مشاكل الخطوبة

مش عارفه اعيش وخطيبى عارف

انا فتاه فى اوائل العشرينات مشكلتى هى اسرتى انا عايشه مع ووالداتى واختين اكبر منى فى اواخر الثلاثين مش متجوزين وهما سبب التعاسه اللى انا عايشه فيها للاسف مشكلة تاخر سنهم على الزواج مسبب لهم عقده من اى واحده مخطوبه او متزوجه بحس انهم بيكرهو الناس كلها مشكلتى معاهم زادت بعد خطوبتى دايما فى مشاكل وخناق ومش طايقنى ولا بيكلمونى ومش عارفه اعيش فى بيتنا بسببهم بحاول انى اضغط على خطيبى علشان يقصر فترة الخطوبه واتغاضاه عن اشياء كتير مقابل انى اخلص انا تعبت بجد من العيشه دى دايما لواحدى فى غرفتى 24 ساعه قاعده لواحدى مانعين والدتى انها تكلمنى ولا حد بيتعامل معى والله ماعملت لهم حاجه والمشكله ان خطيبى لاحظ وفهم انا ليه مستعجله على اتمام الزواج لانه دايما لما بيكلمنى بكون لواحدى وعرف انى مش مرتاحه فى بيتى وعلى خلاف بينهم ولاحظ كل ده من يوم الخطوبه كانو مش عايزين يحضرو خطوبتى لولا الالحاح من بعض الناس المقربين والمشكله انه من غير اى سبب وصلونى انى فضلت ابكى يوم خطبتى وماحسيت بفرحه خطوبه بسببهم واهل خطيبى لاحظو وانا دلوقتى خايفه ان الاحساس اللى وصل لخطيبى يخالينى رخيصه فى نظره بعد الزواج وانى اكون مكسوره قصاده علشان عارف انى مش مرتاحه فى بيت اهلى يعنى لو حصل منه اى شئ ها اضطر انى اعدى واعدى علشان مش ليا مكان تانى وانا بقول كده علشان ده حصل بالفعل مع الاخت الاصغر منى ودايما بيعايرها بكده
قولولى اعمل ايه اسيبه يطول فترة الخطوبة واسكت علشان مايحس بضعف موقفى ولا اعمل ايه ولو فضلت اكتر من كده فى البيت اعيش ازاى انا اتخنقت بجد ومش عارفه اعيش كده خالص قولولى اعمل ايه وافكر ازاى واسفه للاطاله

مشاكل وحلول ذات صلة

اضيف بتاريخ: Thursday, February 17th, 2011 في 15:47

كلمات مشاكل وحلول: , , , , , ,

10 رد to “مش عارفه اعيش وخطيبى عارف”

  1. hana
    05/03/2011 at 07:51

    كأنك بتتكلمي عني بس انا ماليش غير اخت هي في سن الثلاثين وانا عشرين ولما اتخطبت بردو بقت تعمل حاجات غريبه وخصوصا لو خطيبي موجود وبتتعمد وهو لاحظ ده انا بقى بقيت اكبر دماغي خالص لان كل شئ نصيب ويمكن وضعهم وتأخرهم هو الي مخلي نفسيتهم تعبانه اصبري عليهم وحاولي مهما يعملوا مش تاخدي موقف وخليكي صابرة ان الله مع الصابرين

  2. خلود
    21/02/2011 at 02:12

    شوفي اوعي تفسخي خطوبتك اهم حاجة في موضوعك هو الصبر اصبري لحد اما تتجوزي وان شاء الله ربنامش هيخلي في مشاكل بينك وبين اللي هتتجوزي لدرجة انك تسيبي البيت بس خلي كل تصرفاتك تكون بحكمة

  3. whiteangel
    19/02/2011 at 00:03

    من رائى ان الموضوع ده يتوقف على نوع شخصية خطيبك يعنى لو هو انسان كويس وشخصيته متدينه ودماغه عاليه وبيفكر صح هيقدر ظروفك وهيقدر مشاعر اخواتك وعمره ماهيأذيكى بسبب الموضوع ده لكن لو هو غير كده يبقى استحملى الفتره دى لحد ما تتجوزى من غير ماتوضحيله حاجه اكتر من كده وربنا يسعدك يارب

  4. مروه
    18/02/2011 at 19:52

    لا اله الا الله للدرجه دى الحقد ملى قلوب الناس هو فى ايه ده انتى اختهم …. ماعلينا
    بصى انتى متبينيش حاجه لخطيبك واستعينى بالصبر والصلاه لحد مربنا يفرجها

