مشاكل الاصدقاء

مش بعرف اصاحب حد

انا بنوته عندى 15 سنه مشكلتى انى هاديه زياده اوى و مش بعرف اصاحب اصدقائى او اندمج معاهم وانا بقالى معاهم 3 سنوات لسه مقربه منهم من فتره قصيره جدا و حتى صحبتى الوحيده اللى كانت بنهم دى مش بقولها على اسرارى خالص واذا عرفت بتعرف منى بالصدفه وانا من زمان بحب اقعد لوحدى مبحبش الاختلاطات لانى مش بعرف اتفاعل معاهم خالص وانا عاوزه احبهم بس مش عارفه ومش عاوزه اكون انطوائيه لاكن طبيعتى كده وعاوزه اغيرها بس يمكن انى مش شايفه ان دول يكونوا اصحابى لانى هاديه وهما مش كده خالص هما يمشوا فى الشارع يهزروا و بيستجيبوا للشباب اللى بتعاكسنا وانا مش كده ومش عاوزاهم يقصروا عليا بس انا عاوزه احبهم واتفاعل معاهم ارجو الرد لانى محتاره

مشاكل وحلول ذات صلة

اضيف بتاريخ: Thursday, February 24th, 2011 في 23:03

كلمات مشاكل وحلول: , , ,

23 رد to “مش بعرف اصاحب حد”

  1. على البرادعى
    22/02/2014 at 16:48

    أميرتى نحن شيدنا . بالوهم قصورآ … وزرعنا فى بحر ألحب زهوارآ … فأننى ألعاشق ؟ وألعشق أمتحان . ولن أخون هواكى مهما ألكل خان سيبقا .. حبك فى قلبى على مر ألزمان . أن شل لسانى ؟؟ سيبقا كلآمى لسان ؟؟؟رباه أحببنا وما الحب جريمه للعقاب … وليس لنا زنبآ مادامت هكذا سنة الحياه …. رباه أنت تعلم ذللك وترضاه فأن ألحب عطفآ وحنان . أحببنا عشنا وجلسنا بين أدروب وألطرقات حططمتنا اغلال ألكبرياء … وتراباطنا برباط ألشوق وألحنان ؟؟؟ ورغم ذلك سأصبح ذكره تذكرها ألآيام … رباه ذات يومآ غلبتنى نزوه كانت نزوة شيطان أضاعت منى أحلامآ بنيتها فى ألخيا …. نعم أعترف فقد أبتلينا وكفرنا بماضينا ورضينا … رباه ألا ترحم قلواب ألضعفاء فأدعوك من قلبى أن كان ألحب شفاء رباه ترفق بنا ولا تقتلنا بألهوا مادام قلبى قد هوا .

  2. ابواميرة
    08/11/2013 at 00:27

    الافضل انك تبعدي عن صحابك دول لانهم غيرمحترمين ولامودبين واختاري صحاب غيرهم بدلامن المشي معهم والتحدث مع الشباب ومعاكستهم وربي يسترعليك ويحميك من شرهم

  3. بيسو بيسو
    29/12/2012 at 15:41

    احسن حاجة انك تلاقى صديقه ليكى هاديه زيك هتبئى حاجة حلوة اوى
    وتحبو بعض فى الله وربنا يوعدكم بالجنه مع بعض
    وربنا بيحشر كل اللى بتحبيهم معاكى فى الجنه باذن الله
    وجارى البحث…

  4. munaliza
    12/12/2012 at 17:31

    انت قلتيها بيستجيبوا للشباب ايه الي يخليكي تمشي مع دول

  5. ana rady
    22/02/2012 at 03:01

    احب اقولك انك معندكيش مشكله كبيره خالص
    بسم الله ما شاء الله عليكي
    ده الانسان المحترم بجد بيفضل طول عمره يدور على حد زيك كده
    ربنا يوفقك

