مشاكل الازواج

هل اطلب الطلاق لهذه الاسباب

السلام عليكم اولا : انا متجوزة من سنة ونصف ولم يحدث انجاب وكان زوجى يعاملنى معاملة سيئة من بعد حوالى ثلاث شهور من الزواج من عدم حنية او اهتمام وبيسمع كلام اهله فى كل كبيرة وصغيرة وادق التفاصيل معه فى جميع المواضيع اللى بينا بكتشف ان اهله عرفنها كلها ولما اطلب منه عدم افشاء الاسرار الزوجية لاى احد ايا كان اجد منه عصبية زيادة عن اللزوم وطريقة غير لائقة فى الكلام لا يجب ان تصدر من زوج لزوجته ووالدته بتدخل فى كل شئ واذا ذهبت الى بيتها فى بعض الاوقات لانها معظم الوقت عندى اجده يرجع متاخر بليل واساله انت فين يقولى فى الشغل وبعدين اكتشف ان الايام التى تذهب فيها امه الى بيتها لا يذهب لشغله وكل يوم يروح يجلس عند والدته بحجة انه فى العمل وانا اكتشفت ذلك بنفسى وفوق ذلك هو متيسر الحال ولكن لا يترك فلوس فى البيت ولا يصرف جيدا وطبعا لتاخرى فى الانجاب اسمع كلام لا يطاق من امه واخته بسبب هذا الموضوع ومستحملة وكل ما اطلب منه الذهاب لطبيب نساء يرفض بطريقة غريبة ولكن لما صممت وذهبت بعد معارك كثيرة معه ومع اهله وفوجئت انى سليمة تماما بعد عمل تحاليلى وهو عمل تحاليله بالعافية ان هو عنده مشكلة لازم يتعالج حتى يحدث الانجاب ولكنه رفض العلاج تماما ولكنى ايضا وعندما اردت ان اعرف مبرر رفضه اعترف انه كان يعرف هذا قبل الزواج وعنده مشاكل اخرى فى هذا الموضوع ولكن يمكن العلاج ولكن هو بيقولاان العلاج سينقص من كرامته ورجولته وضربنى حتى لا افتح الموضوع مرة اخرى وانا الان افكر جديا فى الطلاق فهل الطلاق فعلا حل فى حالتى ام لا ارجو منكم مساعدتى واسفة جدا على الاطالة.

مشاكل وحلول ذات صلة

اضيف بتاريخ: Saturday, February 12th, 2011 في 12:02

كلمات مشاكل وحلول: , , , , , , , ,

26 رد to “هل اطلب الطلاق لهذه الاسباب”

  1. البرنس
    17/08/2019 at 19:21

    عايز ارد على الاخت -ايمان- وكل الاخوة الذين طلبوامن السائلة صاحبة المشكلة الصبر وان لاتتسرع في طلب الطلاق من جوزها فخلوكم واقعين وافرضوا ان ده الشئ حاصل معكم انتم فاايه ممكن تعملوا مع زوج اناني مايحبش الا نفسه ويفشي اسراره الزوجية لامه واخته وفوق كلهذا عقيم ولاعاوز يتعالج ومقصر معها في حقوقها كزوجة ولايعطيها مصروف لها وللبيت ماذا تنتظرون من واحد بهذا الشكل اليس من حقها طلب الطلاق منه وصون كرامتها وربنا بيكرمها بحسن منه بالزوج الصالح اللي يقدرها ويسعدها ويحقق لها رغبتها في الانجاب والامومة

  2. مجنون نسوان
    06/01/2016 at 00:24

    اتفق مع الاخت -ايمان-في كل ماقالته للاخت صاحبةالمشكلةولاازيد على ماقالت وفق الله الجميع

  3. بتول
    27/04/2014 at 00:30

    شوفي يااختي العزيزة الله عزوجل حرم الغش والخداع وبماان زوجك خدعك ولم يخبرك بحقيقة انه عقيم لاينجب قبل الزواج فده كافي لطلبك الطلاق منه وانت امراة من حقك ان يكون لك اولاد وتصبح ام لهم وشرعالايجوزله منعك من تحقيق هالرغبة والافليطق سراحك ويطلقك وتاكدي انه لايستاهل العشرةمعه لانه ابن امه واناني مايحب الانفسه وغيرجدير بك وبالمحافظة على كرامتك وحقوقك كزوجة اصري على طلب الطلاق منه رحمةبنفسك وربنايعوضك بخيرمنه بالزوجالصالح اللي يحقق لك السعادةوالانجاب وتلاقي معه الراحةوالاستقرارفي حياتك

