مشاكل الاصدقاء

صاحبتي بقت صايعة وبتكلم شباب اعمل معاها ايه

انا فتاة في الصف الاول الثانوي حياتي عادية جدا ومشاكلي عادية كمان بس من شهر قابلتني مشكلة واظن انها اكبر مشكلة في حياتي انا ليا واحدة صاحبتي قدي عارفين بعض من 7 سنين وبنعمل كل حاجة سوا وبحسها توام روحي ودايما كانت عاملة زي مامتي من اول ما اتعرفت عليها واحنا صغيرين انا كنت بعمل حاجات كتيير غلط وهي كانت  دايما توجهني للصح  لغاية  ماما  بقت واثقة فيها جدا وبقت تحبها اوي متخلنيش اصاحب غيرها من 5 شهور صاحبتي عملت اكونت علي الفيس بوك وبقت تكلم ولد بس كانت مش عارفة تعمل ايه وكانت كل ساعة تتصل بيا تقولي اعمل ايه بعد كدة كلمتوه وطلع زي العادة بيضحك عليها المهم انا  كونت مش حاكلمها تاني بعد الي حصل بس قولت خلاص عديها دي عشرة عمر واكيد حتعدل نفسها بعد كدة جه  شهر رمضان وطبعا زي ما احنا متعودين بنخلص القران كله بس لاقيتها بتكلم ولاد تاني وبنات كتتتر اوي ومش بس كدة دة كمان ادتهم رقمها بعد ما كانت مبتديش رقمها لزمايلنا في الفصل حتي المهم دخلت المدارس وهي علي الحال دة وطبعا مش بتذاكر وانا من كتر تعلقي بيها وتاثري كونت انا كمان مش بذاكر واقعد افكلر في مشاكلها واسيب المذاكرة كانها انا تفيكري بقي مشتت جدا وبقيت اتاثر بيها بشكل جنوني من كتر حبي فيها المهم هي اتغيرت اوي بقت صايعة وبتكلم شباب كتتتر اوي وبنات اخلاقها وحشة اوي وكل ما اقولها ارجعي زي ما كنتي تقول ماشي وفعلا بترجع بس لمدة يومين وتتقلب تاني للاوحش مع العلم ان اهلها مش بيشكوا خالص فيها لانها طول عمرها كويسة ودة مخليها تمشي في الغاط اكتر واكتر انا مش عارفة اعمل اية انا ماليش غيرها وكمان كل مااسيبها تجيلي البيت وتقعد تعيط وتلف انها مش حتعمل كدة تاني وارجعلها  وتقلب تاني انا تعبت اوي بقيت لا بذاكر ولا بروح دروس ولا بهتم بنفسي اكن انا اللي بيحصلي كدة انا اسفة اني طولت عليكة بس لو سمحتو لاقولي حل

مشاكل وحلول ذات صلة

اضيف بتاريخ: Sunday, January 9th, 2011 في 00:34

كلمات مشاكل وحلول: , , , , , , , , , ,

16 رد to “صاحبتي بقت صايعة وبتكلم شباب اعمل معاها ايه”

  1. حلال المشاكل
    12/12/2014 at 15:08

    انت مافي ايدك حاجةتعمليهالها سوى النصيحةوذكريها بالله عزوجل وبالحلال والحرام وان الطريق اللي مشيه فيه غلط واخرته الضياع والانحراف والوقوع في الرذيلة واذاماسمعت لكلده اهجريهاوماتكلميهاخالص عشان تحس وتعرف غلطتهاوكمان اهلهالازم يعرفوا كل اللي تعمله البنت كي ينقذوهاقبل فوات الاوان وانت اهتمي بمذاكرتك ودروسك واوعي تهملي مستقبلك عشانها حتى لوكانت اختك ماحدش يتحمل اخطاءوذنوب احد ابدا وربي يهدي صاحبتك ويصلح حالها وترجع احسن من الاول ويوفقكم جميعا ويبعدعنكم كل الفواحش والمعاصي ويجعلكن من البنات الصالحات

  2. mayada
    30/08/2013 at 15:33

    اوعى تتخلى عنها فى الظروف دى هى اكيد محتاجه لحد ينصحها و يبقى جنبها اعملى نفسك زعلانه منها و مش تكلميها يمكن تتظبط بس اهم حاجه تخليكى جنبها فى الوفت ده و اوعى تقولى لحد من اهلها عشان متفقدش الثقه فيكى لانها ممكن تزيد اكتر والله و اعلم ممكن تعمل حاجه فى نفسها وربنا يهديها ان شاء الله بس انتى لازم تخلى بالك من مذكرتك عشان مستقبلك و ان شاء الله هترجع زى الاول و احسن كمان

