مشاكل الاصدقاء

اعز اصحابي وخايفة على سمعتي منها

عندى صاحبة كنت بحبها قوى وكل حاجة كنت باخدها معايا حتى لما بكون فى التمرين بحبها تكون معايا علشان كده اقنعتها تتمرن معايا وتروح معايا فى كل مكان لكن هى دايما كانت بتروح علشان مصلحتها مش علشانى وكانت بتتخانق معايا كتير جدا ثانيا/ انا ملتزمة جدا من ناحية اللبس والعلاقات باى ولد لكن هى بتخرج مع اولاد وبتصاحب ومش محجبة ولبسها ضيق جدا ودايما بتحسسنى انى قليلة وكتير جدا بتسخر منى والسخرية اسوا طبع فيها كمان ليها اصحاب كتير مش محترمين ولانها جميلة جدا فطبعا اى ولد يعرفها بيكون هيموت ويكلمها وهى ممكن تضحك مع الاولاد دول عادى ووالدتها عارفة ومش بتقول حاجة ولكن مشكلتى انى بتكلم عنها كتير لدرجة انى ممكن ادخل النار بسببها وعندى صاحبة تانية بحبها جدا لكن كل ما اقرر ان دى اخر مرة اكلمها تيجى وتصالحنى بذوق فارجع اكلمها وهى طيبة جدا بس تفكيرها غلط وانا مش قادرة اصلح منها وفى نفس الوقت بخاف على سمعتى منها اعمل ايه مع العلم ان هى قلبها ابيض ومش بتزعل قوى

مشاكل وحلول ذات صلة

اضيف بتاريخ: Thursday, January 27th, 2011 في 04:54

كلمات مشاكل وحلول: , , , , , , , ,

12 رد to “اعز اصحابي وخايفة على سمعتي منها”

  1. ابواميرة
    08/11/2013 at 00:36

    اتركي رفيقتك الاولى لانهاغيرمحترمةوقليلةالادب وممكن تسي لك اوتجرك للانحراف زيهاكدا وامشي مع رفيقتك الثانية وتقربي منهاعشان تحبيهاوتحبك والصديق وقت الضيق بس احسني الصحبةوالاختيار

  2. >>>>>>
    13/11/2012 at 18:35

    الله اكبر ^^

    انت سبحان الله مثلي !

    انا صديقتي كذا ! .. بس طبعا تركتها .. او بالاحرى هي تركت مجموعتنا ..

    بس قبل ماتتركنا قالت لي : بخليك تسوين مثلي .. تلبسين قصير وعباية ما تتغطين

    و تكلمين رجاجيل …

    و قلت لها : انت ما تقدرين تغيرين قلبي! قلبي معلق لله بس ! انا الي بغيرك !!

    و يا سبحان الله غيرتها ^^

    المهم جت وحدة عندي وقالت (اقول شيء بس ما تزعلين؟ ) قلت (وشو ؟!O_0″”!؟ )

    قالت (احس إنك متدينة) قلت انا (طيب وين المشكلة ؟ انا افتخر بهالشيء^^ .. ليش ازعل؟)

    قالت( من اول قلت هالكلام لاحد البنات و زعلت ) قلت انا (الحمدلله والشكر ! يحبون دين

    الله .. يفتخرون فية! )

    ________________________

    المغزى من القصة انه مهما سخروا منك انت اقلبي النتيجة ! اذا سخروا منك قولي(وين العيب

    في التعلق في حب الله ؟؟ .. اذا فية عيب هذا عيبكم انتم يالي ما تخافون الله !)

    خلي شخصيتك قوية و البنات هم الي بيجونك ! و يطلبون النصح !! اكيد افتخري بدينك !

    ….

    خايفة من سمعتك اقلبي البنت ! خليها تتعلق بالاسلام ! و في يوم القيامة تنبهرين من وين

    هالحسنات جاية! ,,

    والسلام عليكم .. اسفة طولت عليكم بس هو كلام ججدددا مفيد !