  4. ابواميرة
    04/11/2013 at 12:48

    اختي من حقك ان تكوني ام وتفرحي بان يكون لك اولاد من زوجك وبماانك سليمةتماماولامانع انك تخلفي والمشكلة في زوجك وهولم يخبرك قبل الزواج بانه مريض اوعقيم فمن حقك طلب الطلاق منه فورا كي تحفظ نفسك وكرامتك كزوجة ولانه خدعك وغشك وهذامن باب التحايل والخداع

  5. اكره الظلم
    17/04/2013 at 17:38

    اتركى هذا الانانى الكاذب
    من حقك ان تكونى ام اطلبى الطلاق للضرر وتزوجى غيره
    انكحوا الولود والودود

  6. ابواميرة
    24/12/2012 at 18:38

    يااختي الفاضلة حرسك الله من كل سوءجعل الله في الزواج بين الطرفين المودةوالرحمةوالالفة ولكن زوجك يفتقد لكل هذاولايقدرك ولايحترمك ولاخيريرجى منه نهاية وانت زوجةلكي حقوق وواجبات عليه القيام بها وتنفيذهاومن حقك ان تنجبي ويكون لك ولاد تفرح بهم وتربينهم مثل كل الامهات وبماانك سليمة والعيب فيه هو ايش مقعدك مع انسان كهذااطلبي الطلاق ارحم لك من هذي العيشة وربي يكرمك بالرجل الصالح السليم اللي يقدرك ويسعدك ويستاهلك

  7. ضئ القمر
    26/06/2012 at 10:53

    بصي هو كان بعيد عنك عشان خايف تعرفي وممكن تسبيه لكن حسسيه انك سامحتيه وان شاء الله في هلاج وهتساعديه وترفعي من معنوياته واقوفي جمبه بجد وساعتها شوفي رد فعله ايه لو لسه متغيرش معاكي وفضل علي نفس تصرفاته يبقي مقدرش اللي انت عملتيه وخلاص انفصلي لكن لو قدرك وبقي كويس معاكي ورجعلك يبقي اصبري عليه وحطي نفسك مكانه لان مفيش حاجه مضمونه ومنتيش ضمنه بكره فيه ايه

  8. ايمان
    21/02/2011 at 00:37

    نسأل الله أن ييسر لك أمرك كله وأن يرزقك السعادة في الدنيا والأخرة

    1- كونه لم يخبرك فلا شك إنه خطأ وخداع

    إذا كان بالزوج به عيب يؤثر على قدرته على الجماع أو الإنجاب ، وجب عليه أن يبين ذلك لمن يخطبها ؛ لأن من مقاصد النكاح : الاستمتاع ، وحصول الولد ، فإذا كان هذا العيب يفوت مقصود الزوجة ، وكتمه عنها ، فهو غش وخداع لها .

    2- طلب الطلاق بسبب عدم الإنجاب

    ربنا شرع النكاح ليكون سكنا قال تعالى: (من آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون).

    وشرع الطلاق في أحوال خاصة يتتعذر فيها السعادة أو تصبح الحياة جحيما لا تطاق أو تنافر بين الزوجين لا يمكن التوفيق بينهما.
    ولكن جعلته الشريعة أخر الحلول
    والهدف الحفاظ على قوام الأسرة المسلمة

    أما عن طلب الطلاق لعدم الإنجاب

    فعن ابن سيرين أنَّ عمر بن الخطاب رضي الله عنه: بعث رجلاً على بعض السِّعاية، فتزوج امرأة وكان عقيماً، فقال له عمر رضي الله عنه: أعلمتها أنك عقيم؟ قال: لا. قال: فانطلق فأعلمها ثمَّ خيرها”

    وقال الحسن رحمه الله تعالى: “إذا وجد الآخرَ عقيماً يخير”

    وقال الشَّيخ ابن عثيمين رحمه الله تعالى –عمن وجدت زوجها عقيماً-: “تنظر للمصلحة، إن رأت المصلحة أن تبقى معه على حاله فهو خير، وإن قالت: إنها تريد الأولاد فلتستسمح منه ولتطلب منه أن يفسخ النِّكاح أو يطلقها”

    وذهب إليه الشَّيخ عبد الله بن جبرين رحمه الله حيث قال: “…إذا لم تعلم به المرأة فلها طلب الفسخ لرغبتها في الذرية، فإن وجدت الحلول الطبية والعلاجات الشرعية التي تعيد إلى الرجل ما نقصه من أسباب الإنجاب فليس لها طلب الفسخ إلا بعد إجراء العمليات )

    فنصيحتنا لكي

    1- استخيري وادعي الله كثيرا أن يوفقك للخير

    2- حاولي مع زوجك مرة أخرى باللين والحسنى مع الدعاء له
    فربما منبع المشاكل كلها وسوء تعامله من شعوره بالنقص لهذة المشكلة
    فحاولي مرة أخرى واحتسبي الأجر
    وراعي مشاعره وذكريه إن الأمر لا يوجد به إنتقاصا له
    إنما هو إبتلاء من الله ليختبره فعليه بالصبر والأخذ بأسباب العلاج
    وتذكري دائما إنك ربما كنتي مكانه ولا شك لم تكن لتقبل أن يعايرك أحد أو يشعرك بالنقص ..

