انا بنت عمرى 23 سنه وحبيت انسان كان بيعمل معى عنده28سنه وكنا صحاب جامد جدا واكتر من اخوات وكنت عرفه عنه كل حاجه وهو كمان كان يعرف عنى كل حاجه فقربنا من بعض لدرجه خلته عايز يخطبنى وانا مكنتش موافقه بس بصراحه لما قربت منه حسيت انه كويس جدا فى كل حاجه ووعارف ربنا كويس جدا وطلب انه يتجوزنى وفقت بس اكتشفنا ان اهله مش موفقين لانهم عايزين يجوزه على مزجهم بس هو وقف قدمهم لحد ما اتخطبنا وبعد الخطوبه كنا فى اول شهر سعداء جدااا فى كل حاجه ولحياه بنا كانت جميله قوى بس وان كل يوم عندى وعلى طول معايا وفجاه معنتش بشوفه ولا بيكلمنى ولا بيجيلى غير لما كنا بنتصل باهله ونشتكى لهم وتانى يوم القاه عندى يعد معايا وبصراحه كنت بكون زعلانه منه قوى بس اول ما اشوفه بنسى كل حاجه وحبيته قوى بس مكنتش اعرف ان اهله بياثرو عليه من ناحيه تانيه انه يبعد عنى ويسبنى لدرجه انه بقى مضغوط من كل ناحيه ومش عارف يعمل ايه بس مش قالى وكان فى حاجات بضيقه من اهلى ومكنش بيتكلم فى اى حاجه خالص فجاه اتختفى عنى ومعرفتش عنه اى حاجه وكنت اكلم اهله يقولو منعرفش عنه حاجه لحد ما فجاه اهلى زهقوا من الوضع ده انه سايبنى اكتر من اسبوعين واهله مش بيسالو ولا فدمغهم اى حاجه لحد ما امى راحت عندهم واتكلمت معهم عشان يشوفو وضع هو حس انى بضغطه اكتر بس انا مكنتش اعرف حاجه خالص لانى اهله كان معنا حلوين المهم فجاه اتصل وقالى كل شى نصيب وسبنى وفضلت لبسه الدبله لحد ما كلم والدى وقله وخلونى قلعتها وخلاص بس كلمنا بعض تانى من وراهم
انا بقى عايزه حل لاننا عايزين نرجع لبعض وهو مش عارف يكلم اهله فعمل ايه وانا مش قدره ابعد عنه ولا هو بس نفسى اعرف نعمل ايه معهم
مشاكل الخطوبة
خطيبى فسخ الخطوبة وبعد عني بسبب اهله
اضيف بتاريخ: Friday, December 24th, 2010 في 02:16
كلمات مشاكل وحلول: الاهل, الخطوبة, خطيب, دبلة الخطوبة, فسخ الخطوبة, مشاكل الخطوبة
الاستاذ صاحب بر الوالدين .. لا طاعه للوالدين في امر الزواج لانه شعور غريزي الاهل اللي بيتلككوا عشانوابنهم مياخدش اللي اختارها لانه حبها من قلبو مش بيتلككوا لبنتهم لما توافق او تختار حد بالعكس بيساعدوها .. مابني علي باطل يا استاذ ده له حوار تاني مش حجه الاهل نس نوافقين يبقي خلاص ههههههه لا ده حجه البليد او سلبي الراي والشخصيه .. اها العريس للاسف بالاخص الام والاخت واخدبن الابن حق مكتسب مالوش حق يختار ولا يصرف في حين ان امه كانت شابه وفرحت بجوازها يعني .. ده كان عاوز زقه وحد عندو ضمير يديله كلمتين يبين فيها رجولته بس محدش بيحب الخير لحد ..
الاستاذ اللي بيقول مابني علي باطل عشان اهه مش موافقين اولا كل الامه اجمعوا حضرتك ان الاهل مالهمش انهم يتدخلوا في زواج ابنهم لان دي مسأله غريزيه غير انهم غيرانين ومالهمش حق الطاعه لان مافيش لهم طاعه ف امر الزواج للولد والبنت ادخل شوف الشيه الشعرواي وعبدالكافي وغيرهم اسمها عقوق الاباء للابناء يا استاذ… وتاني حاجه شخصيته ضعيفه لان دي حياته وهوا اللي هيعيش زي مابيسيبوا بنتهم تختار ويفرحوا يسسبوا ابنهم وهوا لو راجل يتمسك ومش هيخسر حد بالعكس
انا حصلى نفس المشكله ورحعنا لبعض بعد مشاكل جامده وضغط على اهلى انه نوافق نرجع تانى وضغط هوه كمان على اهله وضحيت عشانه كتير اوى وصلت ان كنت حموت نفسى اوعى ترجعيله اللى شخصيته ضعيفه من الاول حتفضل كده علطول وحتتبهدلى كتير صدقينى انا مش اتبهدلت انا اتمرمرت والله العظيممامته علطول كانت بتشتمنى وتبهدلنى وكنت بستحمل عشانه وكنت مقوله وكان يقولى استحملى وفى الاخر ماقدرش يستحمل انه يدافع عنى سابنى ومش ى ورا مامته وبعد خطوبه سنه ونص وكانت صدمه بس علكتنى كتير اللى يبيعك مرعه اوعى ترجعيله تانى حيبيعك التانيه صدقينى اوعى ترجعى وحيرزقك باحسن منه حتى لو مش بتحبيه حتحبيه انا ربنا بعتلى انسان كنت رفضاه عشان بحب التانى ده ورجع تانى وبيحبنى اوى وانا رضيت بنصيبى وربنا حيرضينى اكيد وحايحاسبه على ظلمه لييا اوعى ترجعى صدقينى انا ندمت اما رجعت وكله حظرنى وماسمعتش الكلام وربنا يوفقك