  5. توتا
    18/02/2011 at 18:32

    بصى يا حبيبتى طيب هما غيرانين منك عشان اصغر واتخطبتى يعنى اية منعين امك تكلمك لية ومش لازم خطيبك يحس بحاجة لازم تبينى انك كويسة معاهم ومتخليهوش يقصر فترة الخطوبة ولا حاجة واتكلمى مع والدتك وقولها هما لية بيعملونى كدة لازم يفهم انك وراكى اهل يسندوكى مش يفهم انك ملكيش حد ومكسورة اخواتك غصب عنهم عشان سنهم كبير معلش نستحملهم شوية ربنا يهديكوا لبعض

  6. تائب الى الله
    18/02/2011 at 06:51

    معلش يا اختى اعذريهم بردو والتمسى العذر ليهم لحد ما يجى يومك الموعود عند ربنا
    وتسيبى بيت اهلك وتروحى لزوجك وتعيشو مع بعض اجمل عيشه وتملو الدنيا كلها حب وتعوضو ايامك كلها
    ودول اخواتك بردو معلش ما تزعليش منهم ومش تبعيهم ادعى ربنا يهديهم ويوفقهم فى حياتهم ويقرب لهم البعيد
    ولا تخلى خطيبك يقدم الفتره ولا ياخرها ليكى يوم مكتوب لما يجى اكيد حتروحى
    اتمنالك حياه موفقه
    اخوكى فى الله

  7. فلسطينية
    17/02/2011 at 22:49

    انا بقول هما معزورين راعي شعورهم واكسبيهم لصفك ما تبيني انك مبسوطة كتيرة في خطيبك لانهم بغيرو ونفسهم زيك يتخطبو هما لو متزوجين اكيد مش هيبقى موقفهم كده فهمي خطيبك عنهم هما اكيد عندهم احاسيس زيك ونفسهم يتخطبو بس اصبري واتحملي وما تزعليهم لانو برضو حرام بالاخر ربنا معاكي وربنا يجمعك في خطيبك على خير وادعي ربنا يبعثلهم اولاد الحلال وفهيمهم انهم لو دعيو وقامو الليل والحو في الدعاء اكيد ربنا بستجب ودي عن تجربة

  8. زائر
    17/02/2011 at 22:06

    الضبط والربط المفروض يكون من الأب والأم لكن للأسف دورهم معدوم وده هو أساس مشكلتك. اخواتك البنات غلطانين أكيد لكن لازم تعذريهم فاحساسهم بأن سنهم كل يوم بيزيد وكل يوم بيعدى بيقلل فرصة زواجهم ده احساسهم وهى دى المعاناه اللى بيمروا بيها لازم تكونى فاهمه هذا الكلام يا ريت خطيبك يبطل يزوركم واتحملى شويه لغاية ما يتم الزواج حتى تبعدى النار عن البنزين كما يقولون واذا زاركم اتفقى معاه أن يعطيهم اهتمام أكثر ويتكلم معاهم زى أخوهم ولا تخافى من الوساوس اللى فى مخك ان خطيبك يمكن تنزلى من نظره ويستهين بكى لهذا الأمر
    بالعكس فهو يحبك ويشفق عليكى ويشعر بمعاناتك ويتمنى أن يخلصكى من هذه المعاناه تكلمى مع خطيبك واشرحى له ظروفهم ولكن من غير شكوى منهم لأنهم معذورين كما قلت لكى . وربنا يهديهم ويوفقهم ويرزقهم بأولاد الحلال.

  9. مرمر
    17/02/2011 at 20:18

    ربنا يفرحك ويهنيكى ويهدى اخواتك ويرزقهم باولاد الحلال

  10. ايمى زملكاوية
    17/02/2011 at 18:11

    حبيبتى واختى بصى هقولك حاجة طب خلى والدتك تكلمهم براحة او عندك عم كلمية يسيطر عليهم خال اى حد كبير فى العيلة خلى عمك او خالك او الكبير يكلم خطيبك باستمرار عشان يعرف ان فى حد ساندك ومعاكى وتكبرى فى نظرة اكتر انا عارفة انك اتخنقتى ومش طايقهم بس راضيهم اكسبيهم حتى لو غصبن عنك لما يجى خطيبك خليكى كويسة معاهم وحاولى تنبهى عليها عشان خطيبك مش اكتر وسبية يطول فيها برحتة منين ما يكون نفسة ودة احسن كمان عشان تكونى انتى كمان نفسك وربنا يتمم بخير ويهديهم عليكى واشوفك احلى عروووسة بس تكونى فرحانة من قلبك ابقى طمنينى عليكى

اترك رداً أو حلاً لهذه المشكلة