    فإن تغيرت معاملته وتحسنت وإستجاب لفكرة العلاج كان خيرا ووقتها ستعرفي وضعه الطبي ومدى حالته

    3- إن فشل محاولاتك معه ، فحكما من أهلك وحكما من أهله
    يتشاورون بالحكمة والموعظة للإصلاح بينكما
    (ويفضل كونهم ممن يُعرف بالصلاح ويسعون للإصلاح لا للإفساد )

    لقوله تعالى
    {وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا}
    [النساء : 35]

    فإن تعذرت السبل وقررتي الإنفصال

    {وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ وَكَانَ اللَّهُ وَاسِعًا حَكِيمًا} [النساء : 130]

    فنسأل الله أن يبدلك من هو خير منه ويرزقك الذرية الصالحة
    وهو مجرد أخذ بالأسباب لإن الله قادر أن يرزقك بالذرية منه أو يمنعها من غيره

    أختنا الحبيبة

    أنتي من يستطيع الحكم هل تستطعين الإستمرار أم لا ؟
    ومن تستطعين الحكم على الأفضل لكِ البقاء مع زوجك وإن كان يوجد ما يعكر صفو الحياة أو الطلاق والعودة لبيت أهلك وتقبل شكل حياتك الجديد كمطلقة ؟؟
    ومن يقرر هل تصبرين على زوجك وتحاولي معه العلاج أم تقررين طلب الطلاق ؟
    هل تصبرين على عدم الإنجاب أم لا ؟
    هل عيوبه لا تتحمليها وأكثر من حسناته أم إنه يعاني من الضغوط ولكنه شخص بداخله طيب ؟

    أنتي من عشتي معه عام ونصف وأنتي أدرى به وبنفسك من أي شخص
    والله أدرى بكِ من نفسك وهو وحده من يعلم الغيب
    فألجأي إليه واستخيري واسعي للإصلاح كما نصحناكي
    فلعل الأمر تنصلح فإن لم يكن
    فلا يكلف الله نفسا إلا وسعها

    فى

  9. ميويا
    18/02/2011 at 02:24

    نعم هذا الزوج انانى وبتاع مامته وغير مسؤل ارجوكى تطلبى الطلاق ولو مرديش اخلعيه

  10. محمد
    15/02/2011 at 14:37

    الحل
    ترك هذا الزوج الان وفورا لعدم الكفاءة النفسية بدلا من العذاب طول العمر

  11. ساره
    15/02/2011 at 02:33

    اختي الكريمه احمدي ربنا انه مش بيخلف وانه معندكيش اولاد منه يعني كدب عن كدب يفرق وده كدب في مصير حياتك يعني عارف وكدب عليكي ده اولا تانيا المعامله الوحشه دي ليه المفروض انكم عرسان جداد ويحاول يسعدك وكمان يضربك ويقطر عليكي في مصروف البيت وربنا معطيه ويكدب تاني وما يروحش الشغل ويقولك كنت في الشغل ومخلي حياتكم كتاب مفتوح الكل بيقرا ويعرف اللي يحصل بينكم تعرفي لو انه مش بيخلف وتصرفاته كويسه الواحد كان ممكن يتقبل الموقف بس كدبه بتجر كدبه ومعامله وحشه يعني باختصار كداب وبخيل ومش بيحرمك ومش بيعاملك كويس قاعده عنده ليه لغايه دلوقتي المفروض يعاملك كويس علشان عارف انه ملوش غيرك في الحياه ويعوضك عن النقص اللي عنده

  12. youssef
    14/02/2011 at 12:23

    ده ايه البجاحه بتاعتو دى
    يعنى كان عارف ان العيب منو وكان بيتنطط
    لا بجد انفدى بجلدك

  13. مرمر
    13/02/2011 at 18:14

    مفسش حاجه واحده تخليكى تستحملى ده كله ايوه طبعا اطلقى وابدئى حياتك من اول وجديد مع بنى ادم صادق يكون يستاهلك وياريت قرار الطلاق ده يكون فى اسرع وقت عشان ماتخسريش اكتر من كده