انا حصلى نفس الموضوع بالظبط واهله برضه ضغتوا عليه وهو واجههم لحد اخر لحظه واخر حاجه جم عندنا وعملوا مشاكل وههدودوا فى شغله ومستقبله لحد ما بعد وبعدنا عن بعض لو فى نصيب هيرجع
فى الحقيقة يا اختى الكريمة انى عندى نفس المشكله انا خاطب وبحب خاطبتى ولحد انهارده اهلى غير موافقين او بمعنى اصح نفسهم يجوزنى لواحده تانية همة شايفنها افضل وانا عمال احارب من كل اتجاه ومش محسسخطبتى بأى حاجة انا موافق على ارائ الاهل بس انا مش عاوز اظلم الانسانة الى بتحبنى وبحبها ورغم كده بحاول بس انا متأكد ان فى الاخر مش هنبقى لبعض عشان مينفعش انى اعارض اهلى بس انا سايب الامور للنصيب وربنا معكى وان شاء الله خير
ياسبحان الله
كلكم اجبتم على مشكلتها على اساس انها قالت كل حاجه
مكانش فيه على بال اى واحد فيكم ان ممكن اهل سعادته كان ليهم نظره
متعرفوش ان من بر الوالدين انك تسمع كلامهم حتى فى اختيار شريك-شريكة حياتك
وكمان هو غلطان انه وقف قدام اهله وعاند معاهم
ومابنى على باطل فهو باطل
وكويس انه رجع لعقله
رساله بقى للأستاذه صاحبة المشكله
مكانش المفروض توافقى عليه من الأول مادام اهله مش راضيين
عارفه ليه
لأن الزواج علاقه اجتماعيه قائمه على الحب والترابط العائلى
وكمان الحب اللى بتتكلمو عنه
انتم لو تعرفو ان اصلاً اساسه الزواج بسبب (النظره و… و… الخ وده معناه ان ماينفعش
حب قبل الزواج وان الحب الحقيقى بعد الزواج
****…..
ابعدى كرمتك احسن من اى حب وشوفى واحد هو اللى يعوزك ويتمناكى مش ناس بتنطط على ابوكى سيبه هو لاول واحد ولا اخر
سيبها على ربنا ولو ليكو نصيب فى بعض لو بعد سنين هتكونو لبعض وغصب عن الكل بس اهم حاجه انه لازم تكون شخصيته قويه احنا فعلا فى زمانا ده مش عارفين نرضى مين الاهل والا نفسنا بس انتو الا هتعيشو يعنى انتو الاتنين الا هتتحملو اى شى واكيد لو بتحبو بعض بجد يبقى اكيد فاهمنين بعض وهتقدور تستحملو بعض وانتو مش اول اتناين مخطوبين سيبو بعض ويرجعو لبعض ده بيحصل كتير وده عن تجربه بس انا مخصرتش كتير لانها بجد طلعت انسانه جميله جدااا وكنت هخسرها بس الحمد لله رجعنا وبقانا احسن من الاول فربنا يكرمكم انتو كمان وترجعو لبعض
بصى يا انسه لو الانسان ده شاريكى فعلا هيعمل اى شى عشانك مش بالمشاكل بالاقناع لانه لو بيحبك فهو اكيد اكتر واحد يعرفك فايده هو انه يقنعهم بيكى لانه المفروض انه راجل اما بقى ده لو شخصيه ضعيفه فابعدى عنه لانه حتى فى بيته هيكون ضعيف وعمره ما هيكون سعيد فيما بعد فى حياته فسيبها على الله
يا بنت الكرام امضي في حياتك واذا كان من نصيبك فحتما سيأتي لك واذا لم يكن من نصيبك فغيرة الكثير وانتي تستحقي الافضل
بصى بصراحه لو هو بيحبك بجد هيعمل المستحيل عشانك بس من الواضح انه مالوش شخصيه وان اهله لهم تاثير عليه كبير جدا فكبرى دماغك بس الانسان ده عمره ماهيعيش مبسوط لو فضل رايه من اهله وهيتعب جدا فانتى لازم تعيشى حياتك وسبيها على الله
بصى ياأنسه من الاخر طالما اهله مش راضيين بيكى يبقى احسنلك تبعدى عن الشخص ده لانك حتى لو اتجوزتيه هتعيشى فى مشاكل ولقدر الله ممكن يوصل الحال للطلاق كمان لان واضح من كلامك ان هوه مرتبط جدا بأهله وبيسمع كلامهم ارجوكى فكرى مليون مره قبل ماترتبطى بيه لان انتى ممكن تظلمى الاطفال بعدين لو حصل طلاق لقدر الله
كبرى دماغك الانسان الى صوته مش من دماغه ده سيبك منه ممكن تتجوزو وتتطلقو بسبب الاهل هاحسلك انى تكونى مخطوبه ومفسوخ خطبتك ولا مطلقه؟