مشاكل الاصدقاء

محتارة بين صاحبتي وحبيبى

انا بنت 19 سنة بحب واحد ووالواحد دة كان بيكلم صاحبتى انا عرفتهم ببعض فى الاول بس كان عادى جدا وانا كنت واثقة فيها وفيه هو كمان بيكلمها على اساس اصدقاء بس وحصلت مشاكل وبعدنا انا وهو بسبب اخواتى مش هى المهم صاحبتى جت قلتلى انوا هو كان بيحبنى انا وكان عايزنى انا وبقولى ان انا احلى منك وقعدت تقولى دة انانى وشوية حاجات كدة وحشين عنه عشان تكرهنى فيه هو لما حب يصلح المشاكل ويرجع انا كان ممكن ارضى ارجع لو كان مفيش مشكله زى دى بس لما جيت واجهته قلى انها صاحبتك مش كويسه وقعد يحلفلى انوا هو بيحبنى انا واقسم بلله على كدة وان هى كانت عايزة وهو قاله ان هو بيحبنى عشان كدة هى بتقوللك كدة عشان تكرهك فيا المضوع عدة وبعدين اتخطبنا انا وهو وهى مش طايقة حاجة اسمه اللى خيطبى تسمع اسمه بتتنرفز بتقول لصاحبتنا التانية انها مش عايزنى اكمل معاها مش عارفة هى ليه بتعمل كدة بصراحة وانا كل ما افتكر الموضوع دة اللى حصل بقلب عليه وكل شوية نتخانق اعمل ايه معاها هو انسى ولا اعمل ايه وصاحبتى اخليها تبطل كلام عليا ازى مع اصحابى التانين اللى مضيقنى كلامها عليا وان انا كل شوية فى نكد مع حبيبى بسببها كل ما افتكر او هى تتكلم عليا انا اسفة طولت عليكوا ؟؟؟

مشاكل وحلول ذات صلة

اضيف بتاريخ: Saturday, February 19th, 2011 في 17:39

كلمات مشاكل وحلول: , , , , , ,

10 رد to “محتارة بين صاحبتي وحبيبى”

  1. انسه
    11/08/2011 at 03:29

    ماتكبرى دماغك من صحبتك دى ومتحطيش كلامها فى دماغك يابنتى هى غيرانه منكم لانها كانت عايزة خطيبك يتجوزها هى لكن هو اختارك انتى
    ابعدى بقى عنها لان دى مش صاحب هاساسا دى عدوه ليكى ولخطيبك وهتفرق بينكم
    ابعدى عن الشر وغنيله خليكى مع خطيبك ومتقعديش تنكدى عليه كل شويه هو لو بيحبها هى كان خطبها هى وسابك لكن هو خطبك انتى يعنى بيحبك انتى وهو اللى صادق وصحبتك هى اللى كدابه
    كملى حياتك بقى بيعد عن الوش بتاع صاحبتك دى وياريت تخلى بالك منها ومتخلهاش تحاول توقع بينك وبين خطيبك

  2. wa7da keda
    01/08/2011 at 12:16

    دى مش صحبتك اصلا ومينفعش تكون كده دى بتغير منك جامد وبتحقد عليكى كمان مش بقولك كده عشان تكرهيها بس مش عاوزة اقولك فى مبررات لتصرفاتها لان مفيش سبب يخليها يعمل كده وصدقى خطيبك وخليكى معاه وراعى ربنا فيه وخلى علاقتك معاه كويسه متخسريش حد بيحبك عشان اى حد تانى وحبيه وصدقيه ومتسمحيش لحد يتكلم عليه نص كلمه وحشه قدامك حطى فى اعتبارك ان دة هيبقى جوزك واصحابك ولا هيعرفوكى بعدها الا اللى اصحاب بجد وربنا يوفقك فى حياتك

