انا مخطوبة لانسان محترم جدا وكويس جدا وطيب اوى وبيحبنى اوى بدرجة ماشفتهاش قبل كدة وانا والله بحس كتير ان بحبه
بس المشكلة ان قبل ما الخطوبة كان فى واحد كنت بحبه انا اوى بالطريقة اللى خطيبى بيحبها ليا دى لدرجة انى عمرى مااتخيلت انى ممكن احب او ارضى بحد غيره
انا رضيت بخطيبى غصب عنى فى الاول بابا اللى غصب عليا لكن بعدين حسيت انى مرتحاله اوى
بس لسة دايما ببئى عايزة اعرف ايه اخبار اللى كنت بحبه قبل كدة
وبدعيله وبتمنى ليه الخير وحاسة ان الحب اللى كنت بحبه ليه مش حب واحدة لحبيبها اوقات بحس انه حب ام لابنها
انا سعات بقول لنفسى انا عمرى ماهزعل لو عرفت انه اتجوز او خطب انا عايزاه يفضل فى حياتى اطمن عليه وخلاص انا بس اللى بيتعبنى احساس انى مش عايزة اخسر حد من حياتى وهو كان قبل كدة كل حاجة فيها
انا طبعى انى مش بعرف انسى حد عرفته حتى صحابى اللى بتحاول منهم تبعد عنى بقرب تانى منها عشان مااخسرهاش بحب حياتى تفضل زى ماهى مابحبش حاجة فيها تتغير
انا تعبانة اوى وبتعذب حاسة انى باحساسى دا بخون انسان بيحبنى اوى وفنفس الوقت دا غصب عنى مش عارفة انسى ولا حتى بحاول
انا ممكن انساه بسهولة هو مش من بلدى ولابشوفه بس مش قادرة حتى احاول انساه غيرت الميل بس بردو برجع لبتاعى الاصلى لانى دايما بشتاق لكل حاجة بتاعتى ومش بحب ابعد عنها
انا معايا ايميله والباس
دايما بفتحه عشان اعرف هو بيدخل ولا لاء وبقفل علطول وكل اما امنع نفسى برجع تانى اعمل كدة
انا تعبانة اوى وكل اما اشوف خطيبى بيحبنى اوى بتعب اكتر ومبئتش عارفة افرح ولااحس بمعنى الفرحة
انا اوقات بحس ان اللى انا فيه دا بسبب انى اتربيت وكبرت من غير امى وكل اما احب حاجة لازم الدنيا تبعدها عنى وهو كمان امى متوفية اوقات كنت بحس انى بخاف عليه زى ماامه كانت هتخاف عليه اوقات كنت بحس انه واجب عليا اعمل كدة حتى لو مش هيكون هو نصيبى
نفسى الاقى حل وحد يساعدنى انا حاولت وبقالى سنة ونص بحاول مش قادرة
انا زيك بالظبط ودلوقتى ربنا كرمنى بانسان فعلا بيحبنى اوى وانا كنت بفتكر التان علطول بس حاولت مع نفسى وبحاول والله لحد دلوقتى مش بفتح الفيس او صفحته خالص ولاليميل بتاعه عارغاه مش بفتحه وكل ماقلبى بوزنى ادخل على صفحته اعرف اخباره اضغط على نفسى وبحاول اخلص لخطيبى واحبه وخلاص وافقت عليه وعمرى ماحرجع عشان هوه ده نصيبى ولو رضينا بنصيبنا اكيد ربنا حبرضينا بيه ويسعدنا ان شاء الله ولله التوفيق
اختى فى الله انتى حبيتى الاول والثانى هو اللى حبك انصحك ان تحاولى نسيان الاول بكل الطرق لان علاقتكم اصلها حرام وحاولى ان يكون كل تفكيرك فى خطيبك الشخص الذى يحبك والذى يريدك لا الذى تريديه انتى والذى لا يستحق منك سوى كل خير وامشى ورا كلام العقل لا القلب فالذى تحبيه هو القلب اما خطيبك فهو العقل وربنا يوفقك
فى البداية لازم تكونى تكونى متأكدة انتى عايزة مين ومين اللى يستهلك وبعدين شوفى انتى بتحبى مين اكتر لو لسه بنحبى الاول
أنسيه ولا تفتحي الأميل ولا تجيبي سيرته خالص ثقي بعد فترة حتنسيه خالص وأهتمي بخطيبك وكرثي كل حياتك له وأن ما عملتيش كده حقول لخطيب