  3. eman
    11/02/2011 at 22:42

    انارائي انك تسيبيها فترة مع نفسها ومتكلمهاش هي هتحس بديق انها معهاش صديقة عمرها وانها لازم تبطل علشان ترجعلك تاني واشرطي عليها انها لما ترجعلك تئطع علاقتها بكل ناس وحشين عرفتهم

  4. توتا
    26/01/2011 at 22:16

    اناعندى حل ممكن يريحك انتى تروحى تقولى لاهلهاعشان يعرفواان بنتهم اللى كانت زمان راحت خلاص ويعرفوا يتصرفوا معاها عشان متضيعش سمعتها زى غيرها ربنا يسترعلى بناتنامن كل حاجة وحشة على الانترنت وممكن تنحيها الاول قبل ماتقولى لاهلهاولو ماسمعتش الكلام قولى لحد اكبردراية منكم

  5. yuyo
    26/01/2011 at 21:07

    بصى ……….. انتى صاحبتك دى عاملة زى زميلة ليا زميلتى دى من وهى ف ثانوى بتكلم ولاد وتصاحب دا وتمشي مع دا وتسيب دا المهم هى دلوقتى بقت فوق ال20 سنة وبرضه بتحب واحد وبتكلم واحد تانى لانها اتعودت على كدا…………وهى اعترفت بكدا قالت انا نمرودة بس رأيي سيبك منها عشان متبقيش زيها

  6. نهال
    26/01/2011 at 15:54

    عععجبنى قوى فى صاحبتك انها بتحاول تتغير علشان خاطرك وصدقينى دموع عنيها اللى نزلت علشانك مش سهلة عليها هى محتجالك خليكى جنبها ولكن اعرفى ان مصلحتك اهم من اى شى وساعديها فى حدود امكانية توافق ده مع المذاكرة بس نصيحة لو خايفة على سمعتك ابعدى عنها

  7. wild desire
    15/01/2011 at 00:10

    ا ده شىء طبيعى فى السن ده ولكن ده حرمان عاطفى اسرى ولا يوجد اهتمام بيها من الاسرى وعليك كصديقه ان تعرفيها ان ده هيأثر على سمعتها وممكن اهلها يعلموا بالموضوع على الاقل ستخسر ثقتهم بيها

  8. سمسمة
    12/01/2011 at 14:23

    رايي انك تديها فرصة عشان تغير من نفسها لوعملت دة كان بها معملتش يبقي تبعدي عنها رسمي لانها ممكن تجرك لمعصية وغلط كبير وساعتها الاهل هيلوموكي انت لوحدك.وبعدين انتي داخلة علي مرحلة تحديد مصيرومستقبل فدايمابصي لبعيد.انا عرفة ان ده صعب عليكي بس صدقيني هتستريحي.انتي لسه صغيرةفاكيد خبرتك قليلةلكن مع الوقت هتعرفي انك كنتي علي حق

  9. ahlam
    11/01/2011 at 20:12

    لا تتخبي عليها ولكن حاولي تنصحيها انتم في الاولة تانوي ودا شيئ عادي انها تكلم الشباب اهم شيئ انها مش لازمك ترتكب اي غلطة احدري من انها تغيرك انت كمان

  10. رضا
    11/01/2011 at 14:53

    ايه سر ارتباطك الشديد بيها ؟ هي صاحبتك وبس المفروض تنصحيها …تعملي زعلانه منها ..تقولي او تلمحي لحد من اهلها، النصيحه واجبه مره واتنين وتلاته ، واوعي بس هيا اللي تاثرعليكي، لكن فيه حاجه مهمه ويمكن اهم منها وهي مستقبلك…
    يالله قومي صلى فرضك وادعيلها وشوفي يابنتي مستقبلك ربنا يهدينا جميعا

  11. الصعيدى
    11/01/2011 at 00:27

    لاتتركى صديقتك وحاولى معها ويجب ان تلمحى بهذا الكلام لوالدتك وانت تقولين انه تحبها فهى قادرة على اقناعها اكثر منك وان لم تتراجع هدديها بانك سوف تقولين الموضوع الى اهلها وذالك سوف يساعدك فى حل المشكلة اكثر وان لم تتراجع فنصيحتى اليكى ان تتركيها الى حال سبيلها وربنا الموفق

  12. توتا
    10/01/2011 at 19:00

    خليكى وراها وانصحيها كتير لغاية لما ترجع عن اللى فى دماغها هدديها انها لو فضلت كدة انك هتبعدى عنها وهتقولى لمامتها بس اوعى تبعدى عنها اكيد هى محتجالك دة شغل مراهقة وانشا اللة ربنا يهديها