  3. سوما
    14/07/2011 at 00:48

    بسي هو الواضح اني صحبتك انانيه وانتي لو مش عايزه تتركيها حولي تغيري منها ولو مش وصقه في خطيبك لو مكنش بيحبك مكنش خطبك ولو مش مصدقه حد وجهي خطيبك وصحبتك بالكلام الي هي قالتهولك وشوفي مين الكداب ومين الصادق والافضل انك تختاري خطيبك

  4. ندى
    16/06/2011 at 18:33

    اقولك مافيش صاحب يتصاحب انا مقهورة دلوقتى وانا بكتب الكلام دة عمالة اعيط علي حالى صحبتى 7 سنين مع بعض و طلعت كلبة اصلا انا حزينة لانى كل ما اجى اصاحب حد يبعد يروح مدرسة تانية تكلم بنت غيرى نخاصم بعض بسبب مشاكل الاهل يعنى كل ما افتح قلبى لحد يضيع من ايدى

  5. dodo 94
    10/06/2011 at 04:09

    الصحبة الى بجد اللى تسعد من سعادة صحبتها وانا ارى ان خطيبك ملوش ذنب عشان كل شوية تتخانقى معاه وبدل بتتكلم عليك يبقى احسن تقطعى علاقتك بيها وربنا يرزقك بالصديقة الحسنة اللى تسعد ايامك

  6. HanyMoh
    24/03/2011 at 08:34

    مفيش أي دليل على خطيبك بأي شيء…..

    لكن صاحبتك كونها عايزة تشوه صورة خطيبك في عينك يبقى هي فعلا مش كويسة “ودي غيرة بنات”…

    فأنصك تكملي مع خطيبك،،، وعفى الله عما سلف،،، وطالما هو كويس ومحترم يبقى تفضلي معاه….

    وصاحبتك عادي لو مش بتكلمك حاولي متكرهيهاش ومتظلميهاش أهم حاجة،،، ومتتكلميش عليها أي كلام حتى لو هي اتكلمت عليكي،،، علشان تبقى هي بس اللي غلطانة مش أنتي كمان….

    وربنا يصلح الأحوال…..

  7. maryam
    14/03/2011 at 23:24

    خطيبك اهم لانة اثبت انة بيحبك اما صاحبتك دى مش بتحبك اصلا ولا يهمك كلامها وحاولى تتوددى لخطيبك وتحببية فيكى وماتخليهوش يزهق منك وبلاش خناقات لانها اكيد هتفرح فيكى

  8. القطة العجيبة
    04/03/2011 at 14:37

    طبعا خطيبك اهم مافيش اصحاب اصلا فى الزمن ده ماتخليهاش تفرق بينك وبين خطيبك وامسحيها من حياتك لانها مش صاحبه وربنا يوفقك

  9. ساسو
    23/02/2011 at 23:31

    بصى يبنتى انتى لو بتحبى خطيبك بجد مش هيهمك كلام حد وبعدين انتى فعلا بتحبيه والدليل خطبتكم لانه ببساطه لو بيحبها سبها ليه بصى البنات بتغير من بعضها مع انها ساعات بتكون احلى الف مره من البتغير منها بس انا زى مباولك دع الكلاب تعوى والقافلة تسير يعنى من الاخر سبيها تتكلم كلامها متسمعيهوش من حد اوليلهم ميهمنيش حد انا بحب خطيبى وهو كمان بيموت فيا واهرى يهرى وانا على مهلى هههههههههههه يعنى بدل متنكدى على نفسك انتى وخطيبك من غير لزوم خليها هيا تولع وانتو اشربو لمون

  10. (^_^)
    19/02/2011 at 18:36

    بصى طالما خطبك انتى يبقى بيحبك انتى وصدقيه وعيشى معاه بس حاولى تبعدى عنها واحده واحده لان الواضح انها بتحبه وعايزاه او ممكن تكون انانيه الله اعلم بس خطيبك يعنى ان شاء الله جوزك يعنى شريك عمرك وحياتك حاولى تبعدى عنها لان الصحاب مش دايمين ف النهايه كل واحده بتروح لحالها وتتجوز وتتشغل ف جوزها وعيالها وربنا يوفقك

اترك رداً أو حلاً لهذه المشكلة