  6. wa7da keda
    01/08/2011 at 12:02

    يابنتى انتى زى الفل انا كنت زيك بس لغايه تانيه اعدادى مليش دعوة بحد وهاديه لانى كمان كنت جايه من بره ومش متعوده على تصرفات الطالب المصرى اللى كلوا عارفها
    بس حاولت اندمج وفعلا اندمجت وبقيت صاحبه لناس كتير مع العلم انى قابلت اللى بيكرهنى لان اندماجى مغيرش من اخلاقى انى كنت باخد منهم الحلو بس وفيه غيره بنات والكلام دة
    حاولى تندمجى بهدوئك برضه مش صعبه حاولى تكونى معاهم ولكن محتفظه بشخصيتك والهدوء الزيادة برضه مش كويس حاولى تتقربى من واحده تناسب شخصيتك برضه اختارى الصح وابعدى عن كلام الناااااس خليكى البنت الجوهرة اللى كلوا يبص عليها ويعجب بيها بس محدش يقدر يبقى زيها الا نادرا وربنا يوفقك بقى فى حياتك

  7. Tiger
    01/04/2011 at 10:45

    انا بحب الناس الزيك . يعني النوع الهادي الماعنوا علاقات وطلعات
    إنتي حلوة وكتييييييييييير
    وأكتر من يتمنوك

  8. HanyMoh
    24/03/2011 at 09:22

    الحمد لله إنك شخصية هادية مش زي صحباتك……

    خليكي زي ما أنت وخلاص أحسن لغاية ما تصاحبي ناس كويسن أحسن….

    والهدوء صفة جميلة جدا جدا في البنات احمدي ربنا إنها فيكي وربنا يرضيكي ويرضى عنك……

  9. safof
    08/03/2011 at 21:07

    بأيي ياحبيبتي ما تصدقي أي صديقة لتعاشريها تماما وتعرفيها كتييير منيح (اذا وقعتي بمشكلة وتركتك) تركيها مباشرة وهيك بتكوني عرفتي صديقاتك عن حقيقتهم وبالنسبة لرفقاتك هدول بقدر الأمكان خففي علاقتك معهم مشان كرامتك أنتي وأهلك

  10. IvIeSsa
    06/03/2011 at 13:37

    أنتي فعلآ محتاجة تكوني في وسط صحابك علشان ماتحسيش بالوحدة علشان ده إحساس صعب أوي بس مش عمنى كده إنك تبقي زيهم في الغلط..


    حاولي تقربي منهم تتصلي بيهم من وقت للتاني إسألي عليهم شاركيهم فرحهم ومشاكلهم إنصحيهم خدي رأيهم في حاجات تخصك ولو مش عايزة تحكي أسرار ده جميل علي فكرة مش حاجة ويحشة أبدآ بس تحاولي ترتبي يوم تكونوا فيه وقتكم يسمح تخروجوا تقعدوا في مكان تاكلوا تشربوا ماتحاوليش تروحوا أماكن مستوهاه يسمح لإنكم تتعرضوا لغلاسة كتير من الشباب ولو شايفه إن لبس أصحابك ملفت حاولي تتكلمي معاهم وتقنعيهم إن كده حرام وإن البنت إللي واثقة من نفسها مش محتاجة إنها تأكد من ده لما واحد يعاكسها..



    بس يا أستاذه وخلي بالك لازم تحاولي تكسري الوحدة دي دلوقتي لإن أنا كنت زيك وماكنش بيعجبني برضو الهزار اللي معدي الحدود وطريقة الكلام والمشي والتفكير لحد مالقيت نفسي عندي 22 وماليش أصحاب ومش بسأل على حد ولا حد بيسأل عليا ..


    حاولي تكوني في وسط صحابك تخافي عليهم ويخافوا عليكي بس ماتعمليش حاجة غلط والغلط تقولي رأيك فيه بكل صراحة والصح نميه فيكي وفي أصحابك ..