  13. IvIeSsa
    10/01/2011 at 08:54

    أولى ثانوي سن المراهقة ده أصعب سن بيمر علي البنت والولد وبيحبوا يجربوا كل حاجة ويحطوا نفسهم في كل حاجة ومش بيفكروا ده صح ولا غلط وانتي ربنا يكملك بعقلك إنها ماشدكيش في طريقها وخدي بالك المرء علي دين خليله فخليها تبقا زيك مش العكس..
    .
    .
    حاول معاها هي مش صايعة ولا حاجة وخدي بالك ححتحاسبي أنتي على كلامك ده وما من قول إلا وعليه رقيب عتيد..
    .
    .
    ماتركبيش نفسك غلط علشان ربنا حيحاسبك ولكن قوي إنها إتشدت في طريق غلط ومن حقها عليكي ووجابك غنك ماتسبهاش وتنصحيها وخليكي معاها ووراها لحد ماتلتفت لمصلحتها وأنتي كمان ركزي في نفسك ومصلحتك وإللي بياكل على درسه بينفع نفسه..
    .
    .
    محدش لو إهمل في نفسه حيجي حد تاني يشيل معاه بالعكس ركزي في مصلحتك وخليكي معاها ماتيأسيشوأدعيلها بالهدايا ربنا يهديها وماتهمليش في نفسك وانتي إللي حتخسري في الأخر وخليها تذاكر معاكي أخروجوا شويه مع بعض ترفيه روحوا دروسكم سوا ببكده مش حتخليها تحس بملل أو فراغ يشدها لططريق الغلط..
    .
    .
    .
    ولو ليكي كلام مع مامتها أوي قوليلها بصفة ودية علشان هي بتحب بنتها وأنتي صاحبتها واختها للي بتخافي عليكي هاتيهلها بطريقة كويسة وقوليلها مثلآ تخلي بالها علي فولانه بنتها من النت شويه علشان مثلآ بتتعرض لناس مش كويسة وبيقولوا كلام مش كويس وانتي خايفة عليها ..
    .
    .
    يعني كنوع من الرقابه عليها وانتي كده ماعملتيش حاجه ويحشه بالعكس علشانتبقا مامتها متابعاها وياعالم يمكن تنمعي شر هي حتتحط فيه وتكوني انتي السبب للخير ده وربنا مسبب الاسباب..
    .
    .
    وشكرا

  14. محمد شهريار
    09/01/2011 at 20:45

    لا تياسى معها وحاولى معها
    وذكريها بالله وان ربنا شايفنا
    وان البنت المحترمه لازم تصون نفسها
    وربنا يهديكم

  15. هوان الحب
    09/01/2011 at 20:05

    احنا قدوتنا رسول الله عليه الصلاة والسلام كلامه قال ان المرء على دين خليله فلينظر احدكم من يخالل وانا خايفة عليك انك تتاثرى بصداقتها وخصوصا ان مافيش حاجة بتستخبى للابد وممكن تتعرف سلوكياتها الخطأ وتبقى انت صاحبتها يعنى انت تستمرى فى النصح ولكن حاولى يكون لك علاقات مع بنات تانى مؤدبةزيك وتبعدى واحدة واحدة اذا استمرت على اللى هى فيه 0ومذاكرتك هى مستنقبلك ما ينفعش نهمل مستقبلنا لاى سبب وبدل ما تخسر واحدة تبقى خسارة عليكم انتم الاتنين زى ما فيه وفاء لزميلتك لازم يبقى فيه وفاء لاهلك اللى مستنيين نجاحكم وخاصة انك مقبلة العام القادم باذن الله على الثانوية العامه يعنى عايزة تركيز0 ولو مامتك صاحبتك ممكن تحكيلهاتنبه اهلها فيه حاجات تكون فى البداية ممكن تتلحق احسن ما نعرف متأخر ولا نعرف نتصرف 0

  16. رافت
    09/01/2011 at 14:10

    المرء مرآة أخيرة استمري في نصحها وردي اليها الجميل كما كانت تنصحك من قبل , ولابد ان تعرفي ان هذه المرحلة مرحلة النضج والبلوغ مع التحرر الموجود في الانترنت جعل انه لا يوجد هناك قيود علي التحرك واكتشاف النفس والتعرف علي الاخر , وما اسهلها من طريقة للتعارف , وان الانسان لا يمكن ان يكون ابدا نصوحا , فتأتي علية اوقات يحتاج هو فية الي النصيحة , استمري في نصحها وعليكن بالصلاة وذكريها دائما بالعواقب الوخيمة التي يمكن ان تحدث لها نتيجة الاستمرار في هذه العلاقات المشبوهة والتي يمكن ان تضيع مستقبلها تماما ولا تجد احد يقبل علي الزواج منها خاصة وانتن لازلتن في سن المراهقة .

اترك رداً أو حلاً لهذه المشكلة