  14. رحمة
    13/02/2011 at 17:28

    بصي انا شايفة انك تعملي معاه محاولة اخيرة
    انا معاكي غلط؟ اه غلط وغلط كبير كمان وكدب عليك وخبي الحقيقة بس ده كله ممكن يكون من خوفه انك تروحي منه يعني بيحبك
    انت ممكن تخديه بحنية وان الموضوع ده مش هو اللي يخليكي تسبيه او كان ممكن يكون العيب منك انت قوليله كده او قوليله دي حاجة بتاعت ربنا مش هنعترض عليها بس احنا هنحاول ولو مفيش نصيب احنا جنب بعض ومع بعض هنعيش برده يعني حاولي تكسبيه من النقطة دي بالذات ممكن يرجعلك تاني ويبقي معاكي اكتر من امه كمان
    وياريت تصلي صلاة استخارة عشان ربنا يوفقك للي فيه الخير والله ولي التوفيق

  15. زائر
    13/02/2011 at 17:11

    أقول لكى أنه اذا أصر على عدم العلاج هذا غير اسائته لكى أن تطلبى الطلاق وانتى الكسبانه وسوف يرزقكى الله خيرا منه فهذا عنده عقد كثيره وربما كان مريضا ولم يقل لكى

  16. واحد من الناس
    13/02/2011 at 10:19

    اختي العزيزة من الواضح من كلامك ان مفيش بينكم حب واللي بينكم علاقة اسرية مش مكتملة فاطلبي منه العلاج دا لو انتي من الاول رضيتي بحالته من اهمالك وافشاء اسرارك لاكن انا رايي من الاول عالجي مشاكلة الاسرية وبعدين فكري في العلاج الصحي وللعلم من حقك الطلاق في حالة امتناعة عن العلاج

  17. soso
    13/02/2011 at 03:06

    ده انتى ربنا بيحبك اصلا عشان مخلفتيش
    انفدي بجلدك وسيبيه تستحملى ليه قرف ومهانه
    خليه لامه

  18. المصرى
    13/02/2011 at 00:30

    ارى ان تخيرية بين الطلاق او الذهاب الى الطبيب وايضا الكف عن افشاء اسرار الزوجية

  19. المحلله
    12/02/2011 at 21:43

    طبعا الطلاق انامع راى طارق بور سعيد جدا يابنتى هتبكى على ايه وتستنى مين انسان كداب معلش وخاين انه مكنش امين وماقالش العيب اللى عنده وظالمك ومعندوش ثقه بنفسه ويقولك العلاج ينقص من كرامتى ياحبيبتى الشخصيات دى مش بتتغير صدقينى هيفضل كده طول عمره احناهنالمابنحل مشكله ربناالاعلم الواحد بيحط نفسه مكان صاحب المشكله انالومنك اطلق فورا واهلك المفروض يتصرفه معاه ويطلقوكى وتظلمى نفسك ليه مع واحد بيعاملك كده وبدا يمد ايده ولسه لانه عارف انه العيب من عنده مش هيسيبك هيبهدل كرامتك وتحرمى نفسك ليه من اعظم شعور ربناوهى للست الامومه اوعى تسمعى حد يقولك اصبرى انتى اصلا مش شياله حاجه عدله تصبرى على ايه وكمان بتاع امه ده اكبر عيب من عيوب الراجل وايه اللى يسيب شغله ده ويعد معاهاخلاص خليه جنبها والله الواحده يتستنى مع زوجها على الخلفه لمايكون حنين طيب كريم مكفى بيته يحبها يخاف عليها يعاملها بمايرضى الله عاشرهن بالمعروق او سراح باحسان راى تتطلقى وده مش اخر المطاف انتى لسه بتبداى حياتك

