انا كنت مرتبطه بواحد وبحبه وحصل بينا مشكله وانفصلنا وهو سافر بره وبعدين اناحبيت واحد تانى واتخطبتله بس هوصعب معايا جدا بالرغم من انه كويس فى حاجات تانيه وساعات بيجرحنى بكلامه كتير وكنت رضيت بيه خلاص بعدين الشخص اللى كنت بحبه رجع من السفر وشوفته ومن ساعت ماشوفته واناب فكر فيه ومبقتش مهتميه بخطيبى وكمان قابلته بس اتكلمنا كلام عادى وهو عاوز نرجع بعض بس لو سبت خطيبى ياريت تردوا عليا ضرورى لانى تعبانه
مشاكل الخطوبة
حسه انى بخون خطيبى
اضيف بتاريخ: Monday, October 25th, 2010 في 10:23
كلمات مشاكل وحلول: ارتباط, الخطوبة, خطيب, فترة الخطوبة, مشاكل, مشاكل الخطوبة
انا من رايي انك تختارى الاصلح منهم
من ناحية الدين والاخلاق وغير ذلك
لان الحب مش كفايه شوفى مين فيهم الكويس وكملى معاه وياريت يكون خطيبك
واللى يبقى كويس من وجهة نظرك واهلك موافقين عليه يبقى كملى معاه
وياريت تسيبك من حبيبك لانه باعك واللى يبيعك بيعيه
لكن خطيبك اشتراكى وانتى اشتريه لو كويس
احسن تسيبيه وتندمى بعد كده وربنا يوفقك لما يحبه ويرضاه
(سيد العاطفى)
مصر—بنى سويف
مبدايا كلامي ده وجهة نظر من حقك تقبليه أو ترفضيه
———————————————-
بيتهيألي انك بتفكري في الموضوع بالمقلوب.
المفروض لو هتفكري بالتسلسل الصح يبقى
1- هتكملي مع خطيبك ولا لأ بغض النظر عن رجوع الشخص الأولاني تماما
يعني لو هتكملو علشان انتي مقتنعه بكده ولو هتنفصلو يبقى لمشكله في العلاقة بينكو بعيد عن أي حاجه تانيه
2- لو هتنفصلو يبقى هل ممكن ترجعي للشخص الأولاني ولا لأ… وتراعي انه سابك قبل كده
ومش هيكون عنده مشكله انه يسيبك تاني … وومكن يكون بعد الجواز
فكري بعقلك واحسبيها صح ..وافترضي انه رجع بعد ماتجوزتو هل كان رجوعه هيبقى مشكله؟
القرار قرارك … وفكري كويس
انصحك بعدم الرجوع لمحبوبك لانو كيف ترجعيلو وهو سابك