البنات المراهقات

فقدة ثقة بابا فيا بسبب شاب على النت

انا بنت عندى 15 سنة ونص بجد انا مش عارفة اعمل اية فى مشكلتى دى انا كنت من يجى اسبوعين كدة اتعرفت على واحد من على النت انا بجد حبيتة او ممكن حسيت انى بحبة وارتحتلة وهو كمان ارتحلى وبعدين كلمتة على الموبايل والله وانا عمرى مفكرت اعمل كدة ابدا لان دى مش اخلاقى مش عارفة اية اللى خلانى اعمل كدة وكان بابا بيثق فية جدا وماما واخويا بس هما عرفوا وفقدوا الثقة فيا تانى بس انا نفسى ارجع الثقة دى تانى ليا بس والله انا كان نيتى انى ارتبط بية مش تسلية والله ياريت تردو عليا بليز

مشاكل وحلول ذات صلة

اضيف بتاريخ: Friday, May 6th, 2011 في 14:31

كلمات مشاكل وحلول: , , , ,

27 رد to “فقدة ثقة بابا فيا بسبب شاب على النت”

  1. فلاوله
    13/05/2020 at 21:54

    اقولك على حاجه انا عمرى قد عمرك وحصل نفس الموقف بالظبط انا لما قرات حسيت انى انا اللى كتبته ونسيت بس انا بقا بابا اخد الفون ومش عايز يشيلنى فون تانى غير الكلام اللى بيوجع واللى انا كنت مرتبطه بيه وصل لصحابى وسالهم عليا وصحابى قالولى بس قعدت مع نفسى دقيقه وقلت تكوين اى وزفت اى طب الفون اللى ماسكه فى حدود ٣ الاف جنيه او اكتر يعنى يقدر لو بيحبنى فعلا يجب انشالله دبله واحده وانا والله لا عايزه دبله ولا غيره انا عايزاه هو بس ع الاقل تبقى واجهه قدام اهلى وكدا كدا الخطوبه على العروسة هو لو بيحبنى كان جالى انا مش بحبه بس انا بموت فيه والمشكله انى هشوفه تانى هو اكبر منى بسنه يعنى فى ٣ ثانوى وبشوفه انا قررت انى ارجع ثقتهم فيا وادعولى ربنا يقف جمب اى حد مكسور بحق الايام دى

  2. MONSH
    08/02/2013 at 07:07

    والله يا حبيبتي انا حسة بيكي لاني حصلي زيك بالظبت وكانت نيتي سليمة بردة بس تقولي ايه بقى ربنا يسامح الي كان السبب

  3. asmaa
    10/10/2012 at 15:29

    اهتمي بدراستك وحاولي انكماترفضيلهم طلب وحسسيهم ان دة كان فترة مراهقة فقط

  4. ةثةخ
    16/08/2012 at 02:40

    ممكن سوال واللى بتحب حد وعمل علشانه حاجات كتيرة بس دايما خايفه من بكرة اعمل ايه بليز حل ومتفيش يا حبيبى بكرة هينسوة بس فهميهم شعورك مش اكتر

  5. ايوتة العراقية
    27/06/2012 at 15:41

    ع آدي مفيش خاجه ما تنسي
    بكرا تكبري وتنسي وينسوا وتجوزي
    اهتنمي هلا بدراست كو امور اخرى

  6. نسيت انساك
    28/11/2011 at 00:55

    بصى يا حبيبتى انا فى سنك بالظبط وفى بنات كتير بتحب وبتتحب يعنى زيك كداونصيحة منى ابعدى عن النت شوية عشان ثقة اهلك ترجع ليكى تانى وهما لو اتلاقوكى بقيتى كويسة وبتسمعى كلامهم هيرجعو الثقة تانى وكمان انا من رايى ان لسا شوية على حكاية الارتباط فى السن دالسا لما هتدخلى جامعة هتتعرفى على ناس كتير وتلاقى اللى يستاهلك ويحبك ووالله والله الولد دا لو بيحبك هيستناكى لحد لما تخلصى دراستك وييجى يتقدملك وعلى فكرة هو بجد لو كان بيحبك وبيخاف عليكى مكنش طلب منك رقم موبايلك وتكلميه من ورا اهلك يعنى لما اهلك عرفو هو مخسرش حاجة وانتى خسرتى الثقة فانتى اهم حاجة تتقربى من ربنا ولما تكونى زهقانة ادعى ربنا انو يخلصك من الزهق دا وتركزى فى مذاكرتك وبس ولو عملتى الحاجات دى تاكدى ان ثقة اهلك هترجعلك وربنا يحفظك يا اختى