    شكرآ

  11. صاحبة المشكلة
    02/03/2011 at 18:15

    شكرا على النصائح اوى اوى و انا هعملها

  12. ايمى زملكاوية
    01/03/2011 at 09:48

    هيا اة الصداقة حلوة ومع صحابك بس دة كان زمان دلوقت فى زمنا انا اصحبك عشان عايزة منك حاجة عشان وراكى حاجة لكن اساعدك عشان اسندك واقف جنبك لا انسى حاجة زى كدة بلاش صحبى جرانك المحترمين صحبى مامتك وكمان انتى هادية يعنى هتريحيها وتريحك واوعى تضرب فى دماغك تتعرفى وتصحبى على النت ممكنن لو زهقتى تعملى كدة لا انا كنت بلعب لعبة اسمها كونكر لو تعرفيها بنت اتعرفت عليا صحبتها وصحبتها كانت كبيرة ومخطوبة حبتها اوووى ماما اتعرفت عليها وبكلمها على الفون قبل ما انام كتير وماما فى يوم قالتلى اعرفك على واحد دة من اللعبة اتعرفت تمام فى يوم لقيتوا بيقولى هاتى رقمك فونك قولتلوا لا عشان اديلو عارفة عمل اية قالى طب ثوانى اكلم فلانة الا هيا صحبتى على الفون بترن قولتلو ماشى فى يوم من الايام عدت عدت لقيت خطيب البنت بيتصل بيا على فونها بيقولى انتى لية اديتى لافولان صحبك رقم خطيبتى قوليلى ارد اقول اية رديت قولت معلش انا بتاسف قالى على العموم انا خليت 2 يراقبو الواد دة عارفة انا لية قولت كدة عشان مسببلهومش انفصال او مشاكل مسحت رقمها وكل حاجة ليها من عندى وبندم ندم عمرى على المشاكل والتعارف والصداقة معلش انا طولت بس انصحيك واحذرك انك تبعدى عن اى حاجة وحشة انتى شيفاها وحشة ولو لقيت بنت كويسة انتو الاتنين كويسين متجيش هيا تتغير فى يوم وتبقا مثلاا وحشة انتى تمشى وراها خلى بالك من نفسك

  13. فاطمه الزهراء
    27/02/2011 at 09:23

    بصى انت كلامك كله صح بس حولى تتعرفى على ناس او اصد قاء احسن منهم (( عن ابي موسى الاشعري رضي الله عنه عن النبي ( ص ) قال : انما مثل الجليس الصالح و الجليس السوء كحامل المسك و نافخ الكير ، فحامل المسك اما ان يحذيك ، و اما ان تبتاع منه ، و اما ان تجد منه ريحا طيبة ، و نافخ الكير اما ان يحرق ثيابك ، و اما ان تجد منه ريحا خبيثة ))
    رواه مسلم .

  14. سمورة
    26/02/2011 at 22:33

    من رائى بلاش تصحبيهم انتى كده احسن صحبى اختك صحبى مامتك حد تصقى فيه وخصوصا انك هادئة ده شيئ جميل حافظى عليهاوعلى فكرة فى الزمن ده مفيش صحاب حتى لو صحبتى بلاش تقولى كل حاجة لصحابك عشان ماتندميش فيما بعد ربنا يكرمك

  15. ورد المنى
    26/02/2011 at 13:27

    وكمان عايزة اقولك خليكى فى المذاكرة بتاعتك احسن حاجة هى ليكى وكمان انا هبعد الفترة اللى جاية لان المدارس بكرة وطبعا عايزين نذاكر

  16. لؤلؤة الإسلام
    26/02/2011 at 11:26

    زى ما قولتى يا قمر
    هما فعلا مش زى طبيعتك وانا رأيي برضه انك تصاحبى بنات من نفس مودك
    يعنى بنات يستجبوا بس لطاعة ربنا
    وان شاء الله ربنا هيوفقك
    وطبعا مش تقطعى علاقتك بيهم
    لا خليكى معاهم بس من بعيد بمعنى تروحوا مكان سوا او درس لكن مش تتأثرى بيهم
    وحاولى تكونى انتى مؤثرة فيهم بطباعك الجميلة دى
    ربنا يوفقك
    وعلى فكرة انك تصاحى حد اكبر منك هيبقى اك\جمل عشان يقدر يفيدك وتحسى انه قدر مسئولية الصداقة
    وبرضه تصاحبى حد اصغر منك عشان تحسى تجاهه بالمسئولية ده شئ هينمى شخصيتك جدا
    يعنى مش لازم يبقى بنات سنك
    واحنا ممكن نبقى اصحاب
    ههههههههه

    ربنا يكرمك حبيبتى لكل خير

  17. ورد المنى
    26/02/2011 at 11:07

    يا حببتى انا زيك بالظبط هو عندى اصحاب صحيح بس كل وحدة بعيدة عنى عشان كده بشفهم فى المدرسة بس وانا لما بحس بملل اقرا قران اومجلة اشغل نفسى بيها وعلى فكرة انا عندى15سنة زيك يعنى ممكن انا وانتى نبقى اصحاب بجد

