مشاكل الاصدقاء

عملت نفسي ولد ومثلت الحب على صاحبتي

انا بنت عندي 16 سنه غلطت في صاحبتي غلط جامد اوي على الاقل بالنسبه ليه
في الاول انا صاحبتها وحبتها و بعدين سمعت انها بتمشي مع ولد والاولد ده بيقول انه هيعمل فيها حاجات مش كويسه فانا خفت عليها ورحت سألتها انت فعلا بتحبيه قالتلي لا مش اوي انا بتسلى بس هو حد لاقي فقولتلها طيب انا واحد صاحب قريبي عايز يكلمك ايه رايك فقالتلي ماشي نبقى نشوف …. وبعدين انا عملت نفسي ولد و كلمتها على النت و حاولت اني اخليها تسيب اللي معاها لكن بعد كده بدأت تسالني عن الولد اللي هي المفروض بتكلمه فانا بدات اغرق في القصه بتاعته والفتلها قصه و بعدين لقيتها بتقولي تعرفي انا بدات احبك انا صراحه اتصدمت لكن عجبتني حكاية انها تحبني زي ما حبتها فوسعت القصه مني وبأت اغرق في القصه دي …..لكن بعد فتره هي اكتشفتها وزعلت مني جامد و غالبا هخسرها و دلوقتي انا مكسوفه من نفسي ومش قادره اقابلها و مش عارفه اروح المدرسه حتى عشان مقبلهاش اعمل ايه بلييز ساعدوني

مشاكل وحلول ذات صلة

اضيف بتاريخ: Wednesday, March 23rd, 2011 في 15:46

كلمات مشاكل وحلول: , , ,

14 رد to “عملت نفسي ولد ومثلت الحب على صاحبتي”

  1. ابواميرة
    06/11/2013 at 22:39

    اولا انتي غلطانةاوي لمامثلت عليهاانك ولد استسمحي منهاواطلبي منهاماتزعل منك وانك تحبيهااوي وماعملتي كداالاعشان خايفه عليهاوهي لوصحيح صاحبتك وتحبك بتسامحك من قلبها وترجعوااصحاب من تاني

  2. msh lazem
    23/02/2013 at 01:47

    انا لو وحدة عملت معايا الى انتى عملتية اخد عنها فكرة انها لئيمة وكدابة وبتحب تحور واخاف منها حتى لو بررتى عشان انتى خدعتيها كنتى تقدرى تنصحيها بنفسك لو بتحبك حتسمع كلامك

  3. >>>>>>
    13/11/2012 at 18:23

    احد علامات الساعة الصغرى

    تشبة المرأة بالرجل

    و تشبة الرجل بالمرأة

  4. مسلم
    06/09/2012 at 13:15

    نصيحتى لو هى فعلا صايعه كده ما عليكى الا النصيحه والتحذير والمواجهه بالحقيقه لو ما اتظبطتش ابتعدى عنها نهائيا لانها كده ممكن تخدك فى سكتها

  5. بدون اسم
    06/02/2012 at 00:43

    مين اللى قالك ان الولد هيعمل فيها حاجات مش كويسة

  6. ساره
    25/11/2011 at 20:16

    حلوه والله الحكايه دي بس لازم تعرفي انك كده مش غطانه لدرجه انك متروحيش المدرسه
    لاء لازم تروحي وعادي وبعدين مين اللي يتكسف انتي ولا هي اكيد هي اللي لازم تتكسف من نفسها
    مش انتي
    بس لازم تعرفها انك كنتي خايفه عليها ولو متفاهمتش معاكي سبيها وهي هتعرف لوحدها
    وهتلف تلف وترجعك عشان مش هتلاقي حد يحبها ويخاف عليها قدك

  7. The Moon
    11/09/2011 at 23:28

    انتى تروحى مدرستك عادى و تقوللها انا كنت خايفة عليكى و فهميها هى بس اتصدمت انما لما تعرف انتى عاملتى كدة لية مش هتزعل منك خالص انتى خايفة عليها مش بتئويها و اللى انتى عاملتى دة لمصلحت و تقوللها ان حرام انها تتسلى بولد…….