  7. ام امينه
    15/10/2011 at 16:50

    مفيهاش حاجه اذا كنتي تحبي انا تجوزت زي الطريق ديه بس مو من االنت من التلفون جا ابويا وقال تكلمي مين قلت صديقتي قال ابغا اسمع قلت تفضل حسبت ان حبيبي بيقفل الخط ولاكن ماقفل ابوي كلم وقال لي روحي الغرفه وبعدين حبيبي طلب من ابوي موعد من غبر مااعرف وجا ابوي بعد اسبوع قال لي اليوم جاي واحد يبي يخطبك جهزي نفسك جيت احط العصير اتفجعت بصراحه ابوي جلس يحط علي مويا عشان اصحا الله يرحمك يا احلا بابا الله زمان اول تحول يابنتي متصدقيش شباب اليوم الي عاوزك يجي من الباب بعض شباب اليوم والله زباله انتبهو يبنات

  8. هدوش
    23/09/2011 at 16:03

    مافي حب عن طريق النت كلو كدب نصيحتي ركزي بدراستك واكسبي اهلك وشرفك وانتي لسا صغيره حاولي تبتعدي عن الاشياء هدي وبترجع ثقت اهلك بيكي

  9. ريمااس
    04/08/2011 at 18:50

    بصي حبيبتي حاااولي تكسبيهم عشاان هما خايفين عليكي وبيحبوكي ركزي في مزكرتك وحبك لاهلك

  10. sara
    15/07/2011 at 19:01

    بصى ممكن يكون انتى غرضك شريف لكن هو لا وهو لو اهله عرفو حاجة مش هيخسر كتير لكن انتى اللى هتخسرى لان البنت بتتحاسب على كل حاجة

  11. FiGo شبح السلام
    09/07/2011 at 11:12

    ارتباط من السن دا ومن على النت كمان اكبر غلط لان معظم الشباب على النت دخلين لاغراض غير الارتباط والحب .روحى صلحى اسرتك واشرحلهم وجهة نظريك بصراحه وهما ان شاء الله هيسمحوكى وينصحوكى وياريت بلاش تكررى الموضوع دا تانى

  12. roro
    04/07/2011 at 18:37

    وانت يا اختي العزيزه حاولي ترجعي ثقت اهلك وخلين يختبروكي واهم اشي هي ثقة الاهل

  13. roro
    04/07/2011 at 18:35

    يا اخ نور الدين اكيد في حب قبل الزواج اذا انت مالك مجرب فهيدي مشكلتك

  14. ملكة زمانى
    22/06/2011 at 11:48

    اولا انتى شكلك بنوتة محترمة وثانيا الثقة دى ترجعيها بانك ترجعى لربنا وتكثرى من ذكره عشان ربنا يوفقك ويساعدك فى انك ترجعى الثقة دى وتثبتى ذاتك وحاولى تبقى على صلة وثيقة مع اخوكى واوعديه انك مش هتكرريها تانى

  15. مرمر
    13/06/2011 at 22:50

    ربنا معاكى يا حبيبتى وعادى انتى خليكى فى دراستك ومش تزعلى نفسك وحاولى تعتذرى تانى لممتك وتفهميها انك غلطانه وانك ندمانه ولبباكى واخواتك واوعديهم انك عمرك ما هتعملى كده تانى وانك كنتى صغيره ومش فاهمه واكيد هيقدرو ده وربنا معاكى يا جميل

  16. ندمااانه
    25/05/2011 at 22:53

    انا زيك بس موعالموبايل صديقتي عم تمزح معي عالنت بالمسن وقالت انا احمد وبعدين ابوي سال وقال مين هالولد قلت لا هاذي صديقتي بس حس انه فقد ثقتي فيني وبس بيعصب علي وبعد صارت مشكله اخرى مع بنت بسبب االايمل ..
    ويارب ترجع الثقه بيني وبين ابي
    والله يوفقك يارب..

