مشاكل الخطوبة

خطيبي بيتكلم عليا من ورايه قدام اخوه

مشكلتى ان خطيبى عاب فيا قدام اخوه من غير اما هو يعرف انى سمعت كلامه مع اخوه وقال عليا انى بستعبط علشان عايزه اقفل شباك فى شقنا اللى هتجوز فيها ع الرغم من انى قولته هو ينفع انى اقفله قالى اه هينفع وكنا متفقين على كده واللى هيقفله هو اخوه ده لانه شغال فى الحاجات دى وانا بجد مصدمه اوى ومكنتش اتوقع انى يعيب فيا ابدا كده بعض الحب اللى ما بينا وبقيت اخاف دلوقتى انه يكون بيتكلم عليا من ورايه قدام اخواته ولما وجهته بالكلمه دى قالى انه كلمه عشوائيه ومكنتش اقصد منها حاجه وطلعت غصب عنى وفضل يتاسف كتير اوى ويعزر وكمان بكى وانا مش عرفه اسامحه ولا لاء ساعدوووووونى ارجوكم

مشاكل وحلول ذات صلة

اضيف بتاريخ: Saturday, February 19th, 2011 في 14:45

كلمات مشاكل وحلول: , , ,

8 رد to “خطيبي بيتكلم عليا من ورايه قدام اخوه”

  1. مى احمد
    03/03/2011 at 02:21

    انا من رايى متسماحوش لان انا قبلك عملت كده وسامحت كتير وكنت فاكره انه بيحبنى لكن بعد الجواز ظهر على حقيقته اكتر واكتر وكل مرة كنت بتصدم من اللى بيقوله من ورايا امام اهله واصحابه وفى الاخر انفصلنا وتاكدى الى بيحب حد بجد عمره مايجرح فيه حتى بينه وبين نفسه وشكرا

  2. الفرعون اسلام
    26/02/2011 at 10:35

    سامحية يا اختى ولا تخربي بيتك بيدك عشان كلمة فى ساعة غضب

  3. etqan54
    20/02/2011 at 10:12

    طالما انه اعتذر لازم تسامحيه قال رسول الله صلى الله عليه وسلم من اعتذر له ولم يقبل البسه الله من طينة الخبال يوم القيامة وانصحك بعدم التنصط عليه عندما يتكلم مع اهله لانه سوف تقعى فى مشاكل اما ان سمعتى بالصدفة فعليك بالمواجهة وان اعتذر لك تسامحى لاننا بشر نخطئ والله المستعان

  4. ايمان المصرى
    19/02/2011 at 23:28

    ساسامحية ياحبيبتى طالمااعتذرعلشان ربنا بيسامح وكمان طالمااتاسف اوى كدة واتعذرلك كدة يبقى هو محرج من اللى قالة عليكى ومكنشى اتعذرلك بان الكلمة دى طلعت غصب عنةوانهاعشوائيةوميقصدش والا لو حد مش همةحاجةومكنتيش فارقة معاةكان قالة اة اناقولتهاومكنشى اتاسف وكبر دماغة بس لوقال عليكى حاجة تانى خدى منة موقف

  5. خالد
    19/02/2011 at 22:56

    اولا هو فعلا لا يقصد ومدم هو قال ما يقصد وطلعت عصب عنى يبقى هو بيحبك فعلا والمسامح كريم والف مبروك مقدما

  6. نونا
    19/02/2011 at 21:13

    مش مستاهلة علفكرة اى حوار

  7. ايمى زملكاوية
    19/02/2011 at 19:26

    انا مش فاهمة شباك اية وبلكونة اية على العموم معلش استحملى وسمحية بس لو عك ولخبط فى الكلام تانى يبقا هوة اساسا مش بيخاف عليكى وبعدين اما لما فى الخطوبة بيعمل كدة اما لما تتجوز هيعمل اية ولما يجيب 3 او 4 عيال بردك هيعمل اية قدام عيالة استنى واصبرى وسمحية وربنا معاكى ويهدية يارب

  8. DaRwasha درش
    19/02/2011 at 19:23

    بصي هو لو شايفك معيوبة بالعقل هيكمل معاكي لية. هو بس يمكن كان بيرضي اخوة او زي ما قالك انه غصب عنه عموما جربية في حاجة ثانية اعمليلة اختبار كدةواسألية وفكري انتي في الاختبار بقي. ولو انتي حاسة انه مبيكذبش وقالك الحقيقة يبقي بلاش اختبار وبلاش الوسوة دي انسي اي شئ وحش فكري في حياتك وشوفية بيفكر من ناحيتك ازاي

اترك رداً أو حلاً لهذه المشكلة