  18. Dr/Amr
    26/02/2011 at 04:54

    ماتقلقيش من نقطة الاصدقاء ده لان هتغيريهم بتغيير مرحلتك الدراسية
    وهتلاقي البنات اللي على شاكلتك(اللي على طريقتك)

  19. عاشق الليل والسكون على خليفه البرادعى
    26/02/2011 at 04:52

    ألهدوء سمه جميله ولكن لابد أن تبدئى أولآ بأختيار أصدقائك وان يكونوا هادئين ومحترمين مثلك لآنك مش قادره تتعاملى مع هذه ألفئه من ألبنات الذين يضحكون ويستجيبوا للشباب ولكن هناك أيضآ فتيات محترمه ومهذبه فلا تستلمى للوحده لآنه مثل ألموت ألبطيئ وهذا ألكلام عن تجربه عشتها ؟ وألان لايفيدنى ألندم ؟ حاولى أن تجدى ألصديقه أوأثنان طبعهم مثلك فى ألهدوء وألآلتزام ؟ وأذا وجدتى أنسان مناسب يحبك ويحترمك وألآهم أن يكون يعلم أن ألحب ليس كلمه ينطقه أللسان . بل هو أحساس نابع من ألوجدان ؟ بتمسكى بيه لآن ألصادق الطاهر أصبح عمله نادره وقبل ان تتخذى أى قرار فكرى فيه مئات ألمرات ؟ فألتفكير جيدآ لم يوصلك للندم ؟ وربنا يوفئك فى أيجاد صديقات صادقه ومسقبل أفضل ؟ ولا تدعى للوحده مجالآ فى قلبك وأملئيه بألحب وألآخلاص وكونى حذره فى أختيار أصدقائك وأيضآ شريك ألحياه وربنا يوفئك لما هو خير ؟ عاشق الليل والسكون على خليفه البرادعى

  20. ايمي
    25/02/2011 at 23:41

    الصداقة مهمة فلا تتعجلي في اختيار الاصدقاء الاختيار يكون حسب تفكيرهم السليم و الصح من ناحية الادب و الاخلاق تتعلمي منهم و تعلميهم

  21. roro
    25/02/2011 at 22:59

    على فكرةاناكمان كنت هادية اوى وانا في الابتدائي واما طلعت الاعدادى حاولت اتخلص من الهدوء ده بس كانوا اصحابى يقعودوا يقولوا انى هادية لكل الناس ومعرفتش اتخلص من الهدوءووصلت لدرجة انى بكره اروح المدرسةوكنت بكره جدا ان حد يقول على انى هادية بس اتخلصت من الهدوء لما صحبت ناس مش هاديين ومحترمين بس لسه عندى شوية هدوء وانا كتومةجدا لدرجة انى فى حاجات مبعرفش اقول اسراري لاقرب اصحاب ليه معلش طولت عليكي بس الهدوء صفة مش وحشة بس كتره بيخنق وديما صحبى ناس طيبةونفسي نبقي اصحاب

  22. جنه
    25/02/2011 at 01:45

    االسلام عليكم ورحمه الله وبركاته ابعدى عنهم واختارى بنات زيك وتكونى حسه ان تفكرهم زى تفكيرك وشخصيتهم زيك ولو مالتهمش النهارده وهتلاقيهم بكره او بعده المهم انى انتى فى النهايه اخترتى صح وانصحى اصحابك دول وحاولى تخليهم زيك بس اوعى تبقى زيهم ومش مهم لو قعدى لوحدك المهم انى انتى حفظتى على نفسك علشان يوم ما تختارى تختارى صح واختار الرفيق قبل الصديق واعتبرنى اختك الكبيره او صديقتك الاكبر منك شويه وخايفه عليكى

  23. زائر
    24/02/2011 at 23:31

    الرد يا عزيزتى الهادئه الجميله أنكى تصاحبى بنات من أقرب مسجد عندكم وتبدأى تحفظى قرأن وهو ده اللى هيطلعك من الحاله دى ويخليكى مش انطوائيه ده غير البركه اللى ربنا هيديها لكى أكيد. ولا تستمعى للأغانى اللى مش كويسه علشان ما ينفعش مع القرأن.تحياتى

اترك رداً أو حلاً لهذه المشكلة