  17. ربنا يهدى
    12/05/2011 at 01:22

    ارجع تانى واقوللك مافيش حاجة اسمها واثقة بكره لما تختلطى بالناس وتتعرفى على حد كويس حتنسى ده نهائى انا لما كنت فى سنك كنت بفكر بنفس الطريقة وكنت ببقى متاكده ان ده حب
    لكن يا حبيبتى لما تدخلى الجامعة وتبقى فى كامل نضوجك حتضحكى على اللى انت بتقوليه
    انا مش بتفه كلامك لكن انت مخلصة وطلعى اخلاصك فى شىء مفيد وكل ما حتشغلى وقت فراغك حتنسى الموضوع نهائى
    (نصيحة لا تثقى فى احد ثقة تجعلك لاتستطيعين التفكير من خلالها) وخديها فى حياتك عموما

  18. صاحبة المشكلة
    10/05/2011 at 16:37

    ازيكم يا جماعة مرسى جدااااا على نصيحتكم الغالية دى والله بجد استفدت جدا بس والله انا بجد واثقة من حبة لية وهو كان عايز يتقدملى بس انا قلتلة ان انا لسة صغيرة على الارتباط دلوقتى بس ماما واخويا صلحونى وبابا يعنى شوية كدة وشوية كدة بس ماما بتقولى ان هو انشاء الله هيصلحنى لان هو قلبوا ابيض جدا
    وانا والله يا جماعة نيتى كانت خير جداااا

  19. ندمانة جدااااااااا
    09/05/2011 at 18:37

    هههههههههههههههههه انا قدك بالظبط نصيحة منى ليكى عشان انتى اختى بلاش الحب قبل الجواز انا عارفة انه صعب حاولى تشغلى نفسك بدراستك

  20. نور الدين
    09/05/2011 at 00:23

    مفيش حاجه اسمها حب قبل الزواج ده وهم وضحك

  21. ربنا يهدى
    07/05/2011 at 03:00

    بصى يا حبيبة قليى انا حاسه بيكى وبمشاعرك لاننا كلنا بنات مرينا بالمرحلة دى ومش حقولك كلام كبير وتقطيم
    لكن اللى عملتيه كان غلط وكل غلط لابد ليه من نتائج مترتبة عليه والنتيجة فقدان ثقتهم فيك
    نصيحة من اختك اكبر منك فكرى فى المرحلة اللى انتى فيها ماتخليش مرحلة تطغى على مرحلة يعنى انتى بتدرسى طلعى كل طاقتك فى الدراسة وبس اشغلى وقتك باهتمامات انشطة العبى رياضة احضرى دروس دينية فى الاجازة روحى دار احفظى قران اتعرفى على صحبة صالحة تعينك على الطاعة وتشغلك عن المعصية واعلمى اختى الحبيبة ان الشباب ليس لهم الا طريق واحد للتعرف عليك
    هو الوقت الذى تصبحين فيه ناضجة ومستعدة للارتباط عن طريق باب البيت يعنى عن طريق اهلك فقط وكل ما تمرين به من مشاعر فى الوقت الحالى ليست الا مشاعر نبيلة هادئة تحتاج لمن يوجهها هى مشاعر مراهقة حاولى ان تحتفظى بما بداخلك لمن يقدرها ولا تتركيها ترتمى تحت قدم اى شاب
    حاولى ان تمرى من مرحلة المراهقة صفحة بيضاء لاتشوبها شائبة
    فانك سوف تحاسبين عليه
    ثانيا بالنسبة لموضوع التعارف على النت والارتباط والنماذج التى نراها هى كذبه كبيرة النت للتسلية بالنسبة للشباب ما تقابلية على النت باسم الحب هم ذئاب لايريد الشاب من البنت الا غرض واحد فقط …
    والحب والنقاء لايكونان الا فى النور وما فعلتيه كان خطئا فى حق نفسك ووالدك لا تكرريه ثانية وعاهدى نفسك امام الله انك لن تحادثى شبابا اخرين عهدا صادقا ولا تخلى بنفسك مع شاب حتى ولو عن طريق النت قال تعالى ” ولا تقربوا الزنا” ولم يقل ولا تزنوا ومقدمات الزنا كلمة مكالمة ثم لقاء والله اعلم
    انت درة وجوهرة مصونة حافظى على نفسك ولا تجعلى من نفسك وانت تكبرين فتاة رخيصة وصدقينى حينما تكونين فى عهدك صادقة مع الله ستجدين اهلك يثقون فيك بدون شك
    لكن العهد الصادق وعدم التكرار تحملى شكهم فيك حتى تثبتى لنفسك ولهم انك فتاة صالحة وان ما حدث لحظة شيطان فقط
    واسفة للتطويل ولكن هذا لخوفى عليك ورجاء ان تردى وتطمئنينى عليك ….