  20. مين اللي يعرف خيره فين؟؟؟؟
    12/02/2011 at 19:49

    في عدت حلول انتي تقرري ايها اصلحلك
    هو يعرف قبل الزواج منك انه عنده مشكله(الله يسامحه على عملته دي…الصراحه ياشباب قبل الزواج في الامور الحساسه دي لازم)…يعني هو كان متجوز من قبلك….لو نعم ارجعي لطليقته واعرفي ايه اسباب الطلاق الرئيسيه(وده كان المفروض تعمليه قبل الزواج…كان اتوضحت لك امور كتيره)…وقارني بين اسلوبه واسلوب اهله في الجوازتين…وحقيقت مرضه..في علاج ام لا…لان شكله كد
    والله اعلم …(كرامت ايه اللي جاي تقول عليها…هو كرامته لو متعالج حتتحفظ ولا لو اتعالج وخلف حتتحفظ اكتر…الموضوع عايز منك تبحثي اكتر…حتى لو اضريتي ترجعي للطبيب اللي رحتو له عشان تتنوري…واعملي في صمت وكتمان…لحدي متتاكدي)
    وفي حل اخر انك تصبري وتحتسبي اجرك…وتحاولي تتحدي نفسك وتتغيري للاحسن…اخلر اهتمام بالنفس..والبيت والاكل …تتزيني وتسكتي بس لمن يسالك ردي..لحدي مايهدئ ويرجع لك زي الاول ويحسن تعاملو معاك…ويحسك جوهره لا غنى عنك…وتدعي كتير ربنا يصبرك ويصلحه..والاستغفار الكتير…لعل وعسى هو اللي يسعى للخلفه من نفسه ويتعالج …
    ربنا يصلح لك امورك كلها…

  21. حنان
    12/02/2011 at 18:02

    لا لا أي حل شرط ان يكون يعيد عن الطلاق إياكي والطلاق و الاولاد ليسو كل شئ في الحياة الزوجيةولا مانع من الإقناع بالمعالجة لكن بهدوءتروي سيدتي واقلبي الصفحة وصفي قلبك وعيشي بمحبة مع زوجك

  22. دعاء
    12/02/2011 at 15:52

    انا رأيى انه مش من الامانة انه يكون عارف حاجة زى كده من قبل الجواز ومش يصارحك بيها
    كان لازم يصارحك ويسيبلك حرية الاختيار توافقى او لا
    لكن طالما انتى بتفولى ان العلاج ممكن حاولى معاه باسلوب هااااااادى وكلميه بهدوء من غير انفعال ان ذهابك للدكتور مافيهوش اى علاقة ولانقص برجولتك
    انما ده ابتلاء من عند ربنا ونعمل اللى علينا ونسعى وبلاش نتكبر على ارادة ربنا ولو ماحصلش نصيب خلاص نرضى بنصيبنا ونحمد ربنا بس نكون عملنا اللى علينا (بس اهم حاجة اسلوووووووووووووبك لاااااااااااازم الحنية)
    ولو مارضيش او لو حصل وربنا ما ارادش لاقدر الله ماحدش يقدر يغلطك فى اى قرار تاخديه لان ده حقك
    وربنا يسعدك يارب ويقدملك الخير

  23. طارق بورسعيد
    12/02/2011 at 15:30

    انا راى بكل صدق وصراحة … الطلاق الفورى هو الحل …وذلك لعدة اشياء منبثقة من سبب رأيسى وهو عدم قدرة زوجك على الانجاب..والاسباب هى كذب وغش الزوج حيث انه خدعك واخفى عليك عدم قدرته على الانجاب .بل اوهمك انتى وعائلته بانكى السبب رغم علمه وتاكده من عدم قدرته هو … السبب الاخر عدم اهتمامه بالبيت كمصاريف وغيره ومعاملتك معاملة سيئة .. ثالثا عدم اهتمامه بمشاعر الزوجة وحقها فى الانجاب ..وكل ذلك الاسباب متفرعة من سبب واحد وهو عدم قدرته على الانجاب وكان من المفروض ان يصارحك من بداية معرفته وان يحاول بكل وسعه العلاج وان لم يفلح لا يحزن على الاطلاق (( ويجعل من يشاء عقيما)) و هل اهله الان سيعاملوه بطريقة سخيفة مثلما كانو يعاملوك بحجة عدم قدرتك على الانجاب ..وذلك بعد ان ثبت العكس.. انا فى راى لا ..وسيظلو يعاملوك معاملة سخيفة غيرة منكى… وربنا يهديك لما هو اصلح..

  24. توتا
    12/02/2011 at 14:54

    انتى اللى تقدرى تحددى لو مش قادرة تستحملى اطلقى وكويس ان لسة مفيش اولاد لو مش قادرة على العيشة دى يبقى اطلقى وخدى راى اهلك طبعا

  25. ام راكان
    12/02/2011 at 14:52

    اصبري ان الله مع الصبرين وقولي له انت ما نفسك بيبي يقول لك يابابا الاطفال احباب الله لما يروح عند ولدته روحي معه والله معكي

  26. roro
    12/02/2011 at 12:25

    اطلبي الطلاق يا اختي الكريمة لان اهم مشكلة فيه و هي الانجاب تكتم عليها قبل الزواج و هدا حراام
    ناهيك عن المشاكل الاخرى نصيحتي الاخوية اطلقي

اترك رداً أو حلاً لهذه المشكلة