  8. نانا
    25/08/2011 at 06:09

    السلام عليكم ………انتى حكايتك حلوة وضرورية وبتحصل كتير اولا انا لو مكانك مكنتش هزعل من نفسى لان هى غلطانة اكتر هى لو محترمة مكنتش ترد على الولد ولا تكون بتكلم اولاد انتى كده اختبرتى اخلاقها وطلعت مش كويسة هى اللى المفروض تبقى مكسوفة من نسها مش انتى انا بنصحك انك تكلميها وتقوليلها انك بتخافى عليها ومش حابة ان الاولاد تلعب بيها وحاولى تغيرى من طباعها للاحسن طبعا وتفضلوا فى مذكرتكم وتبصوا لمستقبلك وتحافظوا على سمعتكم وعلى فكرة لو هى رفضت وفضلت تكلم ولاد انتى المفروض تبعدى عنها مهما كنتى بتحبيها لان الكلام الوحش عليها هينطبق عليكى لانك صحبتها والناس لو شفتها بتعمل حاجة غلط وانتى فى نظهم هتكونى زيها لازم انتى تبعدى عن الشبهات وانتى هتكونى عملتى اللى عليكى ونصحتيهايعنى انتى عملتى اللى عليكى وربنا يهديها يارب وتبعد عن اللى فى دماغها وترجعوا صحاب زى الاول واحسن اميييييييييييين

  9. م@y
    22/07/2011 at 21:46

    ههههههههه مرة انا و صحباتى عملنا كده فى واحده صحبتنا بس عن طريق الموبايل كنا بنبعت ليهه رسايل غرامية و بنكلمهه و بنشغلهه عبد الحليم بس هيه ما كنتش بتهتم و لا حتى بترد على الرسايل . فضلنا على الحال دة حوالى تسع شهور و بعدين اما جينة اولنالها طلعت عرفه ان هو احنا لان احنا كنا بنحب قارئة الفنجان لعبد الحليم
    بس هية مازعلتش خالص بالعكس دى بتساعدنا نعمل مقالب زى دى غى بعض زمايل لينا بس مش كويسين

  10. كبرياء انثى
    11/07/2011 at 03:42

    ممكن لو اي شخص محلها زعل
    بس انتي حاولي تكتبيلها رسالة تفهميها انك كنتبي خايفة عليها
    وانشالله تتفهمك وترجعو احسن من ئبل

  11. mima
    10/05/2011 at 21:12

    هههههههههه انا عملت زيك كدا بس كان رهان ع واحدة صاحبنتا عشان هي كانت بتكلم ولاد ع النت وبتصدق حوار انهم بيحبوها وكدا من غير مايشوفوها وانا اثبتلها ان مش اي كلمة حلوة بتتقال بخدعها وخلتها حبتني بجدوبعدين قولنلها هي زعلت شوية بس بعدله عرفت اننا كنا خايفين عيلها وكدا وخلاص بقينا دلوقتي اكتر من الاخوات

    الا اقصدوا من الحكاية انك تروحي تقوليلها اسبابك وبكل صراحة وتقوليلها الكلام الا سمعتية من الولد الا كانت تعرفوا وتفهيمها الحكاية

  12. نور
    25/04/2011 at 14:40

    السلام عليكم…
    بصي انتي تروحي لصحبتك من غير كسوف وتقوليلها انك بتحبيها وكنتي خايفه عليها وعملتي كده عشانها بس الموضوع كبر منك بس انتي كان قصدك في البدايه مصلحتها وهي اكيد هتسامحك … …

  13. Tiger
    01/04/2011 at 10:43

    عادي جدا هذة المقالب .
    بس لازم تستحملي عواقب الزعل . يعني لازم تعتزي حتى تسامك وتقولي كنت بسوي فيك مقلب.
    وحاولي خلي الموضوع هزار..

  14. HanyMoh
    24/03/2011 at 08:17

    السلام عليكم ورحمة الله وبركاته……

    طبعا صاحبتك غلطانة جدا جدا جدا….

    وأنت برده غلطانة شوية…..

    مباح لكي تكدبي لو هتعرفي تبعديها عن الولد اللي هي بتتسلى معاه…….

    لكن مش بالطريقة دي…..

    لو لكي معرفة بأمها كويس ممكن تعرفيها بس بالراحة وبهدوء…..

    بس في الأول والآخر إنتي عملتي كل ده علشان بتحبي صاحبتك…..

    اعتذري لها مرة وكلميها عادي جدا،،، وشيلي الكسوف اللي عندك منها وعرفيها إن قصدك كان خير مش شر……

    وبإذن الله هتسامحك وهتسيب الولد اللي بتتسلى معاه لأنه حرااااااااااام…..

اترك رداً أو حلاً لهذه المشكلة