  22. زائر
    06/05/2011 at 21:56

    يا بنتى العزيزه الحب مطلوب صحيح لكن لازم يكون فى النور ولازم يكون فى الوقت المناسب للبنت أو الولد الوقت المناسب للبنت لما تخلص دراسه وبعدين يشوفها شاب محترم ويتقدم لأهلها ويخطبها لكن اللى انتى عملتيه عيب وطبعا الأفلام والمسلسلات هى السبب لان بتعرض الكلام الفاضى والبنات والولاد طبعا عايزين يقلدوه انتى لازم ما تعمليش كده تانى وتكونى مؤدبه علشان بباكى ومامتك وأخوكى يرجعوا يثقوا فيكى تانى . حافظى على الصلاه واوعدى بباكى انك مش هتعملى كده تانى لانك ما كنتيش تعرفى ان كده غلط وهو هيسامحك.

  23. رجل قانون
    06/05/2011 at 19:19

    انتى عندك 15 سنة ونص يعنى صغيرة واللى عايز يرتبط بيكى هيجيلك البيت مش هيجيلك ع الشات او الموبايل
    انا نفسى البنات كلها تفهم ان لو البنت عندها عادى ترتبط وتتجوز من ع الشات فمفيش ولد ولا راجل مهما كان هيوافق بده الا نادرا ومش مضمون اى ولد بيدخل الشات يتعرف ويضحك وخلاص مبيفكرش يرتبط وحتى لو فكر فى ده بيقول لنفسه هون انا عبيط دى تلاقيها عرفت 50 واحد قبل منى

    دلوقتى الحل انك تحاولى تثبتلهم انك اتغيرتى وان دى كانت غلطه ومش هتتكرر تانى وانا صغيرة وغلط وياريت تسامحونى وانتى لو فعلا كويسه اكيد هيسامحوكى بس اهم حاجه تنمسى الارتباط من ع النت خالص وتفكرى فى مستقبلك انتى لسه صغيرة والعمر لسه قدامك

  24. احمد ايطاليا
    06/05/2011 at 18:11

    اولا ربنا يقويكي
    ثانيا علشان الثقة ترجع لازم تبعدي عن النت ولازم تتكلمي مع اخوكي لوحدك وتعرفية انك موش صغيرة وان دي اول واخر مرة تعملي فيها كدة ووحدة وحدة هترجع المياة لمجريها وانصحك انتبهي لدراستك ولسة امامك بدري علي الحب والارتباط والزواج انتبهي لدرستك وربنا يوفقك

  25. حازم الاهلاوى
    06/05/2011 at 16:41

    اختى
    انتى قابلتيه ؟
    طب واثقه فيه؟
    طب متاكده انه بيحبك بنسبه كام في الميا؟
    طب مش ممكن يكون بيكلم 10غيرك ؟
    انتى مقولتيش هو كام سنه ؟ عشان نحكم ازاى كان حيقدر يتقدملك ولا لاء
    شوفي
    انا مش حقولك ان مفيش حب من ع النت بس ممكن يكون بردوا مش بيحبك
    قوليله احنا هنمنع العلاقه بينا الغايه ما اكبر 2 سنه تانى واكون كبرت شويه وانت تكون كونت نفسك وتقدر تتقدملى وشوفي رده حيكون ايه لو بيحبك يبقي هيوافق ع العرض مش بيحبك يبقي مش هيوافق وانتى في الاخر الكسبانه وتعرفي انك خسرتى حد مش يستاهلك ” وربنا يوفقك ويكرمك

  26. بطه
    06/05/2011 at 15:42

    بصى يا انستى اولا اللى انتى عملتيه غلط ثانيا ليه متقوليش لمامتك انك عرفتى انك غلطانه ومش هتعملى كده تانىواحكيلها انك زعلانه انهم فقدوا الثقه فيكى وقوليلهم كمان انك مش هتعملى كده تانى واتاسفيلها وكده يعنى بس المهم انك تكونى اخدتى عهد مع نفسك انك مش هتعرفى شباب تانى عشان انتى لسه صغيره واى حد ممكن انو يضحك عليكى فهمتى وربنا يصلح حالك انتى والمؤمنات جميعا

  27. بيبسى
    06/05/2011 at 14:59

    انا من رايى انك تحاولى تقربى من باباكى ومامتك واخوكى تانى وتحاولى باى طريقة تقنعيهم انك عارفة انك غلطتة وتعرفيهم كمان انك ندمانة عالغلط ده وضع طبيعى انه مش هيبينولك انهم بداو يثقوا فيكى تانى عشان يحسسوكى بالذنب بس انتى لازم توصليلهم انك فعلا ندمانة هتتعبى شوية لحد مترجعى الثقة تانى بس فى الاخر هتكسبى ثقتهم فيكى تانى ان شاء الله وربنا يوفقك

اترك رداً أو حلاً لهذه المشكلة