيق ممكن تتفغقي معاه بطريقة كويسه طبعا يعمل اي دراسات عليا في اي جامعه ويبقي حاصل علي دراسات عاليا من جامعه كذا 0وتنسي حكاية المعهد وياريت تفتكرى انو متغرب علشان حضرتيك
/
على فكرة البيفكر فالشكليات دة بيتعب وربنا بيديلة على اد نيتة
عمر الشهادة والوظيفة مكانت مقياش لراجل كويس
والبيفكر كدة يبقى مريض وبعدين الراجل اتقدم وانتى وافقتى وبعد معلقتية بيكى سنتين
جايا تقولى مش عارفة اسيبة ولا لا وبكسف منة لما مش مالى عنيكى كان لية من الاول
عارفة انتى كدة مش بتحبية انتى بس خوفتى ترفضية ودلوقتى خايفة تفسخى الخطوبة لميجلكيش عريس تانى
تقريبا دة السبب الوحيد المخليكى مترددة خليكى صريحة مع نفسك شوية
ونصيحة بلاش تفكرى فالمظاهر والمسميات الكدابة وبعدين الراجل تعليم عالى اهو وخريج 4 سنين وبيشتغل وبيتعب يبقى اية العيب بقى منظرك ادام صحابك بزمتك مش مكسوفة من نفسك انتى حسستينى انك مخطوبة لواحد مش متعلم وشغال حرامى وانتى يا عينى مكسوفة منة
اتقى الله فانسان اختارك وبيشتغل دلوقتى وبيشقى علشانك
السلام عليكم
بصى يا اختى
الرسول عليه الصلاة والسلام قال (اذا اتاكم من ترضون دينه وخلقه فزوجوه)
فهو زكر الدين والاخلاق ولم يزكر الشهادة والتعليم
فانا انصحك انك تسيبك من كلام الناس ومن اصحابك فى ان شهادته قليله
ياما ناس شهادتها عاليه واتجوزت وفشلت بعد كده
لان المهم مش فى مستوى التعليم
لكن المهم فى معاملة كل طرف للاخر من خلال طريقة تفكيره وتفاهمه وثقافته وحبه للاخر وهكذا
فكرى فيه من ناحيه اخلاقه لو هو اخلاقه كويسه وبيحبك ومهتم بيكى ومتفاهم والى حد ما كويس ماديآ وهيسعدك وهيصونك وكويس جدآ فى كل حاجه معاكى واهلو كويسين
يبقى كملى معاه وبلاش التفكير الغلط ده فى مستواه فى التعليم
وصلى صلاة استخاره اكتر من مره وقربى من ربنا وهو هيوفقك ان شاء الله لما يحبه ويرضاه
وربنا يسعدك ومن رضاه لا يحرمك وبالجنه يوعدك
(سيد العاطفى)
مصر__بنى سويف
طيب ايه رايك لو اتجوزتى مهندس وطلع مش محترم او مش متدين احمدى ربنا ولازم تبقى واثقة فى خطيبك اكتر من كده انتى اللى هتتجوزى مش صحابك ولو هو مش مالى عينك ليه صبرتى سنتين متفكريش فى الناس عشان مهما تعملى مش هترضيهم المهم انتى عايزة ايه مش الناس