  3. nody
    19/01/2012 at 11:19

    صعب اوي تغيري من شخصيتها لان واضح زي مابتقولي ان والدتها موافقه علي تصرفاتها بس الاصعب من كل ده ان ممكن الناس تفتكرك زيها لان زي مالرسول علي افضل الصلاه والسلام قال (المرء علي دين خليله فلينظر احدكم من يخالل ) ابعدي عنها وربنا هيخليكي تصاحبي بنت تساعدك علي طاعته وتكون اختك ليكي

  4. ساره
    25/11/2011 at 20:22

    سيبك منهم وابعدي عن كل دول وحاولي تشوفي صحاب جدد وحياه نظيفه زي حياتك انا مش هقولك غيري فيهم هم ربنا يهديهم اما انتي فالخوف عليكي انتي منهم لتتطبعي بطبعهم
    واكيد البنت بتخسر من البنت اللي زيها خليكي يا اختي في صحبه جديده علي الاقل بيقولو فيها اسم ربنا وفاكرين ربنا
    سيبك منهم وصاحبي ناس يقدروكي ويفهموكي

  5. ندى مصطفى
    08/06/2011 at 22:01

    ربنا معاكى وحولى تلهى نفسك باى حاجة علشان متتعبيش

  6. ندى مصطفى
    08/06/2011 at 22:00

    السلام عليكم كلكم من راى انك تسيبى الاولى لانك لو كملتى معها والله هتخسرى كتير فى حياتك وانا حسه بيكى و عارفة انك مش هتقدرى لان المشكلة ديه مريت بيها

  7. احمد سمير
    09/02/2011 at 13:53

    اختى العزيزه اولا كويس اننا عندنا بنات ملتزمه زيك وفى حاجات عن الاصدقاء لازم تفكرى فيها الصاحب ساحب اما الى الجنه واما الى النار ثانيا اتأكدى ان المرأ على دين خليله حاولى تكسبى فيها ثواب وتعدليها لو مرضيتش ابعدى عنها وهى الايام هتعلمها وتعرفها ان الله حق
    (لا اله الا الله سيدنا محمد رسول الله)

  8. صاحبة المشكلة
    09/02/2011 at 13:44

    شكرا على نصائحكم الغالية

  9. حمزة
    02/02/2011 at 15:27

    بصى اولا حولى تبعدى عن صحبتك لانها اضيعك الصحاب اكتر شىء ممكن يضيعوا بعض لان فى كتير ضاعوا بسبب دة ممكن يكون ولد كويس ومحترم ومودب ومشى مع ولد مش كويس باظ بقا بشرب سجاير وغيرة عشان تصحبى اول حاجه تفتكرى تبقا فى صحبتك انها تكون مؤدبه ومحترمه مش لازم انها تكون يعنى غنيه او وادلها مسئول عشان تصجبيها لااهم حاجه انها تكون مؤدبه ومحترمه عشان تشدك ليها وتبقوا زى بعض الصديق السوء هو اتقرب شى ممكن ان يمحو الصديق المخلص او المحترم لازم تفتكرى فى علاقتك مع صحبتك لازم تسبيها وخدة بالك من الكلمه تسبيها مش تبعدى عنها وتفضلوا سلانمات لا تسبيها خالص تمحى اسمها ورقمها وكل حاجه عرفها عنها من الذاكرة دة ايبقا احسلك صدقينى ولكى كماا شاتى
    حمزة بشار

  10. سهم مكسور
    27/01/2011 at 16:19

    خليكى فى اللى هى ام قلب ابيض وسيبك من الللى لابسه المحزق والجميله علشان ربنا مديها الجمال ده نقمه مش نعمه

  11. لا اله الا الله
    27/01/2011 at 13:09

    المرء على دين خليله فلينظر احدكم من يخالل
    بصى يا بنتى انت تقوليلها ان تصرفاتها غلط
    وتحاولى تفهميها ان اتنو لازم تكونوا قريبين من ربنا عشان
    يوفقكم واحترسى (ادع الى سبيل ربك بالحكمة والموعظة الحسنة )
    وان لقيتى ان عندها استجابة او تاثر بكلامك حتى لو كان واحد بالمية %
    يبقى تصبرى عليها (لان يهدى الله بك رجلا واحدا خير لك من حمر النعم )
    اما بقى لو مفيش استجابة خالص يبقى لازم تقاطعيها والمقاطعة فى الوقت دة
    مش هتكون حرام لانها هتكون فى سبيل الله ولاجله
    اسفة على التطويل وفقنا الله واياكم لما فيه الخير

  12. المصرى
    27/01/2011 at 08:50

    يا ابنتى خليكى مع التانية افضل لان الصديق هو اهم شىء للانسان الصديق الحسن يجلبكى الى الصدق والامانه والاخلاص والاحترام والتدين والخ
    نصيحتى ان تبعدى عن الاولى لانها لاتستحق تقديرك واحترام ولا يشرفكى ذلك

اترك رداً أو حلاً لهذه المشكلة